🟥 Մխրճումներն Ադրբեջանի ԶՈւ կողմից իրականացվել են խմբերով, ջոկատներով, և դրանց որոշակի խմբեր, ջոկատներ գտնվում են մեր ստորաբաժանումների հսկողության տակ, նաև շրջափակումների մեջ։

ԶՈՒ ԳՇ պետ

🟥 Հայաստանում հավատարմագրված դեսպաններն ու միջազգային կազմակերպությունների ղեկավարները կայցելեն նաև Ադրբեջանի կողմից ռազմապես թիրախավորված հատվածներ:

🟥 Դեպի հարավ և դեպի հյուսիս հակառակորդի մխրճման խորությունները 8-10 կմ հեռու են, դեպի թևերն են։ Մխրճումը ոչ թե ամբողջ ճակատով է եղել, այլ միայն մեկ խումբ է գտնվում այդ 4.5 կմ-ի վրա, բլրի գագաթին՝ կտրված մյուս ստորաբաժանումներից։ Եվ կենսունակության տեսանկյունից եթե սնուցում չլինի, մի քանի օրվա ընթացքում ռեսուրսները լրիվ կսպառվեն ու ստիպված կլինեն դուրս գալու։

Չենք թույլատրելու, որպեսզի ապահովվի նրանց կենսունակությունը։ Ներկա դրությամբ էլ չեն կարողանում։

Այն զրկված է կենսունակությունից, կողքերից շրջափակված է մեր ստորաբաժանումներով։

ՀՀ ԶՈՒ ԳՇ պետ Էդվարդ Ասրյան

🟨 Իրանի Իսլամական Հանրապետությունը չի հանդուրժի Հայաստանի և Ադրբեջանի ճանաչված սահմանների որևէ փոփոխություն։ 

Իրանի նախագահ Էբրահիմ Ռայիսի

ՄԱՆՐԱՄԱՍՆԵՐ

🟨 Դեսպաններն ու դիվանագիտական ներկայացուցչությունների ղեկավարները ծանոթանում են քաղաքացիական ենթակառուցվածքներին հասցված հրետակոծության հետևանքներին, նկարում և արձանագրում։

🟨 Ջերմուկի ճոպանուղու ուղղությամբ 12 արկ է ընկել, ինչի հետևանքով ճոպանուղին անսարք է, վնասվել է, չի գործում։

ԶՈւ ԳՇ պետ

🟨 Ադրբեջանում զոհերի նոր թիվ են հայտնել:

Հայաստանի դեմ Ադրբեջանի սանձազերծած ռազմական գործողությունների հետևանքով մահացել է 77 ադրբեջանցի զինծառայող:

ՄԱՆՐԱՄԱՍՆԵՐ

🟥 Ադրբեջանի ռազմական ագրեսիայի օրերին Ջերմուկում գրադ համազարկային միջոցից հարվածներ էին հասցրել, ինչի հետևանքով առաջին օրը վնասվել է նաև գազի խողովակը։

Այս պահին Ջերմուկում դադարեցված է գազամատակարարումը։

Տեսանյութում երևում են գրադ համազարկային միջոցի բեկորները:

🟥 Առանձին երկրների և առանձին երկրի պարագայում մենք մեծ ակնկալիքներ ունեինք, և, թերևս, գաղտնիք չէ, որ որոշ դեպքերում դրանք այդքան էլ չեն արդարացել:

Արարատ Միրզոյանը ադրբեջանական ագրեսիայից հետո միջազգային հանրության և որոշ երկրի/ների/ արձագանքի տարբերության մասին

🟨 Հայաստանի վրա ադրբեջանական հարձակման արդունքում Գեղարքունիքի, Սյունիքի ու Վայոց Ձորի մարզերում իրենց բնակավայրերից տեղահանվել է առնվազն 7600 անձ, որոնց մեծամասնությունը կանայք, երեխաներ, ծերեր ու հաշմանդամություն ունեցող անձինք են։

▫️Այդ թվում տեղահանվել է 1437 երեխա և 99 հաշմանդամություն ունեցող անձ։

ՄԻՊ

🟨 Պաշտոնապես հերքում ենք, որ Արարատ համայնքի սահմանամերձ և սահմանապահ Երասխ, Պարույր Սևակ բնակավայրերում թշնամու կողմից իրականացվում է որևէ մարտակական գործողություն։

▫️Կրթական հաստատությունները շարունակում են իրենց բնականոն աշխատանքը, հասարակական կյանքը նույնպես խաթարված չէ որևէ միջադեպով։

Արարատ համայնք

🟨 ԱՄՆ Ներկայացուցիչների պալատի նախագահ Նենսի Փելոսին հաստատել է, որ սեպտեմբերի 17-ին այցելելու է Հայաստան։

▫️Նրան ուղեկցելու է նաև Ներկայացուցիչների պալատի անդամ, դեմոկրատ պատգամավոր Ջեքի Սփիերը, ով հայկական արմատներ ունի։

Associated Press

🟨 Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. սեպտեմբերի 18-ից երթևեկության կազմակերպման փոփոխություն կկատարվի Արաբկիրի 23-րդ փողոցում:

▫️Արաբկիրի 23-րդ փողոցում մինչ օրս կազմակերպված էր երկկողմ երթևեկություն, փոփոխությունից հետո երթևեկությունը կդառնա միակողմ: Ուղղությունը՝ Վահագն Դավթյան փողոցից դեպի Ռիգայի փողոց:

Երևանի քաղաքապետարան

🟨 Դեսպանների՝ Ջերմուկ այցելությունից հետո սահմանային իրավիճակը լարվելու մասին լուրերը չեն համապատասխանում իրականությանը:

Այս մասին Radar Armenia-ի հետ զրույցում ասաց ՊՆ մամուլի քարտուղարը

ՄԱՆՐԱՄԱՍՆԵՐ

🟥 Գնել Սանոսյանը Գեղարքունիքի, Սյունիքի և Վայոց ձորի մարզերում ծանոթացել է Ադրբեջանի ագրեսիայի հետևանքով քաղաքացիական ենթակառուցվածքներին հասցված վնասներին։

▫️Քննարկվել են հրետակոծության հետևանքով վնասված ենթակառուցվածքները հնարավորինս արագ վերականգնելու վերաբերյալ հարցեր։

ՄԱՆՐԱՄԱՍՆԵՐ

🟨 Պուտինը Էրդողանին խնդրել է ականջակալ դնել, որպեսզի Թուրքիայի նախագահը լսի իր «նոր» պաշտոնը՝ վարչապետ։

🟥 Այն, որ ՀԱՊԿ-ը դեռևս պատշաճ չի արձագանքել, որպեսզի ադրբեջանական զորքերն ամբողջությամբ դուրս գան Հայաստանի սուվերեն տարածքից, դա նշանակում է, որ մեր ակնկալիքները չեն արդարացել, և մեր ակնկալիքները միայն կարդարանան այդ դեպքում։

▫️Մեր ակնկալիքը ո՞րն է եղել` Հայաստանին տրամադրել ռազմական և ռազմաքաղաքական օգնություն։ Մեր պահանջը մինչև այս պահը չի կատարվել:

ԱԽ քարտուղար Արմեն Գրիգորյան/Ազատություն

ՄԱՆՐԱՄԱՍՆԵՐ

🟨 Հասկացանք՝ Ռուսաստանի դեսպանը հրաժարվել է անձամբ միանալ հայ-ադրբեջանական սահմանային իրավիճակին ծանոթանալու նպատակով Վայոց ձոր մեկնած դեսպանների խմբին։

▫️Իսկ ՀԱՊԿ անդամ Բելառուսի, Ղազախստանի դեսպանները ինչու՞ չեն միացել։

▫️Հայաստանի ԱԳՆ-ը որևէ կերպ արձագանքելու՞, վերաբերմունք հայտնելո՞ւ է էս պսևդոդաշնակիցների վարքագծին (Տաջիկստանն ու Ղրղզստանը ՀՀ-ում դեսպանատուն չունեն)։ Էս ի՞նչ պայմանավորված դավադրություն է Հայաստանի դեմ։

Արման Բաբաջանյան

🟨 Մենք բոլորս մտահոգված ենք հայ-ադրբեջանական սահմանին իրավիճակի սրմամբ:

▫️Լավ է, որ Բաքվի և Երևանի միջև էսկալացիան կանխվեց համակարգված ջանքերով, բայց իրավիճակը շարունակում է լարված մնալ։

Վլադիմիր Պուտինն Իլհամ Ալիևի հետ բանակցելիս

🟨 Սահմանին իրավիճակը կայուն է, գլխավորը չքանդել հարաբերությունների կարգավորման սկսվող գործընթացը։

▫️Հրադադարի ռեժիմի պահպանումը ցույց է տալիս, որ ո՛չ Հայաստանը, ո՛չ էլ Ադրբեջանը լայնամասշտաբ էսկալացիայի պլաններ չեն ունեցել։

Ալիևը՝ Պուտինին

🟨 ՀՀ առողջապահության նախարարը տեսակցել է Ադրբեջանի ԶՈւ գործողությունների հետևանքով վիրավորում ստացած անձանց։

ՄԱՆՐԱՄԱՍՆԵՐ