🟩 Արդարադատության միջազգային դատարանը հրապարակեց Լաչինի միջանցքի ապաշրջափակման վերաբերյալ ժամանակավոր միջոց կիրառելու պահանջի մասին որոշումը։

Դատարանը կիրառում է հետևյալ ժամանակավոր միջոցը․ Ադրբեջանը պարտավորվում է իր ստանձնած պարտականություններով ապահովելու տրանսպորտի և մարդկանց անխափան տեղաշարժը Լաչինի միջանցքով՝ երկու ուղղություններով։

🟨 ԵԱԶԲ-ի կողմից Լիդիան Արմենիային 100 մլն ԱՄՆ դոլար վարկային փոխառություն կտրամադրվի։ Ծրագրի շինարարության ընթացքում կառավարությունը կվճարի տարեկան 7 մլն ԱՄՆ դոլար Ամուլսարի ազդակիր համայնքներին։

ՀՀ էկոնոմիկայի նախարարություն

🟩 Արդարադատության միջազգային դատարանը մերժեց Ադրբեջանի պահանջը ՀՀ դեմ ժամանակավոր միջոցներ կիրառելու վերաբերյալ։

Ադրբեջանը չի ներկայացրել ապացույցներ, որոնք կհաստատեին, որ ՀՀ ենթադրյալ գործողությունները ականների մասով նպատակ են ունեցել ի չիք դարձնել կոնվենցիայով նախատեսված իրավունքների իրագործմանը։

🟨 Տարօրինակ ու ցավալի է, որ դատարանը չբավարարեց Հայաստանի մեկ այլ պահանջ` գազամատակարարման ու էլեկտրամատակարարման վերականգնման վերաբերյալ՝ ապացուցված չհամարելով, որ խափանումները տեղի են ունենում Ադրբեջանի կողմից:

Արցախի ՄԻՊ Գեղամ Ստեփանյան

🟩 Հետայսու Երևանի մետրոպոլիտենի կայարանային բոլոր համալիրներում գործելու է է՛լ ավելի արագ ու անվճար WiFi կապ։

Երևանի մետրոպոլիտեն

🟨 Հայաստանը հետամուտ է լինելու Ադրբեջանի կողմից դատարանի որոշումների կատարմանը և ծանուցելու է դատարանին Հայաստանն ընդդեմ Ադրբեջանի դատական գործի քննության ողջ ժամկետի ընթացքում ի հայտ եկած ցանկացած խախտման մասին։

Միջազգային իրավական հարցերով ՀՀ ներկայացուցիչ

ՄԱՆՐԱՄԱՍՆԵՐ

🟩 Մենք ողջունում ենք Արդարադատության միջազգային դատարանի որոշումը։ Ուրախ ենք, որ ճշմարտությունը հաղթեց, քանզի դատարանն ամբողջությամբ մերժեց Ադրբեջանի հակընդդեմ հայցը։

Արարատ Միրզոյան

🟩 Դատարանի այս որոշումը ևս մեկ անառարկելի միջազգային իրավական հիմք է, որ ռասայական խտրականության ու ատելության ենթարկվող Արցախի ժողովուրդը պարզապես չի կարող ապրել Ադրբեջանի կազմում:

Արցախի նախագահ Արայիկ Հարությունյան

🟨 ԱՄՆ նախագահ Ջո Բայդենը Վարշավայից մեկնելու ժամանակ ինքնաթիռ բարձանալիս հերթական անգամ սայթաքել է։

🟨 «Երևանի պահածոների գործարան» ընկերության տնօրեն Իրինա Մադաթովան դիտավորությամբ կեղծել է պարտականությունից և պատասխանատվությունից ազատող փաստաթուղթ և օգտագործել այն:

Բացի այդ, չի ապահովել հրդեհային անվտանգության պահանջներն ու օբյեկտի հրդեհային պահպանությունը` անզգուշությամբ պատճառելով 566,329,823 դրամ գույքային վնաս:

Դատախազություն

ՄԱՆՐԱՄԱՍՆԵՐ

🟨 Ռուս խաղաղապահները Մարտակերտի և Շուշիի շրջաններում արձանագրել են հրադադարի ռեժիմի երեք խախտում։ Տուժածներ չկան։

ՌԴ ՊՆ

🟨 Հակահետևակային ականների տեղակայման մասին դատարանի որոշումը, ըստ որի միջոցներ չի կիրառվի Հայաստանի դեմ, ըստ էության, որոշում չէ։ Ադրբեջանը շարունակելու է ձգտել պատասխանատվության ենթարկել Հայաստանին:

Ադրբեջանի ԱԳՆ

🟩 Լուսինը, Վեներան և Յուպիտերը՝ Թբիլիսիի երկնքում։

🟨 Հիշյալ որոշմամբ դատարանը փաստել է, որ առկա է հայերի իրավունքներին անդառնալի վնաս հասցնելու անմիջական վտանգ։ Այսպիսով՝ Ադրբեջանի կողմից ԼՂ շրջափակումը և այլ գործողությունները պետք է անհապաղ դադարեցվեն:

ՀՀ ԱԳՆ

ՄԱՆՐԱՄԱՍՆԵՐ

🟨 Հայաստանի և Ադրբեջանի միջև բանակցությունները վերջին շրջանում առաջընթաց են արձանագրել, որը արդյունք է ԱՄՆ-ի երկկողմ և եռակողմ ներգրավման, ԵՄ-ի դիվանագիտական ջանքերի, և ինչի հույսը ունենք տեսնել նաև առաջիկայում Շառլ Միշելի հյուրընկալությամբ Բրյուսելում սպասվող բանակցություններում։ Մենք հույս ունենք տեսնել գործընթացի շարունակությունը։ Ինքնանպատակ լավատես չենք, բայց շարունակում ենք աջակցել երկխոսությանը, դիվանագիտությանը համապարփակ լուծման հասնելու համար այն ամենով, ինչով կարող ենք։

ԱՄՆ պետդեպի խոսնակ Նեդ Փրայս

🟨 Առանձին շրջաններում շրջանների զգալի մասում սպասվում են տեղումներ, Արարատյան դաշտում՝ ձնախառն անձրևի տեսքով։

Եղանակը Երևանում փետրվարի 23-ին՝

🌖 Ցերեկ +11 +13
🌗 Երեկո +3 +5
🌘 Գիշեր -1 +1

🇦🇲ՄԱՆՐԱՄԱՍՆԵՐ 🇺🇸ENG 🇷🇺RUS

🟨 Ավերիչ երկրարշարժից տուժած շրջաններին մարդասիրական օգնության երրորդ խմբաքանակը հասցնելու նպատակով փետրվարի 23-ին ՀՀ ԱԳ նախարար Արարատ Միրզոյանը կմեկնի Սիրիա:

Միրզոյանը հանդիպումներ կունենա Սիրիայի նախագահի և ԱԳ նախարարի հետ:

ԱԳՆ

🟨 «Սուրմալու» առևտրի կենտրոնի տնօրենին կալանավորելու միջնորդությունը բավարարվեց։

Գլխավոր դատախազություն/© Radar Armenia

🟩 Երևանում մեկնարկել է կանգառասրահների կահավորման ծրագիրը, որի արդյունքում տեղադրվել է շուրջ 130 նոր աղբաման. ծրագրի շրջանակում մայրաքաղաքում կտեղադրվի շուրջ 1000 աղբաման:

🟨 Դատարանն արձանագրեց Ադրբեջան պետության պատասխանատվությունը Լաչինի միջանցքի փակման համար: Ըստ էության, լուրջ չհամարելով միջանցքը «էկոակտիվիստների» կողմից փակելու հանգամանքը` հենց Ադրբեջանին պարտավորեցրեց բացել միջանցքը:

Նիկոլ Փաշինյան

🟨 Դատարանը հասատատեց ՀՀ դիրքորոշումը, որ 2020թ. նոյեմբերի 9-ի եռակողմ հայտարարությամբ Լաչինի միջանցքը չպետք է լինի Ադրբեջանի վերահսկողության ներքո և Ադրբեջանը նույն փաստաթղթով պարտավոր է երաշխավորել Լաչինի միջանցքով երթևեկության անվտանգությունը:

Նիկոլ Փաշինյան