🟨 ՄԱԿ-ի անվտանգության խորհրդից ակնկալում ենք ստեղծված իրավիճակի անհապաղ քննարկում և իրավիճակից բխող գործողությունների իրականացում:
▫️ՀԱՊԿ-ից պահանջում ենք Հավաքական անվտանգության պայմանագրով ստանձնած պարտավորություններից բխող անհապաղ միջոցառումների իրականացում՝ ուղղված ՀՀ տարածքային ամբողջականության պահպանմանը:
▫️Դիմում ենք ՌԴ-ին՝ շուտափույթ իրագործելու ՀՀ-ի և ՌԴ-ի միջև Բարեկամության, համագործակցության և փոխադարձ օգնության մասին պայմանագրում ամրագրված պարտավորությունները՝ ի պաշտպանություն ՀՀ տարածքային ամբողջականության:

ԱԺ հայտարարություն

ՄԱՆՐԱՄԱՍՆԵՐ

🟨 ԵՄ-ն հատուկ ներկայացուցչին կուղարկի Ադրբեջան եւ Հայաստան՝ իրավիճակը կարգավորելու համար:

Եվրոպական դիվանագիտության ղեկավար Ժոզեպ Բորել

🟨 Ադրբեջանի ԶՈՒ կողմից ՀՀ դեմ ագրեսիան պլանավորվել է նախապես:

▫️Ագրեսիայի ակտի հանգամանքների, այդպիսիք հիմնավորող փաստերի վերաբերյալ ՀՀ գլխավոր դատախազը իրազեկել է գործընկեր պետությունների գլխավոր դատախազներին:

Գլխավոր դատախազություն

ՄԱՆՐԱՄԱՍՆԵՐ

🟨 Մեզ համար չափազանց կարևոր էր այսօր դահլիճում ունենալ միասնականություն խորհրդարանական բոլոր խմբակցությունների միջև:

Ցավոք, դա չհաջողվեց:

Վլադիմիր Վարդանյան

🟨 Ռուսաստանը կխուսափի ռազմական գործողություններին միջամտելուց, բայց պետք է հանգստացնի Ադրբեջանին:

▫️Այն պայմաններում, երբ Ադրբեջանի հետևում կանգնած է Թուրքիան, դրան դժվար է հասնել:

ՌԴ Պետդումայի պատգամավոր Կոնստանտին Զատուլին

🟨 Ինչի՞ն եք բա դուք մասնակցում, ի՞նչ պետք է լինի, որ այս դահլիճում ձեր օրակարգը սպասարկվի:

▫️Հայաստանը գրավե՞ն վերջնականապես, բոլորս մեռնե՞նք: Ի՞նչ պետք է լինի, որ դուք գաք դահլիճ: Ո՞րն է ձեր օրակարգը, անվտանգությունից դուրս: Ուզում եմ հասկանալ:

▫️Մի եկեք էլի դահլիճ, որպես Ազգային ժողովի նախագահ չեմ խնդրում, որպես Հայաստանի Հանրապետության քաղաքացի եմ խնդրում:

ԱԺ նախագահ Ալեն Սիմոնյանը՝ «Հայաստան» և «Պատիվ ունեմ» ունեմ խմբակցություններին

🟨 Այս պահի դրությամբ Կապան-Ճակատեն ճանապարհը բաց է:

Սյունիքի մարզպետարան

🟨 Հայ-ադրբեջանական սահմանին մարտերի մասին լուրերը չափազանց մտահոգիչ են։
Անհրաժեշտ է ամբողջական և կայուն զինադադար։
Խաղաղությանը և կայունությանը այլընտրանք չկա, և չկա այլընտրանք դիվանագիտությանը դրանք ապահովելու համար:

Եվրոպական խորհրդի նախագահ Շառլ Միշել

🇦🇲ՄԱՆՐԱՄԱՍՆԵՐ 🇬🇧ENG

🟨 Ադրբեջանական զինված ուժերի կողմից շտապօգնության մեքենաների և առողջապահական օբյեկտների թիրախավորումը հանցանք է` միջազգային մարդասիրական իրավունքի և միջազգային կոնվենցիաների կոպիտ խախտում։

Արձանագրված փաստերը ներկայացվել են Առողջապահության համաշխարհային կազմակերպությանը և փոխանցվել միջազգային բոլոր խողովակներով:

Առողջապահության նախարարություն

🟨 Կայացել է ՀԱՊԿ Մշտական խորհրդի արտահերթ նիստը:

▫️ՀԱՊԿ-ում ՀՀ մշտական և լիազոր ներկայացուցիչ Վիկտոր Բիյագովը նշել է, որ Հայաստանը, դիմելով ՀԱՊԿ-ում իր դաշնակիցներին, ակնկալում է նրանցից գործուն հավաքական քայլեր Հայաստանի Հանրապետության անվտանգության, տարածքային ամբողջականության և ինքնիշխանության ապահովման համար՝ ՀԱՊԿ կանոնադրության շրջանակներում։

▫️Նա վստահություն է հայտնել, որ ՀԱՊԿ մեխանիզմներն ի վիճակի են զսպել ագրեսորին։

ՀՀ ԱԳՆ

🟨 Հայաստանն Ադրբեջանի ագրեսիայի հարցով դիմելու է ՄԻԵԴ:
▫️Փաստաթղթում ներառված է լինելու Հայաստանի բնակավայրերի վրա Ադրբեջանի հարձակման հետ կապված ամեն ինչ:

ՄԻԵԴ-ում Հայաստանի ներկայացուցչի մամուլի քարտուղար

🟨 Արարատ Միրզոյանն ընդունել է ԵԱՀԿ ՄԽ ռուսաստանցի համանախագահին:

▫️Հայկական կողմն ակնկալում է ԵԱՀԿ Մինսկի խմբի համանախագահության և համանախագահ երկրների ակտիվ ներգրավումը։

ՄԱՆՐԱՄԱՍՆԵՐ

🟨 Սեպտեմբերի 13-ին ՀՀ ԱԳ նախարար Արարատ Միրզոյանն հեռախոսազրույց է ունեցել ԵՄ արտաքին գործերի ու անվտանգության քաղաքականության հարցերով Բարձր ներկայացուցիչ Ժոզեպ Բորելի հետ։

▫️Շեշտվել է, որ ադրբեջանական ագրեսիայի թիրախ են դարձել ոչ միայն ռազմական դիրքերը, այլև քաղաքացիական ենթակառուցվածքներ։

ՄԱՆՐԱՄԱՍՆԵՐ

 
🟨 Վարչապետ Նիկոլ Փաշինյանն ընդունել է ԵԱՀԿ Մինսկի խմբի ռուսաստանցի համանախագահ, ՌԴ արտաքին գործերի նախարարի հատուկ ներկայացուցիչ Իգոր Խովաևին:
 
Զրուցակիցներն անդրադարձել են Ադրբեջանի կողմից Հայաստանի սուվերեն տարածքի նկատմամբ ձեռնարկված ագրեսիային և ստեղծված իրավիճակի հաղթահարմանը վերաբերող հարցերի: Կարևորվել է տարածաշրջանում խաղաղության և կայունության պահպանումը:
 
ՄԱՆՐԱՄԱՍՆԵՐ

🟨 Արդեն իսկ ձևավորված ԵԿՄ գումարտակները շարժվել և շարունակում են շարժվել նշված վայրեր:

▫️Կոչ եմ անում մեր հայրենակիցներին խուճապի չմատնվել, չտրվել սադրանքներին, մի կողմ թողնել քաղաքական ամբիցիաները, համախմբվել, մի բռունցք դառնալ, տեր կանգնել կյանքերի գնով ձեռք բերված մեր հողին, պետությանը, պետականությանը:

ԵԿՄ վարչության նախագահ Սասուն Միքայելյան

🟨 Մակրոնը կոչ է արել հարգել ՀՀ տարածքային ամբողջականությունը:

▫️Ֆրանսիան իրավիճակը կփոխանցի ՄԱԿ-ի անվտանգության խորհրդին, որտեղ Մակրոնը ներկայումս նախագահում է:

ՄԱՆՐԱՄԱՍՆԵՐ

🟨 Տեղեկությունները, թե Կապան-Ճակատկեն այլընտանքային ճանապարհը փակ է, չի համապատասխանում իրականությանը:

▫️Այս մասին տեղեկացնում է Radar Armenia-ի թղթակիցը, ով քիչ առաջ անցել է այդ ճանապարհով:

🇦🇲ՄԱՆՐԱՄԱՍՆԵՐ 🇬🇧ENG

🟨 Սյունիքի մարզային արյան փոխներարկման կայանը Գորիս քաղաքում քաղաքացիներից ընդունում է դոնորական արյուն:

Հասցե՝ Գորիս, Օրբելյանների 5 (Եկեղեցու մոտ):

Տեղեկությունների համար զանգահարել (077) 92 03 53, (091) 78 01 16, (093) 78 01 16 հեռախոսահամարներով:

🟨 Գեղարքունիքի մարզում քաղաքացիական անձանց շրջանում կա 3, զինվորականների շրջանում 43 վիրավոր:

ՄԱՆՐԱՄԱՍՆԵՐ

🟥 ՊՆ ՀԱՅՏԱՐԱՐՈՒԹՅՈՒՆԸ ԺԱՄԸ 18:00-ԻՆ:

🟥 Ժամը 18։00-ի դրությամբ՝ իրադրությունը հայ-ադրբեջանական սահմանագծի որոշ հատվածներում շարունակում է լարված մնալ։

▫️ Չնայած իրավիճակի կայունացման մասին դեռ վաղ է խոսել, սակայն կեսգիշերից արձանագրված հրետակոծության ինտեսիվությունը զգալիորեն թուլացել է։

▫️Հակառակորդը ողջ օրվա ընթացքում փորձում է դիրքային առաջխաղացում ապահովել։ Մասնավորապես՝ Ներքին Հանդի, Վերին Շորժայի, Արտանիշի և Սոթքի ուղղությամբ։

ՀՀ ՊՆ