🟨 ԱՄՆ պետքարտուղար Էնթոնի Բլինքենը հանդիպել է Պաղեստինի նախագահ Մահմուդ Աբասի հետ։

🟨 ԱՊՀ երկրների ղեկավարները Բիշքեկում համաձայնագիր են ստորագրել ռուսերենի զարգացման միջազգային կազմակերպության հիմնադրման մասին:

🟨 Մենք երեկ Իլհամ Ալիևի հետ մանրամասն խոսել ենք մեր ծրագրերի՝ երկաթուղային ցանցի, ավտոմոբիլային ճանապարհների զարգացման մասին։ Այդ ամենը ոչ միայն տարածաշրջանային, այլև միջազգային լուրջ նշանակություն ունի՝ բառի ամենաուղիղ իմաստով:

Վլադիմիր Պուտին

🟨 Ընտրությունը միշտ մնում է համապատասխան երկրին։ Մենք պատրաստ ենք անհրաժեշտ պայմաններ ստեղծել այս աշխատանքի համար։

▫️Այս ամբողջ ընթացքում քրտնաջան աշխատանք է տարվել Ռուսաստան- Ադրբեջան-Հայաստան եռակողմ ձևաչափում՝ ուղղված Բաքվի և Երևանի հարաբերությունների կարգավորմանը:

Վլադիմիր Պուտին

🟨 Այսօր 100.000 դրամները ստացան 29.078 ԼՂ-ից բռնի տեղահանվածներ, որոնցից 14.593-ը երեխաներ:

▫️Խոստացված 100.000 դրամները այսօրվա դրությամբ վճարված է ԼՂ-ից բռնի տեղահանված շուրջ 80.000 շահառուների:

Նիկոլ Փաշինյան

🟨 Ադրբեջանական ԶԼՄ-ները հայտնում են, որ Արայիկ Հարությունյանը, Բակո Սահակյանը, Արկադի Ղուկասյանը, Լևոն Մնացականյանը, Դավիթ Մանուկյանը հնարավորություն են ստացել կարճ հեռախոսազրույց ունենալու իրենց հարազատների հետ:

🟨 Բաքվում շինծու «դատավարությունը» ցույց է տալիս ԼՂ-ի 68-ամյա խաղաղ բնակչի նկատմամբ բոլոր նորմերի լիակատար անտեսումը, որը ԿԽՄԿ-ի պաշտպանության ներքո պետք է տեղափոխվեր Հայաստան` սրտի վիրահատության, սակայն առևանգվեց ապօրինի անցակետում:

ԱԳՆ մամուլի խոսնակ

ՄԱՆՐԱՄԱՍՆԵՐ

🟨 Պուտինը հանդիպման բաց մասում Ալիևի հետ չի քննարկել Ռուբեն Վարդանյանի ճակատագիրը:

Դմիտրի Պեսկով

🟨 Ոչ մի երկիր չի կարող համեմատվել Հայաստանի տնտեսության աճի տեմպերի հետ, սա ԱՊՀ-ին ինտեգրվելու արդյունքն է:

Դմիտրի Պեսկով

🟨 Ռուսաստանի ԱԳ փոխնախարար Միխայիլ Գալուզինը և Մոսկվայում Իրանի դեսպան Քազեմ Ջալալին քննարկել են Հարավային Կովկասում «3+3» ձևաչափով կանոնավոր աշխատանքի անհրաժեշտությունը։

ՌԴ ԱԳՆ

🟨 Ամերիկացիները բոլոր կողմերին կոչ են անում զսպվածություն ցուցաբերել, բայց միևնույն ժամանակ թույլ են տալիս Իսրայելին՝ շարունակելու իր ագրեսիան։

Իրանի ԱԳՆ Աբդոլլահիան

ՄԱՆՐԱՄԱՍՆԵՐ

🟨 Զրույցի հատված կար, որտեղ Ալիևն ու Պուտինը միայն երկուսով են զրուցել` բավականին երկար: Ես չգիտեմ, թե ինչ են խոսել։

Դմիտրի Պեսկով

🟨 Հոկտեմբերի 13-ին Լեւոն Տեր-Պետրոսյանն ընդունել է ՀՀ-ում ՌԴ դեսպան Սերգեյ Կոպիրկինին` 1.5 ժամանոց զրույցում անդրադառնալով տարածաշրջանային և արցախցիների հումանիտար կարիքների բավարարման հարցերին։

🟨 Մենք պատրաստակամ ենք կազմակերպել ԱԳ նախարարների բանակցությունների մի քանի օրվա մարաթոն։

▫️Բաքուն շատ կառուցողական դիրքորոշում ունի այս հարցում, Երևանը դեռ ամբողջությամբ չի կողմնորոշվել, սպասում ենք արձագանքի:

Դմիտրի Պեսկով

🟨 Հայաստանը դուրս չի գալիս ԱՊՀ-ից: Մենք հեռախոսազրույց ենք ունեցել Նիկոլ Փաշինյանի հետ և քննարկել առաջիկա գագաթնաժողովը:

Վլադիմիր Պուտին

🟨 Ղարաբաղը վերջնականապես Ադրբեջանի մաս դարձավ նախորդ տարի Հայաստանի կողմից ճանաչվելուց հետո։

▫️ Նախկինում Բաքուն և Երևանը բազմիցս մոտ են եղել համաձայնության, այդ թվում՝ հանրաքվեի գաղափարին, բայց միշտ խնդիրը եղել է կարգավիճակը:

▫️Այժմ որևէ խոչընդոտ չկա Բաքվի և Երևանի միջև խաղաղության պայմանագրի կնքման համար։

Վլադիմիր Պուտին

🟨 Ինֆորմացիան սխալ է։ 2025թ. ԱՊՀ խաղերն ընդունելու է Ադրբեջանը: Գյումրին հայտարարված է 2024թ. ԱՊՀ սպորտային մայրաքաղաք, որտեղ կկայանա ԱՊՀ երկրների ֆիզիկական կուլտուրայի և սպորտի խորհրդի ֆորումը։

ԿԳՄՍ փոխնախարար Կարեն Գիլոյան /©️ Արմենպրես

🟨 Կան տեխնիկական բնույթի հարցեր՝ սահմանազատման և սահմանագծման թեմայով, բայց դրանք տեխնիկական հարցեր են․ 100 մետր այս ու այն կողմ, մի կիլոմետր այս ու այն կողմ, արդեն կարևոր չի, եթե երկու կողմից բարի կամքի դրսևորում լինի։

Վլադիմիր Պուտին

ՄԱՆՐԱՄԱՍՆԵՐ

🟨 Մենք մշտական կապի մեջ ենք։ Բոլոր ծառայությունները աշխատում են։ Նորմալ իրավիճակ կլինի, ես կգնամ իրենց մոտ [Հայաստան], ինքը [Փաշինյանը] կգա։

Վլադիմիր Պուտին

🟨 Արայիկ Հարությունյանին, Բակո Սահակյանին, Արկադի Ղուկասյանին, Լևոն Մնացականյանին և Դավիթ Մանուկյանին դեռ չենք տեսակցել։

ԿԽՄԿ հայաստանյան գրասենյակ /© Radar Armenia

🟨 24 ժամվա ընթացքում Շուշիի շրջանում փակվել է մեկ դիտակետ։

▫️ Ասկերանի, Շուշիի, Մարտունու և Մարտակերտի շրջաններում փակվել են խաղաղապահների 8 դիտակետ և 15 ժամանակավոր դիտակետ։

ՌԴ ՊՆ