⬜️ Կառավարության նիստը մեկնարկեց՝ մեկ րոպե լռությամբ հարգելով Հոկտեմբերի 27-ի ահաբեկչության զոհերի հիշատակը:

🟨 Չեմ շտապի այս պահին գնահատական տալ և ասել, որ «Պատիվ ունեմ» ծրագիրը չի շարունակվի:

▫️ Կան բազմաթիվ խնդիրներ, բայց քանի դեռ մեր նոր կարգը դեռ չի տվել իր պտուղներն, այս պահին միանգամից հրաժարվելը նպատակահարմար չենք համարում: Թեման քննարկելի է, կարելի է այն լավարկել, բարելավել:

ՊՆ նախարար Սուրեն Պապիկյան

🟩 Կառավարությունը հավանություն տվեց «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին» օրենքի նախագծին:

▫️Դրա համաձայն ՀՀ պաշտպանության նախարարության կողմից նշված վայրում և պայմաններով շարքային կազմի պարտադիր զինվորական ծառայություն անցնելու համակարգը փոխարինվում է շարքային և սպայական կազմերի պարտադիր զինվորական ծառայությունից պայմանագրային զինվորական ծառայության անցման նոր համակարգով, այդ ծառայությունն անցած զինծառայողների համար սահմանվում է պատվովճարի հաշվարկում:

🟩 Մենք մի շարք գյուղերում կառուցում ենք դպրոցներ, որտեղ վերջին 30 տարում հանրային նշանակության ոչ մի շինարարություն չի եղել:

▫️Այդ շենքերը պետք է ապրեն: Արգինա համայնքում փառահեղ շենք է կառուցվում, բայց այդտեղ միայն դպրոցական ծրագիրը քիչ կլինի, պետք է համայնքային կյանքի կազմակերպման կենտրոններ դարձնել:

Նիկոլ Փաշինյան

🟩 Տնտեսական իրավիճակը մեր երկրում լավ է:

▫️2022թ. սեպտեմբերին արձանագրել ենք 14.6% տնտեսական ակտիվության ցուցանիշ:
▫️ 2022թ. հունավար-սեպտեմբերին 2021թ. հունավար-սեպտեմբերի նկատմամբ աճ ունենք 14.1%:

Նիկոլ Փաշինյան

🟨 Նիկոլ Փաշինյանը շնորհավորական ուղերձ է հղել Միացյալ Թագավորության վարչապետ Ռիշի Սունակին:

▫️Լիահույս եմ, որ Ձեր կառավարման օրոք հայ-բրիտանական հարաբերությունները նոր խթան և որակ կստանան՝ ի շահ մեր երկրների բարգավաճման և մեր բարեկամ ժողովուրդների բարօրության։

ՄԱՆՐԱՄԱՍՆԵՐ

🟨 Հայաստանի կառավարության որոշումը՝ Ադրբեջանի հետ սահմանին 3 անցակետ ստեղծելու մասին, մենք գնահատում ենք որպես 2020թ. նոյեմբերի 9/10-ի եռակողմ հայտարարության 9-րդ կետով պարտավորությունների կատարման իմիտացիա։

Ադրբեջանի փոխվարչապետ Շահին Մուստաֆաև

ՄԱՆՐԱՄԱՍՆԵՐ

🟨 Հոկտեմբերի 27-ի գործով նախաքննության ընթացքում կատարված դատավարական գործողությունների արդյունքում ձեռք բերված փաստական տվյալների հիման վրա դեպքի ամբողջական հանգամանքները պարզելու նպատակով առաջ են քաշվել մի շարք քննչական վարկածներ և դրանք ստուգելու նպատակով կազմվել է քննության պլան։

ՀՀ գլխավոր դատախազություն

ՄԱՆՐԱՄԱՍՆԵՐ

🟨 Մենք Զատուլինին և Սիմոնյանին անցանկալի անձ ճանաչելը չենք կարողանում ընկալել։ Հիշեցնեմ՝ խոսքը ՌԴ պետդումայի պատգամավորի և ռուսական լրատվամիջոցի գլխավոր խմբագրի մասին է։ Մենք դիվանագիտական խողովակներով միանգամից դիմել ենք հայկական կողմին՝ բացատրություն ստանալու համար։

▫️ Եթե հաստատվի այդ ինֆորմացիան, դժվար է դա մեկնաբանել որպես բարեկամական քայլ՝ հարիր մեր դաշնակցային հարաբերություններին։ Երբ պատասխանը ստանանք, կհասկանանք մեր արձագանքն ու հետագա քայլերը։

ՌԴ ԱԳՆ խոսնակ Մարիա Զախարովա

ՄԱՆՐԱՄԱՍՆԵՐ

🟩 Քաղաքապետարանի շենքային պայմանների բարելավումը միտված է քաղաքացիներին մատուցվող ծառայությունների որակի բարձրացմանը:

Երևանի քաղաքապետարան

🟨 ՀԱՊԿ Հավաքական անվտանգության խորհրդի արտահերթ նստաշրջանը տեղի կունենա 2022 թվականի հոկտեմբերի 28-ին։ 

▫️Կդիտարկվեն Հայաստանին օգնություն ցուցաբերելու համատեղ միջոցառումները:

ՄԱՆՐԱՄԱՍՆԵՐ

🟨 ⬛️ Ադրբեջանական զլմ-ները հայտնում են, որ ռուս խաղաղապահների միջնորդությամբ Ադրբեջանը Հայաստանին է հանձնել հայ-ադրբեջանական սահմանին բախումների ժամանակ զոհված հայ զինվորների դիերը:

▫️ Հայաստանից պաշտոնական մեկնաբանություն դեռ չի տրվել։

🟨 Ադրբեջանը Հայաստանին է հանձնել զոհված 10 զինծառայողի մարմին։

ՀՀ ՊՆ մամուլի քարտուղարը` Radar Armenia-ի հարցմանը ի պատասխան։

🟨 Հոկտեմբերի 29-ից երթևեկության կազմակերպման փոփոխություն կկատարվի Գարեգին Նժդեհի փողոցում:

▫️Նախկինում Գարեգին Նժդեհի – Մայիսի 9-ի փողոցների խաչմերուկից դեպի Արշակունյաց պողոտա երթևեկելիս թույլատրվում էր աջ կողմում կանգառ կատարել, փոփոխությունից հետո նշված հատվածում կանգառ կատարելը կարգելվի:

Երևանի քաղաքապետարան

🟨 Ռուսաստանն իրեն չի համարում Արևմուտքի թշնամին։ Մենք փորձել ենք հարաբերությունները կարգավորել ինչպես Արևմուտքի երկրների, այնպես էլ ՆԱՏՕ-ի հետ. դադարենք թշնամիներ լինել, ապրենք համերաշխ: Բայց բոլոր հիմնական ուղղություններով ստացել ենք` «Ոչ» պատասխանը։

▫️ Ուկրաինայում տեղի ունեցողը աշխարհակարգի տեկտոնական փոփոխություններից է։

Վլադիմիր Պուտին

🟨 Հոկտեմբերի 27-ին ՌԴ և ՀՀ ԱԳ նախարարներ Սերգեյ Լավրովն ու Արարատ Միրզոյանը հեռախոսազրույց են ունեցել։

▫️Կողմերը մտքեր են փոխանակել հոկտեմբերի 28-ին նախատեսված Հավաքական անվտանգության խորհրդի արտահերթ նիստի օրակարգի և քննարկվելիք հարցերի շուրջ:

ՄԱՆՐԱՄԱՍՆԵՐ

🟨 Ռուսաստանը տարիներ շարունակ Հայաստանին առաջարկում էր լուծել Ղարաբաղի հարցը՝ Բաքվին փոխանցելով հինգ շրջան, բայց Երևանը գնաց իր ճանապարհով։

▫️Մենք առաջարկել ենք շարժվել հարաբերությունների կարգավորման ուղղությամբ, բայց Հայաստանի ղեկավարությունը գնաց իր ճանապարհով, և դա հանգեցրեց ստեղծված իրավիճակին։

▫️Ռուսաստանն աջակցում է խաղաղ կարգավորմանը, մենք հանդես ենք գալիս խաղաղության պայմանագրի, սահմանազատման և սահմանագծման օգտին։ Հայաստանն ինքն է ընտրում համաձայնագրի տարբերակը, մենք մեր կարծիքը չենք պարտադրի։ Մենք աջակցելու ենք հայ ժողովրդի ցանկացած ընտրություն։

Վլադիմիր Պուտին

◻️ Հոկտեմբերի 27-ը երկբևեռ իշխանության ավարտն էր Հայաստանում. բոլոր սպանված անձինք եղել են ահաբեկիչների թիրախում, պատահական զոհ չկար։

▫️ Radar Armenia-ի «Երրորդ Հանրապետություն» հաղորդաշարի հերթական հաղորդումը նվիրված է Հոկտեմբերի 27-ի ահաբեկչության 23-րդ տարելիցին։ Զրուցակիցը՝ լրագրող Աննա Իսրայելյան։

🎥 Դիտեք հաղորդումը Radar Armenia-ի ֆեյսբուքյան եթերում։