🟨 Թե՛ իշխանություններին, թե՛ ընդդիմությանն այսօր ոչինչ չպետք է շեղի արցախահայությանը Հայաստանում արժանապատիվ կյանքով ապահովելու համազգային խնդրից:

Լևոն Տեր-Պետրոսյան

ՄԱՆՐԱՄԱՍՆԵՐ

🟨 ԿԸՀ-ն հաստատել է Երևանի ավագանու կազմը և բաշխել մանդատները։

▫️ Ընտրությունների մասնակից 14 ուժերից որևէ մեկը բողոքարկման պահանջով Վարչական դատարան դիմում չի ներկայացրել։

ԱՎԱԳԱՆՈՒ ԿԱԶՄԸ

🟨 Ֆրանսիան հայ ժողովրդի և Հայաստանի իրական դաշնակիցն է։ Ակնկալում ենք, որ Ֆրանսիայի ԱԺ-ն և Սենատն իրենց վերաբերմունքը կարտահայտեն տեղի ունեցած և ընթացող ողբերգական իրադարձությունների վերաբերյալ:

Ալեն Սիմոնյանը՝ Ֆրանսիայի ԱԺ նախագահին

ՄԱՆՐԱՄԱՍՆԵՐ

🟨 Լեռնային Ղարաբաղից բռնի տեղահանված մեր քույրերի եւ եղբայրների հրատապ կարիքների համար նրանցից յուրաքանչյուրին՝ անկախ տարիքից, պետական բյուջեից կհատկացնենք միանվագ 100 հազարական դրամ:

Նիկոլ Փաշինյան

🟨 ՄԱԳԱՏԷ-ի Կառավարիչների խորհրդին միացել է 11 նոր անդամ.

▫️ Ալժիր
▫️ Հայաստան
▫️ Բանգլադեշ
▫️ Բուրկինա Ֆասո
▫️ Էկվադոր
▫️ Ինդոնեզիա
▫️ Հարավային Կորեա
▫️ Նիդերլանդներ
▫️ Պարագվայ
▫️ Իսպանիա
▫️ Ուկրաինա

🟨 ԱՄՆ ՄԶԳ-ն Հարավային Կովկասի տարածաշրջանում տեղակայել է Բնական աղետների արձագանքման խումբ՝ ԱՄՆ մարդասիրական օգնությունը համակարգելու նպատակով:

▫️Այն կգնահատի իրավիճակը, կսահմանի օգնության ընդլայնման առաջնահերթ կարիքները և կաշխատի գործընկերների հետ՝ հրատապ օգնություն տրամադրելու համար:

ՄԱՆՐԱՄԱՍՆԵՐ

🟨 Ժամը 18։00-ի դրությամբ ԼՂ-ից բռնի տեղահանված 74.400 անձ է մուտք գործել Հայաստան։

▫️Հակարիի կամուրջը հատել է 15.535 տրանսպորտային միջոց։
▫️55.248 անձի դեպքում իրականացվել է հաշվառում։
▫️17․153 անձ օգտվել է պետության տրամադրված կեցավայրերից։

Նազելի Բաղդասարյան

🟨 ԼՂ-ում հրադադարի ռեժիմի խախտումներ չեն արձանագրվել։

▫️Ռուս խաղաղապահների տեղակայման վայրում շարունակում է գտնվել ԼՂ 117 բնակիչ։

ՌԴ ՊՆ

🟨 Ժամը 20։00-ի դրությամբ ԼՂ-ից բռնի տեղահանված 76․407 անձ է ժամանել Հայաստան։

▫️Հակարիի կամուրջը հատել է 15․914 տրանսպորտային միջոց։

Նազելի Բաղդասարյան

🟨 Թուրքիան կշարունակի աջակցել Հարավային Կովկասում կայուն խաղաղության և կայունության ապահովման ջանքերին:

▫️Հիշեցնում ենք բոլոր կողմերին, մասնավորապես Հայաստանին, որ կայուն խաղաղության ճանապարհն անցնում է միայն Ադրբեջանի տարածքային ամբողջականությանն անվերապահ աջակցությամբ:

Թուրքիայի ԱԱԾ

🟨 ԱՄՆ պետքարտուղար Էնթոնի Բլինքենը կիթառով նվագել և երգել է բլյուզմեն Մադի Ուոթերսի դասական ստեղծագործությունը Համաշխարհային երաժշտական դիվանագիտության նախաձեռնության ժամանակ։

🟨 ՀՀ տեղափոխվել ցանկացող, բայց սեփական տրանսպորտային միջոց չունեցող քաղաքացիները կարող են այսօր` սեպտեմբերի 28-ին, 22։00-ից մոտենալ Ստեփանակերտի Վերածննդի հրապարակ ավտոբուսներով Հայաստան տեղափոխվելու համար։

Արցախի տեղեկատվական շտաբ

🟨 Radar Armenia-ի տեղեկություններով՝ Ստեփանակերտի Վերածննդի հրապարակից արցախցիները ՀՀ կառավարության և Երևանի քաղաքապետարանի տրամադրած մեծաքանակ ավտոբուսներով շարժվեցին դեպի Հայաստան։

🟨 Մեր խմբակցությունը գնում է Երևանի ավագանու նոր ընտրությունների, իսկ դրա համար մենք պետք է ներկա չգտնվենք հոկտեմբերի 10-ին կայանալիք ավագանու առաջին նիստին։

Հայկ Մարության

🟨 Լեռնային Ղարաբաղից բոլոր ցանկացողները կարողանալու են գալ Հայաստան։

▫️ 40 ավտոբուսները նախատեսված են Ստեփանակերտից տեղափոխելու շուրջ 2000 անձի։

▫️ Կառավարությունը աջակցության երկարաժամկետ ծրագրեր է պլանավորում, այդ թվում նաև` մասնագիտությանը համապատասխան աշխատանք գտնելու հարցում։

Փոխվարչապետ Տիգրան Խաչատրյան

🟨 Ժամը 22:00-ի դրությամբ ԼՂ-ից բռնի տեղահանված 78․354 անձ է ժամանել Հայաստան։

🟨 Ժամը 06:00-ի դրությամբ ԼՂ-ից բռնի տեղահանված 84.770 անձ է ժամանել Հայաստանի Հանրապետություն։

🟨 Որևէ նախագահ իրավունք չունի լուծարել ժողովրդի կողմից հանրաքվեով ձևավորված հանրապետությունը։

▫️Հրամանագիրը ստորագրվել է Ադրբեջանի դաժան ագրեսիայի և ուժի կիրառման սպառնալիքի արդյունքում։

Արտակ Բեգլարյան

🟨 Առանձին շրջաններում սպասվում է անձրև և ամպրոպ:

Եղանակը Երևանում սեպտեմբերի 29-ին՝

🌖 Ցերեկ +26 +28
🌗 Երեկո +18 +20
🌘 Գիշեր +12 +14

🇦🇲ՄԱՆՐԱՄԱՍՆԵՐ 🇷🇺RUS 🇺🇸ENG

🟨 Կանադան ԼՂ-ի հայերի կողքին է և մարդասիրական օգնություն կտրամադրի առավել խոցելի խավերին՝ 2,5 միլիոն դոլար նախնական ներդրումով:

Կանադայի ԱԳ նախարար

🟧 Սեպտեմբերի 28-ին իրականացված որոնողական աշխատանքների արդյունքում Մարտունու շրջանի Մյուրիշեն գյուղից հայտնաբերվել է 1 քաղաքացու դի։

▫️ Մարտակերտի շրջանի Ճանկաթաղ գյուղից` 1 զինծառայողի աճյուն։

Արցախի ՆԳՆ