🟥 Վարչապետ Նիկոլ Փաշինյանն աշխատանքային այցով ժամանել է Բրյուսել։
Բրյուսելում այսօր նախատեսվում է ՀՀ վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը:  

🟩 Կարեն Դեմիրճյանի անվան մարզահամերգային համալիրում այսօր՝ 21:00-ին կկայանա բռնցքամարտի Եվրոպայի առաջնության պաշտոնական բացման արարողությունը:

🟩 Հայաստան են ժամանել Բռնցքամարտի Եվրոպական Կոնֆեդերացիայի (EUBC) նախագահ Իոաննիս Ֆիլիպատոսը և Բռնցքամարտի միջազգային ֆեդերացիայի (IBA) նախագահ Ումար Կրեմլյովը:

🟨 Հայաստանում մի խումբ ակտիվիստներ ակցիա են իրականացրել ՌԴ դեսպանատան դիմաց ի պաշտպանություն «Ազովստալի» զինվորականների:

🟨 Լիտվան այսօրվանից դադարեցնում է ռուսական գազի, նավթի և էլեկտրաէներգիայի ներկրումը։

🟨 Ի պաշտպանություն Ուկրաինայի ակցիայի ժամանակ ընթացել է նաև ի պաշտպանություն Ռուսաստանի ակցիա: Մարդիկ ռուսական դրոշներով հավաքվել են Հայաստանում Ռուսաստանի դեսպանատան մոտ։

🟩 Ժամը 21:00-ին հայացքն ուղղեք դեպի Կարեն Դեմիրճյանի անվան մարզահամերգային համալիր, երկնքում Ձեզ անակնկալ է սպասվում:

Արայիկ Հարությունյան

🟨 Առանց ռուսական պարարտանյութի եվրոպական դաշտերում միայն մոլախոտ է աճելու։

Դմիտրի Մեդվեդև

🟨 ԿԳՄՍ նախարարությունը դպրոցներին է ներկայացրել 2021-22 ուստարվա երկրորդ կիսամյակում գնահատման նոր մեթոդը։

Radar Armenia-ի հետ զրույցում կրթության փորձագետ Ատոմ Մխիթարյանը կարծիք է հայտնել, որ նոր մեթոդը պետք էր աստիճանաբար ներդնել:

🟩 Արցախում 3 հազար բնակարանների և առանձնատների կառուցումը սկսված է, իսկ ընդհանուր մեր ծրագիրը 7 հազար նոր տուն կառուցելն է։ Մեր կարգախոսը՝ «Յուրաքանչյուր Արցախի ընտանիքին առանձին բնակարան», պետք է կյանքի կոչենք»:

Արայիկ Հարությունյան

🟨 Շուշիի գլխավոր փողոցներից մեկն անվանակոչվել է թուրքական պետության հիմնադիր Մուստաֆա Քեմալ Աթաթուրքի անունով։

🟨 Նիկոլ Փաշինյանն առանձնազրույց է ունեցել Եվրոպական խորհրդի նախագահ Շառլ Միշելի հետ։

🟨 Եվրոպական խորհրդի նախագահ Շառլ Միշելը Բրյուսելում նաև հանդիպում է ունեցել Ադրբեջանի նախագահ Իլհամ Ալիևի հետ:

🟨 ԵՄ-ին Ուկրաինայի հնարավոր անդամակցության գործընթացը հավանաբար կտևի 15 կամ 20 տարի:

BBC

🟨 Նիկոլ Փաշինյանը Շառլ Միշելին ներկայացրել է Լեռնային Ղարաբաղի շուրջ ստեղծված իրավիճակը, հումանիտար խնդիրներն ու ընդգծել դրանց լուծման անհրաժեշտությունը:

🟨 Սերժ Սարգսյանն այցելել է Ֆրանսիայի հրապարակ։

🟨 Բրյուսելում կայացած նախորդ հանդիպմանը Ադրբեջանի նախագահը համաձայնել է բանակցություններ սկսել իրենց 5 կետերի և մեր պատասխան 6 կետերի հիման վրա, այլ հարց, որ դրան հաջորդած շրջանում լսել ենք Ադրբեջանից հայտարարություններ, որոնք հակասում են դրան։

Ռուբեն Ռուբինյան

🟩 Հանրապետության նախագահ Վահագն Խաչատուրյանը Շվեյցարիա կատարած աշխատանքային այցի շրջանակում հանդիպում է ունեցել շվեյցարահայ համայնքի ներկայացուցիչների հետ:

Հանրապետության նախագահն անդրադարձել է Հայաստանի, Արցախի անվտանգային հարցերին, զարգացման հեռանակարներին, Սփյուռքի ներուժի լիարժեք իրացման հնարավորություններին:

Նախագահի աշխատակազմ

🟨 Առողջապահության համաշխարհային 75-րդ վեհաժողովի (World Health Assembly) շրջանակներում Հայաստանի Հանրապետությունը նշանակվել է Գլխավոր կոմիտեի անդամ։

🟨 ԹԱՐՄԱՑՈՒՄ։ Այս պահին աշխարհում արդեն արձանագրվել է Կապիկի ծաղկի 96 դեպք, աշխարհի 16 երկրներում։

🇪🇸 Իսպանիա - 30
🇵🇹 Պորտուգալիա - 23
🇬🇧 Մեծ Բրիտանիա - 20
🇩🇪 Գերմանիա - 4
🇮🇹 Իտալիա - 3
🇧🇪 Բելգիա - 3
🇦🇺 Ավստրալիա - 2
🇨🇦 Կանադա - 2
🇮🇱 Իսրայել - 2
🇳🇱 Նիդերլանդներ - 1
🇺🇸 ԱՄՆ - 1
🇫🇷 Ֆրանսիա - 1
🇨🇭 Շվեյցարիա - 1
🇸🇪 Շվեդիա - 1 (New)
🇦🇹 Ավստրիա - 1 (New)
🇬🇷 Հունաստան - 1 (New)

🟨 Այս պահին Բրյուսելում ընթանում է Նիկոլ Փաշինյանի, Շառլ Միշելի և Իլհամ Ալիևի եռակողմ հանդիպումը։