🟨 Հայաստանում անցկացվող Բռնցքամարտի Եվրոպայի մեծահասակների առաջնությանը չեն մասնակցի Ռուսաստանի և Բելառուսի թիմերը, ինչպես նաև հրաժարվել է մասնակցությունից Ադրբեջանը:

ԿԳՄՍ նախարարի տեղակալ Կարեն Գիլոյան

🟨 Մայիսի 19-20 ՀՀ ԱԳ նախարար Արարատ Միրզոյանն աշխատանքային այցով կգտնվի Թուրինում (Իտալիա)` մասնակցելու Եվրոպայի խորհրդի 132-րդ նախարարական նստաշրջանի աշխատանքներին:

🟥 Հայկական կողմը որևէ հանդիպում չի չեղարկել և չի մերժել:
Երկու երկրների ղեկավարների՝ Սոչիում և Բրյուսելում ձեռք բերված պայմանավորվածությունների շրջանակներում հայկական կողմը շարունակում է պատրաստակամ լինել հանձնաժողովների աշխատանքների մեկնարկը տալու համար:

ՀՀ ԱԳՆ մամուլի քարտուղար Վահան Հունանյան

🟨 Պրանկերներ Լեքսուսը և Վովան Վլադիմիր Զելենսկիի անունից զրույց են ունեցել Ջորջ Բուշ կրտսերի հետ, որն ավարտել են «Փա՛ռք Ռուսաստանին» բառերով։

🟧 Եվրոպայում և Հյուսիսային Ամերիկայում հայտնաբերվել է սալմոնելոզի 266 դեպք։ Համարվում է, որ թունավորման պատճառը Kinder շոկոլադե ձվերն են:

Associated Press

🟨 Ադրբեջանի ՊՆ-ն ապատեղեկատվություն է տարածում, թե իբր մայիսի 19-ին ՀՀ ԶՈւ ստորաբաժանումները տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը:

ՀՀ ՊՆ

🟨 Նիկոլ Փաշինյանը մայիսի 22-ին կմեկնի Բրյուսել և կհանդիպի Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հետ։

🟨 Հաստատվել է Հյուսիս-հարավ ծրագրի Երևան - Գյումրի - Բավրա ճանապարհահատվածի շինարարության մրցութային փաթեթը։ ՀՀ-ի և Ասիական զարգացման բանկի միջև ստորագրվել է պայմանագիր։

🟨 Լիտվայի Հանրապետության նախագահ Գիտանաս Նաուսեդան երկօրյա պաշտոնական այցով ժամանել է Հայաստան։

🟨 19:31-ի դրությամբ Ֆրանսիայի հրապարակում և հարակից տարածքներում գտնվել է շուրջ 2800 մարդ:

Իրազեկ քաղաքացիների միավորում

🟩 Հայաստանի Առաջին խմբի չեմպիոնական գավաթը հանձնվեց «Լեռնային Արցախին»։

🟨 Այսօրվա մշտադիտարկման արդյունքները ցույց են տվել, որ ի տարբերություն նախորդ օրերի՝ այսօր հավաքների, այլ ակցիաների մասնակիցների և Ոստիկանության փոխգործակցությունը հիմնականում կրել է օրինակելի բնույթ։

ՀՀ ՄԻՊ

🟨 Այսօր սպասվում է կարճատև անձրև և ամպրոպ, առանձին հատվածներում հնարավոր է նաև կարկուտ:

🟨 Երևանի Լենինգրադյան փողոցից դեպի Ծիծեռնակաբերդի խճուղի տանող հատվածում տեղի է ունեցել ճանապարհահատվածի փլուզում։

Ծիծեռնակաբերդի խճուղին փակ է․ տուժածներ չկան։

ՀՀ ԱԻՆ

🟨 Իգոր Խաչատուրովը կալանավորվել է՝ ոստիկանի նկատմամբ բռնություն գործադրելու մեղադրանքով:

Քննչական կոմիտե

🟨 Պատերազմի սկզբից ի վեր Ուկրաինայից ԵՄ երկրներ է տեղափոխվել մոտ 6,3 միլիոն մարդ։

🟨 Քննության ընթացքում տվյալներ են ստացվել նաև, որ Իգոր Խաչատուրովը հիշյալ միջադեպի ժամանակ առերևույթ գտնվել է թմրամիջոց օգտագործած վիճակում:

Վերոհիշյալ հանգամանքը պարզելու նպատակով վարույթն իրականացնող մարմինը որոշում է կայացրել փորձաքննություն նշանակելու մասին, սակայն Իգոր Խաչատուրովը հրաժարվել է փորձանմուշներ տալուց:

Քննչական կոմիտե

🟨 Ընդդիմադիրները պատրաստվում, են երթով շարժվել դեպի Բաղրամյան 26՝ նախագահական նստավայր։

🟥 Կոռուպցիոն բնույթի չարաշահումներ են բացահայտվել իրավապահ համակարգում:
🔸ՀԿԳ քննիչի պաշտոնը զբաղեցնող Ս.Ս-ն իր՝ սպանության փաստով հարուցված քրեական գործով մեղադրյալ Հ.Ա-ին մեղսագրվող մեղադրանքը առավել նվազ ժամկետով ազատազրկում նախատեսող հոդվածով փոփոխելու համար, վերջինիս մորից՝ Ա.Ա-ից պահանջել և ստացել է առանձնապես խոշոր չափերով՝ շուրջ 19.400.000 ՀՀ դրամին համարժեք 40.000 ԱՄՆ դոլար կաշառք-գումար:

ԱԱԾ

🟨 Թուրքիան և Ադրբեջանը խաղաղություն և բարի կամք են դրսևորում՝ հանուն տարածաշրջանում կայունության ապահովման:
Մենք տեսնում ենք, որ երկրի ներսում արմատականները, իսկ դրսից՝ սփյուռքը ճնշում են գործադրում Հայաստանի իշխանությունների վրա։

Մևլութ Չավուշօղլու

🟨 Ընդդիմադիրներն այս պահին գտնվում են Նախագահական նստավայրի դիմաց, որտեղ նախատեսված է Լիտվայի նախագահ Նաուսեդանի ընդունելությունը։
Այժմ պատվո պահակախումբը պատրաստվում է այդ ընդունելությանը: