‏ياصعب وقتي دون حسك و طاريك
‏ويا صعب حالي كيف حالي بدونك

‏صاير غريب وجيتك ما تطول
‏ الظاهر ان قلبك تبدل غرامه

‏اما تجي كلك على الطبع الاول
‏والا فمان اللّٰه ودرب السلامه.

‏صديت عنك مقصدي اعرف غلاتي
‏اثاريك تبيها من اللّٰه وصديت .

‏حالي مثل حال غريق يلوح لواحدٍ اعمىّ .

واذا سألوك الناس عنّي قول مدري
‏حتى لو اني مخليك .. ومخليني

‏اسرارنا ما تبي الا صدرك وصدري
‏خل اللي " بينك وبيني ، بينك وبيني "

‏لو تدري انك في عيني .. خلّها تدري
‏لكن لا يدرون انك طحت من عيني !

‏غديت اودع المقفي ولا احب اسمع التبرير
‏اشوف ان التفاصيل الكثيره مالها داعي.

‏

اكابر .. كني ما اعرف الشُوق
‏ وانا احتري جيتك وانتظرها.

الجمعة ١٩ يونيو أما بعد :
- موقف واحد مدته ثواني أطفى شعور
مدته سنيين .

‏و لاني بندمانٍ على كل مافات
‏اخذت من حلو الزمان و رديّه

‏هذي حياتي عشتها كيف ماجات
‏اخذ من ايامي .. و ارد العطيّه .

تفاهمنا على حسـم الأمور و كلنا راضين
‏و توادعنـا ما كن قلوبنا خضر و هـواوية

‏و مـع هذا عجزت أسـج و أنسى المقفين
‏أغصب القلب لكن الغـلا قـدرة إلاهيّـة .