🟨 🟥 Բացահայտվել են ՀՅԴ անդամների կողմից 2021թ. անցկացված ԱԺ և ՏԻՄ ընտրությունների ընթացքում ընտրակաշառք տալու, ստանալու դեպքեր:

ՀՀ Հակակոռուպցիոն կոմիտե

🟨 Մայիսի 9-ը Հայաստանում նշվում է որպես Հաղթանակի օր։

Թե ինչ միջոցառումներ են նախատեսված, ծանոթացեք ԱՅՍՏԵՂ:

🟨 🟥 Լիբանանի արդյունաբերության հայ նախարար և երկրի ԱԺ առաջիկա ընտրություններում պատգամավորության թեկնածու, ՀՅԴ-ական Ջորջ Բուշեկյանի անունը հայտնվել է «Պանամայի» սկանդալային փաստաթղթերում։

🟨 Սիրիայի նախագահի հրամանագրով Նորա Արիսյանը նշանակվել է Հայաստանում Սիրիայի դեսպան։

🟨 Պուտինը Մեծ հայրենականում Հաղթանակի 77-ամյակի առթիվ շնորհավորել է պետությունների ղեկավարներին, այդ թվում՝ Հայաստանի:

🟨 🟥 Երթի մասնակիցը՝ Երևան քաղաքի 1982թ. ծնված  բնակիչ Ա.Մ.-ն, կալանավորվել է՝ Սարյան փողոցում ոստիկանի նկատմամբ բռնություն գործադրելու մեղադրանքով:

Քննչական կոմիտե

🟨 Տեսնես հիմա քանի՞ դաշնակցական է «+ 20 000- Պողոս Պողոսյան» գրությամբ բլոկնոտ այրում ու կամ փոշմանում, որ ժամանակին չի այրել։

Հ․Գ․ Բայց պետք է ֆիքսել, որ թվերը փաստորեն բավականին աճած են եղել։ Ինչ խոսք, ձախական կուսակցությունները ուրիշ են, էլի, միշտ ինֆլյացիայի գործակիցը հաշվի են առնում։

Վահագն Ալեքսանյան

🟨 Մոսկվան պատրասվում է Հաղթական շքերթին:

🟨 Մայիսի 9-12-ը Երևանում ժամանակ առ ժամանակ սպասվում է անձրև և ամպրոպ:
Օդի ջերմաստիճանն էապես չի փոխվի:

🟨 Վարչապետ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերած հերոսների հիշատակին:

🟨 Վարչապետ Նիկոլ Փաշինյանի ուղերձը Մայիսի 9-ի առիթով.

🔸 Այսօր խոնարհվում ենք մեր հերոսների, մեր նահատակների գործի ու հիշատակի առաջ, հպարտանում՝ մեր նախնիների հերոսությամբ:

🔸Հանուն Հայրենիքի իրենց կյանքը տված մեր նահատակների արյունը չպետք է մսխվի և նրանց գործի մեծագույն արտահայտումը պիտի դառնա Հայոց ուժեղացող պետականությունը, Արցախի հայության իրավունքների լիարժեք իրացումը, մեր սերունդների խաղաղ զարգացումն ու տարածաշրջանային խաղաղ գոյակցությունը, որն Արցախի ու Հայաստանի անվտանգության միակ հուսալի երաշխիքն է:

🔸 Այսօր մենք գլուխ ենք խոնարհում հանուն Հայրենիքի մարտնչած, իրենց կյանքը նվիրած մեր պապերի, մեր հայրերի, մեր եղբայրների ու մեր զավակների առաջ:

🟨 Նախագահ Վահագն Խաչատուրյանն ուղերձ է հղել Հաղթանակի և խաղաղության տոնի առթիվ:

Ապահով և անվտանգ հայրենիք պահելը մեր բոլորի սուրբ պարտքն է:

🟨 Վարչապետը շնորհավորական ուղերձներ է հղել ՌԴ նախագահին, վարչապետին և ԱՊՀ երկրների ղեկավարներին:

🟨 1945 թվականի մայիսի 8-ի լույս 9-ի գիշերը ստորագրվեց Գերմանիայի զինված ուժերի անվերապահ հանձնման ակտը։ 77 տարի առաջ ավարտվեց Հայրենական մեծ պատերազմը։

🟨 Ազգիս դարավոր պատմությունը՝ դժվարություններն ու փորձությունները հաղթահարելու, հաղթանակներ կերտելու բազում վկայություններով, մեզ պատգամ է մատուցում նույն ոգով դիմակայելու մեր ժողովրդի և հայրենիքի դեմ ծառացած ներքին ու արտաքին մարտահրավերներին։

Ն.Ս.Օ.Տ.Տ. Գարեգին Բ Ամենայն Հայոց Կաթողիկոս

🟨 Ի սրտե շնորհավորում եմ բոլորին այս թանկ ու նվիրական տոների կապակցությամբ:
Հանուն մեր հերոս պապերի, հայրերի ու որդիների սուրբ հիշատակի և հանուն գալիք սերունդների՝ Արցախը պետք է լինի միշտ հայկական ու անառիկ։

Արցախի նախագահ Արայիկ Հարությունյան

🟨 Երևանում Մոսկվայի տան վրա կարմիր դրոշ է ծածանվում: