🟨 Տեղի է ունեցել Անվտանգության խորհրդի ընդլայնված կազմով խորհրդակցություն:

▫️Քննարկվել են Ադրբեջանի կողմից ՀՀ սուվերեն տարածքի նկատմամբ ագրեսիայի հետևանքով ստեղծված իրավիճակը, ինչպես նաև ՀՀ ինքնիշխանության և տարածքային ամբողջականության պաշտպանության ուղղությամբ իրագործվելիք քայլերը:

🇦🇲ՄԱՆՐԱՄԱՍՆԵՐ 🇬🇧ENG

🟨 Ո՛չ, ես չեմ պատրաստվում երբևէ Ռոբերտ Քոչարյանին ընտրել վարչապետ:


Ռուբեն Ռուբինյանը պատասխանեց հարցին՝ արդյոք կմիանա իմպիչմենտին, եթե ընդդիմությունը նախաձեռնի:

ՄԱՆՐԱՄԱՍՆԵՐ

🟨 Սեպտեմբերի 15-ին ՀՀ պաշտպանության նախարար Սուրեն Պապիկյանն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին:

▫️​Սուրեն Պապիկյանը նշել է, որ լայնածավալ ագրեսիան նախապես ծրագրված ադրբեջանական սադրանք է:

▫️​Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչն իր խոսքում ներկայացրել է ԵՄ դիրքորոշումը ռազմական գործողություններն անհապաղ դադարեցնելու վերաբերյալ` շեշտելով առկա բոլոր տարաձայնությունները բացառապես դիվանագիտական գործիքակազմով լուծելու անհրաժեշտությունը: Տոյվո Կլաարը վերահաստատել է նաև ԵՄ հանձնառությունը` նպաստելու կողմերի միջև բանակցային գործընթացի վերականգնմանը և համաձայնությունների ձեռքբերմանը:

ՀՀ ՊՆ

🟨 Մեզ ոգևորում են տեղերից ստացվող զեկույցները, որոնցում նշվում է, որ հրադադարը, մինչև այժմ, պահպանվում է։

▫️Կոչ ենք անում կողմերին շարունակել հրադադարի ռեժիմի պահպանումը և համակարգել մարդասիրական քայլերը, մասնավորապես՝ զոհված զինվորների մարմինների հանձնումը:

ԵՄ խոսնակ

🟨 ԱԺ-ն ՍԴ դատավորներ ընտրեց Հովակիմ Հովակիմյանին և Սեդա Սաֆարյանին։

▫️ՍԴ դատավորն ընտրվում է գաղտնի քվեարկությամբ՝ պատգամավորների ընդհանուր թվի ձայների առնվազն երեք հինգերորդով:

🟨 35 ընդդիմադիր պատգամավոր ստորագրել է վարչապետին անվստահություն սկսելու նախաձեռնության տակ:

ՄԱՆՐԱՄԱՍՆԵՐ

🟨 Երեկվա իրավիճակի շտկման մեջ մեծ դերակատարություն է ունեցել ԱՄՆ-ը:

ԱԺ նախագահ Ալեն Սիմոնյան

ՄԱՆՐԱՄԱՍՆԵՐ

🟨 Տիգրան Հակոբյանն ընտրվեց ՀՌՀ անդամ:

ԱԺ 107 պատգամավորից քվեարկությանը մասնակցել են 66-ը՝ կողմ 66, դեմ 0:

🟨 Փրկարար ծառայության բժշկական ապահովման վարչության ծառայողները գործուղղվել են Վայոց Ձորի մարզ՝ իրականացնելու բժշկական աջակցության և այլ գործառույթներ։

🟨 Կոչ ենք անում զանգվածային ակցիաների ընթացքում չենթարկվել հնարավոր սադրանքների, հակաիրավական քայլերի դրդող կոչերի ու գործողությունների:
▫️Հորդորում ենք ձեռնպահ մնալ հասարակական կարգի խախտմանն ուղղված ցանկացած քայլից, հակահասարակական և հակաօրինական արարքներից:

ՀՀ ոստիկանություն

🟨 Ողջունելուց բացի, մենք ԵՄ-ից և միջազգային հանրությունից ակնկալում ենք, որպեսզի ձեռնարկվեն համապատասխան քաղաքական միջոցներ, ինչի արդյունքում Ադրբեջանի զորքերը կազատեն Հայաստանի տարածքի օկուպացված հատվածը և ետ կվերադառնան մինչև 2021թ․ մայիսի 12-ի դրության հայ-ադրբեջանական սահմանի ելման դիրքեր:

Էդմոն Մարուքյան

🟨 Սուրեն Պապիկյանը հեռախոսազրույց է ունեցել ԱՄՆ պաշտպանության քարտուղարի քաղաքականության հարցերով տեղակալ Քոլին Քահլի հետ։

▫️Քոլին Քահլը կարևորել է հրադադարի պահպանումը, շեշտել բանակցային սեղանին վերադառնալու և առկա բոլոր տարաձայնությունները բացառապես դիվանագիտական գործիքակազմով լուծելու անհրաժեշտությունը: Քոլին Քահլը հայտնել է ԱՄՆ դիրքորոշումն առ այն, որ ՀՀ տարածքային ամբողջականությունը և ինքնիշխանությունը սակարկման առարկա չպետք է լինեն:

ՀՀ ՊՆ

🟨 «Կարմիր խաչը» հավաքագրում է գերեվարված հայ զինծառայողների տվյալները:

Այս մասին Radar Armenia-ի հետ զրույցում ասաց ՀՀ-ում ԿԽՄԿ ներկայացուցիչը:

ՄԱՆՐԱՄԱՍՆԵՐ

🟨 ՄԱԿ Անվտանգության խորհրդի հրատապ նիստում քննարկվում է ՀՀ տարածքային ամբողջականության դեմ Ադրբեջանի սանձազերծած ռազմական ագրեսիան։

ԱԳՆ մամուլի խոսնակ

🟥 Հայտնում եմ, որ ԱԻՆ փրկարար ծառայողները խմբով գնացել են Սյունիքի մարզի Ներքին Հանդ գյուղի տարածք դիեր վերադարձնելու։

Խմբի մի մասը վերադարձել է, իսկ փրկարար ծառայողներից մեկի հետ մինչ այս պահը կապ հաստատել չի հաջողվել։ Նորություն լինելու դեպքում հավելյալ կտեղեկացնենք։

ԱԻՆ խոսնակ Հայկ Կոստանյան

ՄԱՆՐԱՄԱՍՆԵՐ

🟥 Այս հակամարտությունը չունի ռազմական լուծում։

Այն կարող է լուծվել միայն դիվանագիտական ջանքերով և ՄԱԿ կանոնադրության հիմնարար սկզբունքների հիման վրա։

ՄԱԿ-ում Մեծ Բրիտանիայի մշտական ներկայացուցիչ

🟥 Իրանը հատուկ դիմադրություն կցուցաբերի ցանկացած սցենարի, որը կվնասի պատմական ուղի հանդիսացող Իրան-Հայաստան սահմանին։

ՀՀ-ում Իրանի դեսպանություն /«Լուրեր»/

ՄԱՆՐԱՄԱՍՆԵՐ

🟥 Ֆրանսիան խորապես մտահոգված է հայ-ադրբեջանական սահմանային իրավիճակի կապակցությամբ։

Նախագահ Մակրոնը խոսել է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ. այն պարունակել են երեք հիմնական ուղղորդումներ.

▫️2020 թվականի նոյեմբերին ստորագրված եռակողմ հայտարարության դրույթների պահպանում,

▫️Կոչ ուղղված Ադրբեջանին՝ զորքերի հետ քաշում շփման գծի ողջ երկայնքով,

▫️ՀՀ տարածքային ամբողջականության հարգման անհրաժեշտություն։

ՄԱԿ-ում Ֆրանսիայի մշտական ներկայացուցիչ

🟥 ՄԱԿ-ի Անվտանգության խորհրդի նիստում Հնդկաստանի ներկայացուցիչը Ադրբեջանին անվանել է ագրեսոր։

🟥 Մենք խորապես մտահոգված ենք այս վտանգավոր սրացման կապակցությամբ: Կողմերի միջև կարգավորման գործընթացը լուրջ խոչընդոտների է բախվում:

▫️Սա նաև ընդգծում է անհրաժեշտությունը, որ կողմերն առաջ շարժվեն սահմանազատման և սահմանագծման գործընթացում՝ միմյանց ինքնիշխանության և տարածքային ամբողջականության ճանաչման շրջանակում։

▫️Պետք է գործել կառուցողական, ճնշում գործադրել կողմերի վրա, որպեսզի վերջիններս աշխատեն խաղաղ կարգավորման ուղղությամբ:

ՄԱԿ-ի գլխավոր քարտուղարի՝ Եվրոպայի, Կենտրոնական Ասիայի և Ամերիկայի գծով օգնական Միրոսլավ Յենչա

ՄԱՆՐԱՄԱՍՆԵՐ

🟥 Ռազմական ուժի կիրառումը հակասությունների լուծման համար անընդունելի է:

▫️Ողջունում ենք ԱՄՆ-ի և ԵՄ-ի ջանքերը՝ բանակցությունների առաջխաղացմանն աջակցելու ուղղությամբ։

▫️Անհանգստացած ենք Հայաստանի տարածքում քաղաքացիների և քաղաքացիական ենթակառուցվածքների հրետակոծություններով։

ՄԱԿ ԱԽ նիստ, Նորվեգիայի ներկայացուցիչ

ՄԱՆՐԱՄԱՍՆԵՐ