🟨 Ռուսական «Վեդոմոստի»-ի փոխանցմամբ` ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևն առաջիկայում կարող են հանդիպել Ռուսաստանում ՌԴ նախագահ Վլադիմիր Պուտինի միջնորդությամբ։

▫️ ՀՀ վարչապետի աշխատակազմից Radar Armenia-ի հարցմանը պատասխանեցին, որ «Վարչապետի բոլոր այցերի վերաբերյալ կառավարությունը ժամանակին տրամադրում է պատշաճ տեղեկատվություն»։

ՄԱՆՐԱՄԱՍՆԵՐ

🟨 🇦🇲 COVID-19 UPDATE 17.10-23.10.2022թ․

🟧 Հաստատված - 231 (13%)
🟩 Առողջացածներ - 415
⬛️ Մահվան ելքեր - 0
🟨 Թեստավորումներ - 3.034

🔸Հոկտեմբերի 23-ի դրությամբ կատարվել է 3 226 167 պատվաստում:

🟨 Ես աջակցում եմ հայ ժողովրդին, քանի որ Հայաստանը շարունակում է բախվել հումանիտար ճգնաժամին՝ Ադրբեջանի չհրահրված հարձակումների պատճառով։

▫️Մենք պետք է աջակցենք հայ ժողովրդին դիմակայելու այս շարունակվող վայրագությունները:

ԱՄՆ Ներկայացուցիչների պալատի անդամ Մայք Գարսիա

🟨 Երկար ժամանակ ոչ ոք չի վախենում Ռուսաստանից, քանի որ նրանք թույլ վախկոտներ են, որոնք երազում են բանակցությունների մասին՝ կասեցնելու իրենց փլուզումը։

▫️Բանակցություններ չեն լինի, իսկ Ռուսաստանի ամեն կեղտոտ բան կմնա մեկուսացման մեջ, որում նա անպայման կհայտնվի:

Ուկրաինայի նախագահի աշխատակազմի ղեկավար Անդրեյ Երմակ

🇦🇲 ՄԱՆՐԱՄԱՍՆԵՐ 🇬🇧ENG

🟨 Ուկրաինայի պատերազմը չպետք է մեզ ստիպի մոռանալ այլ հակամարտությունները՝ Հայաստանում, Սիրիայում, Իրաքում, Սոմալիում, Մերձավոր Արևելքում:

▫️Այսօր կան մարդիկ, որոնց վրա հարձակվում են, իսկ մյուս կողմից՝ կան առաջնորդներ, ովքեր որոշել են հարձակվել, ներխուժել և նվաստացնել:

Ֆրանսիայի նախագահ Էմանուել Մակրոն

🇦🇲 ՄԱՆՐԱՄԱՍՆԵՐ 🇬🇧ENG

🟨 Հոկտեմբերի 25-26-ը ՀՀ ԱԳ նախարար Արարատ Միրզոյանը պաշտոնական այցով կգտնվի Վատիկանում:

▫️Այցի շրջանակներում նախատեսված են նախարար Միրզոյանի հանդիպումները Սուրբ Աթոռի ու Մալթայի Ինքնիշխան Ուխտի բարձրաստիճան պաշտոնյաների հետ։

▫️Սանտա Մարիա Մաջիորե պապական տաճարում Արարատ Միրզոյանը ներկա կգտնվի «Խաղաղություն Հայաստանին» խորագրով պատարագին:

ՀՀ ԱԳՆ

🟨 Նոյեմբերի առաջին շաբաթվա ընթացքում Բրյուսելում կհանդիպեն փոխվարչապետեր Մհեր Գրիգորյանն ու Շահին Մուստաֆաևը:

Այս մասին Radar Armenia-ն տեղեկացավ ՀՀ փոխվարչապետ Մհեր Գրիգորյանի գրասենյակից

🇦🇲 ՄԱՆՐԱՄԱՍՆԵՐ 🇬🇧ENG

🟨 ԱԱԾ-ն դատական իշխանության ոլորտում կոռուպցիոն բնույթի հանցագործության դեպք է բացահայտել։

▫️[Պաշտոնատար անձը] խմբային շահերից ելնելով, պատրաստակամություն է հայտնել իր եղբոր հետ մտերիմ հարաբերությունների մեջ գտնվող անձի օգտին կատարել ապօրինի գործողություններ, այն է՝ ակնհայտ անարդար դատական ակտ կայացնելու միջոցով նրան ազատել կալանքից։

ԱԱԾ

ՄԱՆՐԱՄԱՍՆԵՐ

🟨 Այսօր մենք հնարավորություն ունենք խորհրդակցություններ անցկացնել Ադրբեջանի, Հայաստանի և Վրաստանի միջև։ Եթե հայկական կողմը պատրաստ է դրան, մենք նույնպես պատրաստ ենք:

Ադրբեջանի նախագահ Իլհամ Ալիև

🇦🇲 ՄԱՆՐԱՄԱՍՆԵՐ 🇬🇧ENG

🟨 Հակակոռուպցիոն պայքարը մեր իշխանության ամենակարևոր հանրային պարտավորություններից է, որում մեր քաղաքական կամքը ոչ մի միլիմետրով չի նվազել, այլև ավելացել է:

▫️Այսօր հակակոռուպցիոն համակարգ է ձևավորվել, որը պետք է լիարժեք աշխատի, և կոռուպցիայի՝ մեր երկրին հասցված վնասը պետք է վերականգնվի: Սա մեր պետության ինքնիշխանության, անկախության, անվտանգության ապահովման կարևորագույն գործիքներից է:

▫️Հակակոռուպցիոն կոմիտեի ծառայողի օրվա և կառույցի կազմավորման առաջին տարեդարձի առիթով այցելել եմ Հակակոռուպցիոն կոմիտե:

ՀՀ վարչապետ Նիկոլ Փաշինյան

🟨 Պատերազմի ժամանակ դեպքերի առնչվեցինք, երբ պարզվեց, որ ասենք ահասարսուռ անուններով հրթիռների միջից, կարող է, պլատաներ են հանել, որոնց մեջ ոսկի կա:

Նիկոլ Փաշինյան

🟨 Միացյալ Թագավորության հաջորդ վարչապետ կդառնա հնդկական ծագմամբ, ՄԹ նախկին գլխավոր գանձապետ Ռիշի Սունակը։

▫️ Նա ստացել է Պահպանողական կուսակցության մեծամասնության աջակցությունը, երբ բոլոր մրցակիցները հրաժարվել են վարչապետի պաշտոնի համար մրցավազքից։

🟨 ՀՅԴ բոլոր կառույցների ղեկավարները հրավիրված են եղել Համաշխարհային հայկական գագաթաժողովին

Սփյուռքի հանձնակատարի գրասենյակը անհատական և անվանական կերպով հրավեր է ուղարկել բոլոր երկրներում գործող ՀՅԴ մարմիններին,  բոլոր քույր կազմակերպություններին, նրան օժանդակող կամ փոխկապակցված կառույցների անդամներին։ 

Դեռևս ամիսներ առաջ ՀՅԴ բյուրոն հրապարակային պատասխան է տվել՝ տարածելով շրջաբերական, որով  հրահանգ է տրվել բոլոր դաշնակցական կառույցներին չմասնակցել գագաթնաժողովին։

ՀՀ սփյուռքի հանձնակատարի մամլո խոսնակ

🟩 Այցելեցինք Խորենացի փողոց, որտեղ այրվել էր շենքերից մեկի տանիքը։ Հաշվի առնելով անվտանգության առաջնայնությունը՝ շատ արագ կսկսենք տանիքի վերանորոգման աշխատանքները։

▫️Պետք է հետևենք հրդեհների կանխարգելման բոլոր միջոցառումներին, իսկ նման միջադեպերից հետո քաղաքացին վերականգնողական աշխատանքներին երկար չպետք է սպասի:

▫️Երևանի բնակիչների համար պետք է սովորական դառնա, որ իրենց ձայնը լսելի է, իսկ խնդիրներին շտապ և գործառնական լուծումներ են տրվում:

Երևանի փոխքաղաքապետ Տիգրան Ավինյան

ԼՈՒՍԱՆԿԱՐՆԵՐ

🟨 Վրաստանի նախագահ Սալոմե Զուրաբիշվիլիի գրասենյակը հայտնել է, որ նա տեղեկացված չի եղել Իլհամ Ալիևի՝ Վրաստան աշխատանքային այցի մասին։ Չնայած Վրաստանի նախագահի ցանկությանը և պատրաստակամությանը, նախագահների հանդիպումն այդպես էլ տեղի չի ունեցել։

▫️ Հիշեցնենք, որ մի քանի ամիս է, ինչ Վրաստանում կառավարության և նախագահի հարաբերությունները լարված են։


ՄԱՆՐԱՄԱՍՆԵՐ

🟥 Հոկտեմբերի 24-ին՝ ժամը 20:30-ին, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան ուղղությամբ տեղակայված հայկական դիրքերի ուղղությամբ:

▫️Հայկական կողմը կորուստներ չունի: Ժամը 21:30-ի դրությամբ իրավիճակը հարաբերականորեն կայուն է:

ՀՀ ՊՆ

🟨 🟥 Վլադիմիր Պուտինը Նիկոլ Փաշինյանին և Իլհամ Ալիևին հրավիրել է Ռուսաստան, որպեսզի հերթական եռակողմ գագաթնաժողովի ժամանակ քննարկեն եռակողմ և երկկողմ հարցերի ողջ շրջանակը։

ՌԴ ԱԳՆ