🟨 Շտապօգնության ծառայության միջոցով այսօր Լեռնային Ղարաբաղից Հայաստան տեղափոխվեցին խնամքի կարիք ունեցող շուրջ 20 հայրենակից։

ՀՀ ԱՆ

🟨 Հանրապետության հրապարակում մեկնարկել է Ազգային կոմիտեի  հրավիրած հանրահավաքը:

🟨 Ադրբեջանի ՊՆ հաղորդագրությունը, թե սեպտեմբերի 30-ի կեսօրին ՀՀ ԶՈւ-ն կրակ է բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, որի հետևանքով Ադրբեջանի ԶՈւ զինծառայող է զոհվել, չի համապատասխանում իրականությանը:

ՀՀ ՊՆ

🟨 Հայաստանում կարող էր լինել, օրինակ, զինված հեղաշրջում: Մենք գտնում ենք, որ այս պայմաններում Հայաստանում շատ մեծ ցնցում առաջացնելը մի քիչ վտանգավոր է:

Վազգեն Մանուկյան

🟨 Կոմիտեն իր վրա վերցրեց Նիկոլ Փաշինյանին հեռացնելու պարտականությունը։ Ընտրեցինք դա իրականացնելու ճանապարհը։ Չստացվեց, մենք սխալվեցինք, քանի որ գերագնահատեցինք մեր մարդկային և կազմակերպչական ուժը։

Վազգեն Մանուկյան

🟨 Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է։

▫️Հակարիի կամուրջը հատել է 21․076 տրանսպորտային միջոց։
▫️Հաշվառում է անցել 83․468 անձ։

🟨 Հղիների թիվը կազմում է 221, հաշմանդամություն ունեցող անձանց թիվն է 2083, վիրավորներինը՝ 272։

▫️20․000-ից ավել երեխա է հատել ՀՀ սահմանը։ 674 երեխա ընդգրկվել է հայաստանյան կրթական հաստատություններում։

🟨 ԼՂ-ից բռնի տեղահանված մեր քույրերի և եղբայրների համար սկսում ենք բնակության ծախսերի աջակցության ծրագիր:

▫️Յուրաքանչյուր ընտանիքի մեկ անձի հաշվով կտրամադրվի ամսական 40․000 դրամ, գումարած ևս 10․000 դրամ մեկ անձի հաշվով՝ կոմունալ բոլոր ծախսերի համար:

▫️Ծրագիրը կմեկնարկի հոկտեմբերի 1-ից և կգործի առնվազն 6 ամիս: Շահառու կլինեն բոլոր բռնի տեղահանվածները՝ անկախ տարիքից՝ բացառությամբ ՀՀ-ում բնակարան ունեցող ընտանիքները և խնամքի հատուկ կենտրոններում գտնվող անձինք։

Նիկոլ Փաշինյան

ՄԱՆՐԱՄԱՍՆԵՐ

🟨 Ռուսական խաղաղապահ զորախումբը շարունակում է առաջադրանքներ իրականացնել ԼՂ տարածքում։ Հրադադարի ռեժիմի խախտումներ չեն արձանագրվել։

ՌԴ ՊՆ

Արցախի նախկին պետնախարար Արտակ Բեգլարյանն այսօր հայտնել էր, որ Արցախը գրեթե ամբողջությամբ դատարկ է․ մնացել է մի քանի հարյուր մարդ, որոնք ևս հեռանում են։

🟨 ԼՂ-ում տեղադրվել է քաղաքների ադրբեջաներեն անվանումներով ճանապարհային նոր ցուցանակ։

🟨 Սպասվում են տեղումներ, օդի ջերմաստիճանը կնվազի 7-10 աստիճանով:

Եղանակը Երևանում հոկտեմբերի 1-ին՝

🌖 Ցերեկ +24 +26
🌗 Երեկո +16 +18
🌘 Գիշեր +13 +15

🇦🇲ՄԱՆՐԱՄԱՍՆԵՐ 🇷🇺RUS 🇺🇸ENG

🟨 Մենք գիտենք, որ հայերը և միջազգային ԶԼՄ-ները պնդում են, թե մենք պատրաստվում ենք ձերբակալել բոլոր զինվորականներին։

Եթե նրանք հանձնեն զենքը, ապա ազատ կլինեն, և հնարավորություն կունենան մեկնել Հայաստան։

Հիքմեթ Հաջիև

🟨 Ֆրանսիան ուսումնասիրում է Հայաստանի կարիքները պաշտպանության ոլորտում:

▫️Նախագահը (Էմանուել Մակրոնը) անձամբ է հետևում տեղի ունեցողին, քանի որ այդ հարցը չափազանց կարևոր է Ֆրանսիայի համար։

Ֆրանսիայի պաշտպանության նախարար

ՄԱՆՐԱՄԱՍՆԵՐ

🟨 Ադրբեջանական ԶԼՄ-ները հայտնում են Լեռնային Ղարաբաղ ՄԱԿ-ի առաքելության այցի մասին:

🟨 Այսօր Արցախի համար համազգային աղոթքի օր է հայտարարված: Հայասատանում և սփյուռքի բոլոր եկեղեցիներում հատուկ արարողություն և աղոթք կհնչի:

Այս առիթով դուրս է բերվում Աստվածամուխ Սուրբ Գեղարդը:

🟧 Բաքուն ավելի քան 300 հայի նկատմամբ միջազգային հետախուզում է հայտարարել:

▫️Հետախուզվողների թվում են Արայիկ Հարությունյանը և Ջալալ Հարությունյանը:

🟨 Ես արդեն Երևանում եմ՝ բոլոր արցախցիների պես՝ հայրենազուրկ ու սրտաբեկ, բայց չկոտրված:

Արցախի նախկին պետնախարար Արտակ Բեգլարյան

🟨 Այս պահի դրությամբ ԼՂ-ից բռնի տեղահանված 100․483 անձ արդեն Հայաստանում է։

▫️Հակարիի կամուրջը հատել է 21․079 տրանսպորտային միջոց։
▫️Հաշվառում է անցել 84․408 անձ։

🟨 Պետության կողմից տրամադրված կացարաններից օգտվել է 45.516 արցախցի:

🟨 Յուրաքանչյուր արցախցու կտրամադրվի 100.000 դրամ աջակցություն՝ անկախ տարիքից։

Արդեն երեքշաբթի օրվանից կարող են մարդիկ դիմել:

Տիգրան Խաչատրյան

🟨 Հռոմի Պապ Ֆրանցիսկոսը, Սուրբ Պետրոսի հրապարակում աղոթքից հետո մտահոգություն է հայտնել Լեռնային Ղարաբաղում տեղահանվածների վերաբերյալ:

▫️Ես հետևում եմ Լեռնային Ղարաբաղում տեղահանվածների դրամատիկ իրավիճակին: