🟩 4-րդ կարգի վթարայնության շենքերի խնդիրը կտեղափոխվի գործնական փուլ:

▫️Երևանի քաղաքապետի տեղակալ Տիգրան Ավինյանը վարչական շրջաններ աշխատանքային այցերի մեկնարկը տալիս է հենց վթարային շենքերից. առաջնահերթությունը բնակիչների անվտանգությունն է:

🇦🇲ՄԱՆՐԱՄԱՍՆԵՐ 🇷🇺RUS 🇬🇧ENG

🟨 Բարերար, մեծ փորձ ու գիտելիքներ ունեցող հանրային գործիչ Ռուբեն Վարդանյանին առաջարկել եմ ստանձնել Արցախի Հանրապետության պետական նախարարի պաշտոնը՝ պատրաստ լինելով նրան տրամադրել որոշումներ կայացնելու և գործելու լայն լիազորություններ:

Արցախի նախագահ Արայիկ Հարությունյան

🇦🇲ՄԱՆՐԱՄԱՍՆԵՐ 🇬🇧ENG

🟨 Որոշում եմ կայացրել դադարեցնել պատգամավորական գործունեությունս՝ հայրենիքիս առավել արդյունավետ ծառայելու վճռականությամբ։

▫️Շարունակելու եմ քաղաքական գործունեությունս «Վերածնվող Հայաստան» կուսակցության շարքերում:

ՀՀ ԱԺ «Հայաստան» խմբակցության պատգամավոր Մխիթար Զաքարյան

🇦🇲ՄԱՆՐԱՄԱՍՆԵՐ 🇷🇺RUS 🇬🇧ENG

🟨 Շատ հնարավոր է, որ ՀԱՊԿ-ը որոշում կայացնի դուրս գալ Հայաստանից:

▫️Սա խաղ ու պար չէ, որ մենք կտրուկ շարժումներ անենք՝ առանց հասկանալու, թե ինչ է դրան հաջորդելու:

▫️Ռուսաստան իմ այցի ընթացքում միանշանակ քննարկելու եմ ՀԱՊԿ–ի հետ կապված հարցերը, ինչպես նաև ՀՀ-ՌԴ փոխօգնության մասին պայմանագրի հետ կապված հարցերը, որով Հայաստանը դիմել է, և, եթե չեմ սխալվում, մինչ օրս պատասխան չունենք, նույնիսկ «չէ» չունենք։

ՀՀ ԱԺ նախագահ Ալեն Սիմոնյան

🟥 Խաղաղության օրակարգն ակտուալ է, որպեսզի նման տեսանյութեր այլևս չլինեն:

▫️Խաղաղության օրակարգի մասին բացասական կարծիք ունեցողների առաջարկը ո՞րն է՝ հավերժ պատերա՞զմ: Մտնենք Սասուն դուրս գանք Մուշ, հա՞: Ծովից ծով Հայաստա՞ն:

Ալեն Սիմոնյան

🇦🇲ՄԱՆՐԱՄԱՍՆԵՐ 🇷🇺RUS 🇬🇧ENG

🟨 Հայաստանի Հանրապետության ինքնիշխանությունը, տարածքային ամբողջականությունը քննարկման ենթակա չեն:

Ալեն Սիմոնյան

🇦🇲ՄԱՆՐԱՄԱՍՆԵՐ 🇬🇧ENG 🇷🇺RUS

🟨 Չափազանց ցնցված ենք ադրբեջանական ուժերի կողմից անզեն հայ գերիների մահապատժի ենթարկելու տեսագրություններից։

Հունաստանը խստորեն դատապարտում է բռնության նման գործողություններ:

Հունաստանի ԱԳՆ

ՄԱՆՐԱՄԱՍՆԵՐ

🟨 ԱԺ-ում ներկայացվեց «Պետական տուրքի մասին» օրենքում լրացումներ և փոփոխություն կատարելու մասին նախագիծը։

▫️Անգամ առանց տուրքի ներկրվող ցեմենտը հիմա շատ ավելի բարձր ինքնարժեք ունի քան` տեղական ցեմենտը:

Բաբկեն Թունյան

ՄԱՆՐԱՄԱՍՆԵՐ

🟩 Վարչապետ Նիկոլ Փաշինյանն այսօր ընդունել է Ատոմային էներգետիկայի միջազգային գործակալության (ԱԷՄԳ) գլխավոր տնօրեն Ռաֆայել Մարիանո Գրոսիին:

▫️Զրուցակիցներն անդրադարձել են Հայկական ատոմային էլեկտրակայանի անվտանգության մակարդակի բարձրացման ուղղությամբ աշխատանքներին:

🟨 ԱԺ իշխող «ՔՊ» և ընդդիմադիր «Հայաստան» խմբակցությունները կհամալրվեն նոր պատգամավորներով։

▫️ՔՊ ընտրական ցուցակում հերթը պատգամավոր թեկնածու Դավիթ Առուշանյանինն է:

▫️Ընդդիմադիր «Հայաստան» խմբակցությունում պատգամավոր Մխիթար Զաքարյանին կփոխարինի ՀՅԴ-ական Գառնիկ Դանիելյանը։

ՄԱՆՐԱՄԱՍՆԵՐ

🟩 2022թ.-ի հունվար-հուլիսին Հայաստանը, Ղազախստանը և Ղրղզստանը 1.75 մլրդ ԱՄՆ դոլարով ավելացրել են Ռուսաստանի հետ առևտուրը՝ պայմանավորված ՌԴ արտահանման-ներմուծման հոսքերի վերակողմնորոշմամբ, այդ թվում՝ դեպի ԵԱՏՄ շուկա առկա առևտրատնտեսական սահմանափակումներով։

Եվրասիական տնտեսական հանձնաժողով

🟥 ԱՄՆ-ն խորապես մտահոգված է Ադրբեջանի զինվորների կողմից անզեն հայ ռազմագերիների մահապատժի վերաբերյալ վերջին հաղորդագրություններով:
Կոչ ենք անում լիարժեք և անաչառ քննության։
▫️Ցանկացած վայրագության համար մեղավորները պետք է պատասխանատվության ենթարկվեն:

Ադրբեջանում ԱՄՆ դեսպանություն

🟩 Վարչապետ Նիկոլ Փաշինյանն ընդունել է ավստրիական «Ցե-Կվադրատ» ներդրումային ընկերության (C-Quadrat Investment Group) հիմնադիր և գործադիր տնօրեն Ալեքսանդր Շյուցին և նրա գլխավորած պատվիրակությանը:
 
▫️Ալեքսանդր Շյուցը նշել է, որ Հայաստանը հուսալի գործընկեր է, և «Ցե-Կվադրատ»-ը շահագրգռված է շարունակելու մասնակցությունը ՀՀ կենսաթոշակային համակարգի զարգացման գործընթացին, ձևավորելու երկարաժամկետ համագործակցություն:
 

🟨 Կարծում եմ՝ այս իրավիճակում դա շատ պահանջված ու իմաստուն որոշում է, և ես անվերապահորեն աջակցում եմ Նախագահի որոշում-առաջարկին:

▫️Իմ նախընթաց գործունեության գնահատականների և հետագա անելիքների վերաբերյալ դեռ առիթ կունենամ հանգամանալից խոսելու:

Արտակ Բեգլարյան

🟨 Ադրբեջանական հատուկ ծառայությունները զանգահարում են Արցախի պետական կառույցների կայքերում առկա հեռախոսահամարներին և մոտակա օրերին ՌԴ խաղաղապահ ուժերի Արցախից դուրս գալու վերաբերյալ կեղծ լուրեր են տարածում՝ նպատակ ունենալով խուճապ տարածել բնակչության շրջանում։

▫️Առաջիկա օրերին չի բացառվում նաև պետական կառույցների կայքերի վրա հաքերային հարձակումները։

ԱՀ ԱԱԾ

🟩 Ադրբեջանական զլմ-ները հայտնում են, որ 17 հայ գերի է վերադարձվել Հայաստանին:

▫️Տեղեկությունը հայկական կողմը չի հաստատել:

🟨 Ադրբեջանը մտադիր է Հայաստանի կողմից չվերահսկվող «միջանցք» ստեղծել դեպի Նախիջևան։

Իրանցի պաշտոնյա Ջավադ Հեդայաթ

ՄԱՆՐԱՄԱՍՆԵՐ

🟩 Այսօր ադրբեջանական կողմը ԱՄՆ միջնորդությամբ հայկական կողմին է վերադարձրել 17 հայ ռազմագերիների:

1. Մկրտչյան Շահեն Հովհաննեսի
2. Ջիլավյան Կարեն Սարգսի
3. Կարապետյան Էրիկ Գարիկի
4. Կարապետյան Սասուն Հրաչիկի
5. Հովեյան Մեսրոպ Արթուրի
6. Մխիթարյան Վրեժ Գոռի
7. Կարապետյան Դավիթ Արմենի
8. Գևորգյան Ռաֆայել Արամի
9. Ֆարոյան Ալեքսան Սուրիկի
10. Ղուբաթյան Հրաչյա Էդվարդի
11. Գիժլարյան Վահե Արտակի
12. Եգանյան Քաջիկ Արամայիսի
13. Շահինյան Տիգրան Էդգարի
14. Գրիգորյան Սերյոժա Աբրահամի
15. Եթումյան Վահագն Ալբերտի
16. Խաչատրյան Գոռ Արամի
17. Սայադյան Հենրիկ Կարենի

ՀՀ ՊՆ

🟩 Բարձր եմ գնահատում Միացյալ Նահանգների ջանքերը՝ մեր 17 ռազմագերիներին վերադարձնելուն աջակցելու հարցում։

▫️ Հուսով եմ՝ մեր միջազգային գործընկերների հետ համատեղ ջանքերով հետագա առաջընթաց կարձանագրենք ինչպես հումանիտար խնդիրների լուծման, այնպես էլ տարածաշրջանում խաղաղության հաստատման գործում։

Նիկոլ Փաշինյան

🟩 Հայ ռազմագերիների վերադարձը ԱՄՆ նախագահ Ջո Բայդենի Ազգային անվտանգության հարցերով խորհրդական Ջեյք Սալիվանի նախաձեռնությամբ տեղի ունեցած եռակողմ հանդիպման պայմանավորվածության արդյունք է։

▫️ Հայաստանը շարունակում է հավատարիմ մնալ Վաշինգտոնում ձեռք բերված բոլոր պայմանավորվածություններին։

Արմեն Գրիգորյան

ՄԱՆՐԱՄԱՍՆԵՐ

🟩 Հայ բռնցքամարտիկները երկու ոսկե մեդալ են նվաճել Իտալիայում ավարտին մոտեցող Եվրոպայի պատանիների առաջնությունում։

▫️ Հայ մարզիկներից պատվո հարթակի առաջին աստիճանին են կանգնել Վաղարշակ Քեյանը և Էրիկ Առստամյանը։

ՄԱՆՐԱՄԱՍՆԵՐ