🟨 Նիկոլ Փաշինյանը կառավարությունում հյուրընկալել է Արցախի նախագահ Արայիկ Հարությունյանի գլխավորած պատվիրակությանը:

▫️Անդրադարձ է կատարվել Ադրբեջանի հետ տարվող քննարկումների ընթացքին:

▫️Վարչապետը նշել է, որ ինչպես մինչ այժմ, այնպես էլ հետագայում Արցախի գործընկերներին տրամադրվելու է քննարկումների մասին ողջ տեղեկատվությունը:

🟩 Radar Armenia-ի «Երրորդ Հանրապետություն» հաղորդաշարի հերթական հաղորդման 1-ին մասը ներկայացնում է Արցախյան բանակցությունների մանրամասները` պատմելով դրանցում «միջանցքի» գաղափարի հայտնվելու, ԼՂ-ը բանակցություններից դուրս թողնելու և 1994թ. զինադադարի մասին։

▫️Զրուցակիցը՝ 1994-1998թթ. ՀՀ նախագահի մամուլի քարտուղար, ՀԱԿ փոխնախագահ Լևոն Զուրաբյանն է։

🎥 Դիտեք հաղորդումը հոկտեմբերի 16-ին, ժամը 20։00-ին Radar Armenia-ի կայքում, ֆեյսբուքյան և յութուբյան էջերում։

🟨 Անկեղծորեն ցավակցում եմ Բարտինում [Թուրքիայում] ածխահանքի պայթյունի հետևանքով բոլոր զոհվածների հարազատներին։ Արագ վերականգնում եմ մաղթում բոլոր վիրավորներին։

Իր թվիթերի էջում գրել է ՀՀ ԱԳ նախարար Արարատ Միրզոյանը` գրառման մեջ նշելով Թուրքիայի ԱԳ նախարար Մևլութ Չավուշօղլուին։

Ըստ տեղեկությունների, զոհերի թիվն այս պահին հասել է 41-ի։

🟨 Ահաբեկչություն՝ Ռուսաստանի Բելգորոդի շրջանում

Բելգորոդում հատուկ գործողության նախապատրաստվող կամավորների հետ կրակային պարապմունքի ժամանակ ահաբեկիչները կրակել են ստորաբաժանման անձնակազմի ուղղությամբ։

11 մարդ մահացել է, 15-ը հոսպիտալացվել է տարբեր աստիճանի վնասվածքներով։ Պատասխան կրակից սպանվել է երկու ահաբեկիչ։

ՌԴ ՊՆ

🟨 Շնորհակալություն, պարոն նախարար, անկեղծ ցավակցությունների համար։

Թուրքիայի ԱԳ նախարար Մևլութ Չավուշօղլուն գրառում է կատարել թվիթերի իր էջում` ուղղված Արարատ Միրզոյանին։

🟨 Օդի ջերմաստիճանը հոկտեմբերի 16-17-ի ցերեկը կբարձրանա 2-3 աստիճանով:

Եղանակը Երևանում հոկտեմբերի 16-ին՝

🌖 Ցերեկ +20 +22
🌗 Երեկո +14 +16
🌘 Գիշեր +10 +12

🇦🇲 ՄԱՆՐԱՄԱՍՆԵՐ 🇷🇺RUS 🇬🇧ENG

🟥 Ադրբեջանի պաշտպանության նախարարությունը հերթական կեղծ հաղորդագրությունն է տարածել այն մասին, թե իբր ՀՀ ԶՈւ ստորաբաժանումները կրակ են բացել ադրբեջանական դիրքերի ուղղությամբ:

▫️ՀՀ ԶՈՒ ստորաբաժանումները կրակ չեն բացել ադրբեջանական դիրքերի ուղղությամբ, իսկ Ադրբեջանի ՊՆ նմանօրինակ ապատեղեկատվության ամենօրյա տարածումը ոչ այլ ինչ է, քան արհեստականորեն սահմանային լարվածություն ստեղծելու փորձ:

ՀՀ ՊՆ

🇷🇺RUS

🟨 Քանաքեռցիների, զեյթունցիների և մանումենտցիների հետ հանդիպումների ընթացքում քննարկվել են բնակիչներին հուզող խնդիրներ և ներկայացվել են առաջիկա ծրագրերը։

▫️Բնակիչներին անհանգստացնող հարցերը հիմնականում վերաբերում էին զավթված կանաչապատ տարածքներին։

▫️Այս առումով հանրային շահը գերակա է մասնավորից, և կանաչ տարածքները փուլ առ փուլ կվերադարձվեն քաղաքին և երևանցիներին։

Երևանի փոխքաղաքապետ Տիգրան Ավինյան

🇦🇲 ՄԱՆՐԱՄԱՍՆԵՐ 🇷🇺RUS

🟩 Վարչապետ Նիկոլ Փաշինյանի ուղերձը Հայ մամուլի օրվա առիթով
 
▫️Ջերմորեն շնորհավորում եմ ձեզ մասնագիտական տոնի՝ Հայ մամուլի օրվա կապակցությամբ:
 
▫️Այս տոնը կոչված է մեկ անգամ ևս արժևորելու և նշանավորելու ազատ խոսքի դերն ու կշիռը մեր հասարակության տարբեր շերտերում:

▫️ Այս օրերին, երբ ազգովի բազմաթիվ մարտահրավերների առաջ ենք կանգնում, դրանց հաղթահարման ճանապարհին հայ մամուլը կարևոր անելիք ունի, քանի որ մամուլի առանցքային դերերից է առողջ մտածելակերպով կայուն հասարակության ձևավորումը, տարբեր ոլորտներում թափանցիկության ապահովումն ու իրականության պատշաճ իրազեկումը: Մամուլի ազատությունն այն կարևորագույն արժեքներից է, որն ունենք Հայաստանում, և մենք պետք է ամեն ինչ անենք, որպեսզի պահպանենք և զարգացնենք այն:
 
ՄԱՆՐԱՄԱՍՆԵՐ

🟩 Այսուհետ հնարավոր է Իրանից կամ Վրաստանից ցեմենտ ներկրել՝ մեկ տոննայի համար վճարելով 2 հազար դրամ տուրք (նախկին 14 հազարի փոխարեն):

▫️ Ներկրելուց առաջ հարկավոր է դիմել էկոնոմիկայի նախարարություն, ստանալ ներկրման լիցենցիա և վճարել տուրքը:

ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյան

ՄԱՆՐԱՄԱՍՆԵՐ

🟨 ՆԱՏՕ-ն դե ֆակտո ներքաշվել է ուկրաինական հակամարտության մեջ, բայց դա չի ազդում Ռուսաստանի Դաշնության նպատակների վրա։

▫️Մեր ներուժը թույլ է տալիս շարունակել հատուկ գործողությունը, որը հասցվելու է իր ավարտին:

Դմիտրի Պեսկով

🟩 Radar Armenia-ի «Երրորդ Հանրապետություն» հաղորդաշարի հերթական հաղորդումը ներկայացնում է Արցախյան բանակցությունների մանրամասները.

▫️ Ինչպես է միջանցքի գաղափարը հայտվել բանակցություններում։
▫️ Ինչպես է ԼՂ-ը դուրս մղվել գործընթացից։
▫️Ինչ պայմաններում է իրականում կնքվել 1994թ. զինադադարը։

▫️Զրուցակիցը՝ ՀՀ ՀԱԿ փոխնախագահ, 1994-1998թթ. ՀՀ նախագահի մամուլի քարտուղար Լևոն Զուրաբյանն է։

🎥 Ամբողջական տարբերակը` մեր ֆեյսբուքյան էջում։

🟨 Ձեռնպահ մնալով բովանդակության վերաբերյալ մեկնաբանություններից կամ մասնավոր դիվանագիտական հաղորդակցության քննարկումից՝ կարևոր է հիշել, որ բանակցությունները դինամիկ գործընթացներ են։ Դրանք սոցիալական հարթակներում չեն ընթանում։ Բանակցությունները վարվում են անձամբ, դեմ առ դեմ և տեղի են ունենում առաջնորդների միջև, որոնք հետամուտ են խաղաղության և ավելի լավ ապագայի՝ հանուն իրենց ժողովրդի։

▫️ Հենց այդ պատճառով էլ մենք շարունակաբար խրախուսել ենք երկու կողմերի առաջնորդներին հանդիպել և կշարունակենք դա անել՝ ձգտելով համապարփակ խաղաղության գործընթացի, որը շահեկան է տարածաշրջանի և այնտեղի ժողովուրդների համար։

ՀՀ-ում ԱՄՆ դեսպանատունը` Radar Armenia-ի հարցմանը ի պատասխան։

ՄԱՆՐԱՄԱՍՆԵՐ

🟨 Ռուսաստանը հաստատ լուռ դիտորդի դեր չի ստանձնի։ Վա՞տ է դա, թե՞ լավ, արդարացի՞ է, թե՞ ոչ, նույնքան նշանակություն ունի այս խոսակցության համար, որքան եղանակը Մարս մոլորակի վրա։ Այստեղ միայն նշանակություն ունի այն, որ Ռուսաստանը դրան կփորձի խոչընդոտել՝ միջոցներում խտրականություն չդնելով։

▫️ Արևմուտքին միայն մի հարց է պետք տալ. եթե Ռուսաստանը որոշի պատժել Հայաստանին՝ կողմնորոշման փոփոխության փորձի համար, Ադրբեջանի հետ հարաբերությունների կարգավորման գործընթացում Արևմուտքի համար նախընտրելի պլանն ընդունելու համար, ի՞նչ է անելու Արևմուտքը, որպեսզի մեզ այդ հակազդեցությունից պաշտպանի։

Radar Armenia-ի հարցազրույցը քաղաքագետ, ԱՄՆ Լիհայի համալսարանի պրոֆեսոր Արման Գրիգորյանի հետ։

ՄԱՆՐԱՄԱՍՆԵՐ

🟨 Հոկտեմբերի 17-ի երեկոյան ժամերին հնարավոր է կարճատև անձրև:

Եղանակը Երևանում հոկտեմբերի 17-ին՝

🌖 Ցերեկ +19 +21
🌗 Երեկո +13 +15
🌘 Գիշեր +10 +12

🇦🇲 ՄԱՆՐԱՄԱՍՆԵՐ 🇬🇧ENG

🟨 Կիևի կենտրոնում երկու պայթյուն է որոտացել:

▫️Կիևի վրա հարձակումն իրականացվել է անօդաչու թռչող սարքերով։

🟨 1000 խոշոր հարկ վճարողների կողմից 2022թ. 9 ամիսների ընթացքում պետական բյուջե ընդհանուր առմամբ վճարվել է ավելի քան 1 տրիլիոն 82 միլիարդ 627 միլիոն դրամ:

▫️Հարկային մարմին կատարված վճարումների գումարը կազմել է ավելի քան 890 միլիարդ 480 միլիոն դրամ, իսկ մաքսային մարմին կատարված վճարումների գումարը՝ ավելի քան 192 միլիարդ 147 միլիոն դրամ։

ՊԵԿ

🟨 ՊԵԿ-ը հրապարակել է հունվար-սեպտեմբեր ամիսների ընթացքում առաջին 1000 խոշոր հարկատուների ցանկը:

Ներկայացնում ենք առաջին 15 հորիզոնականը՝

1․Զանգեզուրի ՊՄԿ - 129֏ մլրդ.
2․Գազպրոմ Արմենիա - 41֏ մլրդ.
3․Գրանդ Տոբակո - 32֏ մլրդ.
4․Ինտ․ Մասիս տաբակ - 16֏ մլրդ.
5․ՄՏՍ Հայաստան - 12֏ մլրդ.
6․Ֆիլիպ Մորիս Արմենիա 12֏ մլրդ.
7․Սի-Փի-Էս - 11֏ մլրդ.
8․Ագարակի ՊՄԿ - 11֏ մլրդ.
9․Ֆլեշ - 11֏ մլրդ.
10․Ջեյ թի այ - 11֏ մլրդ.
11․Ալեքս Էնդ հոլդինգ - 10֏ մլրդ.
12.Հայաս․ Էլ․ ցանցեր - 9֏ մլրդ.
13․Թեղուտ - 9֏ մլրդ.
14․Լեռնամետ․ Ինստիտիուտ - 9֏ մլրդ.
15․Արմենիա միջ․ օդան․ - 8֏ մլրդ.

🟨 Հոկտեմբերի 16-ին՝ ժամը 18:45-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան ուղղությամբ տեղակայված հայկական դիրքերի ուղղությամբ:

Այս պահի դրությամբ իրավիճակը հարաբերականորեն կայուն է:

ՀՀ ՊՆ