🟨 Սեպտեմբերի 13-ին ՀՀ ԱԳ նախարար Արարատ Միրզոյանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ։ 
Նախարար Միրզոյանը ներկայացրել է սեպտեմբերի 13-ի կեսգիշերին Ադրբեջանի զինված ուժերի կողմից մեկնարկած լայնածավալ ագրեսիայի հետևանքով հայ-ադրբեջանական սահմանագոտում ստեղծված իրավիճակը։
Արարատ Միրզոյանը տեղեկացրել է Հայաստանի Հանրապետության կողմից ձեռնարկված քայլերի՝ այդ թվում Ռուսաստանի Դաշնությանը, Հավաքական անվտանգության պայմանագրի կազմակերպությանը, ՄԱԿ անվտանգության խորհրդին դիմելու մասին՝ ադրբեջանական ագրեսիան կասեցնելու  և դրա հետևանքները վերացնելու նպատակով։

ՀՀ ԱԳՆ

🟨 Ադրբեջանի զինված ստորաբաժանումների կողմից հայկական դիրքերի և բնակավայրերի ուղղությամբ հրետակոծության հետևանքով վիրավորում է ստացել քաղաքացիական երեք անձ:

▫️Նրանցից մեկի առողջական վիճակը գնահատվում է ծանր, երկուսինը` բավարար:

ՀՀ ԱՆ

🟨 Սերտ կապի մեջ ենք Բաքվի և Երևանի հետ: Ստացվել է Հայաստանի ղեկավարության դիմումը՝ առկա երկկողմ համաձայնագրերին համապատասխան և ՀԱՊԿ գծով աջակցել իրավիճակի կարգավորմանը։

▫️Ակնկալում ենք, որ Մոսկվայի ժամանակով 9:00-ից ռուսական միջնորդության արդյունքում ձեռք բերված կրակի դադարեցման մասին պայմանավորվածությունը կիրականացվի ամբողջ ծավալով:

ՌԴ արտաքին գործերի նախարարություն

🇦🇲 ՄԱՆՐԱՄԱՍՆԵՐ 🇷🇺RUS

🟨 ՀՀ ԱԳ նախարարի հեռախոսազրույց է ունեցել ՀԱՊԿ գլխավոր քարտուղարի տեղակալի հետ:

Նախարար Միրզոյանը զրուցակցին է ներկայացրել սեպտեմբերի 13-ի կեսգիշերին Ադրբեջանի կողմից սանձազերծված լայնածավալ ագրեսիայի հետևանքով հայ-ադրբեջանական սահմանին ստեղծված իրավիճակը։ Քննարկվել են ՀԱՊԿ առկա մեխանիզմների գործարկման ուղիները։

🟥 Ադրբեջանի բանակցային մարտավարությունը եղել է հետևյալը՝ տվեք ինձ այն, ինչ ուզում եմ, այլապես ես դա կստանամ պատերազմով:

Նիկոլ Փաշինյան

🟥 Բանակը հնարավոր չէ մեկ տարում բարեփոխել, անգամ երկու տարում, երկար տարիներ են պետք:

▫️Հարկավոր է պլան ունենալ բարեփոխումների, իսկ այս դինամիկ փոփոխվող աշխարհում ո՞նց պետք է բարեփոխվի բանակը, որովհետև մեկնարկի և նպատակակետի կետը կարելի է հեշտությամբ ֆիքսել, իսկ քայլերի հաջորդականությունը պարզ աշխատանք չէ:

Նիկոլ Փաշինյան

🇬🇧ENG

🟨 ՀԱՊԿ-ը հաստատել է Հայաստանի դիմումի ստացումը եւ հաղորդագրություն է պատրաստում, որը շուտով կհրապարակվի:

ՀԱՊԿ մամուլի քարտուղար

🇷🇺RUS

🟨 Դիվանագիտական ճանապարհին ձեռք բերված առաջընթացը չպետք է վատնվի։

Նախկինի պես պատրաստ ենք աջակցություն ցուցաբերել կայուն լուծման հասնելու գործում:

ԵԱՀԿ

🟨 Ադրբեջանական կողմը Ներքին Հանդի ուղղությամբ շարունակում է կիրառել հրետանի։

Համայնքի  ղեկավար Խաչատուր Բաղդասարյան

🟨 Հայաստանի ղեկավարության կողմից ստացվել է դիմում իրավիճակի կարգավորման գործում առկա երկկողմ համաձայնագրերի համապատասխան և ՀԱՊԿ-ի գծով աջակցություն ցուցաբերելու խնդրանքով։

ՌԴ ԱԳՆ

🟨 Ֆրանսիան հրավիրում է ՄԱԿ-ի Անվտանգության խորհուրդ՝ քննարկելու հայ-ադրբեջանական սահմանին հակամարտության սրումը:

Արմենպրես

🟥 Իշխանասարում լսելի են դեռ հրետակոծության ձայները:

🟨 Հայաստանի Սյունիքի մարզի Վերիշեն գյուղի խաղաղ բնակչի տունը՝ Ադրբեջանի թիրախ։

🟥 Սոթք, 13;30-ի դրությամբ հրադադար չկա, Ադրբեջանը շարունակում է կրակել:

Թաթուլ Հակոբյան

🟨 Աշխատանք է տարվում, չէի ցանկանա որեւէ բան հայտարարել:

Դմիտրի Պեսկովը ՝ Հայաստանի եւ Ադրբեջանի սահմանին իրավիճակի ապաԷսկալացման գործում ՀԱՊԿ-ի հնարավոր դերի մասին:

🟨 ՀԱՊԿ քարտուղարությունը հայ-ադրբեջանական սահմանի բախումների վերաբերյալ հանդես է եկել հայտարարությամբ։

Անընդունելի ենք համարում ուժի կիրառումը։ Հակասությունների կարգավորման համար պետք է օգտագործվեն բացառապես քաղաքական-դիվանագիտական մեթոդներ եւ պայմանավորվածություններ:

ՄԱՆՐԱՄԱՍՆԵՐ

🟨 Շատ անհանգստացած եմ Հայաստանի և Ադրբեջանի սահմանի երկայնքով հարձակումների, այդ թվում՝ Հայաստանի բնակավայրերին և քաղաքացիական ենթակառուցվածքներին հասցված հարվածների կապակցությամբ:

▫️ՆԱՏՕ-ն անհապաղ ապաէսկալացիայի և ռազմական գործողությունները և դադարեցնելու կոչ է անում:

Կովկասում ու Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինա

🇬🇧ENG