ሁለተኛው የሐገር ፍቅር ፕሮግራም እጅግ ውብ ሆኖ አልፏል:: ጸሐፊና ደራሲ ህይወት እምሻውን በጣም እናመሰግናለን:: ብዙ ጠቃሚ ሀሳቦችን የያዘ ልዩ ንግግር (Presentation) እና ውይይት( Discussion with questions ) ነበር:: እንግዶቻችንም እንዲሁ ጥሪያችንን አክብራችሁ ስለመጣችሁ እናመሰግናለን:: ደራሲና ጸሐፊ ህይወት እምሻው ከተለየ እይታ(Angle) የሐገር ፍቅርን ሀሳብ አሳይታናለች:: 1:45 የፈጀ ዝግጅት ነበር:: ህይወት የመጀመሪያ ዲግሪዋን በፖለቲካ ሳይንስ( Political Science) ሁለተኛ ዲግሪዋን በአለም አቀፍ ግንኙነት ( International Relations) በአዲስ አበባ ዩኒቨርሲቲ ጨርሳለች::

ደራሲ ህይወት እምሻው: 'ባርቾ': 'ማታ ማታ' እና 'ፍቅፋቂ' ለአንባቢ ያበቃቻቸው ስራዎች ናቸው:: በተለያዩ የግልና የመንግስት መስሪያ ቤቶች ውስጥ በሀላፊነት አገልግላለች : አሁንም እንዲሁ አገርና ህዝብ የሚጠቅም ስራ እየሰራች ትገኛለች:: ህይወት Save the Children በተባለው NGO ድርጅት ግንኙነት ክፍል (Communication office) ለ16 ዓመታት የሰራችና አሁንም እየሰራች ሲሆን ከስራዋ: ከጽሁፍ ሙያዋ: ከሙዚቃ እውቀትና ምርጫዋ ጋር ተያይዞ ሰፊ ልምድና እውቀት አካፍላናለች:: ደራሲና ጸሀፊ ሐይወት እምሻው ካነሳቻቸው ዋና ዋና ሀሳቦች መሀከል የሚከተሉት ይገኙበታል::

''የሐገር ፍቅር በሙዚቃ ውስጥ ያለው ጉልበት: ትስስርና ትርክት:: ሙዚቃዎቹ አደራን: ቁጭትን: ወኔን: መውደድን: አብሮ መስራትን: ሀገር መከላከልን ይመለከታሉ::''

''አብዛኛው የሙዚቃ ስራዎች ግን መከላከልን ትኩረት ያደርጋሉ: ስለዚህ መሻሻል(መራመድ) ሊታይባቸው ይገባል::''

''የሐገር ፍቅር በተሻለ መንገድ እንዲራመድ እንዲተረጎም ሁለት መንግዶች ቢኖሩ መልካም ነው:: እነርሱም:- 'አገራዊ አጀንዳ' (ህዳሴ ግድብ: ኦሎምፒክ: ...ወዘተ እና 'ብሔራዊ አገልግሎት' ናቸው''

''የሐገር ፍቅር ማለት አገርን ሁልጊዜም መግስትን ደግሞ በተገቢው መንገድ መደገፍ ነው::''

''ሐገርና መንግስትን ለይቶ ማየት ተገቢ ነው::''

''የኢትዮጵያ ሕዝብ ብልህ ነው''

''ኢትዮጽያ አንድ ነገር አላት''

ህይወት እምሻውን እጅግ በጣም እናመሰግናለን!

ይህ ፕሮግራም በየወሩ አንድ ጊዜ የሚዘጋጅና ቀጣይነት ያለው ነው::

ጥያቄ አስተያየቶቻችሁን ጻፉልን!

መልካም ቀን!

የቀበና ቤት ቻናልን ይቀላቀሉ! በየጊዜው ያሉ መረጃዎችንና ፕሮግራሞችን ለማየት ይችላሉ::

https://t.me/Qebena