🟨 Փաշինյանը, Շոլցը, Միշելը և Մակրոնը Գրանադայում ընդունել են հայտարարություն, ըստ որի՝ հավատարիմ են մնում ՀՀ և Ադրբեջանի միջև հարաբերությունների կարգավորմանն ուղղված բոլոր ջանքերին՝ հիմնված ՀՀ (29․800 քառ. կմ) և Ադրբեջանի (86․600 քառ. կմ) ինքնիշխանության, սահմանների անձեռնմխելիության և տարածքային ամբողջականության փոխադարձ ճանաչման վրա։

Եվրոպայի խորհուրդ և Եվրոպական միություն

🟨 Ընդգծվել է սահմանների սահմանազատման ուղղությամբ աշխատելու հրատապ անհրաժեշտությունը՝ հիմնվելով կողմերին տրամադրված՝ ԽՍՀՄ Գլխավոր շտաբի ամենավերջին քարտեզների վրա, որոնք պետք է հիմք հանդիսանան խաղաղության պայմանագիրը վերջնական տեսքի բերելու և հումանիտար խնդիրների լուծման համար։

ՄԱՆՐԱՄԱՍՆԵՐ

🟨 Եվրոպական խորհրդի ղեկավար Շառլ Միշելը Նիկոլ Փաշինյանին և Իլհամ Ալիևին հոկտեմբերի վերջին հրավիրել է Բրյուսել հանդիպման։

TACC

🟨 Ավարտվել է Ասկերանի, Մարտակերտի և Շուշիի շրջանների նախկին շփման գծի երկայնքով ժամանակավոր դիտակետերի ապամոնտաժումը։

ՌԴ ՊՆ

🟨 Նիկոլ Փաշինյանը Գրանադայում հանդիպումներ է ունեցել Հունաստանի, Սլովենիայի, Լյուքսեմբուրգի, Իռլանդիայի և Նորվեգիայի վարչապետների հետ։

▫️Հունաստանի վարչապետը պատրաստակամություն է հայտնել հումանիտար աջակցություն ցուցաբերել ԼՂ հայությանը։

ՄԱՆՐԱՄԱՍՆԵՐ

🟨 Եվրոպական հանձնաժողովը կավելացնի տեխնիկական աջակցությունը Հայաստանին, մասնավորապես օդային անվտանգության և միջուկային անվտանգության ոլորտներում:

▫️Հանձնաժողովը մոբիլիզացնում է ֆինանսավորում՝ իր տարեկան ծրագրից 15 միլիոն եվրո Հայաստանին հատկացնելու համար՝ որպես բյուջետային աջակցություն։

ՄԱՆՐԱՄԱՍՆԵՐ

🟨 🟧 Չեմ կարող համաձայնել, որ վարչապետ Փաշինյանին դրսից ինչ-որ մեկը բերել է իշխանության՝ Ղարաբաղը հանձնելու համար։ Սա հայ ժողովրդի ընտրությունն էր։

▫️Այն, որ նա ձգտել է հանձնել Ղարաբաղը, համաձայն չեմ։ Երբ նա եկավ իշխանության, ասաց, որ Ղարաբաղը Հայաստանի մաս է։ Նախկինում ոչ ոք սա չէր ասել: Ճիշտ է, հետո նրա դիրքորոշումն արմատապես փոխվեց, բայց, իմ կարծիքով՝ նա անկեղծորեն ձգտում էր պահել իրավիճակը։

▫️Ճիշտ էին որոշումները, թե սխալ, ես չեմ դատողը, բայց ասել, որ նա միտումնավոր հանձնեց Ղարաբաղը, անարդար է։

Վլադիմիր Պուտին

🟨 Գրանադայում Արարատ Միրզոյանը և Ժոզեպ Բորելը քննարկել են ԼՂ 100 հազար բնակչության բռնի տեղահանման հետևանքով ստեղծված իրավիճակը։

ՄԱՆՐԱՄԱՍՆԵՐ

🟨 Ադրբեջանի դեմ պատժամիջոցների ժամանակը չէ, անհրաժեշտ է բանակցել այդ երկրի հետ՝ Հայաստանին հնարավորինս լավ պաշտպանելու համար։

▫️Ֆրանսիան խնդիրներ չունի Ադրբեջանի հետ, բայց Ադրբեջանը կարծես թե խնդիրներ ունի միջազգային իրավունքի հետ։

Էմանուել Մակրոն

🟨 Տեղումներ չեն սպասվում, օդի ջերմաստիճանը կբարձրանա:

Եղանակը Երևանում հոկտեմբերի 6-ին՝

🌖 Ցերեկ +19 +21
🌗 Երեկո +13 +15
🌘 Գիշեր +6 +8

🇦🇲ՄԱՆՐԱՄԱՍՆԵՐ 🇷🇺RUS 🇺🇸ENG

🟨 Վարչապետ Նիկոլ Փաշինյանը դստեր՝ Մարիամ Փաշինյանի հետ, Գրանադայում՝ Կառլոս 5-րդ պալատում, մասնակցել է պաշտոնական ընթրիքին:

🟨 Ճապոնիայի կառավարությունը որոշել է 2 միլիոն ԱՄՆ դոլարի չափով շտապ դրամաշնորհային օգնություն տրամադրել ԼՂ-ից տեղահանված անձանց համար։

ՄԱՆՐԱՄԱՍՆԵՐ

🟨 Այսօր Հայաստանի դեսպանատան նոր շենքը պաշտոնապես հանձնվեց ՀՀ կառավարությանը։

ՄԹ-ում ՀՀ դեսպան Վարուժան Ներսեսյան

🟨 Հունգարիան պատրաստ է միջնորդական դեր խաղալ՝ նպաստելու Ադրբեջանում պահվող հայ ռազմագերիների՝ հայրենիք անվտանգ վերադարձին։

ՀՀ-ում Հունգարիայի դեսպան/ ©️ Արմենպրես

ՄԱՆՐԱՄԱՍՆԵՐ

🟨 Հայաստանը քայլեր է ձեռնարկում երկրի պաշտպանունակությունը բարձրացնելու ուղղությամբ զարգացնելով գործընկերների՝ այդ թվում Ֆրանսիայի հետ հարաբերությունները և նոր կապեր ստեղծելով:

Վահագն Խաչատուրյան

ՄԱՆՐԱՄԱՍՆԵՐ

🟨 Ադրբեջանը տարածք չի օկուպացրել, և պնդումը, թե այն տարածքները, որտեղ ադրբեջանական ուժերը գտնվում են սահմանի չսահմանազատված հատվածում, պատկանում են Հայաստանին, անտրամաբանական է:

▫️ Զավեշտալի է, որ Ֆրանսիան մեղադրում է Ադրբեջանին 150 քկմ հայկական տարածքների օկուպացման մեջ:

Ադրբեջանի ԱԳՆ-ն՝ Մակրոնին

🟧 Մենք հասկացանք, որ մենք կարիք ունենք նոր ռազմական գործընկերոջ, և Ֆրանսիան այստեղ մեծ պատրաստակամություն հայտնեց։

▫️Այդ համաձայնությունները ինչ-որ առաձին զինատեսակների մասին կան, մնացածի մասին դեռևս բանակցությունները գնում են, և սրանք ուղղված չեն որևէ երրորդ երկրի դեմ։

Վահագն Խաչատուրյան/ ©️ France 2

🟨 Ըստ ադրբեջանական ԶԼՄ-ների՝ Ադրբեջանի ՄԻՊ-ը այցելել է կալանավայր և տեսակցել Ռուբեն Վարդանյանին: Նրան հնարավորություն է տրվել հեռախոսազրույց ունենալ ընտանիքի անդամների հետ:

ՄԱՆՐԱՄԱՍՆԵՐ

🟨 Ադրբեջանական ԶԼՄ-ները հայտնում են, որ Լաչինի միջանցքում ձերբակալված Վագիֆ Խաչատրյանի դատավարությունը տեղի կունենա հոկտեմբերի 13-ին։

ՄԱՆՐԱՄԱՍՆԵՐ

🟧 Մենք հավատում ենք քաղաքական երկխոսությանը, և այդ պատճառով ես Նիկոլ Փաշինյանին և Իլհամ Ալիևին, մինչև հոկտեմբերի վերջ կհրավիրեմ Բրյուսել՝ հանդիպման։

UPD: Նրանք արդեն համաձայնել են հանդիպմանը:

Շառլ Միշել

ՄԱՆՐԱՄԱՍՆԵՐ

🟨 ԼՂ-ից ՀՀ բռնի տեղահանվածների շուրջ 75 տոկոսը մարզերում է. ընդհանուր առմամբ՝ 75.472 անձ.

▫️Սյունիք - 5.444
▫️Վայոց ձոր - 2.134
▫️Գեղարքունիք - 5.125
▫️Արարատ - 18.212
▫️Կոտայք - 21.593
▫️Արագածոտն - 3.967
▫️Արմավիր - 8.044
▫️Լոռի - 4.107
▫️Շիրակ - 3.707
▫️Տավուշ - 3.139

ՄԱՆՐԱՄԱՍՆԵՐ