🟩 Մեկ ամիս առաջ պայմանագիր է ստորագրվել 12-մետրանոց ավտոբուսներ ձեռք բերելու մասին:

Ասել է Երևանի քաղաքապետ Հրաչյա Սարգսյանը` լրագրողների հետ զրույցում

🟨 Ընդդիմությունը հանրահավաք է սկսել Ֆրանսիայի հրապարակում:

🟨 Ընդդիմությունը երթով շարժվում է դեպի կառավարության շենք:

🟨 Բանակցություններից Արցախը դուրս է թողել հենց Նիկոլ Փաշինյանը։

Արմեն Ռուստամյան

Հիշեցնենք, որ Արցախը որպես կողմ բանակցություններից դուրս է մնացել 1998 թվականին։

🟨 Կառավարության շենքը շրջափակում ենք, բոլոր 6 մուտքերը փակում ենք։

Իշխան Սաղաթելյան

🟨 ԵՄ-ն աջակցում է տարածաշրջանային երկխոսությանը:

Փաշինյանն ընդունել է Հարավային Կովկասի ու Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարին:

🟨 Ծիծեռնակաբերդի խճուղու՝ փլուզված հատվածը 4-5 օրից կբացվի:

🟨 Ծնողները երեխային գցել են լվացքի մեքենան, մյուսը՝ նետել է գետը, հաջորդը՝ խաղալիք ափսեի մեջ կղանք լցրել, ստիպել, որ ուտի:

Լենա Նազարյանն այս օրինակները բերելով՝ Նարեկ Մկրտչյանից փորձեց ճշտել, թե ի՞նչ նոր մեխանիզմներ են մշակվելու երեխաների պաշտպանությունն ավելի արդյունավետ, ավելի ճիշտ կազմակերպելու համար:

🟨 «Վերջին զանգին» 57 մեքենա տեղափոխվել է «տուգանային հրապարակ»։ Շրջանավարտների մասնակցությամբ ճանապարհատրանսպորտային պատահար չի արձանագրվել։

🟩 🟩 🟩 Երևանի արևմտյան օղակաձև ճանապարհի մաս կազմող Արգավանդ-Շիրակ ճանապարհահատվածն արդեն պատրաստ է: Հունիսի 4-ին այն կհանձնվի շահագործման:

Երևանի Քաղաքապետարան

🟨 Կփորձենք հաճույք ստանալ B լիգայից, որտեղ Հայաստանի հավաքականն առաջին անգամ է խաղալու։

Խոակին Կապառոս

🟨 Ընդդիմությունն այս պահին շարժվում է դեպի կառավարական ամառանոց։

🟨 Վանաձոր-Բագրատաշեն ճանապարհահատվածը Հայաստանի համար ռազմավարական նշանակություն ունի և ճանապարհի որակի վերաբերյալ հարցերը ՀՀ կառավարության առաջնահերթությունն են։

ՀՀ ՏԿԵՆ

🟨 Ընդդիմադիր պատգամավորների նախաձեռնությամբ հրավիրված ԱԺ արտահերթ նիստը չկայացավ։ Ժամը 20:00-ին դարձյալ քվորում չապահովվեց՝ պատգամավորների բացակայության պատճառով:

🟨 16:23-ի դրությամբ Ֆրանսիայի հրապարակում և հարակից տարածքներում գտնվել է շուրջ 2870 մարդ:

Իրազեկ քաղաքացիների միավորում

🟨 Ընդդիմությունը կառավարական ամառանոցից երթով շարժվում է խորհրդարան։

🟨 Այս պահին իրավիճակը լարված է. ցուցարաները փորձում են ճեղքել ոստիկանության պատը:

🟨 Ցուցարարների հարձակումից հետո Բաղրամյան պողոտայում ոստիկանները կիրառեցին լուսաձայնային միջոցներ։

🟨 Իրավիճակը շարունակում է լարված մնալ։ Կան բերման ենթարկվածներ։

🟥 Ըստ ոստիկանության` լուսաձայնային միջոցները կիրառվել են այն բանից հետո, երբ ցուցարարների կողմից դեպի ոստիկանության աշխատակիցներ նետվել են քարեր։

🟥 Բախումների հետևանքով կան տուժածներ ոստիկանության սպայական կազմից։