🟧 Ռուս-ուկրաինական բանակցությունների վերաբերյալ նորություններ չկան։

Դմիտրի Պեսկով

🟧 Վիննիցայում ապամոնտաժվել է Մաքսիմ Գորկու հուշարձանը։

🟥 Մայիսի 2-ին Բրյուսելում կհանդիպենք Ադրբեջանի նախագահի օգնական Հիքմեթ Հաջիևի հետ։ Քննարկելու ենք Հայաստան-Ադրբեջան հարաբերություններին վերաբերող հարցեր։

Արմեն Գրիգորյան
«Ազատություն» ռ/կ

🟨 Սուրեն Պապիկյանն այցելել է մարտական հենակետեր:
Ծանոթացել է զորամասում ընթացող շինարարական և հիմնանորոգման աշատանքներին, մոդուլային տիպի շինություններում զինծառայողների համար ստեղծված կենցաղային պայմաններին։

🟨 Ֆրանսիայի նախագահ Էմանուել Մակրոնը ուղերձ է հղել Հայաստանի Հանրապետության նախագահ Վահագն Խաչատուրյանին:

🟥 Ստամբուլում ներկերի գործարանում պայթյուններ է տեղի ունեցել և հրդեհ բռնկվել:

🟨 Ժամկետային զինծառայողի մահվան դեպքի առթիվ հարուցված քրգործի շրջանակներում ձերբակալվել է համածառայակիցը:

Քննչական կոմիտե

🟨 🟩 Հայաստանում ելույթ կունենան համաշխարհային հայտնի աստղեր Զազը, Led Zeppelin-ը և 50 Cent-ը:

Մանրամասներին ծանոթացեք այստեղ:

🟨 Հանրահավաքները իշխանություն զավթելու մասին են: Հանրությունն իրենց ցույց է տվել, թե որքանով է վստահում, հանրության վստահության քվեն նրանք ունեն Ազգային ժողովում։

Ծովինար Վարդանյան

🟨 The Times-ը ծաղրանկարով ակնարկել է, թե ով է ամենաշատը շահագրգռված Ուկրաինայում ռազմական գործողությունների շարունակմամբ։
Նկարում Մեծ Բրիտանիայի ԱԳ նախարար Լիզ Թրուսն է և Բորիս Ջոնսոնը:

🟨 Ինչպես արվեստը կարող է պայքարել կլիմայական ճգնաժամի դեմ (ՖՈՏՈՇԱՐՔ):

🟨 Այսօրվա հեղափոխականները պատճենում են իրենց նախորդներին, իսկ պատճենն օրիգինալից միշտ շատ ավելի անորակ է և էժան:

Արամ Սարգսյան

🟨 Մենք շարունակում ենք աշխատել, որպեսզի կարգավորենք Թուրքիայի հետ հարաբերությունները։ Մեզ համար կարգավորման առաջնահերթությունը Թուրքիայի հետ սահմանի բացումն է։

Արմեն Գրիգորյան
«Ազատություն» ռ/կ

🟨 «Անտարեսի» տնօրենի վրա հարձակվելու գործով մեկ անձ կալանավորվել է:

🟨 Գերմանիան 2022 թ․ Ռուսաստանին ռեկորդային՝ 30 մլրդ դոլար գումար կվճարի էներգակիրների դիմաց:

🟨 Ինչու Կոսովոն կամ միջազգայնորեն չճանաչված այլ երկրներ պետք է օգտվեն փրկության ու փոխհատուցման միջազգային մեխանիզմից, իսկ Արցախը՝ ոչ:

Արտակ Բեգլարյան

🟥 Հայաստանի քաղաքացիների համար կվերացվեն Ռուսաստան մուտքի սահմանափակումները:

🟩 Հայաստանի Հանրապետության սիրելի քաղաքացիներ, ջերմորեն շնորհավորում եմ բոլորիս Քաղաքացու օրվա առիթով:

Այս տոնը ամրագրվեց՝ արձանագրելու ժողովրդավարական պետության կարեւորագույն ինստիտուտի՝ Քաղաքացու առանցքային դերակատարումը պետության կայացման եւ զարգացման գործում:

2018 թվականին տեղի ունեցած Ոչ բռնի, թավշյա, ժողովրդավական հեղափոխությունը Քաղաքացու իշխանության հաստատման խորհրդանիշն է Հայաստանում եւ այդ արժեքը անշրջելի է ու անսասան:

Նիկոլ Փաշինյան

🟨 Երևան քաղաքում՝  մայիսի 1-ի ցերեկը, 2-ին, 4-ին սպասվում է անձրև և ամպրոպ, ամպրոպի ժամանակ` քամու ուժգնացում՝ 15-18 մ/վ:

🟥 Մենք քարտեզների ուսումնասիրություններին դեմ չենք: Շահագրգռված լինելով ապագա սահմանազատման և սահմանային անվտանգության հանձնաժողովի արդյունավետ աշխատանքով՝ ՀՀ-ն կարծում է, որ այդ աշխատանքը պիտի հիմնվի երկու կողմից ընդունված, իրավական ուժ ունեցող քարտեզների վրա։

Արարատ Միրզոյան/ «Արմենպրես»

🟥 Ադրբեջանի պաշտոնյաները պետք է կոնկրետացնեն, թե որ տարածքներն են տեսնում Ադրբեջանի տարածքային ամբողջականության մեջ:

Արմեն Գրիգորյանի պատասխանը Հաջիևին/«Արմենպրես»