🟨 Ղազախստանն արգելել է Ռուսաստանի և Բելառուսի բեռնափոխադրողներին ԵՄ-ից ապրանքներ առաքել երկիր։

🟩 Արգավանդ-Շիրակ ճանապարհի բացումը նախատեսվում է հունիսի 4-ին։

Ճանապարհը ներառում է նաև Հրազդան գետի վրա կառուցված 252մ. երկարությամբ և 28մ. լայնությամբ Երևանի թվով 5-րդ խոշոր կամուրջը:

🟨 ՔՊ պատգամավորներն այցելել են ԱԳՆ։

Արարատ Միրզոյանի հետ քննարկվել են խաղաղության օրակարգին, ենթակառուցվածքների ապաշրջափակմանը և Արցախյան հարցի կարգավորմանը վերաբերող հարցեր։

🟩 Այսօր ֆուտբոլի «Չեմպիոնների լիգայի» եզրափակիչ խաղն է։

Եզրափակչում մրցում են Անգլիական Լիվերպուլը և Իսպանական Ռեալ Մադրիդը։

Հանդիպումը պետք է սկսվեր Հայաստանի ժամանակով 23:00-ին, սակայն Լիվերպուլի երկրպագուների ակցիայի պատճառով մինչ այս պահը չի մեկնարկել։

🟩 Լիվերպուլ - Ռեալ Մադրիդ հանդիպում 38 րոպե ուշացումով մեկնարկեց։

🟨 Էջմիածնի քյուֆթայի համտես-փառատոն՝ Ֆրանսիայի հրապարակում

🏴󠁧󠁢󠁥󠁮󠁧󠁿 Լիվերպուլ 0:0 Ռեալ Մադրիդ 🇪🇸

Լիվերպուլ - Ռեալ Մադրիդ հանդիպման առաջին խաղակեսից հետո հաշիվը չի բացվել։

Առաջին խաղակեսում Լիվերպուլի գրոհներն ավելի վտանգավոր էին, սակայն Տիբո Կուրտուան տեղում էր։

Առաջին խաղակեսի ավարտին Կարիմ Բենզեման գրավեց Լիվերպուլի դարպասը, սակայն մրցավարը VAR համակարգով դիտելուց հետո արձանագրեց խաղից դուրս վիճակ։

🏴󠁧󠁢󠁥󠁮󠁧󠁿 Լիվերպուլ 0:1 Ռեալ Մադրիդ 🇪🇸

Ռեալն առաջ է անցնում հաշվի մեջ։ 59-րդ րոպեին գոլի հեղինակ դարձավ Վինիսիուսը։

🏴󠁧󠁢󠁥󠁮󠁧󠁿 Լիվերպուլ 0:1 Ռեալ Մադրիդ 🇪🇸

🟩 Չեմպիոնների լիգայի եզրափակչում Մադրիդի Ռեալը նվազագույն հաշվով հաղթեց Լիվերպուլին՝ նվաճելով չեմպիոնի տիտղոսը։

Հանդիպման միակ գոլը 59-րդ րոպեին խփեց Վինիսիուսը։

Սա Ռեալի 14-րդ գավաթն է Չեմպիոնների լիգայում։

🟨 Երևանում սպասվում է առանց տեղումների եղանակ, առանձին շրջաններում՝ կարճատև անձրև և ամպրոպ:

🟨 Տեղեկացնում եմ, որ մի քանի օր բացակայելու եմ երկրից։ Բոլոր նրանց, ում իմ ներկայությունը Ֆրանսիայի հրապարակում «խանգարում» էր միանալ պայքարին, ունեն սարեր շրջելու պատմական շանս։

Արմեն Աշոտյան

🟨 Փրկարարները հայտնաբերել են «Թաքնված ջրվեժ»-ի մոտ ընկերուհու հետևից գետը նետված 29-ամյա տղայի դին:

⬛️ Չնայած բժիշկների կողմից գործադրված բոլոր ջանքերին, մայիսի 28-ին հրազենային վիրավորում ստացած շարքային Դավիթ Վահանի Վարդանյանի կյանքը փրկել չի հաջողվել:

ՊՆ

🟩 Այսօր Եվրոպայի բռնցքամարտի առաջնության կիսաեզրափակիչ փուլում հանդես կգան մեր 4 մարզիկները՝
Ռաֆայել Հովհաննիսյան, Արթուր Բազեյան, Նարեկ Մանասյան, Հովհաննես Բաչկով:

🟩 Երևանի քաղաքապետարանը հրապարակել է «Հունիսի 1»-ի միջոցառումների օրակարգը:

🟨 Այո’ «Զարթիր Լաո» կարգախոսով երթ եղել է, բայց այն նույնականացնելը հայրենասիրական երգերի համերգի հետ առնվազն խաբեություն է։ Հավանաբար Արցախի պետնախարարի առանց ավելորդությունների այդ գրառումը խոչընդոտել է «ասֆալտի փրկիչներին» այդ միջոցառումը ներկայացնել իբրև աջակցություն վերջին շրջանում իրենց հավաքների։

Էդմոն Մարուքյան

🟨 Մայիսի 28-ին և նախկինում տեղի ունեցած նմանօրինակ սադրանքներն ու միջադեպերը, հրադադարի ռեժիմի պարբերական խախտումները հերթական անգամ հիմնավորում են Հայաստան-Ադրբեջան սահմանագծից զորքերի հայելային հետքաշման և սահմանագոտում դիտորդական առաքելություն տեղակայելու անհրաժեշտությունը:

ՀՀ ԱԳՆ

🟨 Առաջիկա 20 տարում կունենանք ևս մեկ համաճարակ:

Բիլ Գեյթս

🟨 Կարևոր ենք համարում, որ ԵԱՀԿ Մինսկի խմբի համանախագահող երկրները, ՀԱՊԿ-ն, Եվրոպական միությունը և ողջ միջազգային հանրությունը պատշաճ ու հասցեական գնահատական տան Ադրբեջանի սադրիչ գործողություններին։

ՀՀ ԱԳՆ