🟨 Մենք չափազանց անհանգստացած ենք Հվ․ Կովկասում գրանցված զինված միջադեպերով և զոհերով։

Կոչ ենք անում Ադրբեջանին ու Հայաստանին՝ ձեռնարկել բոլոր միջոցները՝ ապաէսկալացիայի և երկխոսությունը վերսկսելու համար։

ԵԱՀԿ

ՄԱՆՐԱՄԱՍՆԵՐ

🟥 Վիրավորներից.

1 հոգի ծայրահեղ ծանր վիճակում է,
1 հոգի ծանր վիճակում է,
մնացածի վիճակը միջին և թեթև է գնահատվում:

Գրեթե բոլոր վիրավորումները բեկորային են:

ԱՀ առողջապահության նախարար

🟨 Կոչով դիմել եմ Մինսկի խմբի համանախագահ երկրների դեսպաններին, հակամարտության լուծմանը ներգրավված միջազգային այլ դերակատարներին՝ գործադրելու առավելագույն ջանքերը՝ Արցախի խաղաղ բնակչության կյանքի իրավունքի իրական ապահովման ուղղությամբ։

ՀՀ ՄԻՊ

ՄԱՆՐԱՄԱՍՆԵՐ

🟨 Այցելել եմ Ստեփանակերտի զինվորական հոսպիտալ՝ ծանոթանալու վիրավորների բուժսպասարկման ընթացքին: Զինվորական ու քաղաքացիական բժշկական անձնակազմերի կողմից արվում է ամեն ինչ՝ վիրավորներին պատշաճ բուժսպասարկում ապահովելու համար:

Արտակ Բեգլարյան

ՄԱՆՐԱՄԱՍՆԵՐ

🟥 Անթույլատրելի ենք համարում ադրբեջանական կողմից հնչող հայտարարությունները, որոնցով փորձ է արվում միակողմանիորեն փոփոխել Լաչինի միջանցքում եռակողմ հայտարարության 6-րդ կետով սահմանված իրավական ռեժիմը, և վերահաստատում, որ Լաչինի միջանցքով անցնող երթուղին կարող է փոփոխվել միայն հայտարարությունը ստորագրած կողմերի հաստատած պլանի համաձայն։

ՀՀ ԱԳՆ

ՄԱՆՐԱՄԱՍՆԵՐ

🟨 Ռուսական պետական ТАСС-ը մեջբերում է Ադրբեջանի ՊՆ-ին՝ մոռանալով խաղաղապահների մասին։

Հ.Գ. Հետագայում լրատվականը ներկայացրել է նաև ՀՀ ԱԳՆ հայտարարությունը։

ՄԱՆՐԱՄԱՍՆԵՐ

🟨 Ադրբեջանը խախտել է հրադադարի ռեժիմը։ Ռուս խաղաղապահ հրամանատարությունը միջոցներ է ձեռնարկում իրավիճակը կայունացնելու համար։

ՌԴ ՊՆ

ՄԱՆՐԱՄԱՍՆԵՐ

🟩 Այս փուլում որոշակի փոփոխություններ կան իրավիճակի լիցքաթափման հարցում՝ կապված և՛ ռազմական իրադրության, և՛ Բերձորի միջանցքի հետ։

Արայիկ Հարությունյան

ՄԱՆՐԱՄԱՍՆԵՐ

🟨 ԵՄ-ն Հայաստանին և Ադրբեջանին կոչ է անում անհապաղ դադարեցնել ռազմական գործողությունները Լաչինի միջանցքի և շփման գծի ողջ երկայնքով։

🟥 Ունենք 19 վիրավոր, 2 զոհ։ Վիրավորներից 4-ը գտնվում են ծանր վիճակում, նրանցից մեկը՝ ծայրահեղ ծանր։ Մյուսների վիճակը գնահատվում է թեթև և միջին ծանրության։

Արցախի առողջապահության նախարար Միքայել Հայրիյան/Ազատություն

🟨 Կան տեղեկություններ Թայվանում, Բալկաններում, գուցե նաև Կովկասում հակամարտությունների էսկալացիայի մասին:

▫️Սա նշանակում է, որ համաշխարհային անվտանգության ճարտարապետությունը չի աշխատում:

Վլադիմիր Զելենսկի

ՄԱՆՐԱՄԱՍՆԵՐ

🟥 ԿԺԴՀ-ն (Հյուսիային Կորեան) օրինական կերպով դուրս է եկել միջուկային զենքի չտարածման պայմանագրից և ունի ինքնապաշտպանության իրավունք:

ՄԱԿ-ում ԿԺԴՀ-ի մշտական ​​ներկայացուցչություն

🟨 Միացյալ Նահանգները խորապես մտահոգված է և ուշադրությամբ հետևում է Լեռնային Ղարաբաղի շուրջ ընթացող ինտենսիվ, զոհերի և մարդկային կորուստների մասին հաղորդումներով ուղեկցված ռազմական գործողություններին: Մենք կոչ ենք անում անհապաղ քայլեր ձեռնարկել լարվածությունը նվազեցնելու և հետագա սրացումից խուսափելու համար։

Լարվածության վերջին աճն ընդգծում է Լեռնային Ղարաբաղի հակամարտության հետ կապված կամ դրանից բխող մնացած հարցերի բանակցային, համապարփակ և կայուն կարգավորման անհրաժեշտությունը:

ԱՄՆ պետքարտուղարություն

🟨 Հանրապետության տարածքում օգոստոսի 4-8-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ:

Եղանակը Երևանում օգոստոսի 4-ին՝

🌖 Ցերեկ +35 +37
🌗 Երեկո +31 +33
🌘 Գիշեր +24 +26

ՄԱՆՐԱՄԱՍՆԵՐ

🟨 Սա Ալիևի կողմից Արցախի բնակչությանը Լաչինի միջանցքը փակելու նման անհեթեթ պահանջներով սպառնալու վերջին օրինակն է:

Կոչ եմ անում ԱՄՆ պետդեպարտամենտին և ԵԱՀԿ-ում ԱՄՆ մշտական ներկայացուցչությանը դատապարտել այս գործողություններն ու օգտագործել ցանկացած հասանելի դիվանագիտական գործիք՝ կանգնեցնելու Ալիևի վտանգավոր գործողությունները:

Կոնգրեսական Ֆրանկ Փալոնե

🟨 Այն ինչ վերջին շրջանում Ադրբեջանը Լեռնային Ղարաբաղում իրականացնում է, միջազգային իրավունքում կոչվում է էթնիկ զտումներ:

Ադրբեջանի վարած էթնիկ զտումների քաղաքականությունը միջազգային հանցագործություն է:

Էդմոն Մարուքյան

🟥 Օգոստոսի 3-ի լույս 4-ի գիշերը և առավոտյան 09:00-ի դրությամբ օպերատիվ մարտավարական իրադրությունը շփման գծում հարաբերականորեն կայուն է:

▫️Ադրբեջանի ԶՈւ ստորաբաժանունները որոշ հատվածներում խախտել են հրադադարի ռեժիմը' կիրառելով տարբեր տրամաչափի հրաձգային զինատեսակներ:

▫️ՊԲ ստորաբաժանումների կողմից կորուստներ չկան:

▫️Վիրավորում ստացած 19 զինծառայողներից 4-ի վիճակը գնահատվում է ծանր, որոնցից մեկինը' ծայրահեղ ծանր: Մյուս վիրավորների վիճակը բավարար է:

ԱՀ ՊՆ մամուլի ծառայություն

🟥 Ադրբեջանն այսօր անընդհատ խոսում ԼՂ ՊԲ-ի մասին, թե ինչու են նրանք տեղակայված շփման գծի երկայնքով:

▫️Եթե ՌԴ խաղաղապահ զորախումբը, Ադրբեջանը երաշխավորեն շփման գծի անձեռնմխելիությունը ԼՂ ՊԲ-ն, կարծում եմ, մարտական հերթապահություն իրականացնելու անհրաժեշտություն չի ունենա:

▫️Նման անհւաժեշտություն առաջացել է միայն այն բանից հետո, երբ Ադրբեջանը հրաժարվել է ստորագրել խաղաղապահների մանդատը և շարունակաբար խախտում է եռակողմ հայտարարության դրույթները, այդ թվում՝ բոլոր ռազմական գործողությունների դադարեցման մասին, որը նշված փաստաթղթի բուն էությունն է:

ՀՀ վարչապետ Նիկոլ Փաշինյան

🟥 Պիտի արձանագրեմ պաշտոնապես, որ ԼՂ-ում ՀՀ զինծառայող չկա:

Նիկոլ Փաշինյան

🟥 Մինչև 2023թ. նոյեմբերի 9-ը կորոշվի Հայաստանի հետ ԼՂ կապն ապահովող Լաչինի միջանցքով երթևեկության նոր երթուղու կառուցման պլանը՝ ռուսական խաղաղապահ կոնտիգենտի հետագա վերատեղաբաշխմամբ այդ երթուղու պահպանության համար:

▫️ Պիտի արձանագրեմ, որ այս պահի դրությամբ ՌԴ, Հայաստանի և Ադրբեջանի կողմից եռակողմ ֆորմատով հաստատված որևէ պլան գոյություն չունի, և մենք մի քանի անգամ առաջարկել ենք և հիմա էլ առաջարկում ենք դա անել: Այսինքն հաստատել եռակողմ ֆորմատով պլան:

▫️Այս պահի դրությամբ մենք ոչ մի պլանի համաձայնություն չենք տվել, որովհետև մեզ նման պլանի նախագիծ չի էլ առաջարկվել:

Նիկոլ Փաշինյան