🟨 Մոսկվան պատրասվում է Հաղթական շքերթին:

🟨 Մայիսի 9-12-ը Երևանում ժամանակ առ ժամանակ սպասվում է անձրև և ամպրոպ:
Օդի ջերմաստիճանն էապես չի փոխվի:

🟨 Վարչապետ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերած հերոսների հիշատակին:

🟨 Վարչապետ Նիկոլ Փաշինյանի ուղերձը Մայիսի 9-ի առիթով.

🔸 Այսօր խոնարհվում ենք մեր հերոսների, մեր նահատակների գործի ու հիշատակի առաջ, հպարտանում՝ մեր նախնիների հերոսությամբ:

🔸Հանուն Հայրենիքի իրենց կյանքը տված մեր նահատակների արյունը չպետք է մսխվի և նրանց գործի մեծագույն արտահայտումը պիտի դառնա Հայոց ուժեղացող պետականությունը, Արցախի հայության իրավունքների լիարժեք իրացումը, մեր սերունդների խաղաղ զարգացումն ու տարածաշրջանային խաղաղ գոյակցությունը, որն Արցախի ու Հայաստանի անվտանգության միակ հուսալի երաշխիքն է:

🔸 Այսօր մենք գլուխ ենք խոնարհում հանուն Հայրենիքի մարտնչած, իրենց կյանքը նվիրած մեր պապերի, մեր հայրերի, մեր եղբայրների ու մեր զավակների առաջ:

🟨 Նախագահ Վահագն Խաչատուրյանն ուղերձ է հղել Հաղթանակի և խաղաղության տոնի առթիվ:

Ապահով և անվտանգ հայրենիք պահելը մեր բոլորի սուրբ պարտքն է:

🟨 Վարչապետը շնորհավորական ուղերձներ է հղել ՌԴ նախագահին, վարչապետին և ԱՊՀ երկրների ղեկավարներին:

🟨 1945 թվականի մայիսի 8-ի լույս 9-ի գիշերը ստորագրվեց Գերմանիայի զինված ուժերի անվերապահ հանձնման ակտը։ 77 տարի առաջ ավարտվեց Հայրենական մեծ պատերազմը։

🟨 Ազգիս դարավոր պատմությունը՝ դժվարություններն ու փորձությունները հաղթահարելու, հաղթանակներ կերտելու բազում վկայություններով, մեզ պատգամ է մատուցում նույն ոգով դիմակայելու մեր ժողովրդի և հայրենիքի դեմ ծառացած ներքին ու արտաքին մարտահրավերներին։

Ն.Ս.Օ.Տ.Տ. Գարեգին Բ Ամենայն Հայոց Կաթողիկոս

🟨 Ի սրտե շնորհավորում եմ բոլորին այս թանկ ու նվիրական տոների կապակցությամբ:
Հանուն մեր հերոս պապերի, հայրերի ու որդիների սուրբ հիշատակի և հանուն գալիք սերունդների՝ Արցախը պետք է լինի միշտ հայկական ու անառիկ։

Արցախի նախագահ Արայիկ Հարությունյան

🟨 Երևանում Մոսկվայի տան վրա կարմիր դրոշ է ծածանվում:

🟨 Կարմիր հրապարակը՝ հենց հիմա։ Մի քանի րոպեից Մոսկվայում կսկսվի Հաղթանակի շքերթը։

🟨 Պուտինը ժամանել է Մոսկվայի Կարմիր հրապարակ և ողջունում է վետերաններին։

🟨 Հայաստանում Հայրենական պատերազմի մասնակից 101 վետերան է ապրում: Նրանցից ամենաերիտասարդը 96 տարեկան է, ամենատարեցը՝ 101:

🟨 Հրդեհ է բռնկվել Գյումրի քաղաքի Մայակովսկի փողոցում գտնվող «Ալեքսանդրապոլ Հոթել Փալաս» հյուրանոցային համալիրի տանիքում:

Տարահանվել է 16 քաղաքացի:

🟨 Երևանում մեկնարկել է երթը՝ նվիրված Հաղթանակի օրվան:

🟨 Պուտինը մեկ րոպե լռություն հայտարարեց Հաղթանակի շքերթի ժամանակ:

🟨 Պուտինը Հաղթանակի շքերթում իր ելույթը սկսեց Դոնբասի մասին խոսքերով՝ դիմելով զինվորականներին. «դուք պայքարում եք մեր ժողովրդի, մեր հայրենիքի անվտանգության համար»։

🟨 Shell-ը վաճառում է իր լցակայանների ցանցը Ռուսաստանում:

Forbes

🟨 ԱՄՆ-ը պատժամիջոցներ է սահմանել «Սբերբանկ»-ի և «Գազպրոմբանկ»-ի ղեկավարների դեմ:

🟨 Ստեփանակերտում մեկ րոպե լռություն է հայտարարվել՝ ի հիշատակ Մեծ հայրենականում, Արցախյան առաջին, Ապրիլյան և 44-օրյա պատերազմներում հանուն Հայրենիքի զոհվածների:

🟨 Հայրենական մեծ պատերազմի հաղթանակի 77-ամյակի մոսկովյան շքերթը՝ լուսանկարներով: