🟥 Վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ:

▫️Վարչապետը մանրամասներ է ներկայացրել Ադրբեջանի կողմից Հայաստանի ինքնիշխան տարածքի նկատմամբ ձեռնարկվող ագրեսիայի առնչությամբ: Նիկոլ Փաշինյանը տեղեկացրել է, որ տեղի ունեցող գործողությունների հետ կապված որոշում է կայացվել պաշտոնապես դիմել Ռուսաստանի Դաշնությանը՝ Բարեկամության, համագործակցության և փոխադարձ օգնության պայմանագրի դրույթները գործողության մեջ դնելու նպատակով, Հավաքական անվտանգության պայմանագրի կազմակերպությանը և ՄԱԿ-ի Անվտանգության խորհրդին: Այս համատեքստում, վարչապետ Փաշինյանը միջազգային հանրության համարժեք արձագանքի հույս է հայտնել:

▫️Էնթոնի Բլինքենն ամերիկյան կողմի խոր մտահոգությունն է արտահայտել ստեղծված իրավիճակի կապակցությամբ և անթույլատրելի համարել իրադրության հետագա լարումը: Նա ԱՄՆ պատրաստակամությունն է հայտնել ջանքեր գործադրել իրավիճակը կայունացնելու ուղղությամբ։

🇦🇲ՄԱՆՐԱՄԱՍՆԵՐ 🇬🇧ENG

🟥 Տեղի ունեցող գործողությունների հետ կապված որոշում է կայացվել պաշտոնապես դիմել՝

▫️Ռուսաստանի Դաշնությանը՝ Բարեկամության, համագործակցության և փոխադարձ օգնության պայմանագրի դրույթները գործողության մեջ դնելու նպատակով,

▫️Հավաքական անվտանգության պայմանագրի կազմակերպությանը։

▫️ՄԱԿ-ի Անվտանգության խորհրդին:

🇦🇲ՄԱՆՐԱՄԱՍՆԵՐ 🇷🇺RUS

🟥 Կառավարությունն արդեն դիմել է ՌԴ-ին, ՄԱԿ-ի Անվտանգության խորհրդին և ՀԱՊԿ-ին։

Վարչապետի աշխատակազմ

🇦🇲 ՄԱՆՐԱՄԱՍՆԵՐ 🇷🇺RUS 🇬🇧ENG

🟥 Առավոտյան 08:00-ի դրությամբ իրադրությունը հայ-ադրբեջանական սահմանին էական փոփոխություններ չի կրել։

ՀՀ ՊՆ

🟥 ՊՆ ՀԱՅՏԱՐԱՐՈՒԹՅՈՒՆԸ՝ ԺԱՄԸ 08:00-Ի ԴՐՈՒԹՅԱՄԲ:

▫️Հակառակորդը շարունակում է Վարդենիսի, Սոթքի, Իշխանասարի, Արտանիշի, Գորիսի և Կապանի ուղղություններով կիրառել հրետանային միջոցներ, ականանետներ, ԱԹՍ-ներ և խոշոր տրամաչափի զինատեսակներեր՝ թիրախավորելով թե՛ ռազմական, թե՛ քաղաքացիական ենթակառուցվածքները:

🟨 Լրագրող Թաթուլ Հակոբյանը Սոթքում է, տեղում ներկայացնում է իրավիճակը, զրուցում բնակիչների հետ։

▫️ Հայկական բանակը կանգնած է Հայաստանի սահմանին։

🟨 Տեղեկացնում ենք, որ սեպտեմբերի 13-ի, ժամը՝ 09:00-ի դրությամբ արցախա-ադրբեջանական շփման գծի ողջ երկայնքով իրավիճակը շարունակում է հարաբերականորեն կայուն մնալ և էական միջադեպեր չեն արձանագրվել նախորդ օրվա համեմատ:

Քանի որ Ստեփանակերտ-Երևան միջպետական ճանապարհի տարբեր հատվածներ մոտիկ են ռազմական գործողությունների վայրերին, այն երթևեկության համար կարող է վտանգավոր լինել: Հաշվի առնելով իրավիճակի ողջ լրջությունը՝ հորդորում ենք քաղաքացիներին այս ընթացքում երթևեկել միայն խիստ անհրաժեշտության պարագայում:

Իրավիճակի հնարավոր փոփոխության դեպքում կտրվի անհրաժեշտ տեղեկատվություն: Բնակչությանը հորդորում ենք պահպանել հանգստություն և զգոնություն, հետևել միայն պաշտոնական տեղեկատվությանը:

Արցախի տեղեկատվական շտաբ

🟥 Ադրբեջանի հարձակման հետևանքով Մարտունու ԲԿ տեղափոխվել է 10 վիրավոր:

«Մեզ մոտ գտնվողների վիճակը բավարար է գնահատվում, կյանքին վտանգ չի սպառնում։ Նրանցից 4 հոգի տեղափոխվել է Երևանի բուժհաստատություններ, քանի որ նեղ մասնագիտական միջամտությունների անհրաժեշտություն կար, օրինակ` միկրովիրաբուժության, մենք այստեղ չունենք նման մասնագետ»,– ասացին հիվանդանոցից։

Sputnik Արմենիայի հետ զրույցում այս մասին հայտնեցին հիվանդանոցից։

🟨 Ջերմուկում կրկին լսվում են հրետանային արկի ձայներ։

🟥 Ազգային Ժողովը 1 րոպե լռությամբ հարգեց զոհերի հիշատակը:

▫️Մենք ունենք զոհեր և վիրավորներ:

▫️Ստեղծված իրավիճակում պետք է լինենք մաքսիմալ միասնական: Այս իրավիճակում չենք կարող քաղաքական տարաձայնություններին տեղի տալ և նաև մեր համաքաղաքացիներին եմ դիմում՝ խուճապի չմատնվել:

ԱԺ նախագահ Ալեն Սիմոնյան

🟨 Ժամը 11:00-ին ՀՀ վարչապետ Նիկոլ Փաշինյանը կգնա Ազգային ժողով և կներկայացնի իրավիճակը այդ պահի դրությամբ:

Ալեն Սիմոնյան

🟨 «Հայաստան» խմբակցությունը Ազգային ժողովում է:

▫️Առաջարկվում է ընթացիկ օրակարգերը մի կողմ դնել և քննարկել ստեղծված իրավիճակը:

Արծվիկ Մինասյան

🟥 ԹԱՐՄԱՑՎԱԾ

Ադրբեջանական զինված ուժերը կրակ են բացել հետևյալ ուղղություններով։

🟨 Ադրբեջանի ՊՆ տարածած հաղորդագրությունն այն մասին, թե ՊԲ ստորաբաժանումները գնդակոծության են ենթարկել Արցախի Հանրապետության Մարտունու շրջանի օկուպացված տարածքներում տեղակայված ադրբեջանական դիրքերը, բացարձակ սուտ է և իրականությանը չի համապատասխանում։

Ադրբեջանական կողմը, հավատարիմ մնալով իր գործելաոճին, տեղեկատվական հող է նախապատրաստում նաև Արցախի Հանրապետության ուղղությամբ սադրանքներ ձեռնարկելու համար։

Տվյալ պահին իրավիճակն առաջնագծում հարաբերականորեն կայուն է։


ԱՀ ՊՆ մամուլի ծառայություն

🟥 Սեպտեմբերի 13-ին ՀՀ պաշտպանության նախարար Սուրեն Պապիկյանը հեռախոսազրույց է ունեցել ՌԴ պաշտպանության նախարար, բանակի գեներալ Սերգեյ Շոյգույի հետ:

Հայաստանի պաշտպանական գերատեսչության ղեկավարը ռուս գործընկերոջն է ներկայացրել Հայաստանի Հանրապետության ինքնիշխան տարածքի նկատմամբ ադրբեջանական լայնածավալ ագրեսիայի հետևանքով ստեղծված իրադրությունը:

Սուրեն Պապիկյանն ու Սերգեյ Շոյգուն պայմանավորվածություն են ձեռք բերել անհրաժեշտ քայլեր ձեռնարկել իրադրության կայունացման ուղղությամբ:

ՀՀ ՊՆ մամուլի քարտուղար

🇬🇧ENG