🟨 Նոյեմբերի 9-ի փաստաթուղթն, այո՛, ծանր պայմաններով զինադադար էր, բայց կապիտուլյացիա չէր, և ՀՀ-ն չի պատրաստվում քննարկել որևէ կապիտուլյացիա։

▫️Արցախի ժողովրդի անվտանգության և իրավունքների հարցը պետք է լուծում ստանա։

▫️Մենք կարծում ենք, որ տրամաբանական կլինի, որ նաև բանակցություններ լինեն Արցախի ներկայացուցիչների և Ադրբեջանի միջև։


Ազգային ժողովի փոխնախագահ Ռուբեն Ռուբինյան/«Ազատություն»

🟨 Ուկրաինան այսօր արագացված կարգով կստորագրի ՆԱՏՕ-ին անդամակցելու դիմումը։

Վլադիմիր Զելենսկի

🟨 Ուկրաինայի նախագահ Վլադիմիր Զելենսկին հայտարարել է, որ Կիևը պատրաստ է կարգավորման բանակցություններ վարել Մոսկվայի հետ, բայց ոչ թե Վլադիմիր Պուտինի, այլ Ռուսաստանի մեկ այլ նախագահի հետ։

🟨 ԱՄՆ-ը նոր պատժամիջոցներ է սահմանել Ռուսաստանի դեմ ՝ ի պատասխան Ռուսաստանին չորս նոր տարածքների միանալուն: Ցուցակում ընդգրկված են տասնյակ ֆիզիկական և իրավաբանական անձինք։

NBC

🟩 Իրանի գլխավոր հյուպատոսության բացումը կարևոր և խորհրդանշական քայլ է, որը վկայում է Հայաստանի և Իրանի միջև համագործակցությունն առավել խորացնելու և որակական նոր մակարդակի հասցնելու երկկողմ պատրաստակամության մասին:

▫️Միրզոյանը նշել է, որ հայկական կողմը բարձր է գնահատում տարածաշրջանային հարցերի վերաբերյալ իրանական կողմից արտահայտվող վճռական ու հստակ դիրքորոշումները:

Արարատ Միրզոյան

ՄԱՆՐԱՄԱՍՆԵՐ

🟥 Պետք է արձանագրել, որ սահմանին իրավիճակը կայուն լարված է։ Հաշվի առնելով Ադրբեջանի ագրեսիվ և ռազմատենչ հռետորաբանությունը՝ նոր սադրանքները բացառված չեն։

Նիկոլ Փաշինյան

🟥 44-օրյա պատերազմի փորձը հաշվի առնելով՝ եկել ենք այն եզրակացության, որ ճիշտ է զոհվածների անուններն ինստիտուցիոնալ նախատեսված մեխանիզմով հրապարակել։ Զոհերի անունների ցանկը չհրապարակելը չի նշանակում, որ դա գաղտնիք է։

▫️Թյուրիմացություններից խուսափելու համար կհրապարակվեն այն անունները, որոնք դե յուրե հաստատվել են։

Նիկոլ Փաշինյան

🟨 Բանակցային գործընթացի մասին տեղյակ են բավականին լայն շրջանակներ՝ խորհրդարանական «ՔՊ» խմբակցությունը, ԱԽ-ն, ԼՂ նախագահը։

▫️Ռոբերտ Քոչարյանը և Սերժ Սարգսյանը հրաժարվել են այդ տեղեկատվությունն ստանալ։ Լևոն Տեր-Պետրոսյանի ուժը ևս, ըստ էության, հրաժարվել է։

Նիկոլ Փաշինյան

🟨 Հայաստանի անվտանգությունն ապահովելու համար անհրաժեշտ բոլոր ուղղություններով ակտիվ աշխատում ենք։

▫️ Ֆրանսիայի ՊՆ կողմից ուղարկվող առաքելությունը տեղում պետք է գնահատի անվտանգային իրավիճակը՝ հետագա վերլուծության համար։

▫️ Միջազգային դիտորդական առաքելության մասին խոսելիս նկատի ունենք մշտական կամ երկարաժամկետ դիտորդական առաքելության մեխանիզմը, որի կարևորագույն նպատակներից մեկն իրադրության վերաբերյալ անաչառ տեղեկատվության փոխանցումն է միջազգային համապատասխան կառույցներին, որից հետո կբխեն գործողություններ։

Նիկոլ Փաշինյան

🟨 Երրորդ Հանրապետության պատմության մեջ դժվար կլինի գտնել այնպիսի 3 ամիսներ, երբ հակառակորդը չի կրակել։

▫️Խաղաղությունն անհրաժեշտություն է, որի հետևից պետք է գնալ։ Որքան սուր է վիճակն, այնքան սուր է խաղաղության անհրաժեշտությունը։ Պետք է այնպես անենք, որ խաղաղությունը տարածաշրջանի համար դառնա ընդհանուր շահ։

Նիկոլ Փաշինյան

🟨 Մենք կարծում ենք, որ Ադրբեջանի հետ պետք է սկսել խաղաղության պայմանագրի շուրջ առարկայական բանակցությունները։ Մենք չենք հրաժարվում այն պայմանավորվածություններից, որ ձեռք են բերվել։ Այժմ բանակցություններ կլինեն պայմանագրի տեքստի մշակման շուրջ։

▫️Բանակցությունների սեղանին հիմա ստորագրելու որևէ թուղթ չկա։ Առարկայական տեքստ եղել է տարածաշրջանի կոմունիկացիաների բացման հետ կապված, որը մենք ենք պատրաստել։ Դա պատրաստ չէր ստորագրել Ադրբեջանի նախագահը։

Նիկոլ Փաշինյան

🟨 Եթե Ադրբեջանը ճանաչում է մեր տարածքային ամբողջականությունը, որը հիմնված է 1991 թվականի դեկտեմբերի 18-ին Անկախ պետությունների համագործակցություն ստեղծելու համաձայնագրի վրա, մենք պատրաստ ենք այդ հենքի վրա գնալ տարածքային ամբողջականության փոխադարձ ճանաչման։

▫️ Արցախի հարցի քննարկման հիմնական շահառուն պետք է լինի Լեռնային Ղարաբաղի ժողովուրդը՝ իր ընտրված ներկայացուցիչների միջոցով։

Նիկոլ Փաշինյան

🟨 ՀԱՊԿ-ում մտավախություն կա, որ Հայաստանը դուրս կգա ՀԱՊԿ-ից, սակայն ես հակառակը ձևակերպեցի, որ մտավախություն կա, որ ՀԱՊԿ-ը դուրս կգա Հայաստանից։ Սա բառախաղ չէ, սա լուրջ բովանդակություն է։

▫️ Մենք ակնկալում ենք հստակ քաղաքական գնահատական։ Մենք ստացել ենք շատ հստակ հավաստիացումներ, որ Հայաստանի սահմանը ՀԱՊԿ-ի համար «կարմիր գիծ է»։ Նախորդ տարի, երբ տեղի ունեցան Սոթք-Խոզնավարի իրադարձությունները, դիմեցինք ՀԱՊԿ-ին, ստացանք պատասխան, որ սահմանը սահմանազատված և սահմանագծված չէ։ Այդ դեպքում այդ «կարմիր գիծը» որտեղո՞վ է անցնում։

▫️Ասել, որ Հայաստանի և Ադրբեջանի միջև սահման չկա, նշանակում է ասել՝ ՀԱՊԿ չկա, քանի որ այն ունի պատասխանատվության գոտի, որը գծանշված է սահմաններով։

Նիկոլ Փաշինյան

🟨 ՌԴ փոխվարչապետ Օվերչուկը միշտ հանդես է եկել հստակ գնահատականներով։ Նա ներկայացրել է այն իրողությունները, որոնց շուրջ մենք քննարկումներ ենք ունենում։

▫️Շատ կարևոր է, որ ՌԴ իշխանության օղակների այլ մարմիններ, որոնք առնչվում են թեմայի հետ, որևէ գործողություն չձեռնարկեն, որ կասկածի տակ դնի հրապարակային ձևակերպվող դիրքորոշումների անկեղծությունը։ Եղե՞լ են արդյոք նման բաներ, այո, և այս հարցերը մենք հստակ ձևակերպել ենք մեր ռուս գործընկերների առաջ։

Նիկոլ Փաշինյան

🟥 Ադրբեջանի կողմից շարունակաբար ագրեսիվ հայտարարություններ են արվում՝ տողատակերում փորձելով տեղադրել տարածքային պահանջներ Հայաստանի նկատմամբ։

▫️ Մենք դեմ չենք ճանապարհների բացմանը։ Մեր ցանկությունը որպեսզի հստակ արտահայտվի, նույնիսկ նախագծի անուն ունենք՝ «Հայկական խաչմերուկ» նախագիծ։ Սրանով ցույց ենք տալիս, որ այս գործը համարում ենք մեր սեփականը։

Նիկոլ Փաշինյան

🟨 Ոչ Մոսկվան, ոչ Բրյուսելը, ոչ Վաշինգտոնը պատրաստ չեն ճանաչել Ղարաբաղի անկախությունը և պատրաստ չեն Ղարաբաղը ճանաչել որպես Հայաստանի մաս։ Մենք պետք է այս փաստի հետ առերեսվենք։

Նիկոլ Փաշինյան

🟨 Նենսի Փելոսիի այցը Հայաստան հակառուսական չի եղել, պետք չէ հակառուսական կոնտեքստ տալ․ այցը եղել է հայ-ամերիկյան հարաբերությունների խորացմանն ուղղված քայլ և պետք չէ թերագնահատել ալդ քայլը։

▫️Ինչ վերաբերում է Իրանին, ապա մենք սերտ համագործակցում ենք տարբեր ոլորտներում։

▫️ Հնդաստանից զենքի գնման վերաբերյալ կարող եմ ասել, որ սպառազինության և ռազմական տեխնիկայի գնման թեման այն թեման չէ, որը պետք է հրապարակային քննարկել, բայց պիտի ասեմ, որ հնդկական մամուլում եղած հրապարակումները ՀՀ-ի կողմից չեն հերքվել։ Մենք ակտիվ քայլեր ենք ձեռնարկում ռազմատեխնիկական ոլորտում մեր համագործակցության շրջանակը մեծացնելու համար։

Նիկոլ Փաշինյան

🟨 Պրահա մեկնելու որոշում ունեմ, պատրաստվում եմ մասնակցել ԵՄ գագաթնաժողովին, իսկ Էրդողանի հետ հանդիպումը կկայանա, թե ոչ՝ չեմ կարող ասել, սակայն բացառված չէ, որ կկայանա։

Նիկոլ Փաշինյան

🟨 ԼՂ հարցում բանակցողի կերպարը կարևոր է և կարող է իրավիճակ փոխել։ Օրինակ՝ 1998 թվականին բանակցողի կերպարն աղետալի կերպով փոխեց իրավիճակը և ԼՂ-ն բանակցային գործընթացից դուրս մնաց։

▫️ Բանակցողի դերակատարմամբ էր, որ 2007 թվականին մադրիդյան սկզբունքներն ընդունելով, ըստ էության, ՀՀ բանակցողները զրոյացրեցին 1991 թվականի անկախության հանրաքվեն և 1990 թվականին օգոստոսի 23-ին ընդունված ՀՀ անկախության հռչակագիրն այդ մասով։

Նիկոլ Փաշինյան

🟨 Սեպտեմբերի 13-ի սադրանքի ժամանակ մեր բանակն ամուր կանգնած է եղել դիրքերում։ Այլ բան է, որ ուժերն անհավասար են եղել։ Ես չեմ ասում, թե մեր բանակում բոլոր խնդիրները լուծված են, սակայն ի՞նչ է նշանակում, թե փողոցում տարբեր բաներ են հավաքում։

▫️ Երեկ պաշտպանության նախարարությունում փակ հանդիպում է տեղի ունեցել։ Հարցրել եմ, ի՞նչ խնդիրներ կան՝ քլունգ, բահ, կոշիկ, սնունդ, էքսկավատոր, ինչի՞ պակաս կա, ասել են նման խնդիրներ չկան։ Պետք է արգելել փողոցներում բանակի համար ինչ-որ բաներ հավաքել։ Դեմ եմ բանակը նվիրատվության օբյեկտ դարձնելուն։

Նիկոլ Փաշինյան

🟨 Մեր պետության անկախության, ինքնիշխանության, տարածքային ամբողջականության հաստատման փուլում ենք, սա շատ կարևոր գործընթաց է։ Պետք է ամուր լինենք և այս ճանապարհն անցնենք։ Պետության հարատևության երաշխավորման գործընթաց է և, այո՛, կան ռիսկեր։

▫️Պետք է լինենք վճռական։ Սա չի նշանակում, թե մինչև հիմա անկախ չենք եղել, պարզապես մեր ոչ բոլոր հարթություններն են լրացված եղել, և մենք այսօր առերեսվում ենք այդ ճեղքերի հետ։ Այն, ինչ տեղի է ունենում հիմա, սա համաշխարհային փոթորիկ է։

Նիկոլ Փաշինյան