🟨 «Տաշիր» ընկերությունների խմբի նախագահ Սամվել Կարապետյանը շնորհավորել է Ռուբեն Վարդանյանին Արցախի պետական ​​նախարարի պաշտոնի առաջարկն ընդունելու կապակցությամբ և հույս հայտնել, որ Վարդանյանի նախաձեռնությամբ նոր ծրագրեր կիրականացվեն՝ ուղղված տարածաշրջանի զարգացմանը։

🟨 Հոկտեմբերի 20-ին՝ ժամը 16:30-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան ուղղությամբ տեղակայված հայկական դիրքերի ուղղությամբ:

Հայկական կողմը կորուստներ չունի:

Այս պահի դրությամբ իրավիճակը հարաբերականորեն կայուն է:

ՀՀ ՊՆ

🟨 Երևանում մեկնարկել է Եվրասիական միջկառավարական խորհրդի հերթական նիստը:

🟨 Եվրոպական միությունը հայտարարել է մոտ 118 միլիոն դրամի (300,000 եվրո) հրատապ օգնություն սեպտեմբերին տեղի ունեցած բախումների հետևանքով տուժած մարդկանց համար։

▫️Գալիք ձմռան ընթացքում այս ֆինանսավորումը կուղղվի ռազմական գործողությունների հետևանքով տեղահանված 7600 անձանց շրջանում առավել խոցելի մարդկանց:

ՄԱՆՐԱՄԱՍՆԵՐ

🟨 Առանց Ադրբեջանի համաձայնության, նման որոշման ընդունումը հակասում է ԵԱՀԿ-ի աշխատանքի սկզբունքներին։

▫️Պետք չէ նման ինքնաբուխ որոշումներ կայացնել:

Թուրքիայի ԱԳ նախարար Մևլյութ Չավուշօղլու

ՄԱՆՐԱՄԱՍՆԵՐ

🟨 Ադրբեջանը պատասխանատվության կենթարկվի հայ ռազմագերիների և այլ կալանավորների նկատմամբ իրականացված բոլոր վայրագությունների համար՝ համաձայն Արդարադատության միջազգային դատարանի երկու որոշումների։

Միջազգային իրավական հարցերով ՀՀ ներկայացուցիչ

ՄԱՆՐԱՄԱՍՆԵՐ

🟨 Մեկնարկել է ԻԻՀ ԱԳ նախարար Հոսեյն Ամիր Աբդոլլահիանի պաշտոնական այցը Երևան:

▫️Տեղի է ունենում ՀՀ և ԻԻՀ ԱԳ նախարարների առանձնազրույցը, որին կհետևի ընդլայնված կազմով հանդիպումը:

ՀՀ ԱԳՆ մամուլի քարտուղար

🟨 Ուզում եմ տեղեկացնել, որ այսօր մեկնարկել է ԵՄ դիտորդական առաքելության տեղակայումը հայ-ադրբեջանական սահմանի երկայնքով։

ԵՄ բարձր ներկայացուցիչ Ժոզեպ Բորել

🟨 Ֆրանսիայի Սենատը նոյեմբերին կքննարկի Ադրբեջանի դեմ պատժամիջոցներ կիրառելու մասին նոր բանաձևը և կպահանջի անհապաղ հեռանալ Հայաստանի տարածքից։

Ֆրանսիայի ԱԺ Եվրոպայի, միջազգային և պաշտպանության հարցերի մշտական ժողովի նախագահ Անն Ժենետե

ՄԱՆՐԱՄԱՍՆԵՐ

🟨 Տեղի է ունենում ՀՀ ԱԳ նախարար Արարատ Միրզոյանի և ԻԻՀ ԱԳ նախարար Հոսեյն Ամիր Աբդոլլահիանի ընդլայնված կազմով հանդիպումը։

ՀՀ ԱԳՆ մամուլի քարտուղար

🟨 Երևանում մեկնարկել է Եվրասիական միջկառավարական խորհրդի նեղ կազմով նիստը: Ընդլայնված կազմով բանակցությունները տեղի կունենան վաղը՝ հոկտեմբերի 21-ին։

ՄԱՆՐԱՄԱՍՆԵՐ

🟨 Իրանական կողմն ամբողջությամբ դեմ է, որպեսզի տարածաշրջանում՝ թե՛ Հայաստանի, թե՛ Ադրբեջանի տարածքում ներկա լինեն օտարերկրյա ներկայացուցիչներ։ Մեզ համար կարևոր է ներքին ներկայացուցիչների գործունեությունը։

▫️Իրանական կողմը տարածաշրջանում պատմական սահմանների ցանկացած փոփոխություն չի ընդունելու, դա մեր «կարմիր գիծն է», և կձեռնարկենք բոլոր քայլերը, դա կանխելու համար։

Հոսեյն Ամիր Աբդոլլահիան

🟨 Խաղաղության պայմանագրի, Հայաստան-Ադրբեջան հարաբերություններում առկա մյուս խնդիրների, ինչպես նաև ԼՂ հիմնախնդրի շուրջ մեր հանդիպումները շարունակական են տարբեր հարթակներում, տարբեր ձևաչափերով։

▫️Մենք փորձում ենք կառուցողական լինել և գտնել փոխադարձ ընդունելի լուծումներ։ Չափազանցություն չի լինի ասել, որ առաջընթաց ունենալու հիմնական խոչընդոտն Ադրբեջանի առավելապաշտական, մաքսիմալիստական մոտեցումն է և Հայաստանի հետ փոխադարձ ընդունելի լուծումներ գտնելու դժկամությունը։

Արարատ Միրզոյան

🟨 Ադրբեջանի նախագահն Իրանի պաշտոնական ղեկավարների հետ հանդիպմանը նշել է, որ աշխարհագրական և սահմանային փոփոխություններ տարածաշրջանում չեն հետապնդում և չեն ցանկանում իրականացնել։ Մենք այս առումով համապատասխան զգուշացումներ ենք տվել։

▫️ Իրանը հնարավորություն ունի դիմակայելու և խոչընդոտելու ցանկացած նման գաղափարի իրականացմանը։

Հոսեյն Ամիր Աբդոլլահիան

🟩 Մամիկոնյանց փողոցը Արամ Խաչատրյան փողոցին կապող նոր ճանապարհահատվածի շինարարությունն ավարտական փուլում է: Այն կշրջանցի ու զգալիորեն կբեռնաթափի Կոմիտասի պողոտան:

▫️Ճանապարհը կունենա արտաքին լուսավորության ստորգետնյա համակարգ։ Շինարարության ավարտը նախանշվում է նոյեմբերի երկրորդ կեսին:

Երևանի քաղաքապետարան

ՄԱՆՐԱՄԱՍՆԵՐ

🟨 ԵՄ դիտորդական առաքելությունն այսօր տեղակայվել է Հայաստանի և Ադրբեջանի սահմանի երկայնքով։ ԵՄ-ն ամբողջական տեղեկատվություն է ներկայացրել առաքելության վերաբերյալ:

▫️ Առաքելության մանդատն է՝ վերահսկել իրավիճակը Հայաստանի և Ադրբեջանի միջև սահմանամերձ շրջաններում։

▫️ Առաքելությունը քաղաքական բնույթի եզրակացություններ չի անելու, այլ փոխանցելու է իրավիճակի վերաբերյալ իր դիտարկումները եվրոպական կառույցներին ու ծառայություններին։

▫️ Կտեղակայվեն միայն քաղաքացիական դիտորդներ. ռազմական բաղադրիչ չկա։

ՄԱՆՐԱՄԱՍՆԵՐ

🟨 Հանրապետության տարածքում հոկտեմբերի 22-ին առանձին շրջաններում, 21-ին շրջանների զգալի մասում սպասվում են տեղումներ: Հոկտեմբերի 21-22-ն առանձին լեռնային շրջաններում կտեղա թաց ձյուն։

Եղանակը Երևանում հոկտեմբերի 21-ին՝

🌖 Ցերեկ +11 +13
🌗 Երեկո +9 +11
🌘 Գիշեր +10 +12

🇦🇲 ՄԱՆՐԱՄԱՍՆԵՐ 🇬🇧ENG

🟨 Հիմնական պահանջը, որ հայկական կողմն ունի այս մասին հետևյալն է, որ ճանապարհները պետք է մնան մեր սուվերենության ներքո և գործեն մեր օրենսդրության ներքո: Ցավոք սրտի, ինչպես քիչ առաջ նշեցի, մենք հանդիպում ենք այս հարցում Ադրբեջանի անզիջում վարքագծին:

▫️ Կարող եմ ասել նաև, որ տեսնում ենք, որ այլ երրորդ երկրներ, երբեմն նույնիսկ անսպասելի երրորդ երկրներ, աջակցում են այս ճանապարհի ադրբեջանական մեկնաբանությանը:

▫️ Կրկնում եմ, և բազմիցս ասել ենք, որ Հայաստանի տարածքով էքստրատերիտորիալ կամ դրան հատուկ առանձին կարգավորումներով միջանցքի բացման մասին խոսք լինել չի կարող:

ՀՀ ԱԳ նախարար Արարատ Միրզոյան

ՄԱՆՐԱՄԱՍՆԵՐ

🟨 Այսօր Շիրակի մարզում տեղացել է առաջին ձյունը:

Արփի լիճ տանող ճանապարհ։

🟩 Երևանյան հնավայրերի պահպանման ու հանրահռչակման նպատակով համայնքը միջազգային ու տեղական գործընկերների հետ տարբեր նախագծեր է ձեռնարկել:

▫️Մայրաքաղաքի հազարամյակների պատմությունը վկայող Ուրարտական ժամանակաշրջանում կառուցված Կարմիր բլուրում ևս մի շարք ծրագրեր են մեկնարկել: Հնավայր այցելած Երևանի քաղաքապետի տեղակալ Տիգրան Ավինյանը նախաձեռնություններին ծանոթանում է տեղում:

Երևանի քաղաքապետարան

🟨 Ադրբեջանի պաշտպանության նախարարության տարածած հաղորդագրությունն այն մասին, թե իբր ՀՀ ԶՈՒ ստորաբաժանումները կրակ են բացել ադրբեջանական դիրքերի և տրանսպորտային միջոցի ուղղությամբ, ապատեղեկատվություն է:

ՀՀ ՊՆ մամուլի քարտուղար