🟥 Կոռուպցիոն բնույթի չարաշահումներ են բացահայտվել իրավապահ համակարգում:
🔸ՀԿԳ քննիչի պաշտոնը զբաղեցնող Ս.Ս-ն իր՝ սպանության փաստով հարուցված քրեական գործով մեղադրյալ Հ.Ա-ին մեղսագրվող մեղադրանքը առավել նվազ ժամկետով ազատազրկում նախատեսող հոդվածով փոփոխելու համար, վերջինիս մորից՝ Ա.Ա-ից պահանջել և ստացել է առանձնապես խոշոր չափերով՝ շուրջ 19.400.000 ՀՀ դրամին համարժեք 40.000 ԱՄՆ դոլար կաշառք-գումար:

ԱԱԾ

🟨 Թուրքիան և Ադրբեջանը խաղաղություն և բարի կամք են դրսևորում՝ հանուն տարածաշրջանում կայունության ապահովման:
Մենք տեսնում ենք, որ երկրի ներսում արմատականները, իսկ դրսից՝ սփյուռքը ճնշում են գործադրում Հայաստանի իշխանությունների վրա։

Մևլութ Չավուշօղլու

🟨 Ընդդիմադիրներն այս պահին գտնվում են Նախագահական նստավայրի դիմաց, որտեղ նախատեսված է Լիտվայի նախագահ Նաուսեդանի ընդունելությունը։
Այժմ պատվո պահակախումբը պատրաստվում է այդ ընդունելությանը:

🟨 Նախագահական նստավայրի բակում պաշտոնական արարողությունն ավարտվեց: Այժմ ընթանում է Նախագահ Խաչատուրյանի և Լիտվայի նախագահի հանդիպումը:

🟨 Ամբողջ օրը մեր թանկարժեք մեքենաներից, բրենդային հագ ու կապից, թանկարժեք սանրվածքներից տնքացող ժեխը, որոնք նույնիսկ պոմիդոր ծակելու մի նորմալ ատամ էլ չունեն մեկնաբանություններում մեզ անվանում են «փողը կորցրած», «5000 դրամով պայքարողներ» այ կյանքից խռովածներ, եթե հագածս բոթասը վաճառեմ ձեր ընտանիքներին մի շաբաթ կպահեմ դու՞ք ում եք 5000 դրամով պայքարող ասում, ձեր վերջին տեսած 5000 դրամանոցը 2017-ի ընտրություններին եք տեսել։

Անահիտ Մութաֆյան (Հայաստան դաշինքի անդամ)

🟩 Պատրաստվում է զինծառայողների բնակարանային ապահովման փաթեթ, որը կբարձրացնի սպայական ծառայության գրավչությունը:

Սուրեն Պապիկյան

🟨 Մարիուպոլի «Ազովստալ» գործարանը պաշտպանող 1700 ուկրաինացի զինվորներ հանձնվել են:

Բրիտանական հետախուզություն

🟨 Վարչապետ Նիկոլ Փաշինյանի որոշմամբ՝ Արմենուհի Հարությունյանը նշանակվել է արդարադատության նախարարի տեղակալ:

🟨 Վլադիմիր Զելենսկին Time ամսագրի ընթերցողների կարծիքով դարձել է տարվա ամենաազդեցիկ մարդը։
3,3 միլիոն մարդ ամբողջ աշխարհում քվեարկել է նրա օգտին։ 2-րդ տեղում Իլոն Մասկն է, իսկ 3-րդ տեղում Բորիս Ջոնսոնն է:

🟨 Հանրային քննարկման է դրվել Արցախի Հանրապետության սահմանադրական բարեփոխումների հայեցակարգը։ 

🟨 Մենք պայքարել ենք ՀՀ-ում ժողովրդավարություն հաստատելու համար և մենք կատարել ենք մեր առաքելությունը, չնայած, մենք չենք ավարտել մեր առաքելությունը:

Նիկոլ Փաշինյան

🟨 Լիտվայի նախագահը հարգանքի տուրք է մատուցել Հայոց ցեղասպանության զոհերի հիշատակին:

🟩 2021թ. արդյունքներով՝ ՀՀ-ը միջազգային զեկույցներում ընտրական ավտորիտարիզմից անցում է կատարել ընտրական ժողովրդավարություն:

Ես համարում եմ, որ ՀՀ-ն 1-ին կամ 2-րդ լիգայից անցում է կատարել ժողովրդավարության բարձրագույն լիգա:

Նիկոլ Փաշինյան

🟩 Երևանի քաղաքապետարանի նախկին պաշտոնատար անձանց կողմից պետությանը պատճառված 308.652.000 ՀՀ դրամ վնասն ամբողջությամբ վերականգնվել է:

Քննչական կոմիտե

🟩 Հայաստանում ժողովրդավարության կարևոր ինստիտուտը քաղաքացու ինստիտուտն է: Հենց քաղաքացին է ՀՀ-ի ժողովրդավարության առանցքային երաշխավորը: Սա պայմանավորված է նրանով, որ ՀՀ քաղաքացին գիտի, որ ինքը որոշող է, ինքը որոշում կայացնող հիմնական ու առանցքային սուբյեկտն է այնպես, ինչպես նախատեսված է ՀՀ Սահմանադրությամբ:

Նիկոլ Փաշինյան

🟨 Ռուսաստանը կարող է 2022 թ. ռեկորդային եկամուտ ստանալ Եվրոպային գազի մատակարարումից։ Գների կտրուկ աճի պատճառով շահույթը կկազմի 100 մլրդ դոլար:

Echos

⬛️ Մահացել է ՀՀ Գերագույն խորհրդի  նախկին պատգամավոր, նախկին նախարար Յուրի Լևոնի Ջավադյանը:

🟨 44-օրյա պատերազմի հանգամանքներն ուսումնասիրող քննիչ հանձնաժողովի ավարտական եզրակացությունը հնարավոր առավելագույն ծավալով հասանելի կլինի հանրությանը և այդ ժամանակ տեսանելի կլինի այս ամիսների ընթացքում կատարված մեծածավալ աշխատանքը:

Անդրանիկ Քոչարյան

🟨 ԱՀԿ-ն փորձագետների արտակարգ խորհրդակցություն է հրավիրել՝ քննարկելու Կապիկի ծաղիկ (ջրծաղիկ) բռնկումը։

Ամենաշատ վարակվածները գրանցվել են Իսպանիայում՝ 30 մարդ։ Հիվանդությունը փոխանցվում է անմիջական ֆիզիկական շփման և օդակաթիլային ճանապարհով։