🟨 Գերմանիայի կանցլեր Օլաֆ Շոլցը հեռախոսազրույց է ունեցել Ադրբեջանի նախագահ Իլհամ Ալիևի հետ։ 

▫️Մտքեր են փոխանակվել տարածաշրջանային խնդիրների շուրջ։

ՄԱՆՐԱՄԱՍՆԵՐ

🟨ՊՊԳՎ նախկին պետ Վարդան Մինասյանը հանցավոր ճանապարհով ստացված առանձնապես խոշոր չափերով եկամուտների ծագումը թաքցնելու նպատակով օրինականացրել է 1 մլրդ 418 մլն 60 հազար 977 դրամ:

▫️ Հարուցվել է հանրային քրեական հետապնդում:

ՄԱՆՐԱՄԱՍՆԵՐ

🟧 Ադրբեջանի դատախազությունը պաշտոնապես հաստատել է, որ ԼՂ նախկին նախագահ Արայիկ Հարությունյանը ձերբակալվել է հոկտեմբերի 3-ին Ստեփանակերտում:

▫️Նրան առաջադրվել են մի շարք ծանր մեղադրանքներ:

ՄԱՆՐԱՄԱՍՆԵՐ

🟨 Իրանի նախագահ Էբրահին Ռաիսին ընդունել է Արմեն Գրիգորյանին և Ադրբեջանի նախագահի հատուկ ներկայացուցիչ Խալաֆ Խալաֆովին և հայտարարել, որ կարևոր է տարածաշրջանի սահմանների և աշխարհաքաղաքականության պահպանումը։

ՄԱՆՐԱՄԱՍՆԵՐ

🟨 ԵՄ առաքելության դիտորդները պարբերաբար զրուցում են տեղի բնակչության հետ, օրինակ՝ Նավուր գյուղի հովվի, որպեսզի զեկուցեն Բրյուսել, թե ինչպես է հակամարտությունն ազդում նրանց առօրյա կյանքի վրա։

ՀՀ-ում ԵՄ դիտորդական առաքելություն

🟨 Մենք ի գիտություն ենք ընդունում, որ նախագահ Ալիևը չի մասնակցի Գրանադայում առաջարկվող հանդիպմանը։

▫️Մենք մշտապես հստակ ասել ենք, որ  Հայաստանի և Ադրբեջանի միջև երկխոսությունը էական նշանակություն ունի այս երկարատև հակամարտությունը կարգավորելու համար։

ԱՄՆ Պետդեպի փոխխոսնակ Վեդանտ Պատել

🟩 ՀՀ կառավարության պահուստային ֆոնդից 8 մլրդ դրամ կհատկացվի ԼՂ-ից բռնի տեղահանվածներին 100 հազար դրամ միանվագ դրամական աջակցություն ցուցաբերելու համար։

ՄԱՆՐԱՄԱՍՆԵՐ

🟨 Բենզինի գնի բարձրացումը պայմանավորված է և´ ներմուծման գնի բարձրացմամբ, և´ դոլարի փոխարժեքի որոշակի աճով։ Գնագոյացման պայմանները.

▫️ միջազգային շուկաներում տեղի ունեցող բենզինի գների փոփոխություններ,
▫️ արտարժույթի տատանումներ,
▫️ տեղափոխման ծախս։

Մրցակցության պաշտպանության հանձնաժողով

ՄԱՆՐԱՄԱՍՆԵՐ

🟨 ԱՄՆ պետքարտուղարի՝ Եվրոպայի և Եվրասիայի հարցերով օգնականի պաշտոնակատար Յուրի Քիմը չի շարունակի պաշտոնավարումը ժամանակավոր պաշտոնակատարի կարգավիճակում։ ԱՄՆ Սենատը հաստատել է Բայդենի առաջադրած Ջեյմս Օ'Բրայընի թեկնածությունն այդ պաշտոնում։

ՄԱՆՐԱՄԱՍՆԵՐ

🟨 Հոկտեմբերի 10-ին տեղի է ունենալու Եվրոպայի խորհրդի Նախարարների կոմիտեի և Խորհրդարանական վեհաժողովի համատեղ նիստը՝ նվիրված Լեռնային Ղարաբաղի շուրջ վերջին զարգացումներին։

ՄԱՆՐԱՄԱՍՆԵՐ

🟨 Ադրբեջանական «Թուրան» գործակալությունը, մեկնաբանելով Արայիկ Հարությունյանին առաջադրված մեղադրանքները` մոտ 10 տարբեր հոդվածներով, հայտնել է, որ նրան կարող է սպառնալ ցմահ ազատազրկում։

🟨 Ադրբեջանական «APA» գործակալությունը հայտնում է, որ դատարանի որոշմամբ ԼՂ նախկին նախագահներ Բակո Սահակյանի, Արկադի Ղուկասյանի և ԼՂ ԱԺ նախագահ Դավիթ Իշխանյանի նկատմամբ խափանման միջոց է ընտրվել կալանքը 4 ամիս ժամկետով:

🟨 Երևանի քաղաքապետի համապատասխան որոշումներով Աջափնյակ վարչական շրջանի, Սիլիկյան թաղամասի 9-րդ փողոցի և գերեզմանին հարակից տարածքում քանդվում են առանց հողօգտագործման իրավունքի և առանց համապատասխան թույլտվությունների թվով 21 շինություն:

▫️ Նշված բոլոր շինություններն ապօրինի են և կառուցվել են վերջին ամսիների ընթացքում համայնքային սեփականություն հանդիսացող հողամասի վրա:

Քաղաքապետի մամուլի խոսնակ Հայկ Կոստանյան

🟨 Սրտանց շնորհավորում եմ ուսուցիչներին ուսուցչի օրվա առթիվ՝ երախտագիտություն հայտնելով մեծարժեք աշխատանքի և առաքելության համար:

▫️Այսօր, առավել քան երբևէ, մենք գիտելիքի և իմաստության կարիք ունենք, այսօր, առավել քան երբևէ, մենք ձե՛ր կարիքն ունենք:

Տիգրան Ավինյան

ՄԱՆՐԱՄԱՍՆԵՐ

🟨 Ռուս խաղաղապահների պահվածքը մեզ համար ընդհանրապես հասկանալի չէր թե' մարտական գործողությունների ժամանակ, թե' հիմա: Այն, որ չեն միջամտել որևէ հարցի, նշանակում է` ինչ-որ պայմանավորվածություն եղել է։

ԱԺ «Հայաստան» խմբակցության պատգամավոր Արթուր Խաչատրյան

ՄԱՆՐԱՄԱՍՆԵՐ

🟨 Մենք հասել ենք 200-ամյա հակամարտության վերջնական ավարտին։ Ադրբեջանը խաղաղություն է ուզում։ Ցավում ենք, որ խաղաղ բնակչության մեծ մասը որոշեց հեռանալ։

Հիքմեթ Հաջիև

ՄԱՆՐԱՄԱՍՆԵՐ

🟨 Այսօր հանդիպելու եմ Հայաստանի վարչապետին։ Մենք աջակցում ենք Հայաստանին, աջակցում երկրի հումանիտար կարիքների լուծմանը, որի համար արդեն ուղղել ենք 5,2 մլն եվրո։

▫️Նիկոլ Փաշինյանին կհայտնեմ, որ մենք կրկնապատկելու ենք այն՝ հասցնելով 10,4 մլն եվրոյի։ Մենք նաև ուղղակի բյուջետային օգնություն կտրամադրենք՝ 15 մլն եվրոյի չափով։

Եվրահանձնաժողովի նախագահ Ուրսուլա Ֆոն դեր Լեյեն

ՄԱՆՐԱՄԱՍՆԵՐ

🟧 Եվրախորհրդարանը բանաձև է ընդունել (խորհրդատվական բնույթի, այլ ոչ թե իրավականորեն պարտադիր), որով կոչ է անում ԵՄ պատժամիջոցներ սահմանել Ադրբեջանի նկատմամբ՝ կապված Լեռնային Ղարաբաղի դեմ նրա գործողությունների հետ։

🟨 Ցավում եմ, որ Ադրբեջանը Գրանադայում չէ, նաև Թուրքիան, որպես հիմնական երկիր, որը աջակցում է Արդբեջանին, նույնպես այստեղ չէ։ Որովհետև չենք կարող խոսել ավելի լուրջ հարցից, քան այն, որ 100 հազար մարդ ստիպված է եղել լքել սեփական տունը։

▫️ Հուսով եմ` Բրյուսելում հանդիպումը կկայանա։

Ժոզեպ Բորել

🟨 Երկու օր առաջ հեռախոսազրույց ունեցա Ադրբեջանի նախագահի հետ և հստակ շեշտեցի, որ նրանք չեն կարող ունենալ որևէ տարածքային պահանջ Հայաստանի նկատմամբ։

▫️ Պետք է հստակորեն ասվի, որ գոյություն ունի տարածքային ամբողջականության փոխադարձ ճանաչում։

Շառլ Միշել

ՄԱՆՐԱՄԱՍՆԵՐ

🟨 Ադրբեջանը պատրաստ է մոտ ապագայում Բրյուսելում եռակողմ հանդիպումների՝ Եվրամիության, Ադրբեջանի և Հայաստանի ձևաչափով։

▫️Ադրբեջանական կողմը աջակցում է ուղիղ, երկկողմանի երկխոսությանը, բանակցություններին Ադրբեջանի ու Հայաստանի միջև հարաբերությունների կարգավորման գործընթացի և խաղաղության պայմանագրի շուրջ։

Հիքմեթ Հաջիև