🟨 Երևանի կենդանաբանական այգու 21 տարեկան բենգալյան վագրն ունի առողջական բազմաթիվ խնդիրներ՝ երիկամների, ենթաստամոքսային գեղձի, բերանի խոռոչի, ինչպես նաև առկա են պարկելախոցեր, նորմալ չի սնվում, դժվարությամբ են գործում հետին վերջույթները։

Որոշվել է կենդանու տառապանքները դադարեցնելու նպատակով քնեցնել նրան:

🟩 Մայիսի 21-31-ը Երևանում՝ Կարեն Դեմիրճյանի անվան մարզահամերգային համալիրում, կանցկացվի Եվրոպայի բռնցքամարտի առաջնությունը:

🟨 Ավետիք Չալաբյանը կալանավորվեց 2 ամիս ժամկետով:

🟨 168.am-ի տարածած տեղեկությունը, թե «Սուրեն Պապիկյանը և նրա թիկնապահները Ռազմական ոստիկանության աշխատակցի են ծեծել», անհեթեթություն է, որը որևէ աղերս չունի և չի կարող ունենալ իրականության հետ:

Պաշտպանության նախարարությունը պահանջում է անհապաղ հերքել տվյալ նյութը, հակառակ պարագայում նշված հրապարակման հերքմանը հետամուտ կլինի դատական կարգով:

ՀՀ ՊՆ

🟨 Պարզվել է «Անտարես» հրատարակչության տնօրենի նկատմամբ բռնություն գործադրած երկրորդ անձի ինքնությունը, ով Երևան քաղաքի՝ 1972թ. ծնված բնակիչ Ա.Ա.-ն է:
Վերջինս ներգրավվել է որպես մեղադրյալ, նրա նկատմամբ որպես խափանման միջոց է ընտրվել կալանավորումը և հայտարարվել է հետախուզում:

Քննչական կոմիտե

🟨 Ստեփանակերտի Կարկառ գետում հայտնաբերվել է մայիսի 9-ին անհետացած ՌԴ քաղաքացի Օլգա Սանիկովայի դին։

Արցախի ոստիկանություն

🟩 Վարչապետ Նիկոլ Փաշինյանը ներկա է գտնվել «ՀՀ վարչապետի գավաթ» դպրոցականների թիմային խճուղավազքի մրցաշարի մեկնարկի և պարգևատրման արարողությանը, որն անցակցվել է Տավուշի մարզում՝ Դիլիջանի «Պարզ լճի» տարածքում:

🟨 Պատգամավորները նիստերից բացակայելու պատճառով կարող են զրկվել մանդատից:

🟨 Ուկրաինան շահագրգռված չէ լուրջ և կառուցողական երկխոսությամբ:
Կիևի հետ բանակցությունները փաստացի դադարեցվել են:

Վլադիմիր Պուտին

🟨 Պորտուգալիայում կալանել են Ռոման Աբրամովիչի 10 միլիոն եվրո արժողությամբ տունը:
Նրա ունեցվածքը Եվրոպայում ենթակա է կալանքի՝ պատժամիջոցների պատճառով:

🟨 Թեհրանը մտադիր չէ մրցակցել Մոսկվայի հետ նավթի շուկայում: Իրանը վաղուց ունի իր մշտական ​​հաճախորդները, և երկիրը շարունակում է վաճառել նավթի առավելագույն ծավալը։

Վիեննայում Իրանի պատվիրակության ներկայացուցիչ Մոհամմադ Մարանդի

🟨 Ազգերի լիգայի Ուկրաինա-Հայաստան ֆուտբոլային հանդիպումը կկայանա Լեհաստանի «Միեյսկի» մարզադաշտում։

🟩 Ծիծեռնակաբերդի բարձունքի՝ համայնքին պատկանող տարածքում արդեն իսկ 420 ծառ և թուփ է տնկվել:

🟨 Մալաթիա-Սեբաստիա վարչական շրջանում շաբաթօրյակի համար մոբիլիզացվել են 12 ջրցան և 8 փոշեկուլ մեքենա, 3 մեծ և 5 փոքր տրակտոր, 10 կամազ և 4 զիլ մակնիշի ինքնաթափեր։

🟨 Զելենսկին Կիևում հանդիպել է ԱՄՆ Կոնգրեսի պատվիրակության հետ՝ Միթչ Մաքքոնելի գլխավորությամբ։

🟩 Աջափնյակ վարչական շրջանում շարունակվում են լայնածավալ փոսանորոգման և ասֆալտապատման աշխատանքները տարբեր հասցեներում։

🟨 Ադրբեջանի ՊՆ տարածած հաղորդագրությունը, թե մայիսի 14-ին ՀՀ ԶՈւ ստորաբաժանումները գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը, ապատեղեկատվություն է:

ՀՀ ՊՆ

🟨 Վարչապետը ծանոթացել է «Անվերջության ժապավեն» և «Արձագանք» արձանների վերականգնման ուղղությամբ իրականացված աշխատանքներին։

🟨 Տյումենում անտառային հրդեհները շարունակում են մոլեգնել։

🟩 Ավան վարչական շրջանում իրականացվել են՝

▪️Ասֆալտապատման աշխատանքներ
▪️Հարթ տանիքների և թեքահարթակների վերանորոգման աշխատանքներ
▪️Եզրաքարերի տեղադրման աշխատանքներ
▪️Կոյուղագծի վերանանորոգման աշխատանքներ

🟥 Րոպեներ առաջ երկրաշարժ է գրանցվել Հայաստանում, որը զգացվել է Երևանում, ինչպես նաև հանրապետության մարզերում։ Այն ուժգին զգացվել է Գյումրիում։ Մանրամասները` քիչ անց։