🟨 Հայաստանի Հանրային հեռուստաընկերությունը հրապարակել ԱԳ նախարար Արարատ Միրզոյանի գլխավորած պատվիրակության` Թուրքիայում ընդունելության տեսանյութը։

🟨 Թանկարժեք ծառայությունները ևս հասանելի են լինելու ապահովագրության փաթեթի մեջ:

▫️Այդ թվում են լինելու նաև սրտանոթային, քաղցկեղային հիվանդությունները, սքրինինգային հետազոտությունները, վիրահատությունները:

Անահիտ Ավանեսյան

ՄԱՆՐԱՄԱՍՆԵՐ

🟨 Արցախում թուրքական ծագում ունեցող գյուղատնտեսական մթերք է վաճառվել:

ԱՀ ԱԱԾ-ն միջոցներ է ձեռնարկում նշված դեպքի հանգամանքները պարզելու, այդ թվում հիշյալ ապրանքի ծագման աղբյուրը և արցախյան շուկայում հայտնվելու ճանապարհը պարզելու ուղղությամբ:

🟨 Անկարայում մեկնարկել է Արարատ Միրզոյանի և Մևլութ Չավուշօղլուի հանդիպումը:

🟨 Ժամեր անց օգնության հերթական խմբաքանակը կհասնի Թուրքիա, նույնը տեղի է ունեցել նաև երեկ։

Արարատ Միրզոյան

🟨 Տեղի է ունեցել Հայաստանի և Թուրքիայի ԱԳ նախարարների առանձնազրույցը, որին հաջորդել է ընդլայնված կազմով հանդիպումը:

ԱԳՆ

🟨 Այս դժվար պահին ցանկանում եմ վերահաստատել տարածաշրջանում խաղաղություն հաստատելու և, մասնավորապես, Թուրքիայի հետ հարաբերությունների ամբողջական կարգավորման, դիվանագիտական հարաբերությունների հաստատման, Հայաստանի և Թուրքիայի միջև սահմանի ամբողջական բացման հարցում ՀՀ պատրաստակամությունը և ձգտումը։

Արարատ Միրզոյան

🟨 Ունենք համաձայնություն համատեղ ջանքերով վերանորոգել Անիի կամուրջը, ինչպես նաև հոգ տանել համապատասխան ենթակառուցվածքների մասին, սահմանի ամբողջական բացման նախանշումով։

Արարատ Միրզոյան

🟨 Անկարան բարձր է գնահատում երկրաշարժից հետո Հայաստանի օգնությունը:

▫️ Հուսով եմ Անկարայի և Երևանի միջև հարաբերությունների կարգավորման գործընթացում առաջընթաց կլինի, ինչը բարենպաստ իրավիճակ կստեղծի տարածաշրջանում:

Մևլութ Չավուշօղլու

🟨 Օդի ջերմաստիճանը փետրվարի 18-20-ին հանրապետության ողջ տարածքում աստիճանաբար կբարձրանա 8-10 աստիճանով:

ՇՄՆ Հիդրոօդերևութաբանության և մոնիթորինգի կենտրոն

🟩 Պետությունն իր վրա կվերցնի թոշակառուների ապահովագրման խնդիրը։

Անահիտ Ավանեսյան

ՄԱՆՐԱՄԱՍՆԵՐ

🟨 Աշխարհագրությունը մեր համատեղ ճակատագիրը որոշող ամենակարևոր գործոնն է։ Երբեմն, ինչպես այժմ, այն կերտվում է տառապանքով: Տարածաշրջանի երկրների միջև դրսևորված մարդասիրական համերաշխությունը լավագույն դեղամիջոցն է տառապանքը մեղմելու համար։

Ինչպես տարածաշրջանի բոլոր երկրները, այնպես էլ Հայաստանը, առանց վարանելու կանգնեց թուրք ժողովրդի կողքին։

Սերդար Քըլըչ

🟨 Այսօրվա մեր հանդիպումը պայմանավորված էր աղետով, որը արժեցավ բազում կյանքեր։ Լինելով Թուրքիայում այս դժվարին պահին` ցանկանում եմ արտահայտել Հայաստանի պատրաստակամությունն ու կամքը տարածաշրջանում խաղաղություն կառուցելու, դիվանագիտական հարաբերություններ հաստատելու և Հայաստանի ու Թուրքիայի միջև սահմանները լիարժեք բացելու հարցում։

Արարատ Միրզոյան

🟨 Երկու նախարարները համաձայնության են եկել, հնարավորինս ամեն ինչ կանենք, որ կարճ ժամանակահատվածում, արագ կերպով Մարգարայի կամուրջը կարողանանք գործարկել։

Սերդար Քըլըչ / Արմենպրես

🟨 Արարատ Միրզոյանի գլխավորած պատվիրակությունը ժամանել է Թուրքիայի Ադիյաման քաղաք, որտեղ հայ փրկարարները որոնողափրկարարական աշխատանքներ են իրականացնում։

🟨 Թուրքիայում տեղի ունեցած երկրաշարժից 227 ժամ անց փրկարարները փլատակներից դուրս են բերել 74-ամյա մի կնոջ։ Նրան տեղափոխել են հիվանդանոց։

🟨 Ադրբեջանը մասնակիորեն վերականգնել է Հայաստանից Արցախ գազամատակարարումը, որը արգելափակել էր փետրվարի 8-ին:

ԱՀ Տեղեկատվական շտաբ

🟨 Ավելի քան 10 տարի շահագործել էին տարեց կնոջը:

Թրաֆինգի ենթարկող տղամարդու տանից առգրավվել է կնոջ կենսաթոշակի բանկային քարտը, ավելի քան 70 հազար դոլար, ինչպես նաև տեսակավորած և առանձին պարկերում լցրած մետաղադրամներ` որոնց ընդհանուր գումարը կազմել է 1 միլիոն 299 հազար 750 դրամ:
Տղամարդուն ներկայացվել է մեղադրանք: Նա կալանավորվել է:

🟨 Արարատ Միրզոյանն Ադըյամանում հանդիպել է հայ փրկարարների հետ:

ՄԱՆՐԱՄԱՍՆԵՐ

🟨 Ֆրանսիան ողջունում է Արարատ Միրզոյանի այցելությունը Թուրքիա` երկրաշարժից տուժած բնակչությանը Հայաստանի տրամադրած աջակցության համատեքստում։

Ֆրանսիայի ԱԳՆ