🟨 Հոկտեմբերի 18-19-ը Հայաստան բնական գազի մատակարարումը ժամանակավորապես կդադարեցվի՝ Հյուսիսային Կովկաս-Անդրկովկաս մայրուղային գազատարի վրա պլանային պրոֆիլակտիկ և վերանորոգման աշխատանքներ իրականացնելու նպատակով:

▫️ Հանրապետության սպառողների գազամատակարարումը կիրականացվի առանց սահմանափակումների՝ ներքին պաշարների հաշվին:

Գազպրոմ Արմենիա

🟩 Փարիզում տեղի ունեցավ «Ոսկե Գնդակ-2022» մրցանակաբաշխությունը:

▫️Տարվա լավագույն ֆուտբոլիստ ճանաչվեց «Մադրիդի Ռեալի» հարձակվող Կարիմ Բենզեման։

🟨 Պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Հնդկաստան:

ՀՀ ՊՆ

🟨 Երևանում հոկտեմբերի 18-ի ցերեկը, 20-ի գիշերը հնարավոր է կարճատև անձրև։

Եղանակը Երևանում հոկտեմբերի 18-ին՝

🌖 Ցերեկ +20 +22
🌗 Երեկո +13 +15
🌘 Գիշեր +10 +11

🇦🇲 ՄԱՆՐԱՄԱՍՆԵՐ 🇬🇧ENG

🟨 Հոկտեմբերի 18-ին՝ ժամը 02:20-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:

Այս պահի դրությամբ իրավիճակը հարաբերականորեն կայուն է:

ՀՀ ՊՆ մամուլի քարտուղար

🟥 Բացահայտվել է պետական դավաճանության ևս մեկ դեպք:

▫️ՀՀ քաղաքացի, ՊՆ N զորամասի պայմանագրային զինծառայողը 370 ԱՄՆ դոլար գումարի դիմաց օտարերկրյա հատուկ ծառայության ներկայացուցչին է հանձնել իր զորամասի տեղակայման վայրի, մարտական դիրքերի, դրանցում ծառայության անցկացման կարգի, զորամասի հաշվեկշռում գտնվող ավտոտեխնիկայի վերաբերյալ պետական և ծառայողական գաղտնիք կազմող տեղեկություններ:

ԱԱԾ

ՄԱՆՐԱՄԱՍՆԵՐ

🟥 Մարտական շփման գծում, մասնավորապես` Սոթք-Կուտական հատվածում, Ադրբեջանի ԶՈՒ ստորաբաժանումների ծառայության գիշերային դիտարկման և վերլուծության արդյունքում պարզվել է, որ նրանց ստորաբաժանումները հրադադարը խախտում են նախ կրակելով միմյանց, ապա՝ հայկական դիրքերի ուղղությամբ:

Այդպիսով, Ադրբեջանի ԶՈՒ-ն, նախ ստեղծում է տպավորություն, որ հայկական կողմն է կրակում իր հենակետերի ուղղությամբ, ապա սկսում տարբեր տրամաչափի հրաձգային զինատեսակներից կրակ բացել հայկական դիրքերի ուղղությամբ՝ իբր ի պատասխան հայկական կողմից բացված կրակի:

ՀՀ ՊՆ

🟨 Անկեղծ չգիտեմ, ո՞րն է նախընտրելի՝ մեռնելուց հետո կենդանիները անշունչ մարմինդ հոշոտեն-պղծե՞ն, թե՞ հայրենակիցներդ ողջ-ողջ հոգիդ հոշոտեն, անունդ պղծեն։

▫️Արդյո՞ք պատերազմի շրջանում վարչապետի կնոջ գտնվելու վայրի, նիստուկացի, հագուկապի եւ գործողությունների պրոտոկոլ գոյություն ունի։ Գուցե գոյություն ունի, եւ գուցե ըստ այդ պրոտոկոլի վարչապետի կինը պետք է սահմանափակվեր բացառապես թիկունքային աշխատանքներով։ Տրամաբանական է։ Պարզապես, թիկունքում այդ ժամանակ տեղ չկար, մեծ խցանում էր առաջացել. 10 միլիոն մարդ թիկունքից աջակցում էր կրակի տակ ընկած 100-200 հազարին։

ՀՀ վարչապետի տիկին Աննա Հակոբյան

ՄԱՆՐԱՄԱՍՆԵՐ

🟨 «Դա թյուրիմացություն չի»։

Փոխքաղաքապետ Տիգրան Ավինյանը Երևանի ավագանու «Իմ քայլը» խմբակցության անդամ Արման Անտոնյանին հորդորեց ուղիղ արձագանքել «Լույս» խմբակցության անդամ Անի Խաչատրյանի հայտարարությանը։

🇦🇲 ՄԱՆՐԱՄԱՍՆԵՐ 🇷🇺RUS 🇬🇧ENG

🟨 Թվիթերում ՀՀ վարչապետ Նիկոլ Փաշինյանը կիսվել է ՀՀ ՊՆ հայտարարությամբ, որով ներկայացվում էր Ադրբեջանի կողմից ապատեղեկատվության ստեղծման մեխանիզմը.

▫️ Ստեղծվում են կեղծ տեղեկություններ Հայաստանի կողմից հրադադարի խախտման մասին։

🟨 Երևանի փոխքաղաքապետ Տիգրան Ավինյանը Տրանսպորտի վարչության պետի ժ/պ Հայկ Սարգսյանից հետաքրքրվեց, թե երբ է տեսնում ընդհանուր տրանսպորտային ցանցի խնդիրների հանգուցալուծումը։

▫️Ամենասուր դրվող հարցերն այս պահին կապված են տրանսպորտի հետ։ Ես ուզում եմ, որ մենք հնարավորինս բաց և թափանցիկ լինենք այս առումով։ Մարդկանց մոտ սպասելիքները հստակ են, այսինքն՝ չասենք մի բան, որը չենք անելու:

ՄԱՆՐԱՄԱՍՆԵՐ

🟨 Վարչապետ Նիկոլ Փաշինյանն ընդունել է ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսի գլխավորած պատվիրակությանը:
 
▫️Վարչապետի խոսքով՝ վերջին շրջանում հայ-ամերիկյան ինտենսիվ շփումներն ու բարձր մակարդակի փոխայցելություններն էապես նպաստում են ռազմավարական երկխոսության շարունակական զարգացմանը:

🟨 Հնդկաստան աշխատանքային այցի շրջանակում ՀՀ պաշտպանության նախարար Սուրեն Պապիկյանը հանդիպել է Հնդկաստանի պաշտպանության նախարար Շրի Ռաջնաթ Սինկհի հետ:

▫️Զրուցակիցները գոհունակություն են հայտնել համագործակցության ներկա մակարդակի վերաբերյալ, քննարկվել են համագործակցության ընդլայնման հնարավորությունները, երկկողմ ռազմական և ռազմատեխնիկական համագործակցության մի շարք հարցեր։

ՄԱՆՐԱՄԱՍՆԵՐ

🟩 Հայաստանի ծանրամարտի երիտասարդական թիմի անդամ Գոռ Սահակյանը դարձել Մ23 տարեկանների Եվրոպայի առաջնության չեմպիոն:

🟨 Մաքսային հսկողությունից թաքցրել են Իրանից բերվող 19 հազար 150 տուփ ծխախոտ:

ՊԵԿ

ՄԱՆՐԱՄԱՍՆԵՐ

🟨 Քննարկվում է հայ-ադրբեջանական սահմանին ԵԱՀԿ դիտորդներ գործուղելու թեման:

▫️Այս առաքելությանը պետք է վերագրենք նաև հետագա նոր հարձակումների կանխման կարևոր առաքելությունը և կայուն խաղաղության հաստատումը:

ԱԳ նախարար Արարատ Միրզոյան

ՄԱՆՐԱՄԱՍՆԵՐ

🟨 Այստեղ մեզ համար չափազանց կարևոր է նաեւ իրավիճակի քաղաքական գնահատականը, որով հանդես կգան մեր դաշնակից պետությունները:

▫️ Մեզ նախևառաջ պետք է հասկանալ՝ որքանով է կազմակերպությունը [ՀԱՊԿ-ը] ճանաչում այն իրավիճակը, որը կա: Իսկ դա ագրեսիա է Հայաստանի դեմ և ներխուժում ՀՀ սուվերեն տարածք։

ԱԳ նախարար Արարատ Միրզոյան

ՄԱՆՐԱՄԱՍՆԵՐ

🟨 Երևանի քաղաքապետի տեղակալ Տիգրան Ավինյանը և Երևանի Կենտրոն վարչական շրջանի ղեկավար Սամվել Ղուկասյանը աշխատանքային այցի շրջանակում այսօր Խորենացի 6, 8 շենքերի բակում հանդիպեցին բնակիչներին, տեղում լսեցին նրանց կողմից բարձրաձայնված հարցերը:

ՄԱՆՐԱՄԱՍՆԵՐ

🟨 Ադրբեջանը կամ Ադրբեջանի ներկայացուցիչները չեն առաջարկում ունենալ ճանապարհ, որը կունենա նույն կարգավորումները, ինչ Լաչինի միջանցքը։

▫️ Եթե պարոն Չավուշօղլուն իր կողմից այս կոմպոնենտն է մտցնում բանակցություններում, ապա լավ կլինի` իր անունից ասի։ Կրկնում եմ՝ Ադրբեջանը այդպիսի բան չի ասում և չի էլ կարող իրավացիորեն որևէ կողմ այդպիսի բան պնդել։

ՀՀ ԱԳՆ Արարատ Միրզոյանը

ՄԱՆՐԱՄԱՍՆԵՐ

🟨 Տեղի են ունեցել հայ-բուլղարական բարձր մակարդակի հանդիպումներ:

▫️Բուլղարիայի Հանրապետության նախագահի նստավայրում տեղի է ունեցել ՀՀ նախագահ Վահագն Խաչատուրյանի և Բուլղարիայի նախագահ Ռումեն Ռադևի առանձնազրույցը, ինչին հաջորդել է պատվիրակությունների ընդլայնված կազմով հանդիպումը։

▫️Ստորագրվել է Հայ-բուլղարական առևտրի և տնտեսական պալատ հիմնադրելու մասին հուշագիր:

🟨 ՄՊՀ-ն վարույթ է հարուցել Երևանի քաղաքապետարանի նկատմամբ՝ ավտոբուսների գնման ընթացակարգերում իրավախախտման առնչությամբ:

▫️Հայտարարված գնման ընթացակարգերի հրավերների տեխնիկական բնութագրերով առերևույթ սահմանվել են այնպիսի պահանջներ, որոնց առկայությունը հանգեցրել է կամ կարող է հանգեցնել գնման ընթացակարգերի հնարավոր մասնակիցների համար անհավասար պայմանների ստեղծմանը և տնտեսական մրցակցության սահմանափակմանը:

ՄԱՆՐԱՄԱՍՆԵՐ