🟨 Ցավում եմ, որ Ադրբեջանը Գրանադայում չէ, նաև Թուրքիան, որպես հիմնական երկիր, որը աջակցում է Արդբեջանին, նույնպես այստեղ չէ։ Որովհետև չենք կարող խոսել ավելի լուրջ հարցից, քան այն, որ 100 հազար մարդ ստիպված է եղել լքել սեփական տունը։

▫️ Հուսով եմ` Բրյուսելում հանդիպումը կկայանա։

Ժոզեպ Բորել

🟨 Երկու օր առաջ հեռախոսազրույց ունեցա Ադրբեջանի նախագահի հետ և հստակ շեշտեցի, որ նրանք չեն կարող ունենալ որևէ տարածքային պահանջ Հայաստանի նկատմամբ։

▫️ Պետք է հստակորեն ասվի, որ գոյություն ունի տարածքային ամբողջականության փոխադարձ ճանաչում։

Շառլ Միշել

ՄԱՆՐԱՄԱՍՆԵՐ

🟨 Ադրբեջանը պատրաստ է մոտ ապագայում Բրյուսելում եռակողմ հանդիպումների՝ Եվրամիության, Ադրբեջանի և Հայաստանի ձևաչափով։

▫️Ադրբեջանական կողմը աջակցում է ուղիղ, երկկողմանի երկխոսությանը, բանակցություններին Ադրբեջանի ու Հայաստանի միջև հարաբերությունների կարգավորման գործընթացի և խաղաղության պայմանագրի շուրջ։

Հիքմեթ Հաջիև

🟨 Հոկտեմբերի 5-ին Մարդու իրավունքների եվրոպական դատարանը (ՄԻԵԴ) հրապարակել է մեկ վճիռ և երեք որոշում հօգուտ ՀՀ:

Միջազգային իրավական հարցերով ՀՀ ներկայացուցիչ

ՄԱՆՐԱՄԱՍՆԵՐ

🟨 ԵՄ տնտեսական և ներդրումային ծրագրով արդեն իսկ տրամադրում է ավելի քան 413 միլիոն եվրո, որը ներառում է լայնածավալ աջակցություն ՀՀ Սյունիքի մարզին՝ սոցիալական պաշտպանության և կայուն էներգետիկ լուծումների ոլորտում:

Ուրսուլա ֆոն դեր Լեյեն

ՄԱՆՐԱՄԱՍՆԵՐ

🟨 Գրանադայում կարճ զրույց են ունեցել Նիկոլ Փաշինյանը և Վլադիմիր Զելենսկին։

🟨 ԼՂ-ից բռնի տեղահանված 6592 երեխա արդեն իսկ հաճախում է դպրոց։

▫️ ԼՂ-ից Հայաստան բռնի տարհանված 100.632 քաղաքացիներից հաշվառվել է 98.216-ը։

ՄԱՆՐԱՄԱՍՆԵՐ

🟨 Հայաստանը մեր աջակցության և օգնության կարիքն ունի՝ հաղթահարելու ներկայիս հումանիտար ճգնաժամը, որն առաջացել է ԼՂ-ը լքող 1000-ավոր մարդկանց պատճառով։

▫️ Այսօր Գրանադայում Նիկոլ Փաշինյանին հրավիրեցի ելույթ ունենալ Եվրախորհրդարանի լիագումար նիստում։

Եվրախորհրդարանի նախագահ Ռոբերտա Մեցոլա

🟨 Իսպանական Գրանադա քաղաքում մասնակցում եմ Եվրոպական քաղաքական համայնքի երրորդ գագաթնաժողովին, որի շրջանակում կարճատև զրույցներ ունեցա միջազգային գործընկերների հետ:

Նիկոլ Փաշինյան

🟧 Հոկտեմբերի 5-ին՝ ժամը 13:50-ի սահմաններում, Ադրբեջանի ԶՈՒ-ն կրակ է բացել Նորաբակի հատվածում (Գեղարքունիքի մարզ) տեղակայված հայկական դիրքերի անձնակազմի համար սնունդ մատակարարող մեքենայի ուղղությամբ:

▫️ Տուժածներ չկան:

ՀՀ ՊՆ

🟨 Նիկոլ Փաշինյանի հետ մեր առաջին հանդիպմանը քննարկել ենք Հվ. Կովկասում անվտանգության իրավիճակը։ Ուկրաինան շահագրգռված է տարածաշրջանի կայունությամբ և երկրների հետ բարեկամական հարաբերություններով։

▫️Քննարկեցինք նաև մեր երկկողմ համագործակցությունը և միջտարածաշրջանային տնտեսական նախագծերը։

Վլադիմիր Զելենսկի

🟨 ՀՀ-ն խոր մտահոգությամբ և հիասթափությամբ է ընդունել տեղեկատվությունն Ադրբեջանում ՄԱԿ մշտական համակարգողի գլխավորած պատվիրակության՝ ԼՂ այցի և դրա «արդյունքներով» տրված հաղորդագրության մասին:

▫️ՀՀ-ն ակնկալում է ՄԱԿ-ի հստակ արձագանքը ԼՂ-ում էթնիկ զտման, ԼՂ ժողովրդի հիմնարար, մարդու իրավունքների և միջազգային հումանիտար իրավունքի կոպտագույն խախտումներին:

ՀՀ ԱԳՆ

ՄԱՆՐԱՄԱՍՆԵՐ

🟨 🟧 Աջափնյակի Սիլիկյան թաղամասի 9-րդ փողոցի ապօրինի շինությունը քանդելու ժամանակ
քաղաքացիները բռնություն են կիրառել քաղաքապետարանի աշխատակցի նկատմամբ, ինչպես նաև վնասել են քաղաքապետարանի գույքը:

🟨 Երևանի քաղաքապետարանի գույքը վնասելու համար 2 անձ է ձերբակալվել:

ՆԳՆ/©Radar Armenia

ՄԱՆՐԱՄԱՍՆԵՐ

🟨 Հոկտեմբերի 9-ից Արշակունյաց պողոտա - Գարեգին Նժդեհ փողոց խաչմերուկում երթևեկության կազմակերպման փոփոխություն կկատարվի:

🟨 Մենք ճանաչում ենք, որ դա Հայաստանի ինքնիշխան տարածքն է։ Այլ հարց է, թե նրանք ինչպես են երաշխավորելու տեղաշարժի անվտանգությունը ամեն ուղևորի համար, ով գնացքով կգնա Ադրբեջանի արևելյան շրջաններից Նախիջևան։

▫️ Եթե Հայաստանը ձգձգի պրոցեսը, ունենք «պլան Բ»` Իրանի տարածքով։

Ադրբեջանի նախագահի հատուկ ներկայացուցիչ Էլչին Ամիրբեկով

🟨 Գրանադայում քառակողմ հանդիպում՝ Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի եւ Եվրոպական խորհրդի նախագահ Շառլ Միշելի հետ:

Նիկոլ Փաշինյան

🟨 Մեզ մոտ ժողովրդական ասացվածք կա. «Ում կովը բառաչի, քոնը պետք է լռի»:

Վլադիմիր Պուտինը` Շառլ Միշելի հայտարարության մասին, թե ՌԴ-ն դավաճանել է հայ ժողովրդին

🟨 ԽՍՀՄ փլուզումից հետո հակամարտություն եղավ, էթնիկ բախումներ եղան, ինչը բերեց նրան, որ փաստացի Հայաստանը, ոչ թե ԼՂ-ն, իր վերահսկողության տակ վերցրեց ԼՂ-ն և 7 շրջանները. Ադրբեջանի տարածքի 20 տոկոսը։

▫️ Վերջին 15 տարում մեր հայ գործընկերներին առաջարկում էինք գնալ փոխզիջման։ Վերադարձնել 5 շրջան, պահել 2-ը և կապը ԼՂ-ի ու ՀՀ-ի միջև։ Բայց մեր ղարաբաղյան ընկերները ասում էին, որ դա անվտանգության ռիսկեր կստեղծի։ Բայց ասում էինք, չէ որ Արդբեջանը զարգանում է, քանի հնարավորություն կա, փոխզիջում գտնենք։

Վլադիմիր Պուտին

🟨 Մենք մեր կողմից ՄԱԿ ԱԽ-ի շրջանակներում որոշումներ կկայացնեինք, կերաշխավորեինք Լաչինի միջանցքի անվտանգությունը, կապահովեինք այդ տարածքում ապրող հայերի անվտանգությունը։ Բայց իրենք ասացին` ոչ, մենք դրան գնալ չենք կարող, կպայքարենք։

Վլադիմիր Պուտին

🟨 2020թ. ռազմական գործողությունների օրերին կրկին առաջարկ եմ արել մեր գործընկերներին։ Երևի նախագահ Ալիևը չի նեղանա ինձանից, բայց մի ինչ-որ պահի համաձայնություն կայացավ, որ Ադրբեջանի ԶՈւ-ն կկանգնի։ Մտածեցի, թե հարցը լուծված է։ Զանգահարեցի Երևան, լսեցի` ոչ, թող նաև դուրս գան ԼՂ-ի հատվածից։ Ասացի, բայց ինչ պիտի անեք, պատասխանեցին, որ կպայքարեն։

Վլադիմիր Պուտին