🟨 ՌԴ քաղաքացիները, որոնք լքել են երկիրը և աջակցել Կիևին, պետք է գիտակցեն, որ երբ վերադառնան Ռուսաստան, Մագադանն իրենց համար «ապահովված» է։

ՌԴ Պետդումայի խոսնակ Վյաչեսլավ Վոլոդին

🟨 Պաղեստինում զոհերի թիվը հասել է 849-ի, ավելի քան 4200 մարդ վիրավորվել է, հայտնել է Պաղեստինի առողջապահության նախարարությունը։

🟨 ՀՀ ՊՆ զինծառայող Նարեկ Նազարյանը մահացել է ինքնաձիգից կրակոց արձակելու և գլխի շրջանում ստացած վիրավորման հետևանքով։ Ձերբակալվել է համածառայակիցը։

ՄԱՆՐԱՄԱՍՆԵՐ

🟨 Հայաստանը պատրաստ է հանդիպում անցկացնել «3+3» ձևաչափով։ Ժամանակին ձեռք է բերվել պայմանավորվածություն, որ «3+3» ձևաչափով հաջորդ հանդիպումը տեղի կունենա Թեհրանում։

Նիկոլ Փաշինյան

🟨 Նրանք Լեռնային Ղարաբաղում ՌԴ զորախումբն են, եթե նրանք ԼՂ-ից դուրս են գալիս, ուրեմն պետք է գնան Ռուսաստան։

Նիկոլ Փաշինյան

🟨 Օրվա ընթացքում դիտակետերի օպտիմալացման պատճառով Մարտակերտի շրջանում փակվել է մեկ հենակետ։

▫️Ռուս խաղաղապահների մասնակցությամբ շարունակվում են աշխատանքները ԼՂ բնակեցված շրջաններ էլեկտրաէներգիայի և գազամատակարարման վերականգնման ուղղությամբ։

ՌԴ ՊՆ

🟨 Թեհրանը պատրաստ է շտապ բժշկական ու հումանիտար օգնություն ուղարկել Գազայի հատված։

Իրանի ԱԳՆ

🟨 Գնդակոծության հետևանքով Աշքելոնում հրդեհ է բռնկվել։

🟨 Երևանի ավագանու ընտրություններում հաղթեց ժողովրդավարությունը, հաղթեց ընտրողը, հաղթեց հեղափոխությունը։ Բոլորս հասկանում ենք այս ընտրությունների քաղաքական նշանակությունը և կարևորությունը։

Նիկոլ Փաշինյան

🟨 Գրանադան մեզ տվեց 2 շատ կարևոր հայտարարություն՝ քառակողմ հայտարարությունը և մեր երկկողմ հայտարարությունը Ուրսուլա Ֆոն դեր Լայենի հետ։ Ըստ էության արձանագրվեց, որ ԵՄ-ի՝ ՀՀ-ի հետ հարաբերությունների խորացման առումով կա կոնսենսուս։

Նիկոլ Փաշինյան

🟨 Գրանադայում դատապարտվեց ԼՂ նկատմամբ Ադրբեջանի կողմից ուժի գործադրումը, ԼՂ ժողովրդի բռնի տեղահանումը, արձանագրվեց ԵՄ և ԱՄՆ-ի պատրաստակամությունը ՀՀ-ին աջակցելու առումով։ Արձանագրվեց, որ ԵՄ-ն պատրաստ է ՀՀ հետ հարաբերությունները խորացնել այնքան, ինչքան ՀՀ-ն կցանկանա։

Նիկոլ Փաշինյան

🟨 Ադրբեջանի ստորագրության բացակայությունը թերություն է։ Եթե այն լիներ, հիմա վստահաբար կասեի, որ մինչև տարեվերջ խաղաղություն ստորագրելու հավանականությունը 70 տոկոսից բարձր է։

Նիկոլ Փաշինյան

🟨 Իսկ ինչո՞ւ Ադրբեջանը չեկավ և չստորագրեց։ Ադրբեջանի հրապարակային բացատրությունն այն է, որ Ֆրանսիայի դիրքորոշման հետ խնդիր ունեն։

▫️Երկրորդ մեկնաբանությունը, որն առաջիկայում ստուգելու հնարավորություն կլինի այն է, որ Ադրբեջանը փորձում է այնպես անել, որ խաղաղությունը տեղի չունենա։ Մի շարք թեմաներ կան, որ կարող են օգտագործել հետագա սրացումների և էսկալացիայի համար։

Նիկոլ Փաշինյան

🟨 Ադրբեջանը բարձրացնում է 8 գյուղերի հարց։ Մենք էլ ասում ենք, որ 8 գյուղերի խնդիր ունենք, քանի որ նույն Տավուշի մարզում ունենք Ադրբեջանի կողմից օկուպացված տարածքներ՝ Բերքաբեր, Այգեհովիտ, Վազաշեն, Պառավաքար և այլ տարածքներ։

▫️Առաջարկել ենք՝ ո՞րն է սահմանազատման քարտեզը, որ այդ գծից զորքերը հայելային հետ քաշենք։

Նիկոլ Փաշինյան

🟨 Փորձը ցույց է տալիս, որ լուծման ռելսերի վրա չդրված ցանկացած հարց դառնալու է ռազմական էսկալացիայի առիթ։

Նիկոլ Փաշինյան

🟨 Անկլավների թեմային անդրադառնալն անխուսափելի է մի պարզ պատճառով: 29.800 կմ² մեջ մտնում է նաև Արծվաշենը: Հայաստանի ոչ մի իշխանություն և ներկայացուցիչ իրավունք չունի խաչ քաշել այդ ՀՀ ինքնիշխան տարածքի վրա։

Նիկոլ Փաշինյան

🟨 Թուրքիայի նախագահը խոսում է Հայաստանի խոստման մասին։ Արձանագրենք, որ ՀՀ-ն որևէ մեկին որևէ խոստում չի տվել այն տերմինաբանության շրջանակներում, որն օգտագործվում է Թուրքիայի և Ադրբեջանի կողմից։

▫️ Դա ընկալվում է ՀՀ նկատմամբ որպես տարածքային որոշակի պահանջ և որպես արտատարածքային միջանցքի պահանջ։ Մենք ասում ենք, որ եռակողմ հայտարարության մեջ նման բան գրված չէ։

Նիկոլ Փաշինյան

🟨 ՀՀ-ն պատրաստ է և շահագրգռված է բացել տարածքաշրջանային կոմունիկացիաները։ Այսինքն՝ մենք պատրաստ ենք բացել ճանապարհներն Ադրբեջանի և Թուրքիայի համար։ Դա պետք է տեղի ունենա ՀՀ ինքնիշխանության, իրավազորության հիման վրա՝ հավասարության և փոխադարձության սկզբունքով։

▫️Սա նշանակում է, որ որևէ երրորդ ուժ ՀՀ որևէ տարածքի նկատմամբ վերահսկողություն չպետք է ունենա։

Նիկոլ Փաշինյան

🟨 Երկաթուղու դեպքում Մեղրիով անցնելու հարցն անառարկելի է, որովհետև այլ տեղ չունենք երկաթուղի։ Սա նշանակում է ՀՀ շրջափակման վերացում։

▫️Ունենք Իջևան-Հրազդան- Ղազախ, սակայն Հաղարծին գյուղի տարածքում ավելի քան 20 տարի շատ մեծ սողանք կա, որը վերացնելու համար 500 մլն դոլար և ավելի գումար է հարկավոր։

Նիկոլ Փաշինյան

🟨 Եթե ​​խաղաղապահները հեռանան, ապա մեզ համար սկզբունքային նշանակություն չունի՝ նրանք մեկնում են Հայաստանով, թե Ադրբեջանով, ՀՀ տարածքում նրանց մնալու իրավական ոչ մի հիմք և հիմնավորում չկա և չի կարող լինել։

Նիկոլ Փաշինյան

🟨 ՌԴ սահմանապահ զորքերի և 102-րդ ռազմաբազայի մնալու հիմքերը շատ պարզ են, դրանք շարունակում են գոյություն ունենալ, և ՀՀ-ն և ՌԴ-ն նման հարց չեն բարձրացնում։ Ոչ բոլոր խնդիրներն են միմյանց հետ փոխկապակցված։

Նիկոլ Փաշինյան