🟨 Բնակիչներից մեկը Radar Armenia-ի հետ զրույցում հայտնեց, որ Մարտակերտում համեմատաբար հանգիստ իրավիճակ է, կրակոցների ձայներ կան, բայց հեռվից են լսելի: Ենթադրություններ կան, որ կտարհանեն բնակիչներին։

🟨 Լոս Անջելեսում հայերը ակցիա են իրականացրել Ադրբեջանի հյուպատոսության շենքի դիմաց:

🟨 Ես մեկ անգամ ևս դիմում եմ ներգրավված բոլոր կողմերին և միջազգային հանրությանը՝ վայր դնել զենքերը և ջանք չխնայել խաղաղ լուծման հասնելու համար:

Հռոմի Պապ

🟧 Ստեղծված իրադրությունում անբավարար են միջազգային հանրության գործողությունները՝ պատերազմի դադարեցման և իրավիճակի հանգուցալուծման ուղղությամբ: Հաշվի առնելով այս ամենը Արցախի Հանրապետության իշխանություններն ընդունում են ռուսական խաղաղապահ առաքելություն իրականացնող զորակազմի հրամանատարության առաջարկությունը՝ կրակի դադարեցման վերաբերյալ:

Արցախի նախագահի աշխատակազմ

ՄԱՆՐԱՄԱՍՆԵՐ

🟧 Որոշ հատվածներում թշնամուն հաջողվել է մխրճվել ՊԲ մարտական դիրքեր, տիրանալ մի շարք բարձունքների և ռազմավարական ճանապարհային հանգույցների:

Արցախի տեղեկատվական շտաբ

🟥 🟥 Ռուս խաղաղապահների միջնորդությամբ պայմանավորվածություն է ձեռք բերվել այսօր ժամը 13:00-ից ռազմական գործողությունների ամբողջական դադարեցման մասին։

🟧 Համաձայնություն է կայացվել սեպտեմբերի 21-ին հանդիպում կազմակերպել Եվլախում։

ՄԱՆՐԱՄԱՍՆԵՐ

🟧 🟥 ԼՂ-ից դուրս կբերվեն ԼՂ հայկական զինված ուժերը, ԼՂ ՊԲ-ն կզինաթափվի։

Արցախի տեղեկատվական շտաբ

ՄԱՆՐԱՄԱՍՆԵՐ

🟥 Ադրբեջանի և ԼՂ ներկայացուցիչների հանդիպման քննարկվելու են.

▫️ «Լեռնային Ղարաբաղի հայերի վերաինտեգրման, իրավունքների և անվտանգության ապահովման, ինչպես նաև Ադրբեջանի Սահմանադրության շրջանակներում Լեռնային Ղարաբաղի բնակչության կենսագործունեության ապահովման հարցերը»:

Արցախի տեղեկատվական շտաբ

🟨 Ռուսական կողմը սպասում է ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի զրույցի ժամկետների հստակեցմանը։  

Դմիտրի Պեսկով

🟨 🟧 Դե յուրե Ադրբեջանի գործողությունները Ղարաբաղում օրինական են:

Դմիտրի Պեսկով

🟧 Պայմանավորվածության պայմաններն են.

▫️Հայկական զինված կազմավորումները վայր են դնում զենքերը, լքում մարտական դիրքերն ու ամբողջությամբ զինաթափվում։
▫️Հանձնվում է ողջ սպառազինությունն ու ծանր տեխնիկան։
▫️Գործընթացների իրականացումն ապահովվում է ռուսական խաղաղապահ կոնտինգենտի հետ համաձայնեցված։

Ադրբեջանի ՊՆ

🟧 «Baza» ալիքը, հղում անելով իր դիվանագիտական աղբյուրներին, նշում է, որ ԼՂ ՊԲ կորուստները կազմում են մոտ 1000 մարդ, իսկ նրանց դեմ կռվել է 60 հազարանոց ադրբեջանական զորամիավորում, որը տվել է 300-500 զոհ։

Պաշտոնապես որևէ կողմ չի հաստատել այս տեղեկությունները, որոնք կարող են չափազանցված լինել։

🟧 Տեղի ունեցած իրադարձությունները հետևանք են Միացյալ Նահանգների գլխավորությամբ արևմտյան պետությունների անշնորհք և անպատասխանատու միջամտությանը այլ երկրների և ժողովուրդների ներքին գործերին:

ՌԴ դաշնային խորհրդի փոխխոսնակ Կոստանտին Կոսաչև

🟨 Ադրբեջանը վերահսկողության տակ է առել Արցախի որոշ ռազմավարական բարձունքներ, ճանապարհներ, բնակավայրեր։

▫️Փակել են ճանապարհային կապերը Արցախի որոշ հատվածների միջև:

Արտակ Բեգլարյան

🟥 ԼՂ շուրջ ստորագրված տեքստին Հայաստանի Հանրապետությունը որևէ կերպ չի մասնակցել և քննարկումների կողմ չի եղել։

Նիկոլ Փաշինյան

🟥 Տեքստում հիշատակվում է «ՀՀ Զինված ուժերի մնացած ստորաբաժանումների մասին» միտքը։ Այս փաստը մեզ համար հասկանալի չէ, բազմիցս ասել ենք, որ 2021թ. օգոստոսից ՀՀ-ն ԼՂ-ում բանակ չունի։

Նիկոլ Փաշինյան

🟧 ՀՀ-ի հետ կապ չունեցող տեքստում ՀՀ-ի անունը հիշատակելը արդարացնում է իմ երեկվա վարկածը, որ ադրբեջանական այս ագրեսիայի հիմնական նպատակներից մեկը ՀՀ-ին ռազմական գործողությունների մեջ ներքաշելն է։

Նիկոլ Փաշինյան

🟨 Տեղի ունեցածը ընդունում ենք ի գիտություն և կշարունակենք հետևել զարգացումներին։ Վերջին տեղեկատվությունը, որ ես ստացել եմ Լեռնային Ղարաբաղից, այն է, որ ռազմական գործողությունների ինտենսիվությունը կտրուկ նվազել է։ Հույս ունենք, որ ռազմական էսկալացիան չի շարունակվի։

Նիկոլ Փաշինյան