🟥 ՄԱԿ-ի Անվտանգության խորհուրդը Հայաստանին և Ադրբեջանին կոչ է արել դադարեցնել կրակը, իրավիճակը կարգավորել քաղաքական և դիվանագիտական միջոցներով։

▫️ՌԴ-ն պնդում է, որ հայտարարությունում պետք է անդրադարձ լինի Ռուսաստանի, Հայաստանի և Ադրբեջանի նախագահների 2020 և 2021 թվականների եռակողմ հայտարարություններին։

ՄԱԿ-ում ՌԴ մշտական ներկայացուցիչ Վասիլի Նեբենզյա

ТАСС

🟥 Տեղեկացնում ենք, որ Սյունիքի մարզից որևէ բնակավայր Ադրբեջանի վերահսկողության տակ չի անցել, ու այդ առնչությամբ համացանցում շրջանառվող տեղեկությունները չեն համապատասխանում իրականությանը։

▫️Կոչ ենք անում զերծ մնալ կեղծ ու չհիմնավորված լուրերի տարածումից:

Սյունիքի մարզպետարան

ՄԱՆՐԱՄԱՍՆԵՐ

🟥 Արցախի հարցով այս ընթացքում բարձր մակարդակով ՀՀ իշխանությունների կողմից անցկացված բոլոր միջազգային քննարկումների մասին տեղեկացված եմ մանրամասնությամբ, քանի որ պարբերաբար տեղի են ունենում համատեղ խորհրդակցություններ։

▫️Ընդգծում եմ, որ, ՀՀ իշխանությունների հետ ձեռք բերված պայմանավորվածության համաձայն, նրանց կողմից ստորագրվելիք՝ Արցախին առնչվող ցանկացած փաստաթղթում անպայման պետք է հաշվի առնվեն Արցախի Հանրապետության ժողովրդի շահերն ու կարծիքը։

▫️Հավելեմ՝ առայսօր այդ համատեքստում որևէ փաստաթղթի նախագիծ անգամ առկա չէ։

ԱՀ նախագահ Արայիկ Հարությունյան

ՄԱՆՐԱՄԱՍՆԵՐ

🟥 Համացանցում շրջանառվող լուրերի մեծ մասը, Ջերմուկի վերաբերյալ, իրականությանը չեն համապատասխանում:

▫️Ջերմուկում իրավիճակը վերահսկվում է: Եվս մեկ անգամ կոչ ենք անում խուճապ չտարածել, եվ հետևել միայն պաշտոնական աղբյուրներին:

Ջերմուկի քաղաքապետ Վահագն Արսենյան

ՄԱՆՐԱՄԱՍՆԵՐ

🟥 Սոթքում իրենց մասնագիտական պարտականությունները կատարող օտարերկրյա և տեղացի լրագրողների կանխամտածված գնդակոծությունը բացարձակապես անընդունելի է։

Միջազգային հանրության, մարդու իրավունքների և խոսքի ազատության պաշտպանության մասնագիտացված կառույցների ուշադրությունն ենք հրավիրում տեղեկատվության ձեռքբերման իրավունքը ոտնահարելու այս փորձին, որն ուղղված է խոչընդոտելու Ադրբեջանի ագրեսիայի հետևանքների փաստագրումն ու ներկայացումը միջազգային հանրությանը:

ՀՀ ԱԳՆ մամուլի խոսնակ Վահան Հունանյան

ՄԱՆՐԱՄԱՍՆԵՐ

🟥 Ժամը 20։00-ից բոլոր ուղղություններով կրակը գրեթե դադարել է, էական միջադեպեր չեն արձանագրվել։

▫️Համացանցում շրջանառվող տեղեկությունները, թե իբր Գեղարքունիքի մարզի որոշ բնակավայրեր անցել են ադրբեջանական վերահսկողության տակ, բացարձակ կեղծիք են։

▫️Այս առնչությամբ ևս մեկ անգամ կոչ ենք անում զերծ մնալ նմանատիպ լուրեր տարածելուց և առաջնորդվել բացառապես պաշտոնական լրահոսով։

Գեղարքունիքի մարզպետարան

ՄԱՆՐԱՄԱՍՆԵՐ

🟥 Ի պատասխան համացանցում շրջանառվող կեղծ տեղեկությունների` հայտնում ենք, որ ՀՀ Վայոց ձորի մարզում ոչ մի բնակավայր չի անցել ադրբեջանական վերահսկողության տակ։

ՀՀ զինված ուժերն ամբողջ ծավալով կատարում են իրենց առջև դրված մարտական խնդիրները, և հակառակորդը ստանում է արժանի պատասխան։

Ուստի կոչ ենք անում զերծ մնալ նմանատիպ լուրեր տարածելուց և առաջնորդվել բացառապես պաշտոնական լրահոսով։

Վայոց ձորի մարզպետարան

🟥 Կադրեր Սոթքից, թե ինչպես էր ավելի վաղ ադրբեջանական ԶՈւ-ն թիրախավորել իրենց մասնագիտական գործունեությունն իրականացնող լրագրողներին։

Տեսանյութը՝ Արմենպրեսի

🟥 Միջազգային գործընկերների շնորհիվ ձեռք է բերվել հրադադարի պայմանավորվածություն։

▫️ Այս պահին որևէ փաստաթուղթ չի ստորագրվելու, բանակցային սեղանին ինչ դրված է, հրապարակային է։

▫️ Ռազմի դաշտում Ադրբեջանը էական հաջողության չի հասել. մեր բանակի շնորհիվ հնարավոր է եղել թույլ չտալ ավելի մեծ պլանի իրագործումը, որը եղել է սեղանին։ Եվ քանի որ այդ դաշտում չի ստացվել հաջողել, նրանք սկսել են գործընթացներ հենց ՀՀ ներսում։

ՀՀ ԱԽ քարտուղար Արմեն Գրիգորյան

🟨 ԱԺ-ի մոտ հավաքված ցուցարարներին են միացել Իշխան Սաղաթելյանը և Սեյրան Օհանյանը։

▫️Սաղաթելյանը հայտարարել է, որ քիչ հետո հրապարակելու են իշխանական պատգամավորների տան հասցեները, որպեսզի նրանց բերման ենթարկեն՝ ստորագրել տալու վարչապետին անվստահություն հայտնելու փաստաթղթի տակ։

🟨 ՄԱԿ-ի Անվտանգության խորհուրդը սեպտեմբերի 15-ին կրկին քննարկելու է հայ-ադրբեջանական սահմանային իրավիճակը:

🟨 Մենք խորապես մտահոգված ենք հայ-ադրբեջանական սահմանի երկայնքով շարունակվող հարձակումներով։ Մենք հատկապես անհանգստացած ենք հաղորդումներից, ըստ որոնց Հայաստանի ներսում քաղաքացիական բնակչությունն է տուժում։

▫️ Պետքարտուղար Բլինքենը խոսել է երկու երկրների առաջնորդների հետ, փոխանցելով մեր անհանգստությունը սահմանին տիրող իրավիճակի, ներառյալ Հայաստանի ներսում արձանագրված հրետակոծությունների հարցով։ Նա հորդորել է նախագահ Ալիևին անմիջապես դադարեցնել բռնությունը, հրաժարվել ռազմուժի կիրառումից, ետ քաշել զորքերը սահմանից, և ձգտել լուծել Հայաստանի և Ադրբեջանի միջև խնդիրները խաղաղ բանակցությունների միջոցով:

ԱՄՆ պետդեպի խոսնակ Նեդ Փրայս

🟨 Գիշերը հայ-ադրբեջանական սահմանին էական միջադեպեր չեն արձանագրվել:

ՊՆ մամուլի խոսնակ

🇬🇧ENG

🟨 Տիկնայք և հատկապես պարոնայք, ոչ թե ՊՆ բունկերում, կառավարական ամառանոցում կամ այլ տեղում եմ, այլ՝ Ջերմուկում։

Եթե ամեն դեպքում որոշեք, որ դուք այդքան տղամարդկություն ունեք իմ «հետևից գալու», ձեռքի հետ կռվող տղերքին սիգարետ ու քաղցրավենիք կբերեք։

Աժ «Քաղաքացիական պայմանագիր» խմբակցության պատգամավոր  Տրդատ Սարգսյան

🟨 ՀՀ կառավարության հերթական նիստի ժամը փոխվել է, այն այսօր տեղի կունենա ժամը 15.00-ին՝ 11:00-ի փոխարեն:
 

🟨 Վլադիմիր Պուտինը Սամարղանդում է:

Այստեղ սպասվում է նաև հանդիպում Թայիփ Էրդողանի հետ, որի ժամանակ կքննարկվի նաև հայ-ադրբեջանական սահմանին տիրող իրավիճակը:

🟨 Ազգային ժողովը քննարկում է ՍԴ դատավորի պաշտոնում Կառավարության կողմից առաջադրված Սեդա Սաֆարյանի թեկնածությունը:

Պատգամավորներին ներկայացվում է Սեդա Սաֆարյանի կենսագրությունը:

🟨 ՀՀ գլխավոր դատախազ Աննա Վարդապետյանը ԱԺ-ում երդվեց:

Պատգամավորներն Աննա Վարդապետյանին շնորհավորեցին և ծափահարեցին: