🟨 ՔԿ պաշտոնյան խոշոր չափի ընդհանուր 24.738.798 ՀՀ դրամին համարժեք 60.900 ԱՄՆ դոլար կաշառք է պահանջել եւ ստացել:

ԱԱԾ

🟨 2020թ. նոյեմբերի 9-ի եռակողմ հայտարարության ստորագրումից ի վեր Ադրբեջանը մշտապես չարաշահել է ռազմագերիների հայրենադարձման հարցը՝ քաղաքական շահերի հասնելու նպատակով։

▫️Հետպատերազմյան շրջանում Ադրբեջանը գերիների ազատ արձակումը կապում էր ականապատ դաշտերի քարտեզների տրամադրման հետ։

▫️ Այժմ, քարտեզները ստանալուց հետո, Ադրբեջանը փորձում է ռազմագերիների, գերիների և այլ պահվող անձանց վերադարձը պայմանավորել ԼՂ առաջին պատերազմի հետևանքով անհայտ կորածների ճակատագրի պարզաբանմամբ։

▫️ Չխորանալով մանրամասների մեջ՝ միայն այս փաստն արդեն հստակ ցույց է տալիս Ադրբեջանի իրական մտադրությունները։

Նիկոլ Փաշինյան

🟨 Պաշտոնապես հայտարարում եմ, որ մենք պատրաստ ենք այս հիմքով ճանապարհների շուտափույթ բացմանը։ Ավելին, Ադրբեջանի արևմտյան շրջանների և Նախիջևանի Ինքնավար Հանրապետության միջև տրանսպորտային կապն ապահովելու համար երեք անցակետեր բացելու մասին ՀՀ կառավարության որոշման նախագիծը վաղուց պաշտոնական շրջանառության մեջ է, սակայն հենց Ադրբեջանի նախագահն է դեմ արտահայտվում նման որոշմանը։

▫️ Դա կապված է կապուղիների ապաշրջափակման և մարդկանց, ապրանքների ու տրանսպորտի տեղաշարժը հնարավորինս մեկուսացնելու Ադրբեջանի ցանկության հետ, ինչը վկայում է այն մասին, որ նրանք շահագրգռված չեն տարածաշրջանում կայուն խաղաղության հաստատման տրամաբանությամբ։

Նիկոլ Փաշինյան

🟨 Էրդողանն ու Փաշինյանը պայմանավորվել են, որ հարաբերությունների կարգավորման նպատակով հատուկ ներկայացուցիչների հաջորդ հանդիպումները տեղի կունենան Թուրքիայում և Հայաստանում։

▫️ Առաջիկայում մենք չենք նախատեսում Հայաստանի հետ համաձայնագիր ստորագրել։

Թուրքիայի ԱԳՆ Մևլութ Չավուշօղլու

ՄԱՆՐԱՄԱՍՆԵՐ

🟨 Ֆրանսիայի նախագահը վիրավորական, անընդունելի, սուտ ու սադրիչ հայտարարություններ արեց։

▫️Դրանք տպագրված են, բոլորը կարող են տեսնել։
▫️Այդ հայտարարություններով նա Ադրբեջանին մեղադրեց սարսափելի պատերազմի մեջ՝ դրանով իսկ, փաստերը շահարկելով ու փորձելով մոլորեցնել ֆրանսիական և համաշխարհային հանրությանը։

Իլհամ Ալիև

ՄԱՆՐԱՄԱՍՆԵՐ

🟨 Հատուկ ներկայացուցիչների հանդիպումները Հայաստանում կամ Թուրքիայում անցկացնելու վերաբերյալ որևէ պայմանավորվածություն ձեռք չի բերվել:

ՀՀ ԱԳՆ

🟨 Ադրբեջանական մամուլում տարածվող տեղեկություններն այն մասին, թե իբր ականի պայթյունի հետևանքով ՀՀ ԶՈՒ զինծառայողներ են զոհվել և վիրավորել, չի համապատասխանում իրականությանը:

Radar Armenia-ի հետ զրույցում ասել է ՀՀ ՊՆ մամուլի քարտուղարը

🟨 Հոկտեմբերի 14-ին ԱԽ քարտուղար Արմեն Գրիգորյանը հանդիպել է ԵՄ տեխնիկական գնահատման առաքելության անդամների հետ:

▫️ԱԽ քարտուղարը ողջունել է ԵՄ տեխնիկական գնահատման առաքելության անդամների այցը Հայաստան և վերահաստատել Երևանի պատրաստակամությունն աջակցելու առաքելությանը բոլոր հարցերում:

▫️Գրիգորյանը նաև կարևորել է առաքելության դերը՝ տարածաշրջանում որպես անվտանգության հավելյալ երաշխիք:

ՄԱՆՐԱՄԱՍՆԵՐ

🟥 Հայ ռազմագերիների սպանությունն ադրբեջանական ուժերի կողմից պատերազմական հանցագործություն է, որի համար պետք է պատասխանատվություն կրեն։

▫️40 վայրկյան տևողությամբ տեսանյութն ստուգվել է տարբեր մեթոդներով, այդ թվում՝ խորհրդակցելով զենքի և բժշկական փորձագետների հետ, վերլուծելով տեսանյութում լսվող լեզուն և օգտագործելով պատկերների որոնման համակարգեր։

Human Rights Watch

⬛️ 72 տարեկան հասակում մահացել է դերասան Ռոբի Քոլթրեյնը, որը Հարրի Փոթերի մասին ֆիլմերում հանդես էր գալիս Հագրիդի կերպարում։

🟩 Ուրախ եմ տեղեկացնել, որ նոր բեռնատարերը և ջրցան մեքենաները արդեն ժամանեցին Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի ավտոպարկ:

▫️Այսուհետ այլևս չեն լինի ավտոպարկի մաշվածության պատճառով առաջացող խնդիրները և կանաչապատման և բարեկարգման ծրագիրը կընթանա շատ ավելի արագ։

▫️Բեռնատարերը ոլորտի կարիքներին կծառայեն տարվա բոլոր եղանակներին:

Տիգրան Ավինյան

ՄԱՆՐԱՄԱՍՆԵՐ

🟥 Հոկտեմբերի 15-ին՝ ժամը 01:20-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:

▫️Այս պահի դրությամբ իրավիճակը հարաբերականորեն կայուն է:

ՀՀ ՊՆ

🟨 Հանրապետության տարածքում հոկտեմբերի 15-18-ն առանձին շրջաններում սպասվում է անձրև:

Եղանակը Երևանում հոկտեմբերի 15-ին՝

🌖 Ցերեկ +18 +20
🌗 Երեկո +14 +16
🌘 Գիշեր +10 +12

🇦🇲 ՄԱՆՐԱՄԱՍՆԵՐ

🟨 Մարշալ Բաղրամյան պողոտան Կասյան փողոցին կապող էստակադան այս պահին փակ է երթևեկության համար: Տարածքում նորոգման աշխատանքներ են:

▫️ Փոխքաղաքապետ Տիգրան Ավինյանը ծանոթացել է նորոգման աշխատանքների ընթացքին։

🟨 Մենք չենք տեսել Ռուսաստանի կողմից որևէ ջանք՝ ուղղված Հայաստանի և Ադրբեջանի հարաբերությունների կարգավորմանը:

ԱՄՆ Պետդեպարտամենտի ներկայացուցիչ

ՄԱՆՐԱՄԱՍՆԵՐ

🟨 Երեկ ԵԽԽՎ-ում Հայաստանի իշխանական պատգամավորները բարեհաջող կռիվ տվեցին Հայաստանի ընդդիմադիր պատգամավորի խոսքի (ելույթի) իրավունքի համար (երբ թուրք նախագահողը փորձում էր ընդհատել այն)։

▫️Ընդորում, ընդդիմադիր պատգամավորը այդ պահին խոսում էր Հայաստանի իշխանությունների ապիկարության արդյունքում Լեռնային Ղարաբաղի խնդրի վատթարացման մասին։

▫️Սա իրապես լավ օրինակ էր։

Դանիել Իոաննիսյան

🟨 Հայաստանն առաջարկել է Ադրբեջանին հոկտեմբերի 31-ին Բրյուսելում անցկացնել սահմանազատման և անվտանգության հետ սահմանի հարցերով հանձնաժողովների նիստ։

ՀՀ վարչապետ Նիկոլ Փաշինյան

🟨 Պաշտպանության նախարարությունը կազմակերպում է հրաձգության դասընթացներ:

▫️Դասընթացները ներառելու են հրաձգության տեսական, ինչպես նաև գործնական պարապմունքներ՝ մարտական զենքով։ Այս փուլում մասնակցության առաջնահերթությունը տրվելու է իգական սեռի ներկայացուցիչներին:

▫️Դասընթացներին մասնակցելու համար անհրաժեշտ է նախապես գրանցվել՝ զանգահարելով 010-42-78-48 հեռախոսահամարով՝ երկուշաբթի-ուրբաթ օրերին, ժամը 09։00-18։00 կամ գրանցվել առցանց։

🟨 Նիկոլ Փաշինյանը կառավարությունում հյուրընկալել է Արցախի նախագահ Արայիկ Հարությունյանի գլխավորած պատվիրակությանը:

▫️Անդրադարձ է կատարվել Ադրբեջանի հետ տարվող քննարկումների ընթացքին:

▫️Վարչապետը նշել է, որ ինչպես մինչ այժմ, այնպես էլ հետագայում Արցախի գործընկերներին տրամադրվելու է քննարկումների մասին ողջ տեղեկատվությունը:

🟩 Radar Armenia-ի «Երրորդ Հանրապետություն» հաղորդաշարի հերթական հաղորդման 1-ին մասը ներկայացնում է Արցախյան բանակցությունների մանրամասները` պատմելով դրանցում «միջանցքի» գաղափարի հայտնվելու, ԼՂ-ը բանակցություններից դուրս թողնելու և 1994թ. զինադադարի մասին։

▫️Զրուցակիցը՝ 1994-1998թթ. ՀՀ նախագահի մամուլի քարտուղար, ՀԱԿ փոխնախագահ Լևոն Զուրաբյանն է։

🎥 Դիտեք հաղորդումը հոկտեմբերի 16-ին, ժամը 20։00-ին Radar Armenia-ի կայքում, ֆեյսբուքյան և յութուբյան էջերում։