🟥 Երեկվա ՀԱՊԿ նիստի ընթացքում մեր գործընկերների կողմից հնչել են հստակ գնահատականներ, որ Ադրբեջանի զինված ուժերը ներխուժել են Հայաստանի ինքնիշխան տարածք։

Նիկոլ Փաշինյան

🟥 Նախորդ օրը կեսգիշերից Հայաստանում ռազմական դրություն հայտարարելու նախագիծը գտնվում է իմ սեղանին։

Անվտանգության խորհրդի և այլ ֆորմատներով գնահատում ենք իրավիճակը, քանի այդ որոշումը չենք կայացրել, գտնում ենք, որ նման որոշման անհրաժեշտություն չկա։

Նիկոլ Փաշինյան

🟥 ՀՀ սուվերեն տարածքը կարմիր գիծ է։

ՀՀ ինքնիշխանությունը, անկախությունը, սուվերենությունը քննարկման ենթակա լինել չի կարող։

Նիկոլ Փաշինյան

🟥 ՀՀ յուրաքանչյուր քաղաքացի, անկախ սեռից և տարիքից, անհրաժեշտության դեպքում, զենքը ձեռքին պիտի պաշտպանի հայրենիքի ամեն քառակուսի միլիմետրը։

Նիկոլ Փաշինյան

🟥 Ադրբեջանը այսպիսով արտահայտում է իր անբավարարվածությունը 44-օրյա պատերազմի արդյունքներից։

Ինչքան էլ մենք երջանիկ չենք 2020 թվականի նոյեմբերի 9-ի եռակողմ հայտարարությունից, բայց ակնհայտ է, որ հենց նոյեմբերի 10-ից սկսած Ադրբեջանը պայքարում է եռակողմ հայտարարության դրույթների դեմ։

Նիկոլ Փաշինյան

🟥 Մեր քաղաքական խնդիրը Հայաստանի տարածքային ամբողջականությունը վերականգնելն է։

Ագրեսորը Հայաստանի տարածքից պետք է դուրս գա։

Նիկոլ Փաշինյան

🟥 Մեր տարածքային ամբողջականության հարցում ընդհանուր առմամբ ուրիշների տեսակետը պետք է չհետաքրքրի։

Մենք ասել ենք, որ Հայաստանի տարածքով միջանցք չենք տալու։

Մենք մեր դաշնակիցների հետ ունենք քննարկում և այդ թվում միջազգային հանրության հետ ունենք հստակ ըմբռնում։

Նիկոլ Փաշինյան

🟥 Մենք առաջարկությունների նոր փաթեթ ենք ներկայացրել և այդ առաջարկությունը ես առձեռն Բրյուսելում փոխանցել եմ Ադրբեջանի նախագահին։

Այդ առաջարկությունը հետևյալի մասին է. մենք պատրաստ ենք ճանապարհներ բացել` տալ և ստանալ։

Նիկոլ Փաշինյան

🟥 2018թ.-ից վարչապետի պաշտոնը ստանձնելուց հետո առաջնորդվել եմ «ամեն ինչ բանակի համար» սկզբունքով:

▫️Չի եղել մի դեպք, երբ բանակը մի որևէ հարց բարձրացնի և ես այդ խնդիրը չլուծեմ առնվազն ֆինանսական մասով:


Նիկոլ Փաշինյանը պատասխանեց, թե ինչ է արել ինքը մեր հաղթանակի համար:

🟥 Ինձ եկել, ասել են, որ 15 միլիարդ պետք է, որ բանակի սնունդը ապահովվի, ասել եմ՝ կտանք:

Ասել են հարյուր քանի միլիոն դոլար է պետք, որ ինքնաթիռ առնենք, ասել եմ՝ կտանք։

Ասել են՝ արկեր առնելու համար 5-10-20-30 միլիոն փող է պետք, ասել եմ՝ կտանք:

Նիկոլ Փաշինյան

🟥 Առողջապահության համակարգն ամբողջությամբ բերվել է պատրաստվածության բարձր մակարդակի, և մենք թե՛ տեղերում, մարզերում, թե՛ Երևանում ապահովում ենք վիրավորների ամբողջական բժշկական օգնությունը:

ԱՆ նախարար Անահիտ Ավանեսյան

🟥 Օգոստոսի 31-ին Բրյուսելում եռակողմ հանդիպման ժամանակ մեր վարչապետի հետ պայմանավորվածություն է ձեռք բերվել, որ ԱԳ նախարարություններն այս ամսվա վերջին ևս մեկ հանդիպում կունենանք՝ քննարկելու խաղաղության պայմանագիրը:

Արարատ Միրզոյան

🟥 Ցայտուն է Ադրբեջանի ապակառուցողական դիրքորոշումը՝ խափանել նաև խաղաղության գործընթացը: Ես նկատի ունեմ այն ագրեսիան, ինչ այս օրերին տեսնում ենք:

Արարատ Միրզոյան

🟥 Մարդիկ կան, որ պաշտոնից զրկվել են և ընդդիմության հարթակներից դոշ են ծեծում:

«ԱԱԾ սպաների միություն». տո արա՛, դուք նամուս ունենաք այսօր փողոց դուրս կգա՞ք՝ երկրի կեսը շպիոն է եղել ձեր պաշտոնավարության ընթացքում:

ՀՀ-ում ձեր օրոք ԱԱԾ չի եղել, խոպանչիների բրիգադ եք դուք եղել, ցավոք սրտի նաև մեր ժամանակ նշանակվածների շրջանում:

Ձեզնով ԱԱԾ-ն պետք է զբաղվի, շատ դեպքերում պետք է հասկանանք՝ դուք քանի երկրի շպիոն եք, ընդհանրապես:

Նիկոլ Փաշինյան

🟥 ՀՀ տարածք թշնամի ներխուժել է, դա փաստ է:

Նախորդ տարվա մայիսի 12-ին 40 քառակուսի կմ տարածք օկուպացրել են մեր երկրից:

Այս պահի դրությամբ կարող եմ ասել, որ ևս 10 քառակուսի կմ օկուպացրել են մեր երկրից:

Նիկոլ Փաշինյան

🟨 Հրետակոծության հետևանքով վիրավորում է ստացել վեց քաղաքացիական անձ, որոնցից չորսը շարունակում են ստացիոնար բուժումը տարբեր բժշկական կենտրոններում:

Առողջապահության նախարություն

🟨 ՀԱՊԿ առաքելության խումբը՝ միասնական շտաբի պետի գլխավորությամբ, վաղը թռչելու է Հայաստան, առաքելության ղեկավարը՝ հաջորդ շաբաթ:

ՀԱՊԿ քարտուղարություն

🟥 Փաշինյանն ու Ալիևը հաստատել են Սամարղանդում Շանհայի Համագործակցության Կազմակերպության գագաթնաժողովին մասնակցելու մտադրությունը:

ՌԴ ԱԳՆ

🟥 ՀՀ ՊՆ հայտարարությունը ժամը 18:00-ին:

🟥 Ժամը 18։00-ի դրությամբ իրադրությունը հայ-ադրբեջանական սահմանին շարունակում է լարված մնալ։

▫️Ժամը 15։00-17։00-ն ընկած հատվածում Սոթքից մինչև Գորիս ամբողջ սահմանագծով թշնամին շարունակել է ինտենսիվ հրթիռահրետանային հարվածները՝ թիրախավորելով խաղաղ բնակավայրեր։ Լայնորեն կիրառվել են ԱԹՍ-ներ։

▫️Ժամը 16։40-ի սահմաններում հրթիռահրետանային հարվածներ են հասցվել Սոթքի ուղղությամբ տեղակայված զորամասին, ինչի հետևանքով հրդեհ է բռնկվել, որն այժմ մարվել է։

▫️17։00-ից նշված ուղղությամբ հրթիռահրետանային հարվածների ինտենիվությունը թուլացել է։

ՀՀ ՊՆ

ՄԱՆՐԱՄԱՍՆԵՐ

🟥 Հայաստանում ստեղծված իրավիճակի պատճառով վարչապետ Նիկոլ Փաշինյանը չի մասնակցի Սամարղանդում ՇՀԿ գագաթնաժողովին:

Radar Armenia-ն այս մասին տեղեկացավ կառավարության մամուլի ծառայությունից։

ՄԱՆՐԱՄԱՍՆԵՐ