🟨 ՌԴ ԱԳՆ ներկայացուցչին խորհուրդ ենք տալիս Լաչինի միջանցքի արգելափակման կանխման կամ արգելափակումից հետո դրա բացման ուղղությամբ ռուսական խաղաղապահների գործողությունների բացակայության պայմաններում զերծ մնալ իրավիճակի հանգամանքների աճպարարությունից:

ԱԳՆ մամուլի խոսնակ

ՄԱՆՐԱՄԱՍՆԵՐ

🟨 Ադրբեջանը մտադիր է ճանապարհները բացել և սկսել վերաինտեգրման գործընթացը, ինչի շրջանակներում Ադրբեջանը պատրաստ է ապահովել ԼՂ-ում բնակվող հայ բնակիչների իրավունքները, անվտանգությունը և պարտավորությունները:

Ադրբեջանի նախագահի օգնական

ՄԱՆՐԱՄԱՍՆԵՐ

🟨 ԼՂ-ում տիրող իրավիճակը ներառված է ԵՄ ԱԳ նախարարների հանդիպման օրակարգում, նախատեսված՝ հինգշաբթի օրը Իսպանիայում։ Լաչինի միջանցքը պետք է ազատ լինի մարդասիրական օգնության համար:

Գերմանիայի ԱԳ նախարար Աննալենա Բուրբոք

🟥 Արցախի նախագահ Արայիկ Հարությունյանը հրաժարական է տվել:

ՄԱՆՐԱՄԱՍՆԵՐ

🟥 ԱՀ պետնախարար Գուրգեն Ներսիսյանը ազատվել է զբաղեցրած պաշտոնից և պետական նախարար է նշանակվել ԱԽ-ի քարտուղար Սամվել Սերգեյի Շահրամանյանը:

🟨 Որոշումը կայացրել եմ 2 օր առաջ՝ հաշվի առնելով վերջին շաբաթների իմ շփումները բոլոր ներքին ու արտաքին դերակատարների և լայն հանրության հետ: Սա իմ ունեցած տվյալների վերլուծության արդյունքների հիման վրա կշռադատված որոշում է՝ կայացված բացառապես իմ կողմից:

Արայիկ Հարությունյան

🟨 Պատերազմում պարտությունը և դրանից հետո երկրում ստեղծված դժվարություններն էականորեն նվազեցրել են նաև իշխանությունների, հատկապես՝ Նախագահի նկատմամբ վստահությունը, ինչը լրջագույնս խոչընդոտել է պատշաճ կառավարման հետագա ընթացքին: Հետևաբար, պետք է փոփոխությունը սկսել հենց ինձնից։

Արայիկ Հարությունյան

🟨 Գաբոնում հեղաշրջումից հետո իշխանազրկված նախագահի ընտանիքի տանը հայտնաբերել են ճամպրուկներ և տոպրակներ՝ լցված թղթադրամներով` ֆրանկ, դոլար, եվրո։

🟨 Հայաստանի պետական բյուջեից Ղարաբաղի հայերին աջակցություն է տրամադրվում ավելի քան 360 միլիոն ԱՄՆ դոլարի չափով։ Հայաստանի քայլերը հանդիսանում են Ադրբեջանի ներքին գործերին միջամտություն և հարվածում խաղաղության գործընթացին։

Հիքմեթ Հաջիև

ՄԱՆՐԱՄԱՍՆԵՐ

🟨 Ադրբեջանի ՊՆ հաղորդագրությունն, թե իբր ՊԲ-ն օգոստոսի 31-ին`ժամը 10:55-ի սահմաններում ամրաշինական աշխատանքներ է կատարել Շուշիի շրջանում, ինչն իբր թե կանխվել է ադրբեջանական ԶՈւ գործողությունների արդյունքում, հերթական ապատեղեկատվությունն է։

Արցախի ՊԲ

🟨 Մենք պարտավոր ենք Երևանում և ամբողջ աշխարհում կանգնել Արցախի Հանրապետության կողքին, արցախցու պայքարի կողքին, քանի որ դա հայ ժողովրդի լինելության պայքարն է:

Իշխան Սաղաթելյան

🟨 Նոր Նորքի Նանսենի այգում քարոզարշավի շրջանակներում կայացավ Վահագն Հայրապետյանի և Արթուր Իսպիրյանի համերգը։

🟨 Արտակ Բեգլարյանն իր դիմումի համաձայն ազատվել է պետնախարարի խորհրդականի պաշտոնից:

🟨 Ռոբերտ Քոչարյանը մասնակցելու է Ազատության հրապարակում սեպտեմբերի 2-ին կայանալիք ընդդիմության հանրահավաքին` ի պաշտպանություն Արցախի։

🟨 «Երիտասարդական պալատի» հողամասը (805 մլն դրամ արժեքով) օրենքի խախտմամբ օտարելու համար (62 մլն դրամ) քրեական վարույթ է հարուցվել նախկին քաղաքապետ Երվանդ Զախարյանի նկատմամբ։

ՄԱՆՐԱՄԱՍՆԵՐ

🟨 Այսօր՝ Արցախից 10 բուժառու՝ ուղեկցողների հետ միասին, ԿԽՄԿ-ի միջնորդությամբ և ուղեկցությամբ տեղափոխվել են ՀՀ մասնագիտացված ԲԿ-ներ։

▫️ Նախատեսվում է Արցախ վերադարձնել 1 բուժառուի:

Արցախի ԱՆ

🟨 ԱՄՆ պետքարտուղարի օգնական Յուրի Քիմն այսօր ընդունել է ԱՄՆ-ում ՀՀ դեսպան Լիլիթ Մակունցին։

🟨 Սերժ Սարգսյանը նույնպես մասնակցելու է Ազատության հրապարակում սեպտեմբերի 2-ի հանրահավաքին։

🟨 ՄԻԵԴ-ը որոշում է կայացրել Ադրբեջանին մինչև սեպտեմբերի 7-ը ժամանակ տրամադրել ս.թ. օգոստոսի 28-ին Լաչինի միջանցքից առևանգված 3 քաղաքացիական անձանց վերաբերյալ տեղեկատվություն տրամադրելու մասին:

Միջազգային իրավական հարցերով ՀՀ ներկայացուցիչ

🟨 Մոսկվայում մեկնարկել են Ռուսաստանի և Թուրքիայի ԱԳ նախարարներ Սերգեյ Լավրովի ու Հաքան Ֆիդանի բանակցությունները:

🟨 Ներդրվող կրթական նոր չափորոշիչներով նվազեցվում է նոր սերնդի ազգային ինքնագիտակցության ու հոգեկերտվածքի կարևորությունը:

Ամենայն Հայոց Կաթողիկոս Գարեգին 2-րդ

ՄԱՆՐԱՄԱՍՆԵՐ