🟥 Զելենսկին տեսաուղերձ է հրապարակել, որը նկարահանվել է Կիևի կենտրոնում:

▫️Ամբողջ Ուկրաինայում վնասվել են էլեկտրակայանները՝ Կիևում, Խմելնիցկիում, Լվովում, Դնեպրոպետրովսկում, Վիննիցայում, Իվանո-Ֆրանկովսկում, Զապորոժիեում, Սումիում, Խարկովում, Ժիտոմիրում և Կիրովոգրադում:

🟩 Մայրաքաղաքում միջազգային վարկային ծրագրերով ընթացքի մեջ է Բաբաջանյան-Աշտարակ ճանապարհահատվածի կառուցումը:

▫️Բարեկարգման աշխատանքներ են տարվում նաև Բաբաջանյան փողոց - Արգավանդի խճուղի 1 կմ-ոց հատվածում:


Երևանի քաղաքապետարան

🟨 Կիևի ռեժիմի հանցագործություններն անպատասխան թողնելն ուղղակի անհնար է:

Վլադիմիր Պուտին

🟥 Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ:
 
▫️Բացի ԱԽ անդամներից՝ նիստին մասնակցել են նաև Հանրապետության նախագահ Վահագն Խաչատուրյանը, Վարչապետի աշխատակազմի ղեկավար Արայիկ Հարությունյանը և Ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանը:
 
▫️Նիստում քննարկվել են Հայաստանի առջև ծառացած մարտահրավերներն ու դրանց հաղթահարմանն ուղղված հետագա քայլերը:

🟩 Հայաստանի փոստը ըստ զարգացման ցուցանիշի 80-րդ տեղից բարձրացել է 48-րդ հորիզոնականը` առաջին անգամ գերազանցելով տարածաշրջանի երկրների` Ադրբեջանի և Վրաստանի փոստերին։

▫️Ի դեպ նման ցատկ փոստի պատմության մեջ գրանցել են ընդամենը երեք երկիր, որոնցից մեկը մենք ենք։

▫️Այսօր` Փոստի համաշխարհային օրը, ՀայՓոստին շնորհվել է փոստի զարգացման գործում «Ծագող աստղ» պատվավոր մրցանակը։

ՀայՓոստի նախկին տնօրեն Հայկ Կարապետյան

🟨 Ուկրաինայում այս առավոտյան տեղի ունեցած հրթիռակոծությունների հիմնական հետևանքներն են՝

▫️Կիև- խոցվել են ՋԵԿ-5, ՋԵԿ-6 և «Տրիպոլսկայա» ՋԵԿ-երը:

▫️Դնեպր- խոցվել է «Պրիդնեպովսկայա» ՋԵԿ-ը:
Խմելնիցկի. ժամանումը զորամաս և էլեկտրական ենթակայան։

▫️Լվով- ավերվել է երկու էլեկտրակայան։

▫️Պոլտավայի շրջան- ամբողջովին անջատված է էլեկտրաէներգիան:

▫️Խարկովի մարզ- ամբողջովին անջատված է էլեկտրաէներգիան:

▫️Սումիի շրջան- ամբողջովին անջատված է էլեկտրաէներգիան:

🟥 Հոկտեմբերի 10-ին, ժամը 11։15-ից կապի խափանման խնդիրներով պայմանավորված՝ Հաշվետվությունների ներկայացման էլեկտրոնային համակարգը (file-online) և Էլեկտրոնային հաշվարկային փաստաթղթերի դուրս գրման համակարգը (e-Invoicing) անհասանելի են։

▫️Խնդիրները կարգավորելուց հետո լրացուցիչ կտեղեկացվի։ Հայցում ենք ձեր ներողամտությունը։

ՀՀ ՊԵԿ

🟥 Իրանի Խոյ քաղաքից 24 կմ հարավ-արևմուտք, օջախի 10 կմ խորությամբ, 4.8 մագնիտուդով տեղի է ունեցել երկրաշարժ:

▫️Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: ▫️Երկրաշարժը զգացվել է Սյունիքի մարզի Կապան և Մեղրի քաղաքներում՝ 2-3 բալ ուժգնությամբ։

ԱԻՆ

🟨 Վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ:

▫️Անդրադարձ է կատարվել Լեռնային Ղարաբաղի հայության անվտանգության և իրավունքների պաշտպանությանը, Ստեփանակերտի և Բաքվի միջև քննարկումների համար միջազգային մեխանիզմի ստեղծմանը, Ադրբեջանում պահվող հայ ռազմագերիների վերադարձի ապահովմանը վերաբերող հարցերի:

ՄԱՆՐԱՄԱՍՆԵՐ

🟨 Արարատ Միրզոյանն ընդունել է Ֆրանսիայի նախագահի գրասենյակի խորհրդական Իզաբել Դյումոնին ու ԵԱՀԿ Մինսկի խմբի Ֆրանսիայի համանախագահ Բրիս Ռոքֆոյին։

▫️Քննարկվել են տարածաշրջանային և միջազգային օրակարգի հարցեր, անդրադարձ է կատարվել Հայաստան-Ադրբեջան խաղաղության պայմանագրի, ԼՂ հիմնախնդրի կարգավորմանը վերաբերող հարցերի:

▫️Զրուցակցիները մտքեր են փոխանակել հոկտեմբերի 6-ին Պրահայում տեղի ունեցած քառակողմ հանդիպման վերաբերյալ: Քննարկվել են ԵՄ առաքելության աշխատանքներին առնչվող հարցեր:

ՄԱՆՐԱՄԱՍՆԵՐ

🟨 Ադրբեջանի ՊՆ-ն օրվա ընթացքում արդեն երկրորդ ապատեղեկատվությունն է տարածում՝ այս անգամ էլ պնդելով, թե իբր հոկտեմբերի 10-ին ՀՀ ԶՈւ ստորաբաժանումները հրաձգային զինատեսակներից կրակ են բացել հայ-ադրբեջանական սահմանի հյուսիս-արևելյան և արևելյան հատվածներում տեղակայված ադրբեջանական մարտական դիրքերի ուղղությամբ։

▫️Իրադրությունը հայ-ադրբեջանական սահմանին հարաբերականորեն կայուն է, էական միջադեպեր չեն արձանագրվել:

ՀՀ ՊՆ

🟧 Ուկրաինան հրթիռային հարձակումների պատճառով հոկտեմբերի 11-ից դադարեցնում է էլեկտրաէներգիայի արտահանումը Եվրամիություն։

Ուկրաինայի էներգետիկայի նախարարություն

🟨 Նիկոլ Փաշինյանն ընդունել է ԵՄ խորհրդում ֆրանսիական նախագահության ներկայացուցիչ, Ֆրանսիայի նախագահի գրասենյակի խորհրդական Իզաբել Դյումոնին և ԵԱՀԿ Մինսկի խմբի Ֆրանսիայի համանախագահ Բրիս Ռոքֆոյին:

▫️Վարչապետը կարևորել է Ֆրանսիայի դերը որպես ԵԱՀԿ Մինսկի խմբի համանախագահ պետություն։

▫️ Մտքեր են փոխանակվել Պրահայում կայացած ՀՀ վարչապետի, Ֆրանսիայի նախագահի, Եվրոպական խորհրդի նախագահի և Ադրբեջանի նախագահի միջև կայացած քառակողմ հանդիպման արդյունքների շուրջ:

▫️ Կարևորվել է ՄԱԿ-ի կանոնադրության և 1991թ. Ալմա-Աթայի հռչակագրի հիման վրա Հայաստանի ու Ադրբեջանի միջև խաղաղության պայմանագրի մշակման, ինչպես նաև սահմանազատման աշխատանքների իրականացման ու հայ-ադրբեջանական սահմանին ԵՄ քաղաքացիական առաքելության գործունեության ապահովումը:

ՄԱՆՐԱՄԱՍՆԵՐ

🟨 Այսօր ԵԽԽՎ նստաշրջանում քննարկվեց վերջին ադրբեջանական ագրեսիան Հայաստանի դեմ։

▫️Բոլոր քաղաքական խմբերի ներկայացուցիչները, ելույթ ունեցող միջազգային գործընկերները միանշանակ դատապարտեցին ադրբեջանական հարձակումը ՀՀ ինքնիշխան տարածքի վրա։

Ռուբեն Ռուբինյան

ՄԱՆՐԱՄԱՍՆԵՐ

🟩 Երևանում մեկնարկել է «Երևան օփեն» շախմատի միջազգային մրցաշարը, որն այս տարի անցկացվում է արդեն 4-րդ անգամ:

▫️Այս անգամ «Երևան օփենին» մասնակցում է 15 երկրի շուրջ 292 շախմատիստ։

▫️ Մրցանակային ընդհանուր ֆոնդը 14 միլիոն դրամ է:

ՄԱՆՐԱՄԱՍՆԵՐ

🟨 Սուրեն Պապիկյանն ընդունել է Ֆրանսիայի նախագահի գրասենյակի խորհրդական Իզաբել Դյումոնին: Հանդիպմանը մասնակցել է նաև ՀՀ-ում Ֆրանսիայի արտակարգ և լիազոր դեսպան Անն Լույոն:

▫️Իզաբել Դյումոնը վերահաստատել է ֆրանսիական կողմի դիրքորոշումը, ըստ որի`ադրբեջանական զինված ուժերը պետք է դուրս բերվեն Հայաստանի ինքնիշխան տարածքից, իսկ առկա խնդիրները պետք է լուծվեն բացառապես խաղաղ ճանապարհով:

▫️Քննարկվել են նաև պաշտպանական ոլորտում հայ-ֆրանսիական համագործակցությանը, մասնավորապես` սեպտեմբերի 27-ին ՀՀ պաշտպանության նախարարի Ֆրանսիա կատարած այցի ընթացքում ձեռք բերված պայմանավորվածությունների իրականացմանն առնչվող հարցեր:

ՄԱՆՐԱՄԱՍՆԵՐ

🟨 Եվրոպայի խորհուրդը հետևողական է լինելու հայ ռազմագերիների սպանությունների գործով։

▫️ Նկատի ունենալով անհանգստացնող և շոկային վերջին տեղեկությունները, Ձեր նախարարությունից ակնկալում եմ ստանալ մանրամասն և արժեքավոր տեղեկատվություն այն միջոցառումների մասին, որ ձեռնարկել են Ադրբեջանի իշխանությունները Մարդու իրավունքների եվրոպական կոնվենցիայի 2-րդ և 3-րդ հոդվածներին համապատասխան։ Ես նկատի ունեմ վերջին տեսանյութերը, որտեղ պատկերված է հայ ռազմագերիների նկատմամբ ծայրահեղ բռնություն, այդ թվում, արտադատական սպանություններ։

ԵԽ գլխավոր քարտուղար Մարիա Պեյչինովիչ Բուրիչը՝ Ադրբեջանի ԱԳ նախարար Ջեյհուն Բայրամովին հղած նամակում

🟨 Օդի ջերմաստիճանը հոկտեմբերի 11-12-ի գիշերն աստիճանաբար կնվազի 3-5 աստիճանով:

Եղանակը Երևանում հոկտեմբերի 11-ին՝

🌖 Ցերեկ +19 +21
🌗 Երեկո +14 +16
🌘 Գիշեր +9 +11

🇦🇲 ՄԱՆՐԱՄԱՍՆԵՐ 🇬🇧ENG

🟨 Հոկտեմբերի 10-ին՝ ժամը 22:10-ի սահմաններում, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական մարտական դիրքերի ուղղությամբ:

Պատասխան գործողություններով հակառակորդի կրակը լռեցվել է:

Հայկական կողմից կորուստներ չկան:

ՀՀ ՊՆ մամուլի քարտուղար

🟨 Հայաստանի վարչապետ Նիկոլ Փաշինյանի հետ զրույցում ողջունել եմ Ադրբեջանի և Հայաստանի միջև պաշտոնական խաղաղության բանակցություններում առաջընթացը։

▫️Բանակցությունների միջոցով կնքված համաձայնագիրը տևական խաղաղության միակ ճանապարհն է:

ԱՄՆ պետքարտուղար Էնթոնի Բլինքեն

🟨 Ուկրաինայի մի շարք շրջաններում, այդ թվում՝ Կիևում, օդային տագնապ է հայտարարված։

Հաղորդվում է, որ հարձակում է տեղի ունեցել Վիննիցայի շրջանի Լադիժինսկա ՋԷԿ-ի վրա։