🟥 Մեր դիրքորոշումը միանշանակ է՝ ադրբեջանական զինված ուժերը պետք է դուրս գան Հայաստանի ինքնիշխան տարածքից։

▫️ Այն շահարկումները, թե Հայաստանի և Ադրբեջանի միջև ճշգրիտ սահման չկա, քանի որ սահմանը դեմարկացված և դելիմիտացված չէ, իրականության հետ կապ չունեն:

▫️ Խորհրդային Հայաստանի և Խորհրդային Ադրբեջանի միջև գոյություն ունեցած ադմինիստրատիվ սահմանները երկու երկրների անկախության առաջին ամիսներին դարձել են պետական սահմաններ, քանի որ թե՛ Հայաստանը և թե՛ Ադրբեջանը ստորագրել և վավերացրել են Անկախ պետությունների համագործակցություն ստեղծելու մասին 1991 թվականի դեկտեմբերի 8-ի համաձայնագիրը:

▫️ Կարծում եմ՝ անհրաժեշտ է 1991 թվականի դեկտեմբերի 8-ի համաձայնագրով վերահաստատված սահմանների փոխադարձ ճանաչմամբ գնալ Հայաստան-Ադրբեջան խաղաղության պայմանագրի ստորագրմանը:

Նիկոլ Փաշինյան

ՄԱՆՐԱՄԱՍՆԵՐ

🟨 Սեպտեմբերի 26-ի ժամը 22:00-ի դրությամբ իրավիճակը հայ-ադրբեջանական սահմանին հարաբերականորեն կայուն է, իրադրության փոփոխություն չի արձանագրվել:

ՀՀ ՊՆ

🟨 Չնայած Հայաստանը Ռուսաստանի պաշտպանության տակ է, և Ռուսաստանը ռազմական բազա ունի Հայաստանում, այնուամենայնիվ, Ադրբեջանի հետ հակամարտությունում ՌԴ-ն Հայաստանին թողեց անպաշտպան։

Չեխիայի նախագահ Միլոշ Զեման

🟥 Հիմա համախմբվելու պահն է։ Մեզ սպասվում են ծանր, ցավոտ լուծումներ, պայմանագրեր պետք է ստորագրվեն և՛ Ադրբեջանի, և՛ Թուրքիայի հետ։ Դա ոչ մեկի քիմքին հաճո չի լինելու, բայց կա մի պահ, երբ այլընտրանք չկա։

Լևոն Տեր-Պետրոսյան

🟥 Բոլոր լուծումներն էլ վատ են լինելու մեզ համար։ Ես տեսնում եմ խնդիր՝ բոլոր վատ լուծումներից գտնել պակաս ցավալին, իսկ դա հասկանալու համար մենք պետք է տիրապետենք այն ինֆորմացիային, որի միակ տերը Նիկոլ Փաշինյանն է։

▫️ Ներկա պահին ով էլ փոխարինի Նիկոլ Փաշինյանին, գուցե ավելի վատ փաստաթուղթ ստորագրի։

Լևոն Տեր-Պետրոսյան

🟨 Հանդիպումից առաջ կազմել էի Գարեգին Երկրորդի և 5 նախագահների հետ հանդիպման արդյունքում հրապարակվելիք հաղորդագրության իմ առաջարկը, որը չընդունվեց։ Իմ առաջարկն էր․

▫️ Հաշվի առնելով ներկայիս գերզգայուն իրավիճակում մեր երկրի առջև կանգնած լրջագույն խնդիրները և դրանք լուծելու համար պահանջվող ցավոտ որոշումները՝ խորհրդակցության մասնակիցները օրվա գլխավոր խնդիր են համարում ազգային համախմբման կայացումը և իշխանության ու ընդդիմության միջև կառուցողական երկխոսության սկզբնավորումը։

Լևոն Տեր-Պետրոսյան

🟨 Այս զոհաբերությունը մաքրում է մարդու գործած բոլոր մեղքերը։

Պատրիարք Կիրիլը հայտարարել է, որ եթե մարդիկ զոհվեն Ուկրաինայում, ապա նրանց բոլոր մեղքերը ինքնաբերաբար կմաքրվեն։

🟥 Ամերիկայի Հայ դատի հանձնախումբը հայտնում է. 1991 թվականից ի վեր առաջին անգամ ԱՄՆ իշխանությունները, Կոնգրեսում երկկուսակցական կոնսենսուսի ճնշման ներքո, քննարկում են Հայաստանին զենք վաճառելու հարցը՝ Ադրբեջանի կողմից ագրեսիայից և էթնիկ զտումներից պաշտպանվելու համար:

⬛️ Այսօր՝ սեպտեմբերի 27-ին, լրանում է Արցախյան 44-օրյա պատերազմի 2-րդ տարելիցը:

▫️ 2020 թվականի սեպտեմբերի 27-ին` առավոտյան, Ադրբեջանը լայնածավալ պատերազմ սկսեց Արցախի Հանրապետության դեմ։

🟨 Սեպտեմբերի 27-ի ժամը 09:00-ի դրությամբ իրավիճակը հայ-ադրբեջանական սահմանին հարաբերականորեն կայուն է, իրադրության փոփոխություն չի արձանագրվել:


ՊՆ

🟨 Սպասվում է առանց տեղումների եղանակ, օդի ջերմաստիճանը կբարձրանա:

Եղանակը Երևանում սեպտեմբերի 27-ին՝

🌖 Ցերեկ +24 +26
🌗 Երեկո +17 +19
🌘 Գիշեր +9 +11

🇦🇲 ՄԱՆՐԱՄԱՍՆԵՐ 🇬🇧ENG

🟨 44-օրյա պատերազմը գոյութենական մարտահրավեր էր Հայաստանի և Արցախի համար՝ լի անդառնալի կորուստներով:

ՀՀ նախագահ Վահագն Խաչատրյան

ՄԱՆՐԱՄԱՍՆԵՐ

🟨 Միացյալ Նահանգները հանձնառու է Հարավային Կովկասի տարածաշրջանում խաղաղություն հաստատելու գործին:

ՀՀ-ում ԱՄՆ դեսպանություն

🟨 Մենք կոչ ենք անում Ադրբեջանին՝ զորքերը վերադարձնել ելման դիրքեր։ Մենք աշխատում ենք Հայաստանի և Ադրբեջանի միջև բոլոր չլուծված հարցերը խաղաղ բանակցությունների միջոցով լուծելու ուղղությամբ:

ԱՄՆ պետդեպարտամենտի խոսնակ Նեդ Փրայս

ՄԱՆՐԱՄԱՍՆԵՐ

💰 Տարադրամի փոխարժեքը Երևանի փոխանակման կետերում՝

💲 Առք - 410 Վաճառք - 417
💶 Առք - 395 Վաճառք - 412
🇷🇺 Առք - 6.60 Վաճառք - 6.80

🏦 Տարադրամի անկանխիկ փոխարժեքը առևտրային բանկերում՝

💲 Առք - 405 Վաճառք - 413
💶 Առք - 387 Վաճառք - 404
🇷🇺 Առք - 6.75 Վաճառք - 7.35

🟨 Վրաստանի հետ սահմանին գտնվող Վերին Լարսի սահմանային անցակետում կտեղակայվի շարժական զորահավաքային կետ։

▫️Սահմանը ճեղքելու փորձի դեպքերը կանխելու համար Վերին Լարսի սահմանային անցակետում կտեղակայվի զրահափոխադրիչ։

🟨 ԱԽ քարտուղար Արմեն Գրիգորյանը հանդիպել է ամերիկացի ներկա և նախկին պաշտոնյաների, դեսպանների հետ:
▫️Ներկայացրել է Ադրբեջանի կողմից Հայաստանի ինքնիշխան տարածքի նկատմամբ ձեռնարկած լայնածավալ ագրեսիան և դրա հետևանքները՝ մատնանշելով, որ նման քայլով Բաքուն ներխուժել է ՀՀ ինքնիշխան տարածք և սպառնում է հայաստանյան ժողովրդավարությանը:

ՄԱՆՐԱՄԱՍՆԵՐ

🟨 Սեպտեմբերի 25-ին կայացած ՏԻՄ ընտրությունների քվեարկության արդյունքների վերահաշվարկի մասին ընդհանուր թվով 19 դիմումներ են ստացվել թվով 2 ընտրատարածքային ընտրական հանձնաժողովներում:

▫️Ստացվել է 1 դիմում՝ թվով 6 տեղամասերում քվեարկության արդյունքներն անվավեր ճանաչելու մասին:

ԿԸՀ

🟨 Ղազախստանը մասնակի զորահավաքից խուսափելու համար հետախուզվող քաղաքացիներին կարտահանձնի Ռուսաստան, եթե հայտարարվի միջազգային հետախուզում կամ քրեական գործ հարուցվի։

Ղազախստանի ներքին գործերի նախարար

🟨 ԱՄՆ-ը ծրագրում է զենք մատակարարել Հայաստանին՝ պաշտպանվելու ադրբեջանաթուրքերից, որոնք սպառնում են նրան նոր ռազմական ագրեսիայով։ Իսկ Ե՞Մ-ն, իսկ Ֆրանսիա՞ն:

«Le Figaro» պարբերականի փոխտնօրեն Ժան-Քրիստոֆ Բուիսո

🟨 Սեպտեմբերի 23-ին ԿԽՄԿ-ի ներկայացուցիչներն Ադրբեջանում այցելել են սեպտեմբերի ռազմական գործողությունների հետևանքով պահվող հայ քաղաքացիներին, որոնց գերեվարումը ԿԽՄԿ-ին հաստատել են ադրբեջանական իշխանությունները:

Տեսակցությունն իրականացվել է առանձնազրույցների ձևաչափով, կապ է հաստատվել ընտանիքների հետ։

ԿԽՄԿ