🟧 Տեղեկություններ են տարածվում, որ Սոթքի հանքավայրի ուղղությամբ ադրբեջանական ԶՈւ-ն կրակ է բացել, մեկ աշխատակից վիրավորվել է։ Գեղամասարի համայնքապետ Հակոբ Ավետյանը հայտնել է. «Այս պահին դեռեւս կրակոցները չեն դադարել, լարված վիճակ է»:

🟨 Բայդենը կրկին զվարճալի իրադրությունում է հայտնվել. այս անգամ ԱՄՆ նախագահը մոռացել է, թե ուր պետք է գնա:

🟨 ՀՀԿ-ն 18․00-ին Ֆրանսիայի հրապարակում համերգ է կազմակերպում:

🟨 🟥 Մայիսի 7-ին, ժամը 13։50-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան ուղղությամբ տեղակայված ՀՀ ԶՈՒ մարտական դիրքերի, ինչպես նաև Սոթքի ոսկու հանքավայրի ուղղությամբ, ինչի հետևանքով հրազենային վիրավորում է ստացել հանքավայրի աշխատակիցներից մեկը։ Նրա կյանքին վտանգ չի սպառնում։

Պատասխան գործողություններով ադրբեջանական ստորաբաժանումների կրակը լռեցվել է։

Ժամը 16։30-ի դրությամբ իրադրությունը հայ-ադրբեջանական սահմանին հարաբերականորեն կայուն է։

ՀՀ ՊՆ

🟨 Ոստիկանությունը բերման է ենթարկել ընդդիմության երթի ժամանակ քայլողներին ընդառաջ մեքենա վարած քաղաքացուն։

🟨 Վանաձորում ոստիկանության ջանքերով կանխվել է վանաձորցիների և Երևանից երթով Վանաձոր գնացած ընդդիմադիրների միջև առաջացած միջադեպը:

🟨 Յուրաքանչյուր տարի, ապրիլի 24-ի շուրջ ընկած ժամանակահատվածում Հայոց ցեղասպանության զոհերի հիշատակի հուշարձանը տեղադրվում է, ապա ապամոնտաժվում թույլտվության բացակայության հիմնավորմամբ:

Գերմանիայի Դաշնային Հանրապետությունում ՀՀ դեսպանություն

🟨 Ներքին Շորժայում անասուններ արածեցնելիս կայծակնահարությունից մահացել է 38 տարեկան նախրապանը:

🟨 ԱՄՆ-ն հայտարարել է Ուկրաինային ռազմական օգնության նոր՝ 9-րդ փաթեթի մասին՝ 150 մլն դոլարի չափով:

🟨 Հարուցվել է քրգործ՝ ընդդիմության կողմից ավտոճանապարհը փակելու նախաձեռնության ընթացքում վիրավորանք հասցնելու և ծեծի դեպքի առթիվ:

Քննչական կոմիտե

🟨 Գերիների հայրենադարձման խնդրի կարգավորման ուղղությամբ ջանքեր են գործադրվում և դրանք կրելու են շարունակական բնույթ:

Անդրեա Վիկտորին

🟥 Հավանայի հյուրանոցներից մեկում պայթյունի զոհերի թիվը հասել է 25-ի:

🟨 Նախագահ Պուտինը փորձում է խեղաթյուրել պատմությունը՝ արդարացնելով Ուկրաինայի դեմ պատերազմը:

Էնթոնի Բլինքեն

🟥 Տվերից 11 զբոսաշրջիկ Հյուսիսային Օսիայի Կազբեկ լեռան վրա մնացել է ձնահյուսի տակ: Փրկարարները որոնում են խմբին:

🟨 Շենգավիթում, Երևանյան լճի տարածքում, շաբաթօրյակին մասնակցել է նաև Արաբկիր վարչական շրջանի աշխատակազմը՝ ղեկավար Արամ Ազատյանի գլխավորությամբ:

🟨 Դավթաշեն վարչական շրջանում իրականացվում է ծառերի բուժման, խոտհունձի, ոռոգման և «Երկրորդ աշխարհամարտում զոհված դավթաշենցիների» Հուշարձանի տարածքի մաքրման աշխատանքներ։

🟨 Շենգավիթ վարչական շրջանի միանգամից 15 խնդրահարույց տարածքներում սանմաքրման աշխատանքներ են իրականացվել:

🟨 Կոմիտաս 15 հասցեում բազմաբնակարան շենքին մոտ մետաղական կոնստրուկցիաներով անօրինական կցակառույցի շինարարությունը դադարեցվել է: Տարածքը բերվել է նախնական տեսքին:

🟨 Մալաթիա-Սեբաստիա վարչական շրջանի Րաֆֆու փողոցում ասֆալտապատման աշխատանքներն ավարտվել են: