🟨 Մենք գիտենք, որ հայերը և միջազգային ԶԼՄ-ները պնդում են, թե մենք պատրաստվում ենք ձերբակալել բոլոր զինվորականներին։

Եթե նրանք հանձնեն զենքը, ապա ազատ կլինեն, և հնարավորություն կունենան մեկնել Հայաստան։

Հիքմեթ Հաջիև

🟨 Ֆրանսիան ուսումնասիրում է Հայաստանի կարիքները պաշտպանության ոլորտում:

▫️Նախագահը (Էմանուել Մակրոնը) անձամբ է հետևում տեղի ունեցողին, քանի որ այդ հարցը չափազանց կարևոր է Ֆրանսիայի համար։

Ֆրանսիայի պաշտպանության նախարար

ՄԱՆՐԱՄԱՍՆԵՐ

🟨 Ադրբեջանական ԶԼՄ-ները հայտնում են Լեռնային Ղարաբաղ ՄԱԿ-ի առաքելության այցի մասին:

🟨 Այսօր Արցախի համար համազգային աղոթքի օր է հայտարարված: Հայասատանում և սփյուռքի բոլոր եկեղեցիներում հատուկ արարողություն և աղոթք կհնչի:

Այս առիթով դուրս է բերվում Աստվածամուխ Սուրբ Գեղարդը:

🟧 Բաքուն ավելի քան 300 հայի նկատմամբ միջազգային հետախուզում է հայտարարել:

▫️Հետախուզվողների թվում են Արայիկ Հարությունյանը և Ջալալ Հարությունյանը:

🟨 Ես արդեն Երևանում եմ՝ բոլոր արցախցիների պես՝ հայրենազուրկ ու սրտաբեկ, բայց չկոտրված:

Արցախի նախկին պետնախարար Արտակ Բեգլարյան

🟨 Այս պահի դրությամբ ԼՂ-ից բռնի տեղահանված 100․483 անձ արդեն Հայաստանում է։

▫️Հակարիի կամուրջը հատել է 21․079 տրանսպորտային միջոց։
▫️Հաշվառում է անցել 84․408 անձ։

🟨 Պետության կողմից տրամադրված կացարաններից օգտվել է 45.516 արցախցի:

🟨 Յուրաքանչյուր արցախցու կտրամադրվի 100.000 դրամ աջակցություն՝ անկախ տարիքից։

Արդեն երեքշաբթի օրվանից կարող են մարդիկ դիմել:

Տիգրան Խաչատրյան

🟨 Հռոմի Պապ Ֆրանցիսկոսը, Սուրբ Պետրոսի հրապարակում աղոթքից հետո մտահոգություն է հայտնել Լեռնային Ղարաբաղում տեղահանվածների վերաբերյալ:

▫️Ես հետևում եմ Լեռնային Ղարաբաղում տեղահանվածների դրամատիկ իրավիճակին:

🟨 Արցախից Հայաստան ևս 7 անձ է ժամանել:

▫️Վերջին տվյալների համաձայն ԼՂ-ից բռնի տեղահանված 100․490 անձ արդեն Հայաստանում է։

▫️Հակարիի կամուրջը հատել է 21․103 տրանսպորտային միջոց։

▫️Հաշվառում է անցել 84․956 անձ։

🟨 Արցախում գտնվող որոնողափրկարարական խմբի հետ ոչինչ չի պատահել: Տղերքը լավ են, ուղղակի բջջային և ինտերնետ կապի բացակայության պատճառով կապ հաստատել չի հաջողվում։

Արցախի ԱԻՊԾ մամուլի քարտուղար

🟨 ՄԱԿ-ի առաքելության անդամներն ադրբեջանական կողմի ուղեկցությամբ եղել են Լաչինի անցակետում:

🟨 Անկարայում ՆԳՆ շենքի մոտ ահաբեկչության փորձ է տեղի ունեցել:

▫️Ահաբեկիչը պայթեցրել է իրեն, վիրավորվել է 2 ոստիկան:

🟨 Հայաստանի ԱԽ քարտուղար Արմեն Գրիգորյանը ժամանել է Թեհրան՝ հանդիպելու իր իրանցի գործընկերոջը և բարձրաստիճան այլ պաշտոնյաների հետ:

🟨 Տարածաշրջանում աշխարհագրության ցանկացած փոփոխություն սպառնում է Հարավային Կովկասի անվտանգությանն ու կայունությանը՝ խորացնելով ճգնաժամը։

▫️Իրանը պատրաստ է անհրաժեշտ հարթակ տրամադրել բանակցությունների համար և հանդիպում անցկացնել տարածաշրջանի երկրների միջև։

Իրանի ԱԽ քարտուղար Ալի-Աքբար Ահմադիան

ՄԱՆՐԱՄԱՍՆԵՐ

🟨 Արցախից վերջին ավտոբուսը հասավ Գորիս 15 ուղևորներով: Նվիրյալ մարդկանց մի փոքրիկ թիմ գնացել է հասցե առ հասցե, դուռ առ դուռ՝ անօգնական մարդկանց տարհանելու համար:

▫️Եթե Արցախում մնացած մարդկանց մասին ունեք տեղեկություն, դիմեք ԿԽՄԿ կամ տրամադրեք տեղեկությունները մեզ՝ ԿԽՄԿ փոխանցելու համար:

Արցախի ՄԻՊ

🟨 Իրանի Կարմիր մահիկի ընկերությունը 50 տոննա մարդասիրական օգնություն կուղարկի Հայաստան՝ ԼՂ-ն լքած հայ բնակիչների համար.

▫️Օգնությունը կներառի հիգիենայի պարագաներ, սնունդ, վերմակներ, հագուստ և ջեռուցման սարքավորումներ։

🟨 Արցախից Հայաստան ևս 24 անձ է ժամանել:

▫️Վերջին տվյալներով՝ ԼՂ-ից բռնի տեղահանված 100․514 անձ արդեն Հայաստանում է։

▫️Հակարիի կամուրջը հատել է 21.106 տրանսպորտային միջոց։
▫️Հաշվառում է անցել 85․975 անձ։

🟨 Հայաստանյան ԲԿ-ներում բուժում է ստանում 363 բուժառու։

▫️214-ը պայթյունից վիրավորում ստացածներն են, 114-ը՝ ռազմական գործողությունների հետևանքով, մյուսները՝ այլ խնդիրներով։

🟨 Ֆրանսիայի ԱԳ նախարար Կատրին Կոլոնան հոկտեմբերի 3-ին կայցելի Հայաստան։