#الوتين_الحلال_10
قريب للساعه تلاته كده .. جاتني اميره وقالت لي نمشي عفراء مول .. قلت ليها لزومو شنوووو هسي.. ماعندي مزاج .. قالت لي ..عليييك الله . وبيحنسو فيني هي وزينب ..
وافقت عسان ما اكسر خاطرهم. ... وجواي ما كان عندي مزاااج لي اي شي بدون عمر💔..
مشينا ودخلنا واتفسحنا شوووويه .. ودخلنا محل الملابس ..
اميره عجبها فستان .. ابيض كده قماشتو كانت غريبه وقويه .. وانا كمان عجبني شديييييد .. وكان من فوق على الجسم وتحت ساندريلا كده .. سااااده وحلو وراقي شدييييد ...
واميره اصرت اطقمو ع مزاجي .. اخترت ليهو طرحه باللون الموف لانو لوني فاتح .. فالالوان الغامقه حلووه معاي .. وجزمة كلاسيك حلووه مورده بالموف والاصفر والوردي ..وحلوة شدييد ..
زينب واميره اصروووو علي ادخل اقيسو ..
دخلت ولبستو ولفيت الطرحه وطقمتو وصلحت الميكب وطلعت ..
قلت ليهم اها كده ظااابط ولا كيييف😉
اميره وزينب:😍😍😍😍😍واااااااو كسااااره اقسم بالله
قلت ليهم يلا داخله اغير ونقول للبت ما مقاسنا ..
امير وزينب:لالالا .. نحنا جايبنو ليييك هديه😚😚
انا: لالا ومابشيلهم غاليات ..
اميره وزينب :يابت انتي هبله ارح قدامنا سريييع😏
طلعنا وانا لابسه لبستي الجديده وابوس فيهم واحضنهم كل دقيقتين😘😘
قالو لي حنمشي مكان: انا قلت اكيييد عاملين عيد ميلادي وكده
واحسن ماأسأل واخرب المفاااجأة .. مشيت وانا ساكته😺
وصلنا ستااار بوكس😍😍 الكافي البحبو😍😍😍
بس كان فاااضي ومافي زول 😁 ... قعدت وانا مافاهمه شي.
واميره وزينب اي وحده تتبسم للتانيه ..
قلت ليهم الحاصل شنووو !! ليه المكان فااااضي ..
وفجأة 😳 اشتغلت اغنيه مابلاش تغيب عنا تاني .. محمد حماقي .. 💌..
انا سرحت مع الغنيه واتذكرت عمر💔..
بعد شويه ... عمر دخل وانا وقفت على حيلي .. بقينا نعاين لي بعض بس وفي سكااااااات حصل .. وبعد عمر .. دخلو ناس الجامعه ومصطفى صاحب عمر.. ومعاهم الكيكه الكبيره وشغلو اغنيه .. هابي بيرث دي .. جابو الكيكه وقطعتها وانا مصدوووومه من البحصل ده .. قطعتها للناس .. وعمر واقف بعيييد بعاين لي ..
نظراتو كلها حنيييه وشوووق ولهفه لي .. وانا اتكبكبت كالعاده ..
وجرحت نفسي بالسكينه وانا بعاين ليهو ..
اميره وزينب : سندس 😳😳 ده شنوو ..
وجاني عمر سريييع .. سندس في شنو .. وداير يمسك يدي ..
انا زحيتها منو وانا ساكته بس ..
الناس كملو الكيكه وبدو يمشو شويه شويه ولحدي نهايه الحفله انا وعمر ما اتكلمنا بس بنعاين .. بعد الناس مشو .. فضلنا انا وعمر ومصطفى واميره ..
عمر قرب مني وقال لي : ممكن اخطفك شووويه بس
رغم اني جواي دايره بس رديت ليهو لا وانا بعاين جوه عيونو..
لااا وابعد مني بس ..
عمر مسكني من يدي وطلعنا وركبنا العربيه وانا بكورك فيهو... فكني ياااعمر .. فكني يااخ .. ده شنو البتعمل فيهو ده ..
دور العربيه وسرييييع .. وانا بقيت اقول ليهو عمر خفف السرعه حتقتلنا مااا ممكن ياااعمر ..
ولا رد علي حتى ولا بكلمه .. لحدي ما وصلنا مكان البحر البحبو عمر وقعدنا ونزلني بالقوه وقعدنا في الارض...
سكتنا شووويه كده .. وبدا هو :
شندس ماداير نتكلم في الفات كلو .. ولا انا ولا انتي ..
شندس انا اشتقت لييييك ..( صوتها القالو بيها كان مختلف عن كل المرااات .. قالها بطريقه غريييبه وحلووة وطريقه لهفه من جوه القلب)
دخلت لي جوووه قلبي طوالي .. حسيت فيها كاني الوتين بتاعو .. احساس كان غريب وماااقدرت اقاااومو
.. رديت ليهووو بنفس اللهفه .. ونسيت زعلي وشكي كلوووو وكل الايام الفاتت .. وقلت ليهو..
وانا اشتقت ليييك شديييييييد ..(قلتها وكانو روحي طالعه معاها وداير تقابل روحو)
عمر: عارفه انتي اليوم ده ... ما يومك براهو
قلت ليهو:كيف؟
عمر: اتولدتي في اليوم ده عشااان تكوني حقتي براااي❤
سندس انا داااايرك حلااالي .. ولا اقول ليك وتيني الحلال❤
انا:😳😳 عمررر كلامك ده يعني عرس ولا شنو
عمر:ههههههههه عايني وشك بقى احمر كيف .. للدرجه دي بتخافي من العرس والمسؤوليه!؟
انا:خجلت وعاينت في الارض
عمر: اتخيلي اني اول مره اشوفك بتخجلي😉
انا:كلامك ده يعني شنو😡😡😡.. قصدك اني بنت مابخجل صح 😡
يازول ماتتكلم مع بنت قليله ادب طيب👊
عمر:هههههههههههههه ياخي لما تزعلي كده بتكيييف شديييد اني زهجتك ..
انا؛:👊 يلا انا زاتي حاخليك وجيت اقوم ضغطت على جرح يدي ..
وصرخت .. عمر😳يااابت انتبهي وقام على حيلو ومد لي يدو وقومني ..
مشينا للعربيه ( نسينا كل الزعل في لحظه وبدون مانسأل.. لانو ابسوق غلبنا المره دي )
فتح باب العربيه وشغل اغنيه عمرو دياب ومااالو لو ليله تهنا بعيد❤😍
وبقى يغني لي معاها ويعمل في حركات بي يدو في الهواء .. ويرسم مره قلب ومره يكتب شندس ❤وانا اضحك ..
وطلع لي ورود طبيعيه فجأة من العربيه 😳
انا: الورود دي كانت وييين انا ماشفتها ..😳
عمر : الزول لما يكون صاري مابشوف قدامو لكن😒
ضربتو بالورود في يدو وقلت ليهو بااااايخ 😒
قال لي تعالي اقيفي جنبي .. وقفنا متكلين في العرب

#الوتين_الحلال_11
مشينا انا وعمر .. وطول الطريق بنتونس ... وكنت متشووووقه شدييييد للهديه ... وصلنا الكافي نفسو بتاع استار بوكس ..
لقينا مصطفى واميره بتونسو وقنا من بغيد نعاين ليهم سوا..
مصطفى :هههههه والله يا اميره انتي مضحكه شديييد ياااخ
اميره: استنى اتم ليك .. وانا كنت بضحك في الولد عشان العصير عمل خريييطه في بنطلونو ... وقلت ليهو عشااان تاااني ما تقول لي ماتقعدي هنا ..
انا في سري( وااأاي خلاااص اتفضحنا .. صحبتي الما بتخجل ماحتكون خلت حاجه وماقالتها .. اححححي ياقلبي خلاص اتفضحنا... الليله تصبر لي بس)
وعمر زاتو كان بضحك في حكاوي اميره ... جيت داخله وقاطعتهم ...
اميره خافت ووقفت على حيلها سريييع جيتو بتين 😳
مصطفى وعمر بقو بضحكو فيها 😂😂
انا قربت منها وقرصتها في ضهرها وقلت ليها اصبري لي بس 😒
مصطفى قال لي عمر.. ياخ البنات ديل يردو الروووح .. 😂😂
عمر': شندس تعالي عشان الوقت ما يتأخر .. اوريك الهديه ..
فتح درج كده جوا المحل وبقى يفتش وشكلو ما لقااااهااا
سأل الجرسون وبرضو ما لقاها ... عمر : كيف يعني مااافي.. في زول دخل بي وراي المحل ده مما حجزتو !؟الجرسون : لا والله
عمر: بانفعال شدييييد .. طيب وينها.. انا مابخليك لو ما لقيتها ..
انا:عمر براحه عليهو ..اهدى شووويه حبييي.. بتتلقي براحه بس ..
عمر والجرسون بقو بفتشو وهو لسه معصب وبكورك فيهو .
الوقت بدا يتاخر ومصطفي قال ليهو:
عمر البنات ديل حيتأخرو كده خليني اوصلهم ..
اميره😍😍😍 ياسلام ع زوقك مصطفى وابتسمت كده بخجل
انا:😳😳😳😳 الحاصل شنو بين الجوز ديل
مصطفى ابتسم ليها وبقو بعاينو وبوزعو في البسمااات
انا": 👋 طاااخ لبعه في ضهر انا ميره ...
وتحت كده قللت ليها(بطلي الرشاقه واصبري لي)مصطفى مافي داعي بمشي انا واميره برااانا
عمر: مصطفي وصلهم لي الموقف بس .. عارف سندس انت
لما قلنا نطلع .. عمر وقفني :
مصطفى واميره طلعو قدامي .
عمر: انا اسف شندس
انا: حبييييبي ماتزعل .. وما مشكله ...اصلا شوفتك عندي بالدنيا كلهااا واجمل هديه اني لقيتك في الدنيا دي❤
عمر: ربنا يحفظظظك لي يااارب ويخليك لي
انا: ويحفظك لي يانعمتي😉
عمر: يازوله بقيتي بتحاكيني صح😂
انا: هيي حتأخر كده يلا مع السلامه .. وسلمت عليهو وطلعت
وبي وراي .. قبل على الجرسووون😒
عمر: انا ما حاقتنع انو العلبه دي اتبخرت في الهواء وحاعرف الشالها منو اصبر لي بس وطلع ..
انا واميره في العربيه ..
اميره : سندس دايره اركب قدام انا .. انتي خليك ورا
مصطفى بضحك فيها..
انا😡😳 يابت تعالي اركبي معاي .. ولا عبرتني وجرت ركبت
مصطفى عاين لي .. وابتسم خليها 😄
انا: الليله تصبر لي بس😡😡😡
ووصلنا للموقف وركبنا سريييع .. ونحنا راكبين .. بنتشاكل وبقرص فيها وادقها .. عشان كذبت علي في المول وعشان بتتراشق ..
انا: اميره اتقلي يااخ .. فضحتينا اقسم بالله
اميره: سندس😍😍😍😍 اقسم بالله حبيت عمر عشان صاحب مصطفى.. ياخي زول رااااقي
انا:😏😏 رااااقي بالله .. ولا عشان التوسان بتاعتو راقيه
اميره 😍😍😍 الاتنين
وقعدنا نضحك 😂😂😂.. انا: انتي مستهبله والله وانا بعرفك كوووويس
اميره: كل ماتتذكر ونستها مع مصطفى تحضني انا
لما ناس المواصلات بقو مستغربيييين فينا😂😂
...
اسراء هنناك في البيت شالت تلفونها بتتكلم مع هيام:
اسراء: هيام😍😍.. قدرت اعمل القلتي عليهووو ...
هيام:احكي اهااا شوقتيني😍😍
اسراء: طبعا مشيت وسبقت عمر للكافي .. ولقيت الهديه
هيام :اها كملي
اسراء: دبله بتاعت دهب .. ومحبس.. قلبي لما وجعني واتحرق😔
هيام: انتي عرفتي كييف مكانها!؟
اسراء: عمر الصباح حكى لي .. انو عيدميلاد سندس وانو اشتاق ليها وعايز يراضيها .. ووراني خطتو و الدبله .. وقال حيقول ليها اجي اتقدم ليك ونعمل خطوبه ..
طبعا حاولت اوقفو واشككو انو سندس ما دايره تعرس.. والمساعدني انها بتخاف من العرس..
فقلت لو حسستو انها ما جاهزة للعرس ومشى عرض عليها وهي فعلا حتكون خايفه كده الطرفين تااااني حيقعو مع بعض من سوء تفاهم بسيطة
هيام: اها ماعملتي كده ليييه ؟!
اسراء: لانو عمر اصر يعرض عليها الخطوبه ويشوف رايها
هيام: اها وعملتي شنو؟
اسراء: مشيت وحنست الجرسون واديتو قروش عشان يديني الهديه ..
هيام:جنيتي انتي 😳😳 قروووش قدر كم يعني
اسراء: بقيمه االهديه ..
هيام: جبتيها من وبييين😳😳
اسراء: من حسابنا انا واخوي .. ياخ ماشغلتك هسي اسمعيني
هيام:اها تمي ..
اسراء: شلتها وهددتو لو زول عرف انو انا جيت بي ورا عمر واني انا الشلتها .. ما حاخليه وحاوقعو في مشاكل
والجرسون خاف شكلو ... واصلا القروش بتعمي اي زوووول ...وبقت بتضحك ..
هيام: اسراء انا بديت اخاف منك والله .. ده كلو عشان تخربي فرحت سندس!؟
اسراء: اااااي واكترر وكل ما تقرب من عمر حأذيها .. ماهي بس .. اي بت لو عاينت ليهو في الشارع ساي .. ممكن اقتلها
هيام: قفلت الخط وبقت بتفكر.... اسراء دي وضعها ماشي اصعب .. وخافت فعلا من تصرفاتها .. وقالت دا ماحب دا مرض ..

. .
ه....
جا مصطفي داااخل البيت .. بنادي .
يااااسرو ياااسرو وييينك انتي....
(اسرااااء اخت مصطفى)

ونتقااااابل حبيباتي😘😘😘😘
تعبت والله من الكتااابه ..
اعملي متابعه لي حساااابي عشان تصلك باقي الرواايه .
#كل_الحب 😘
#Sansona

😻❤️منوريييييييييين القناة اول الف😻❤️💋

#الوتين_الحلال_12
جات اسراء جاريه لي .. لي مصطفي
مصطفي مالك بتكووورك؟! خييير؟!
قال ليها: عمر الليله ......
وقعد يحكي ليها في الحصل وهي بتسمع كانها مستغربه شدييييد ..
انا بالليل اتصل علي عمر
عمر: شندس حبيييبي .. كيف رجعتي
انا: الحمد لله مبسوووطه شديييد ياعمر ..
عمر: بس زعلت عشان مالقيت الهديه .. سندس ...
(انا قمممت قااطعتو قبل ما مايتم لي ويحكي لي الهديه شنو)
عمر امتحاناتنا بكره وانا خااايفه شديييد والله ...
عمر: طيب مستعده ولا لا؟!
انا:مستعده بس خااايفه .. انت عارف عندي مشاكل مع ناس الجامعه .. والاساتذه وكده
عمر: ماتخافي حبيبي ونوومي هسي .. انا زاتي شغال بكره بدري برضووو
انا:طيب تصبح ع خير حبييبي
جا اليوم التاني واول يوم في امتحانات السمستر ..
وانا قاعده تحت شجرتي❤ بقرا .. وخاااايفه شدييد
جا قعد جنبي عمر.. وما حسيت بيهو لاني كنت مغمضه وبسمع وفجأة حسيت بي زول .. قرصني .. في اصبعي 😳
فتحت مخلوووعه.. لقيت عمر بضحك فيني ... يااااخوااافه
حمرت ليهو😒 ماناقصاك انت كمان .. جيت بتين انت وقعدت ..
عمر: الزول لما يخاف مابفتح ولا شنوو .. دي شنو عاداتك الغريبه دي ههههههههه
انا: ههههاي ظريف لكن😏😒 .. مش قلت شغال جيت مالك!؟
عمر: عشااان بنتي الصغيييره ممتحنه وداير اسمع ليها وامشي
انا😍😍😍😍😍❤❤❤❤
عمر: جيبي الشيت وقولي اول قانون ..
انابقيت اعاين ليهو: عمر😍 حبييبي
عمر: يابت سمعي وانتي ساااكته 👋
وكان الشيت مغطي ملامح عمر الا عيونو الكحيله😍
انا: حبييبي .. ماحاقدر اركز .. وانا بعاين في عيونو الحلوووه
عاين لي .. وبقينا نعاين لي بعض شووويه كده ..
وفجأة .. خلعني عمر وضربني بالشيت في وشي ..
ركزي يابت باااقي ساعه بس😒👊
قعد يقريني .. وهو بقري فيني انا متنحه في عيونو وحركاتو❤😍..
........
ونحنا هنا بنتغزل في بعض بالعيووون ..
في بيتنا جا لأبوي تلفووون ..
ابوي: الو منو معاااي!؟
محمد : السلام عليكم .. ياخال
ابوي:_وعليكم السلام ولدي .. محمد!؟
محمد :ايوووه ياخال .. حبيت اتصل عليك ااعرف ردك في موضوع سندس ..
ابوي: لسه والله ماقدرت افتحو معاها شغاله امتحانات خليها تخلص ..
محمد : طيب منتظرك يااخال ..
(ابوي قفل منو ونادا امي وجاتو)
ابوي: يا هناء .. نحنا لازم نرد على الناس ديل بعد كده
امي: طيب .. بس نستنى سندس الامتحانات تخلص ..
ابوي: انا ماداير اغصبها ع حاجه بس لازم تعرس .. ماتقعد ترفض كده في العرسان ونحنا نضيع ...
امي: كدي نصبر شووويه .. هي اصلا قالت ما عندها زول ..
ابوي:طييييب .. حاااضر
...
اسراء وهيام مجتمعين في المكتب ..
هيام': اها الليله عمر مشى لي سندس
اسراء: هههههه .. مشى اي .. خليهم يتبسطو شووويه
نهايتهم قررررربت ع يدي
هيام: ناااويه تعملي شنو تاااني ..
اسراء: المره دي .. حأذي اهلها شديييد عشان تتوب تاااني
هيام: كيف كيف .. مافهمت
اسراء: حافهممممك .. اسمعي

اعملي متابعه لي حسابي عشان تصلك باقي الاجزاء ..
ونتقابل
ماتضايقو حبيبااااتي بحاول انزل كم جزء في اليوووم
❤❤❤
#Sansona

#الوتين_الحلال_13
اسراء مسكت .. التلفون .. ورسلت لي ابوي رساله
( بنتك القليله ادب .. بتطلع وتنزل من وراك .. مع واحد .. والا بترفض العرس ليييه .. لو ما متاكد من كلامي انا بثبت ليييك بالصور )
اسراء رسلتها وهي متأكده من اهلي وانهم صعبين كيييف ..
ابوي حاول يرجع لي رقم الرساله بس الرقم طلع مقفووول وما مسجل
....
لحدي ما انتهت الامتحانات ابوي ماصارحني بي الرساله ..
انا كنت الوقت داك .. لسه مع عمر وفي حبنا وبدون مشااااكل ..
لحدي ما جا اخر يوم في الامتحااانات ..
عمر جاني .. وحنسني عشان نطلع ... انا قلبي اليوم داااك كان قاااابضني شدييييد وحسيت انو في حاجه حتحصل ..
طلعنا لانو كان اخر يوم ومشينا مكان البحر الوااااحد بتاعنا ..
عمر: شندس يعني انا تاني ما حاشوفك
انا: عمر والله .. مابخلوني اطلع بدووون اسباااب
عمر: طيب .. خليني اجي اصارح اهلك .. انتي خايفه لي؟!
انا: خلي الموضوووع ده شووويه كده ... لما اصارح امي عشااان تحنس ابوي .. لانو رفضتا ناس كتااار ..
.....
هناك اميره ومصطفى بتونسو بالتلفون ..
اميره:مصطفى اتاخرت كده مالك انت !؟
مصطفى: معليش كنت مع سرو اختي جبتها من الشركه
اميره:هي شغاله معاك!؟
مصطفى : اي انا وعمر واسراء ..
اميرة: اسراء صحبة عمر قصدك؟!_😳😳
مصطفي: ههههههههه .. اي اي .. اختي انا قبل ما تكون صحبة عمر
اميرة:😳😳😳😳😳
مصطفى : مالك ساكته!؟في حاجه
اميرة: لالا ماافي حاجه ..
.......
انا وعمر قاعدين وبنتونس وبنضحك .. في ولد بي ورانا كان بياخد في صور لينا .. ونحنا ما انتبهنا ليهو.. وفي ونستنا
عمر: حبييبي اتاخرنا .. مشينا بعد ده
انا: والله مانفسي امشي بس اعمل شنوو..
حاشتاااق ليك شهر كااااامل ونص😢💔
عمر: لكن انا ما حاشتاااق ليييك 😊
انا:😡👊حيوااااان ده .. قلبي اباااك زاتو
عمر: حاشتاااق ليك شدييييييد
انا:هههههاي .. بالله 😒😏
وركبت امجاد عشان الوقت اتاخر..
....
اسراء: الووو .. عصاام عملت القلتو ليك
عصام:ايوا اخدت الصور وهسي برسلها
اسراء: برااافو عليييك .. وحلاااوتك ماناسياها 😉
وقفلت الخط ....
هيام: اسراء صور شنووو !؟
اسراء: صور عمر وسندس وهم خااالطييييين 😏
هيام: دايره تعملي بيها شنوو كمااان؟!
اسراء: حاورييييك ياامزة 😘😘😘 .. اصبري بس...
......
انا دخلت البيت .. ومبسوووطه شديييد ..
بعد اتغديت .. حسيت ابوي بعاين لي الغداء كلو ..
وكأنو في كلااام داير يقوولو ... .وبس خلصنا الغدا ..
قال لي .. سندس الحقيني سريييع على الصالون
انا:😳😳😳 طيب .. ومن جواي خفت شديييد ..

تعبت والله بنتقابل تاااني💔
#كل_الحب 😘😘
اعملي متابعه لي حسابي عشان تصلك باقي الروايه وكل منشوراتي...
#Sansona

#الوتين_الحلال_14
مشيت دخلت الصالون وابوي قعد ..
ابوي: محمد ولد ناس وكويس وليهو كتييير منتظر ردك بس انتي مادايره تردي .. وهسي لازم ندي الولد كلمه
انا: انت عارف اني مابفكر هسي في العرس الا بعد الجامعه
ابوي: عشان الصااايع داك صح
انا:😳😳 الصايع منو.. وهنا قلبي قرب يقييييف ..
ابوي: قام على حيلو وخلاص بدا يعصب والغضب في وشو ..
الصايع الكنتي معاااهو الليله جنب البحر وماتعملي لي غبيه .. لانو عندي صوركم وانتو سوااا ..
انا:ابوي استنى اشرح ليك
ابوي: انتي تسكتي ولااا كلمه .. امك قالت انها سالتك كم مره اذا عندك زول .. وانتي ماااا كنتي بتردي عليها وتقولي عندك
انا: بديت ابكي وبقول ليهو اسمعني ..
ابوي: تسكتي بس ومحمد انا حارد عليهو وحاقول ليهو اننا موافقين
وده اخر كلااام
وانتي الوصلتينا .. للكلام ده كلوو.. انا ما كنت داير اغصبك على حاجه بس انتي خليتني اضطر اعمل كده ..
وهسي تقعدي في غرفتك بي سكااات بس وطلعه تاااني مافي من البيت .. دي نهاية ثقتي فيك صح ..
انا: ابوي اسمعني عليك الله .. وقاااطعني
قلت ليك ماااافي اي كلام .. الموضوع انتهى ..
امي كانت بره وسمعت كلامنا كلووو . .. طلعت وانا ببكي وجريت علي الغرفه وامي جات لاحقاني ..
امي: سندس انتي عندك زول وما قلتي !؟
انا سالتك كم مره!؟
انا:كنت خاايفه .. وانا ببكي وبحكي ليها .. عمر ولد نااس والله وماعمل شي غلط لي وحافظ علي .. وقال حيجي البيت بس انا كنت دايره وقت .....
امي : لو صحي دايرك كان جا بالباب عدييييل
انا: والله يا امي ما بلعب انااا بعرفو كويس ودايراهو ..
انا بحكي وببكي وما كنت قايله ابوي واقف برا بسمع في كلامنا ..
وفجأة دخل غرفتي .. والغضب متملكو .. قال لي جيبي تلفونك ..
ابيت اديهو ليهو.. قلعو مني وكسرو .. وقال لي امي اطلعي خليها براها ...
.......
عدى يومين وانا في الغرفه ومافي زول جايب خبري
لا عمر ولا صحباتي .. بيتصلو ومافي رد ..
عمر جا لي مصطفى في الشركه ...
عمر: مصطفي انا خايف علي سندس حاسي في حاجه غلط وما قادر افهمها .. مابترد علي مالها..
مصطفي : طيب كدي خليني اضرب اسال اميره منها وضرب لي اميره
مصطفي: اميره .. كيفك !؟
اميره:الحمد لله حبيييبي
مصطفي:اشتقت ليك ياعسل❤
عمر😒 ضرب مصطفي في كتفو .. ده ماوقت تحبو لي بعض اختصر
مصطفي: اميره سندس كيف .. ليه مابترد ع عمر يومييين ..!؟
اميره: انا زاتي والله حاولت اضرب ليها ماردت علي وتلفونها مابدخل معاي ...
واتونسو شويه وقغل منها
عمر💔💔 مصطفي انا مش قلت ليييك .. في حاجه
مصطفي: غريبه والله ..
عمر: مصطفي عليك الله خلي اميره تمشي ليها في البيت تشوفها مالها
مصطفي: عيووووني ليك يا ابو عمير
.....
هيام جات داخله لي اسراء في المكتب وهي زهجانه ..
هيام:اسراء سندس دي مختفيه يومين وده التالت ومافي زول عارف حاجه عنها ..
انتي عندك دخل!؟
اسراء: ماعندي😊
هيام : ماتكذبي علي ووريني عملتي ليها شنو..
اسراء: طفشتها بس عشان عمر يحبني براااي
هيام: اسراء احكي لي عليك الله
اسراء: طيب حاقول بس ماتنقي في راسي ..
اليوم داك .. قدرت اجيب رقم ابوها من الجامعه ..
عندي صحبتي هناك واتفقت معاها تاخد تلفون سندس .. وتطلع رقم ابوها .. وعشان نتاكد منو انو ده ابوها .. ضربت من تلفون غريب وسالتو ورد علي وقال انو ده هو...
وبعدها رسلت ليهو رسايل ... وتاني رسلت ليهو الصور .. وشككتو انهم علاقتهم دي شكلها اكتر من حب وانتي ادري😉
وقلت ليهو الدليل انها غلط بتك ابت تحكي ليك عنها ..
هيام: اسراء بديت اخاف منك انا😳
اسراء : لسه باقي لي شويه بس والقصه دي تنتهي
هيام: باقي شنو تاني😳
اسراء: باقي حبييييييبي عمرررر
لازم اخليهو ينساااها سريييع
هيام: ماحتقدري تنسيهو ليها ... هو بحبهااا شديييد
اسراء: اصبري بس وحتشووووفي كيف حاخليهم الاتنين يكرهو بعض
...

والله بحاول انزل كم جزء في اليوم ماتزعلو وما تضايقو❤😘
اعملي متابعه لي حسابي عشان تصلك باقي الروايه وكل منشوراتي
#كل_الحب ❤😘
#Sansona

#الوتين_الحلال_15
مر اسبوعييين ... ويوم جاتني اميره زياره .. ابوي فتح ليها الباب ..
قالت ليهو:عمو لو سمحت سندس قاعده
ابوي: لا .. مشت بيت خالتها وقالت حتقعد هناك ..
وع كده اميره رجعت وكلمت مصطفي ومصطفي كلم عمر..
عمر كان قاعد وبفكر انو اكيد في حاجه حاصله لي ..
وجاااتو اسراء في محلنا بتاع البحر؛
اسراء: عمووووري مالك زهجان كده وجادع التلفون .. من قبيل بدق عليك وانت مااابترد..
عمر: ماداير انكلم مع زول
اسراء: حتي انا عموووري
عمر: اسراء والله زهجاااان شديييييد
اسراء: سندس السبب!؟
عمر: اي.. مقلق عليها شديد ..ما ممطمن حاسي في حاجه حاااصله معاها
اسراء: يمكن هي ماحابه تتكلم معاك ..
عمر: قصدك شنوو؟!
اسراء: عمر ..اي بت بتحب تعرس حبيبها .. انت قبل كده طرحت ليها فكرت الخطوبه وهي رفضت ... بعدت عنك اسبوعين وبرضو مافرقت معاها كتير..
انا بشوف انك تقعد وتراجع تصرفاتها وتتاكد اذا كانت دايراك ..
عمر اانا بقول ليك كده بس عشان خاايفه ع مصلحتك ..
(قامت اسراء وهي مبتسمه وعرفت انها قدرت تدخل الشك في قلب عمممر اتجاه علاقتنا سوا)
بعد ما مشت .. عمر قعد يفكر في كلامها براهو .. وضرب لي مصطفي وقال ليهو ،،
عمر:مصطفي كيييفك !
مصطفي: الحمد لله .. الاخبار شنووو
عمر: مافي جديد .. سندس لسه مختفيه .. مصطفي رسل لي رقم اميره ضروووري هسي..
مصطفي:طيب.. ورسل ليهو رقم اميره ..
عمر: اميره كيفك!؟
اميره: الحمد لله وانت ..
عمر؛:قدرتي تعرفي حاجه عن سندس ..
اميره: لا والله ومشيت وابوها قال هند ناس خالتها .. .
عمر: طيب تمااام ....
......
تاني يوووم الصباااح بدري...
انا في البيت محبوسه ومابطلع وقلت لااازم اتصرف والقي تلفون ..
انتظرت ابوي يطلع وجريت شلت شريحه كنت داساها تحت .. .ومشيت لي اختي وحنستها .. وركبتها وكنت حافظه رقم عمر زي اسمي ..
شلتو وضربت وفي جرس .. فررررحت شدييييد ..
ردت علي بت: السلام عليكم منو معاي
انا: معليش ده رقم عمر القيصر
البت: ايوااا منو انتي!؟
انا:سندس اديهو التلفون سريييع عليك الله
البت: ههههههه سندس انتي حيه .. انا اسراء
انا: الغضب ركبني وانا اصلا زهجانه وقرفانه ..
قلت ليها.. ادي التلفون لي عمر سرييييع
اسراء: معلييييش بس عمر بياخد دش
انا:😳😡 نععععم .. بياخد دش!؟
اسراء: ايواااا وقال ما داير اي ازعاج الليله .. بالاصح نحنا مادايرين ازعاج وبعد شويه طالعين البحر .. محلنا البنحبو سواا .
انا:بطلي تخاريفك دي واديني عمر سريييع
اسراء: تحبي تتاكدي .. وكوركت لي عمر ..
والصدمني اكتر اني سمعت صوت عمر ... رد ليها ايوووه ياسرو
اسراء: عموووري .. جاهز خلاص عشان نطلع مشوارنا ..
عمر : اي ياسرو بس بفتش في ساعتي ومالاقيها ماشفتيها
اسراء: ماشفتها عموري .. كدي شوف الغرفه ...
انا (بسمع في صوت عمر .. جاني شوووق اول .. بس بعد السمعتو اتصدمممت شديييد وكنت دايره ادوووخ )
اسراء: حبيبتي اكيييد اتاكدتي من كلامي بعد السمعتيه .. ياما حاولت اشرح ليك انا وعمر شنو بس انتي كنتي عميااانه وياريت بعد ده تكوووني فهمتي حااااجه ياسكر..
وقفلت الخط(تييييت تيييييت...)
انا هنا التلفون قرب يقع مني وبديت اجمع كلام اسراء الزمااان ..
عمر ده مامستواااك .. عمر بلعب بيك ... عمر انتي بالنسبه ليهو نزوه بس .. وحسيت اني اتكسرت ..
اكتر زول كنت خايفه عليهو وجريت اطمن عليهو.. ماشغاااال بي . وطالع مه البت الحاولت قبل كده افهمو انها بتحبو وانها بتحاول تفرقنا. .. وهو ماصدقني وصدقها.. حسيت بزعل شديييييد وقعدت ابكي بحرقه .. واتاكدت انو عمر كان بلعب بي ...
وكنت منتظره ابووووي بي فارق الصبر عشان عندي كلام دايره اقولو ليهو.....

نتقابل تاااني اذا الله اراد😍😘
بحببببكم ياااخ وتسلمو لي كلكم
اعملي متابعه لي حسابي عسان تصلك. الروايه وكل منشوراتي 😘
#كسره
الروايه دي كاتباها انا .. روايه بس ... الاسم صاح سندس بس ماقصتي .. واسم عمر بحبو انا😍😘
#كسره_تاني.
المابتلقي جزء .. تكتب في البحث بتاع القروب
#الوتين_الحلال_1
ولا تغيري الرقم حسب الدايراااهو
وماتزعلو لو ماقدرت ارد ع الرسايل .. هي كتيييره والنت كعب
وبحاول اني ارضيكم كللللكم ياسكرات😘😘
لحدي الصباح نتقابل تاني😘باذن الله
#كل_الحب 😘
#Sansona

#الوتين_الحلال_16
جا ابوي وجريت بيهو طوااالي قلت ليهو دايره اتكلم معااااك ..
قعدنا شويه كده وقلت ليهو دايره اتكلم معاك في موضوع محمد ..
ابوي: اها ان شاء الله خيييير
انا: موافقه يا ابوي علي محمد وما عندي اعتراض ولو عملتو العرس هسي ماعندي مشكله ..
ابوي: فجأة كده وافقتي مالك ..
انا: قعدت فكرت وقلت اكيد انت شفت لي الاحسن منو .. وانا ما حاعصيك يا ابوي ..
ابوي: والله خيييير ما عملتي يا بتي والله احسن قرار .. خلاص انا حاكلمو... ومبسوط منك شدييييد انو رجعتي لي عقلك وفكرتي كوويس..
انا: طيب ( مشيت وقلبي محرووووق وواجعني.. بس خلاص قرار واتخذتو في لحظه غضب .. واكعب قرار البناخدو في لحظه غضب)
...ابوي اتصل علي محمد ..
ابوي؛: محمد ولدي كيف الصحه والاخبار
محمد : الحمد لله ياخال انت كيفك !؟
ابوي: بفرحه كده ... البشاااره يامحمد .. سندس وااافقت .. فتحت الموضوع معاها ووافقت ..
محمد: ياخاااال والله فرحتني شديد.. سندس دي حاختها في عيوووني والله واحافظ عليها وطلباتها اوامر عندي .. ماعندي اغلي منها..
ابوي: عارفاك والله ياولدي وانت مااافييك ولاكلمه راجل ود رجال والله ..
محمد: تسلم ياخال..خلاص انا حاكلم الحجه ونشوف نجيكم بتين ...
محمد قفل الخط ومشي مبسووووط لي امو..
سندس😍😍😍 وااافقت يايمي سندس وااافقت😍😍
ام محمد : مبرووووك ياولدي .. انتظرت وربنا اداك .. تستاهل كل خييير وربنا يسعدك ياولدي..
محمد:انتظرتها والله كتييير وماقدرت اشوف غيرها .. كم بت عرفتيني عليها يا يمي وانا ماقدرت ادخل وحده قلبي وفي محل سندس..
.....
انا هناك في بيتنا دخلت وقعدت ابكي وحسيت انو قلبي وااااجعني شدييييد بس ماقادره اعبر واتخنقت من البكا ..
جاتني اختي ..
سندس ده شنو العملتي ده .. انتي غلطتي شديييييد مافي زول بعمل كده .. سندس ده عرس وقرار ابدي .. يعني الزول ده حتعيشي معاااهو عمرك كلوو .. طيب فهميني كيييف وانتي ما بتحبيييهو ..
انا: خلاص اسكتي ما ناقصاك ومادايره زول يفتح معاي الموضوع ده .. كان محمد او غيرو مافرقت معاااي ..
اختي طلعت وخلتني براي .. انا مشيت وفتحت الدولاب .. لقيت فستان عيد الميلاد هديه عمر.. مسكتو وقعدت ابكي .. بس خلاص قرار اتاخدتو وماحاقدر ارجع ..
عمر هناك اتفق يقابل اميره .. واتقابلو في مطعم قرييييب مننا ..
اتقابلو زي العصر كده وكان معاهم مصطفي ..
عمر : اميره انا داير اسألك .. سندس دي كانت دايراني بي جد !؟
اميره: عمر ده شنو البتقول فيهو ده؟!
عمر: ردي علي بس..
مصطفي: عمر ده ماسؤال تسالو ..
عمر: طوالي انفعل وقال ليهو .. لو صحي دايراني .. غابت شهر وماسالت فيني ..
انا مالعبه عندها .. ومشاعري دي ماهاماها يعني؟!
كيف تمشي بدووون ماتقول حاااصل ليها شنو ..
اميره ومصطفي : عمر اهدا شويه واسمعنا ..
عمر طلع من المطعم قريب للمغرب كده وهو منفعل وما كان طايق اي زول .. سايق العربيه ..
وفي الشارع .. صادف عربيه محمد واقفه غلط وقافله الشارع .
وهو زهجان ضرب البوري شدييييد ..
ام محمد واخواتو التلاته جوه العربيه . بسم الله دا ماالو !؟ ..
محمد جا طالع من الماركت وشايل علبة شوكلاته معاهو ..
ولقي عمر نزل من العربيه وهو زهجان ... قال ليهو بصوت عالي ..
انت مابتشوووف .. قافل الشارع ده ليييه !؟
محمد : بقفلو وبمزاجي ولو ماعاجبك غيرو طواااالي .... شارع ابوي عندك كلام !؟
عمر: مسكو من قميصو انت ماعارف روحك بتكلم منو.. قال شارع ابوك كمان😡
محمد : مسكو عمر منوقميصو ودايرين يتشاكلو ..
ام محمد واخواتو نزلو سريييع من العربيه والناس اتلمو .. وفكوهم ..
ام محمد: محمد عليك اله نحنا ماشين نطلب البت ده ماوقت مشاكل .. ياولدي حلفتك تدخل.. خلاص قربنا للبيت ..
عمر رجع ركب العربيه وساقها سريع ..
محمد : ركب عربيتو . وقال وااااحد حيواااان بس😡
....
انا كنت في بيتنا بتجهز فيني اختي وجابت ليوالفستان ..
سندس البسيه واطلعي..
انا: شلت الفستان ....

نتقااابل تاااني 😘😘✊
اعملي متابعه لي حسابي عشان تصلك باقي الروايه
#كل_الحب 😘😘
#Sansona

#الوتين_الحلال_17
لبست فستاني واتجهزت وجاتني امي ..
سندس البتعملي فيهو ده غلط انتي عااارفه ظه عرس ومالعب احسن ليك تراجعي روحك هسي بدل نتحرج مع الناس بعدين ..
واختي معاها . اي ياسندس .. ماتتسرعي وعمر ماعند زنب ..
قاطعتها ..(ماتجيبي لي سيره عمر وخلوني امشي عشان ما اتاخر(
مشيت وقعدت في الصالون .. ومحمد يعاين بي وامو واخواتو وكان مبسوطين بي شديد .. اختي جابت الحاجات واكلنا كلنا واتونسنا سوااا ....
وبعد شويه طلعو خلونا انا ومحمد في الصالون ..
محمد ' سندس كيفك!
انا:الحمد لله
محمد: الجامعه كيف!
انا: الحمد لله
)كلمه ورد غطاها ولابزيد ولابسال كاني قاعده في امتحااان بس
محمد: ع فكره انتي حلوة شديد الليله ماشاء الله
انا:شكرا😊
محمد: سندس بي صراحه ..
انا ناوي اعمل عقد خلال شهر لاني مسافر وحاجي بعد سته شهور اعمل عرس واسوقك .. والحمد لله ربنا وفقني وقدرت اصل ليك .. وكويس انك ماجزة واجازتك شهر ونص .. وطبعا لما اجي راجع حتكوني خلصتي تالته ..
عندك اي حاجه دايره تقوليها لي بخصوص الموضوع ده!؟
انا:لا
محمد :يعني ما عندك مانع
انا: البتشوفو كويس سويهو ماعندي مانع انا 😊
محمد حس بي برد بس بدون اي تفا عل وقال لي ..
طبعا خوفك مني ده طبيعي لانك مابتغرفيني بس انا بعرفك .. وكنت دايرك من زماان واستنيت اليوم ده بفارغ الصبر عشان يجي ..
بس ياسندس مادايرك تعتبريني عريس بس وجيتك داير نفهم بعض ونرتاح لي بعض والريدة بتجي مع العشرع والزمن و....
(انا من قال كلمة الريدة حسيت في سهم طعني في قلبي وجاتني صورة عمر ماااره علي سريييع في وشي وعيوني حمرو وحبست الدموع وماسمعت باقي كلامو ولا ركزت بس كنت بعاين ليهو)
محمد: سندس انتي فيك حاجه!عيونك مالها!
انا:مافي حاجه بس يمكن نعست
محمد:خلاص اقوم انا اخليك ترتاحي لحظي بعدين بضرب ليك تمام
انا: تمام
محمد: عاين لي وابتسم .. ربنا يحفظك
انا نزلت راسي والدموع خلاص والعبره وقفت لي .. ابتسمت ليهو والبسمه زاتها وجعتني في حلقي..
....
مصطفي اتصل علي اميره وقال ليها..
اميره وضع عمر ماشي اكعب اول مره اشوفو تعبان كده .. نحنا لازم نساعدو
اميره: اي والله انا زاتي حنني .. ماكنت قايلاهو بحب سندس كده .. انا بكره حامشي لي سندس ..
مصطفي:تسلمي لي حبيييبي
اميره جاتني تاني يوم .. ابوي فتح ليها وهو مبسوط طبعا ودخلها ..
انا اول ماشفتها حضنتها وبكيييييت
دخلنا غرفتي وقعدنا وحكيت ليها الحصل معاي كلو . من عمر ومن محمد ..
اميره قامت من السرير وكوركت فيني ..
امتي هبله يابت ده شنو العملتي ده .. ماعارفه عمر عمل شنو ..
انا: عمر لعب بي،...
اميره قاطعتني..
انتي متخلفه عمر بحبك شدييييد وانتي عارفه اسراء وعمايلها من الاول وما كانت دايراكم لي بعض ويا الشاطره حققتي ليها مرادها
انا: خلااص اسكتي حيسمعونا
اميره: خايفه يسمعوك وعمر كلو يوم كان بفتش فيييك . ياشيخه حرااام عليييك ..
بعدين اسرلء اخت مصطفي ومصطفي بنفسو كان بيحكي لي انها وعمر اصحاب واخواااان بس .. واليوم داك عمر كان نايم مع مصطفي وكانو طالغين التلاته وجو البحر وانا لاقيتهم وعمر اليوم كلو كان بسمع بس .. عشلن ما يحرجنا قعد معانا بس بالو كان معاك ..
انتي ماعارفه حالتو بقت كيف من غيرك ... حراااام عليك العملتي فيهو ده .. هو يفتش فيم وانتي هنا تتخطبي!
انل: اميره خلااااص خلاااااص وانهرررت وبكيت
اميره: سندس اتراجعي عليك الله
انا:مااابقدر افهميني .. عارفه براك اهلي ممكن يقتلوني وممكن ياذو عمر.. ومابقدر اخت نفسي في حته زي دي مع ابوي واحرجو ودي كلمه رجااال ..
اميره: ياخسااارة ريده عمر ليك
(زعلت وكانت شايله شنطتها ودايره تمشي(
وقفت علي حيلي وبصوت واااطي وحنييين سالتها
عمر كيف!؟
اميره قبلت علي وحضنتني وبكينا سوااا .. وانا بتخنق وببكي ..
وبقول ليها: خلو بالكم منو .. ما تخلوهو يضايق .
اميره: وهي بتبكي برضو .. سندس ده شنو العملتي في روحكم ده .. ليييه يحصل كده ليييه!؟
انا: اميره الحصل حصل واسمعيني ..
حتمشي لي عمر وتفهميهو اني كنت بتسلي بيهو بس .. وانها فتره مراهقه بس ما اكتر واني مخطوبه هسي واحسن ينساني ..
اميره :سندس ده غلط والله
انا: اميره بس نفذي كلامي ....
تاني يوم الصباح ..
اميره ضربت لي عمر ..
اميره :عمر ممكن اشوفك !؟
عمر: في حاجه ضروووريه يعني؟
اميره انا شفت سندس امبارح
عمر لما قالت اسم سندس قلبو قرب يقيف ..
واول سؤال قالو:سندس كويسه؟
اميره:دمعت وقابت بيهو كويسه بس دايره اشوفك
عمر:طيب

نتقاااااابل تاااني😘😘😘
اعملي متابعه لي حسابي عشان تصلك الروايه وكل منشوراتي
#كل_الحب 😘😘
#Sansona

#الوتين_الحلال_18
عمر قابل اميره ..
اميره: عمر بصراااحه شدييد سندس اتخطبت وقالت لي خلي عمر ينسى اي شي كان بيناتنا .. هو بيستاهل كل خييير .. وربنا يعوضو ببنت الحلال اللي تستاهلو..
عمر: ههههههه .. سندس قالت ليك كده !
اميره:😳 اي والله قااالت كده .. انت مالك ضحكت !! عمر انت كويس!؟
عمر: اي كويس .. وامشي قولي لي صحبتك .. ربنا يسعدك ويهنيك وماليك دخل بي .. اقع في بنت حلال ولا بنت زفت..
ومشي طواااالي ..
اميره ضربت لي بااليل وكلمتني ..
انا: اميره عمر كده .. بيخبي في قلبو وما بقول لي زول ..
اميره انا قلبي اتقطططع خلاص كل يوووم بصحي وببكي وبنوم بدموووعي والله ..
اميره انا تعباااانه شديييد والله .. خلاااص ماقادره ..
(قعدنا نبكي انا وهي في التلفون)
.....
مصطفي بتكلم مع اسراء..
اسراء عمر ده مابرد علي ماعارف حاصل ليهو شنو ..
اسراء: ولا انا مارد علي ..
مصطفي: ماشي ليهو البيت اشوفو .. مااالو ..
(وصل وضرب الجرس وجاهو عمر فتح ليهو ودخل)
عمر: مالك في شنوو!؟
مصطفي: انت مااالك في شنووو مابترد واميره قالت ليك شنو..
عمر : سندس اتخطبت بس😊
مصطفي: اتخطبت كيييف😳😳 .. عمر انت كويس!؟
عمر: اي وداير اقعد براي لو ممكن
مصطفي طيب حانزل الطابق التحت .. مابخليك براك . ..
....
انا بالليل ماقدرت انوم والوقت الكان فيهو عمر قاعد صااحي وقلبو مكسووور وانا السبب ..
انا هنا ناس بيتنا نايمييين قمت واتوضيت وصليت وقعدت اصلي اصلي لاني حسيت بي ضيييق شديييد ..
قلت لازم ادعي واستخير لي محمد .. احتمال ارتاح شويه ..
سجدته سجده طويييييله ودعيت؛
(ربي ياعالم بي حالي واحوااالي .. انت وحدك العالم بي الجواي .. ياربي وريني الطريق الصاااح وياربي اذا كنت بعمل في غلط وريني ودلني علي الطريق الصاح.. عشان ما اظلم زول.. ياربي اكشف عني الضر والسوووء والاذيه. ياربي اذا في خير في عمر يسر لي طريقنا وسهلو واذا في شر لاي واحد فينا .. ابعدنا عن بعض .. انت وحدك علام الغيوب .. دعيييتك ومنتظره استجااابتك لي ياااربي )
قلت الدعاء ده وحسيت باطمنااااان شديييييد بعده ..
مشيت رقدت وقعدت استغفر.. فجأة اتذكرت ..
انا اقمت الليل عشان ادعي لي محمد .. الخلاني اقول عمر شنووو ..
يا الله لازم اعيد الاستخاره بكره واقول دعاها تااني ..
(وجا تاني يوم ونسيت استخييير في محمد)
....
بعد الفطور ضرب لي : سندس كيفك!؟
انا:الحمد لله ..
محمد : كنت داير اسالك .. داير اجي امر عليك نتغدا سوا في الفاخر ونمشي ميلانو .. نختار الدبل البتعجبك .. رايك شنو!؟
طبعا انا اخدت . . اذن خالي عشان اجي اسوووقك
انا بدووون نفس جواااي.. طيب حاااضر😊
...
مصطفي وعمر في الشركه .. قاعدين سوا
جات اسراء: يا مزز وييين كنتو صايعين امبارح بي وراي
عمر سااااااكت بس وسرحاااان ..
مصطفي.. كنا في البيت ياااخ ماناقصنك كمان
اسراء: مالكم زعلانين وصارين لي بعض كده ..
وعمر سااااااكت وسرحاااان ..
مصطفي: سندس اتخطبت يابت امبارح
اسراء بخلعه اتخطبت😳😳
من جواها دايره تطييييير من الفرح واتبسطت شديييييد 😍😍😍...
طيييب ياحلوووين .. عشان الخبر ده انا عازمااااكم الغداء ع حسابي في الفاااخر كمااان😍😍
عمر عاين ليها وحمر ليها شدييييد .. قال ليها .. عشان الخبر ده!؟
اسراء: لا عمر ماقصظي حاااجه .. قصدي عشان انتو زعلانين بس..
عمر: سوقي اخوك واطلعي انا ما عندي نفس ..
مصطفي: عمر قوم ياخ من امبارح انت ما اكلت ..
اسراء دي مررره في العمر بتعزمنا .. وخليني اضرب لي اميره تجينا هنااااك كماان😍❤
اسراء: مابحبها انا البت دي يااخ😒
مصطفي: دي مشكلتك يا السمحه😊
وضرب لي اميره وعزمها..
طلعو من الشركه ومعاهم عمر سايق العربيه ..
وانا طلعت مع محمد وماشين للفاخر سوا ..
وصلنا قبليهم وقعدنا .. طلبنا وبقينا ناكل..
وهناك وصلو عمر ومصطفي واسراء ولاقو اميره ..
والقدر قرر تااااني يجمعني بي عمر.. قعدنا مقابلين بعض .. كرسيني كان مقبل علي كرسي عمر .. بس اي واحد فينا منزل راسو .. وعشان كده ماشفنا بعض💔
محمد: حبيبتي بس ثواني نسيت التلفون في العربيه .. ماشي وجاي ..
انا: طييييب مافي مشكله.
اصلا ماكان عندي نفس للاكل ولا لاي حاجه قاعده وبعاين للصحن وعمر برضو هناك بعاين للصحن .. وناس اسراء واميره ومصطفي بتونسو ..
رفعت راسي وشفت عمر .. وعمر رفع راسو وشااافني ..
عاينا لي بعض في نفس اللحظه .. بعد شهر ونص ماشايفين فيهو بعض ... اتلاقت عيونا و.......

نتقااااابل تاني ياسكرااات 😘😘😘
يدي وجعتني والله 💔😢
اعملي متابعه لي حسابي عشان تصلك باقي الروايه وكل منشوراااتي ..
#بحححححبكم ❤😘
#Sansona

#الوتين_الحلال_19
المطعم في الوقت داك كان مشغل اغنية على بالي .. شيرين .
انا وعمر بقينا نعاين في عيون بعض.. ماقدرنا نحدد الاحساس شنو
شووق ولهفه و غضب وزعل وغيره .. وفي نفس الوقت كان نفسي بس اجري لي عندو واشكي ليهو وابكي لما ارتاح..
نظرات عمر كانت كلها غضب .. اتجاهي .. حسيت كأنو داير يجي يديني كف بس..
عمر طوالي قام سرييييع وجا وقف قدامي .. وانا قمت من الكرسي سرييييع...
عمر... (قااااطعني طوالي ومسك معصمي)
وبصوت عالي مرتاااحه هسي.. !؟ قلبك ده مابحس انتي!؟
اذيتك في شنو انا عشان تعملي فيني كده!؟
ده اخر الزول البريدك بصدق!؟ .. كذبتي علي ليييه!؟
ؤدي علي وانا بسالك!؟
انا الدموع خلاص جرت مني.. وقلت ليهو:عمر فك يدي وجعتني .. والناس قاعديين يعاينو لينا . عمر الله يخليك وطي صوووتك ..
عمر: بصوت عااالي ابيت مابوطيهو .. هامنيك الناس اكتر مني!؟
انتي ليه عديمة الاحساس !؟،،ياخي حراااام عليك انا حبيتك اكتر من روووحي .. عملتي كده ليييه!؟...
)انا هنا خلاااص يدي حمرت وعيوني بقت دم ووجعني قلبي اكتر.. حسيت انو عمر فشى غضبو في يدي وفيني .. وخليتو يتكلم عشان الكاتمو في قلبو كلو يطلع...
) بس المطعم بقي كلو بعاين فينا.. واسراء واميره ومصطفي جو جارييين .. ومصطفي مسكو...
عمر اهدا خلاص الناس .. عمر لزاهو بي يدو.. وكورك وانفعل..
ماتدخل .. ومسك معصمي التاني ..
سندس وردي علي انا بسال فيك.. عملتي كده ليييه!؟
)عيونو كانت كلها غضب ولما حمرت وقلبت لون الدم : وانا كنت بعاين في الارض وبس بقول ليهو..
عمر فكني .. انت وجعتني..
هنا جا داخل محمد وبدون مايسال . اتجه لي عمر وضربو وفكاهو مني..
بقينا بنكورك فيهم وهم بتضاربو .. والناس اتلمو وحجزوهم وطلعونا من المطعم .. او بالأصح طردونا..
طلعنا بره ومصطفي ماسك عمر ... عليك الله خلاص ..
وانا ماسكه محمد وبقول ليهو خلينا نمشي البيت وبترجا فيهو..
وهم مصرين يتشاكلو... محمد فك يدي .. ومشي لي عمر..
ده انت يا واطي ..انت بتدخل في اي شي .. مابس الشارع يعني ..
ولزاهو .. البت دي خطيبتي لو حاولت تقرب منها بقتتتتلك..
عمر فك مصطفي .. ومسك محمد من قميصو..
البت دي قبل ما تكون خطيبتك .. هي حبيبتي انا .. انا اول زول يدخل في قلبها واسالها اذا ما مصدق .. اسالها قدامي .. كنا عاملين علاقه وانا بريدها ولحدي الان بريدها .. فهمت ولا لا..
محمد خلاص الغضب اتملكو .. وادى عمر ضربه في وشو ..
مصطفي جا داخل ومسكهم وهدا محمد وحنسو يمشي ويسوقني .
انا كنت واقفه بعيد ببكي ومعاي اميره .. وبعاين لي عمر ..
جا محمد راجع وبزهج ..
اركبي . انا ركبت ودورنا سرييييع..
عمر قال لي مصطفي: خلاص فكني .. وزحو مني كلكم مافي زول يقرب مني.
وساق العربيه وهوو زهجااااان ..
انا ومحمد في العربيه....
محمد: انتي علاقتك شنو بالولد ده
اناساااكته وببكي وبتخنق ..
محمد : قولي سريييع)بزهج شديد وتعصيب)
انا: كلامو صاح .. اي شي قالو صاح ..
محمد؛: يعني انتي بتحبيو؟؟
انا ساااكته وببكي
محمد: ردي علي ( بزهج وتعصيب)
انا .. محمد انتبه للشارع حنعمل حاااادث كده .. ااااي بحبو ياااخ بحبووو ..
وانفجرت في البكا..
محمد وقف العربيه وخت يدو في راسو. ...
سكتنا مسااافه .. محمد: احكي لي عرفتي كيف؟
انا: طيب حاقول ليك اي ضي .. بس عليك الله ابوي مايعرف بي عمر هو منو علييييك الله .. ..
وبديت احكي وقلت ليهو قصتنا كلهاااااا...
محمد دور العربيه وهو سااااكت .. ووصلني للبيت ونزلت ..
........
اسراء رجعت زهجاااانه وضربت لي هياااام .. وحكت ليها الحصل كلووو
هيام؛: اسراء الموضوع ده زاد عن حدو خلاص .. انتي اذيتيها البت دي شديييييد .. عليك الله بعد ده .. ابعدي منها .. وخليها..
اسراء: ابعد منها!؟
عملت كل ده عشاااان تقولي لي ابعدي هسي .
انا بحب عمر فهمتي😡😡😡
هيام: طيب حتعملي ليها شنو.. هو بحبها هي افهمي بس..
اسراء: حاقتلها ...
هيام: هههههههه بتهظري انتي عشان زهجانه بس..
اسراء: طيب مع السلامه ....
.....
جا اليوم التاني .. وقلبي برجف وخايف علي عمر .. وخايف من محمد وردت فعلووو .. كنت مرعوووبه شديييد ..
ده غير انو كان يوم النتايج ..
مشيت الجامعه اشوووف نتيجتي ومعاي اميره ..
هنا محمد كان بفتش عن عمر .. وحاول يلاقيهو وقدر يعرف اسم الشركه ... وسأل عنو كتييييير ... وقدر يصل ليهو...
اتصل عليهو وقال ليهو دااااير اقابلك ضرووووري ...
انا شفت نتيجتي وفرحت نجاح ونضيفه .. واميره برضو..
بعدو قلنا نقعد .. ونشرب قهوووه ... طلبناها ومشينا نقعد ..
هنا اسراء جات بي ورانا انا واميره الكفتريا وكانت مراقبانا ..
قالت لي بتاع الكفتريا صحباتي طلبو قهوة وينها!؟
قال ليها: رسلوك يعني
قالت ليهو ايوووه .. وحده فيه عندها سكري ودايره اكب ليها السكر ...
بتاع الكفتريا شك فيها اول .. بس بعد اشرت علينا ... اداها الكبايتين ..
كبت في وحده صبغه حجر .. .. واشرت علي .. قالت ليهو..
البت اللابسه فستان اسود ديييك ... اديها الل

ي علي اليمين لانها هي العندها السكري ..
ومشت ..
بتاع الكفتريا رسل الولد وجابو القهوه وانا شربت القهوه الفيها الصبغه ..
وعشره دقايق ما تميت .. صرخت باعلي صوت ولميت ناااس الجامعه ..
وودوني المستشفي سرييييع ..
هناك عمر .. كان مع محمد واتقابلو ..
محمد انا حاتكلم معاك بس لاني بريد سندس من جوا قلبي وبتهمني سعادتها...
انا حامشي لي ابوها وحنفسخ الخطوبه ... وحاقول ليهو .. انا السبب ما سندس.. حاقول اي عذر بس عشان سندس تكون مبسوووطه ..
لانو بتهمني سعادتها اكتر منك . وقبل عشان يمشي ..
عمر وقفو.. قال ليهو : سندس قالت ليك شنو
محمد: قالت انها بتريدك انت ومافي يوم مر عليها ونساك ..
عمر مسك محمد سلم عليهو.. قال ليهو وانا خاتيها في عيوني ..
وشكرا كتير انك قدرت تفهمنا..
محمد. .. ماعملت كده عشانك .. عشان سندس ..
عمر .. انا اسف علي اي شي حصل واي اسلوب عاملتك بيهو ... بس البت دي الهوا البتنفسو في الدنيا دي .. .. لو حصلت ليها حاجه .. ماعارف انا حامشي وييين .. انت ماعارف مكانتها جوه قلبي شنو...
محمد .. المهم انك تسعدها .. نحنا الاتنين بتهمنا سعادتها شدييييد ..
وبتهمنا نشوف ابتسامتها الحلوة ...
واثناء ما هم بتكلمو ... اميره ضربت لي عمر
عمر: رد عليها مبسووووط شديييد ..
اميره: ،عمررررر الحقنا سندس بتموووووت ......

ونتقااااابل تااااني ياسكرااااات 😘😘😘
قربنا للنهايه اصبرو .. وماتضايقو عليكم الله ..
#كل_الحب😘
#Sansona

#الوتين_الحلال_20 #الاخييييييره
عمر ومحمد جو جاريييين المستشفي سريييع .. ولقوني دخلت غرفه العمليات وعملو لي غسيييل معده سريييع ..
ابوي وامي جو جاريييين سريييع كمان لقو ناااس كتااار هناك.. ناس الجامعه وصحباتي وعمر ومحمد ..
وطبعا ابوي مابعرف شكل عمر كييف... طلعت الدكتورة ..
الحمممد لله انقذناها في اخر لحظه كووويس انكم لحقتوها سرييييع ..
بس خلوها ترتاااح جسمها تقيل شويه .. عشان الصبغه كانت قويه..
ابوي وامي كانو ببكو شدييييد.. وعمر لأول مره دموعو تنزل بعد وفاه اهلو💔..
قال لي الدكتورة ممكن ادخل عليك الله .. قالت ليهو طيييب بس ماتطول عشان ترتاح البت ..
دخل لي وقعد في الارض ... ختى راسو في السرير وهو ببكي .. سندس زي ماكنتي بتعانديني عليييك الله قاومي هسي وعاندي الظروف وارجعي لي .. سندس انا مابقدر اعيش من غيرك ..
ولو لي مره اسمعي كلامي .. ماتسيبيني وتغيبي .. علي الاقل اكسبي اجر في اليتيم القدااامك ده ..
انا كنت سااامعاهو بس ماقادره اتكلم ودموعي جرت .. ....
.....
ابوي بره قال لي محمد .. ده منو.. الدخل ده ويدخل ليييه اصلا ..
محمد : ياخال انا دايرك في كلمتين .. تعال ..
(قعد مع ابوي وحكي ليهو القصه كلهااااا من اولها .. وقال ليهو:
بنتك كانت حاتموووت وهي ماسعيده .. فرح قلبها .. ربنا رجعها ليك عشان تسعدها .. عليك الله وافق علي عمر وبراك شفتو بريدها كيييف..
....
هنا هيام جات جاريه لي مصطفي..
مصطفي انا دايره اكلمك بي موضووووع ضروووري ..
مصطفي : مالك يابت في شنو..
هيام : اقعد واسمعني ... وحكت ليهو عمايل اختو من البدايه وانها عملت كده ليييه .. وقالت ليها قالت انها حتقتلها وعشان انا خفت جيت كلمتك ...
مصطفي ركب عربيتو .. وسرييييع جاري يكلم عمر ..
بس دخلت ليهو اميره بي تلفون وهي بتبكي ..
مصطفي: مااالك يابت
اميره: مصطفي سندس كانت دايره تموت .. مصطفي ...... (حكت ليهو الحصل .. كلووو في الجامعه)
مصطفي قفل الخط وهوو مصدووووم شدييييد ..
رجع طوااالي للبيت ونادا اسراء بغضب شديد ...
اسراء جات جاااريه ليهو مالك
مصطفي: اداها كف .. لما وقعت في الارض ..
قال ليها .. الليله حارجعك الامارات تعيشي مع امك ..
اسراء: مصطفي مالك ..
مصطفي كراهااا من يدها وهي بتبكي .. وحبسها في الغرفه ...
.....
عمر طلع من غرفه العمليااات ولقي ابوي منتظرو .. ناداهو ونزلو تحت ..
ابوي: اسمع كلامي ده الحاقولو ليك هسي ده كويس..
سندس دي ماااعندي اغلي منها في الدنيا دي .. تختها جوووه عيونك وتحافظ عليها... اختارتك انت من دووون الناس .. وانا بعد الخوف الخفتو عليها الليله ده ما دايرها تزعل تاااني نهااائي ..
عمر بفرحه قام وسلم علي ابوي في راسو وقعد في الارض جنب رجلينو...
والله يا ابوي مابتك بس .. انت وامي وكلكم جوه عيوني من الليله ولي قدام واوعدك وعد رجااال .. اني احافظ عليها وما ازعلها ولا يووم ..
.....
تاني يوم فتحت عيوني ..
جو داخلين علي اميره وامي وابوي وعمر .. سلامتك ياقمرنا❤
انا ... مخلووووعه .. الله يسلمكم ..
جا قعد جنبي ابوي .. مسك لي يدي وقال لي ..
غاليتي😊.. انا ابتسمت ليهو . وعيوني هنااااك مع عمر ومافاهمه شي ..
ابوي : يابت بتعايني قدامي كمان وبدون خجل .. ههههههه
عمر واقف وبتبسم لي ..
انا:😳😳😳 ابوووي
ابوي: الشاب العاااجبك ده . طلب يدك في المستشفي .. هسي في زول بطلب يد بنت في المستشفي .. وكلهم قعدو يضحكو ..
انا قمت من سريري وصنقرت .. ابوي قلت شنو😳😳
ابوي: يعني ما موافقه عليهو .. نرفضو زي غيرو؟؛
انا: لالالا .. موااافقه شديييد كمان ...
تاااني قعدو يضحكو كلهم فيني ... امي غمزت لي 😉 يابت خلييييك تقيله شووويه الولد يقول علينا شنو...
اميره: ههههههههههه والله ياخالتو عارفها خفيفه
(انا كنت بعاين لي عمر وهو غمز لي😉 وحرك شفايفو في الهوا ..
برييييييدك يااخ .. وانا اتبسم .. قبلت لقيت ابوي بعاين لي بنوزع في النظرات .. طوالي عملت رااايحه)
......
هناك مصطفي كان سفر اختو .. تعيش مع امها .. وكلم امعا بالعملتو كلو...
ضرب لي عمر .. واتلاقو وحكي ليهو الحصل كلووو ...
..........🍀🍂
مر شهر من طلعتي من المستشفي ... وجا اليوم الانتظرناااهو كتييير ...
صباح يوم الجمعه 🌷
عمر ضرب لي الصبااااح ..
عمر : حبيييبي وينك انتي
انا: وييين يعني في الكوفير ياااخ ..الحنه ابت تنشف ياااخ ..
عمر: الصبر حبيييبي .. كل التعب بروحو ليك بعدين 😉
انا: هههههههاي ياظريف انا زاتي بعد الحفله حانوم عند اهلي😆
عمر: انتي هبله يابت.. معرسك ليييه انا ... عامل ليك حفله بي حسين وصاله الاحلام وتجي تقولي لي ماشه انوم مع اهلي ..
انا: حتسجل لي الشركه بي اسمي .. بمشي معاك ..
عمر: ماشركه وحده شركااااتي كلها ليييك
انا: شركاااتك عربباااتك 💃💃 ...
عمر: هههههههههه بالله
انا:ياود ماتشوف شغلتك بي وين .. راجيني شغل .. ماشي وين انت
عمر : ماشي الحلاق ياظريفه .. حاكون ماشي وين يعني😒
.....
جا بالليل والاتنين ج

اهزين لي احلي يوووووم ..
عمر اول مانزلت من السلم والزفه شغاااله ..
اول ماجيتو ووقفنا للاصلو ... وبنرقص .. علي اغنيه ..
ومالو لو ليله رحنا بعيد ...
عمر قال لي:
سبحااان الله الخلقك.. انتي حلوة كده ليييه الليله .. 😍😍
انا: ياخ خلاص ماتخجلني .. بعدين انت ماشاء الله الحلاقه .. خليجي بس ..
عمر: انا بريييييدك شندس😍
انا: عيووون شندس زاااتها بتريدك ...
اميره ومصطفي واقفين يتفرجو ...
اميره ياسلاااام شوفهم حلوين كيف .. مصطفي اي الحمد لله الاتلمو الاتنين ديل وارتحنا خلاص
اميره: ونحنا بتين يا الشاطر ..
مصطفي .. نحنا 😳😳.. اااخ منك ياعمر وقعتنا في جنس دهو..
اميره حمرت ليهو 😡😡 .. اصبر لي لمأ افضي ليك انت ..
.....
وصلنا شقتنا ودخلنا ..
عمر: ادخلي حبييبي ..
اول مادخلنا اتلفت عليهو .. قال لي غمضي عيوووونك ..
غمضتها .. مشي جاب لي هديه كبيره ..
فتحتها لقيت صورت عرسنا .. مكتوب عليها...
(ملأت من حسنها عيني فما نظرت من بعد رؤيتها يوما الى احد )
...
عاينت ليهو جوووه عيونو والاتنين نظراتنا كلها شووووق وحنيه ولهفه لي بعض...
قلت ليهو .. انا عشان اكون مرتك عملت حااااجه بسيطه بس ..
عمر: شنو يامرتي الحلوة
انا: اقمت الليل ودعيت انك تتوفق لي 😍
.. بعدها صلينا سوا وسجدنا وحمدنا ربنا كتييييير وشكرناهو ...
سلم علي في راسي .. وقال لي ... وتيني الحلال 😘
تعاااالي معاي ... ودخل عمر وسندس الغرفه وقفلوا الباااب ...

😏😒😒😒 انتوداخلين وين تاااني 😆
الروايه خلصت😍💌💗💙💚💖💝💜💛 بحمد الله
...
(والريدة الصادقه .. هي البتتوفق لي الحلاااال ..
النيه الصادقه يمكن توقعك في مشاكل ... بس نهايتها دايما لي طريق الخييير..
ومصير اي زول حاسد .. يقع في نار حسدو
وعلى نياتكم ترزقوووون ...
كل ماقويت ايمانك بربك بيكرمك بي عطاياهو .. ورب الخير ..بيرزقك بس باالخير 💌
ووحده علااااام الغيووووب )
لحدي مانتقابل تاني في ساعة خير
#كل_الحب 💙
#Sansona

السلام عليكم أحباائي😻سوف يتم تنزيل رواية👇🏻
#قلبي_في_ورطة
ترقبوووووها😻💋

قلبي في ورطة1

كنت نايمة في غرفتي الساعة أربعة عصر انا بت وحيدة لأمي وأبوي عايش في السعودية ونحنا بنمشي ليه زيارات مرة مرة عشان المدرسة والجامعة وكده .انا عمري 23 سنه ما بقول جميله لكن نوعا ما جميلة الحمدلله كان معروف زمان انه امي جميلة الجميلات في حيهم واهلهم كان مرغوبة شديد من الكل ..للآن ماشاء الله عليها هي أتزوجت ابوي صغيرة ولهسي محافظه علي شبابها ورونقها. ....انا اسمي مرام واتخرجت قبل عده شهور من كليه طب أسنان .شاطرة جدا انا. والله صحي😂 دخلت الجامعة ب 89 طق طرق 😂😂 المووهم بحكم اني وحيدة كنت بحب الصحبة شديد واجتماعية جدا جدا بس كان عندي صديقة عمري القرت معاي من الأساس رؤي😍😍كانت أقرب زول لي في الدنيا مرحة وجميله وعفوية وطيوووبه جدا تحبيها من تشوفيها اول مرة ربنا يحفظها كنت بلقاها في الشدة وفي الفرح 🤗 جات صحتني رؤي بشقاوتها المعتادة قالت لي عندنا عرس في كوستي ولااااازم تتصرفي وتشوفي طريقة تمشي معانا ولا بخليه العرس ده .قلت ليها قولي بسم الله أساسا هو عرس منو😂 جايه طايرة كده قالت عرس عمي ودعم ابوي .قلت ليها اشوف رأي امي وابوي وإن شاء الله نمشي قالت لي خير ..قعدت معاي لبعد المغرب ومشت كلمت امي حسيت بيها ما مقتنعة قالت لي كدي نكلم أبوك اضربي ليه شوفي رأيه شنو. .تاني يوم الصباح وانا طالعة من البيت للشغل (نزلت تريننق في عيادة خاصة ) لاقتني رؤي ماشة شغلها رؤي قرت مختبرات كيمياء وشغاله في شركة في الخرطوم. .العيادة الشغالة فيها انا في الرياض ونحنا ساكنين في الفتيحاب ركبنا سوا للعربي واتونسنا واتشاكلنا كالعادة في دفع القروش 😂😂😂😂 وكل مرة تقول دفعت هي وطالباني🙄😂 قلت ليها امي شكلها ما اقتنعت قالت لي بكلم خالتك رحمة (امها)😂 تقول ليها ارحكي معزومة معانا قلت ليها فكرة كويسة واتفارقنا في العربي وانا ركبت ومشيت العيادة ..العيادة خاصة بس فيها كم دكتور تقريبا فيها 7 دكاترة بس صاحب العيادة هو المشهور (ح احتفظ باسم العيادة 😊) صاحب العيادة راجل كبير في بداية الخمسينات بس معروف انه زول شوية عينه طايرة واستغلالي جدا 😏 كنت حذرة شديد منه في يوم واحد من الدكاترة قال مسافر برا وخلا العيادة كان جا يودع الناس في نفس اليوم وهو نفس الدكتور الكنت معاه في غرفة المرضي😀 بعدها ناداني الدكتور صاحب العيادة اسمه صبري (اسم مؤلف ) وطلب مني اجي معاه عيادته وابقي معاه في الغرفة البستقبل فيها المرضي. رفضت واتخلع😳 قال لي ما لي ماقدر المقام 😣قلت ليه ابدا بس انا اتعودت علي العيادة بتاعت دكتور أحمد (ده الخلا العيادة) وم عندي رغبة اغيرها ومستعدة أكون مع الدكتور الجديد قال لي براحتك يا ستي وطلعت واليوم انتهي الحمدلله خصوصا أنه لمن كنت مع صبري كنت مرعوووووبة😂😂😂 مشيت لقيت امي في الحوش .......يتبع

قلبي في ورطة
حلقة 2
لقيت امي في الحوش وسلمت عليها طبعا امي صحبتي وقريبة لي شديد😍😍 قامت قالت لي رحمة أم رؤي جات وعزمتني للعرس وكلمت ابوكي وقال لو ماشين سوا امشو لو براها لا 😂😂رؤي فعلت خير .حار حار ضربت لأمها وكلمتها هههه قالت لي قالو يوم الجمعة الجاية ح نقعد تلاتة يوم حاولي اخدي إذن من الشغل. قلت ليها إن شاء الله تاني يوم كان يوم تلاتاء مشيت الشغل وكان أول يوم يجي الدكتور الجديد ويااااااااحلاوة الدكتور الجديد طووووول وعرض ونضافة أظن كعب رجله انضف من لساني وشعر يعقد ومعاها نضارة ياااااااخي كده كتير ياخ 😂😂😂 وحواجب مرتبة اكتر من حياتي😂😂😂 ياخي حاجة كده ماشاء الله طوااااالي ضربت لي رؤي قلت ليها تتصرفي تجيني العيادة كيف ما بعرف وقفلت منها ههههه دخلت وياريتني مت دخلت حسيت انه العيادة نضفوها يادوب الليله والريحة طاااقة في الغرفة 😂😂😂 دخلت وانا متحسرة اليوم ده بالذات كنت لابسة لبس عادي والوش اديته فير ومرطب لخشمي بس😂 وانا أساسا عندي نظر ونضارة لكن فريمي كان عاجبني😆😆😅😂 المهم دخلت وسلمت عليه ووريته انه المساعدة بتاعته واسمي مرام وكده قالت لي مرحب بيك وفرصة سعيدة جواي قلت ليه سعيدة انا دي😂😂😂 غايتو كنت منكشحة انكشاح أظن ظاااهر فيني😂 قال لي أنا دكتور سوار محمد اتخرجت قبل 8 سنه وعندي كم عيادة بس ما بحب اشتغل فيهم 😳 جنس خلعة ونان الجابك عيادة تشتغل فيها شنو قال لي دايما بحب اشتغل في عيادات متنوعة عشان اكسب خبرة وكده وأنه هو أساسا وضع أهله ممتاز عشان قدر يعمل كم عيادة وطلع عامل ماجستير ومفكر يعمل الدكتوراه في لندن يا خرااااابي😂😂😂 قلت ليه بالتوفيق إن شاء الله وعرفته بنفسي وبدينا الشغل وطبعا اختكم حبت الشغل جنس حب اول يوم أحس انه الساعات جارية جري مش كل يوم أحس باليوم ممل وطويل 😂 بعد ساعة وشوية رؤي جاتني وفضحتني ودخلت الغرفة مخلوعة قالت لي مرام انتي كويسة وبعداك تنحت😂😂😂 ليه كده يا رؤي ليه كده حبيبتي الراجل يقول علينا شنو هسي😂😂 قلت ليها مافي شي كنت عايزة اقول ليك تعالي افطري معاي والرصيد قبل ما اوضح ليك ابتسمت لي ابتسامة عارفاها انا كويس طلعتها وطلعت وراها وشاكلتها وقالت لي ده شنو الكارثة الجوة ده 😂 حكيت ليها وقلت ليها الزول ده انا لااازم أحبه ههههه شكلي حبيته خلاص قالت لي هوي ارعي بقيدك واتعدلي وركزي في شغلك وسيبي لي الشغل ده انا 😂😂😂 ضحكنا وفعلا مشينا فطرنا وهي مشت شغلها وانا رجعت العيادة بلهفة وشوق دخلت الغرفة ولقيته بتكلم بالتلفون وبياكل في ساندوتش 😋 قعدت وعملت فيها بجهز الشيزلونق وكده احم😂 بعد شوية اتصدمت. .....يتبع

#قلبي_في_ورطة
حلقة 3

اتصدمت انه بقول في التلفون جدا يا حبيبة. 😑معقوووولة عندك حبيبة قطعت حشاي 😂😂 غايتو فقدت الأمل وبعدها اتنونسنا حبة كده وكان في مريض عنده قتل جذور والموضوع طول شوية واتاخرت في العيادة ونحنا طالعين مم العيادة قال لي أنا ممكن اقدمك لو في طريقي قلت ليه مافي داعي تتعب أنا عموما بركب العربي قال لي حلو انا واصل العربي أساسا وشكرته وركبت بعد وصلنا العربي قال لي ساكنة وين قلت ليه بركب أم درمان أي حاجة وبنزل كبري الفتيحاب قال لي قريبة ممكن اوصلك قلت ليه لالا مافي داعي انا بركب وسلمت عليه ومشيت كان نفسي طبعا يوصلني بس قلت مافي داعي للخفة😂😂😂 وياريتيني ما مشيت منه كالعادة زحمة المواصلات 😑😑 وانا واقفة جات عربية بالصدفة وحجز لي واحد جنبه وركبت بعد ركبت اشوف العربية بتاعت سوار عدت بجنبي ومعاه وحدة في العربية😳 احييي يا قلبي في داعي لجنس ده وطبعا خلاص فقدت الأمل تماما 😂وبعد وصلت البيت بدون شعور دخلت لرؤي قبل ما امشي البيت وحكيت ليها وشربنا لينا شاي قالت لي اعملي رايحة وخليكم أصحاب 😂😂تقول بعرفه لي سنين وعشمني😂 المهم لمن حكيت ليها شوية ارتحت ومشيت البيت وعدي يوم الأربعاء والخميس والجمعة بسلام وسافرنا كوستي وكان أيام جمييييبلة واتظبطنا انا ورؤى يوم الحفلة كان يوم السبت وكنت مشترية لي فستان من السعودية من آخر زيارة لمن مشينا لي ابوي وما حصل لبسته وفستان رهييييييب😍 لونه طوبي وانا جسمي شوية منسق ومع الفستان اتظبط علي رؤي ساقتني معاها وبقت تسلم علي أهلها فجأه شفت موية بوزعو فيها وخليت رؤى ومشيت اشيل كنت عطشانة😂 فجأه طقشني واحد كده حلاته عنده سكسوووكه عجييييبة😍 وضربني بيده في كتفي وسخنت معاي كوركت فيه وقلت ليه أعمي انت قال لي أنا برضو أعمى 😏 انتي ما تمشي براحة اتناقرنا مع بعض مسافة كده وجات رؤي قالت بطووول حسها رااااامي والله ليك وحشة وينك انت ياخ بفتش ليك قالت ليه بتعرف البت دي من وين سلمو علي بعض سلام حار وقال ليها انتي بتعرفيها الشكالة دي 😂😂 قالت ليه دي روحي ياخ وعرفتنا ببعض قال ليها انا زاتي قلت دي ما من أهلها مستحيل وبقو يضحكو😂😂😂 انا اتغظت ومشيت من جنبهم رؤي لحقتني قالت لي مالك انا بهظر يا مرام قلت ليها سخيفة 😂 قالت لي ده رامي ود خالتي مهندس كهرباء واتذكرت كان بتحكي لي عن أهلها الفي كوستي اسم رامي ما غريب علي المهم مشينا رقصنا وهو جا جنبنا قال لي خلي روحك رياضية وانبسطي ابتسمت ليه ابتسامة سخرية كده😂😂 وكنت شاماه شايف روحه وبتكلم كيف كيف😏 نفس اليوم بعد الحفلة لمن رجعنا بيت المناسبة لقيناه ملان ومافي حته ننوم فيها امي بس لقت سرير ورقدت فيه😂😂 مشينا بيت الجيران ونحنا راقدين بنتونس فجأه قالت لي ده بيت خالتي عواطف أم رامي قلت ليها يا لطيف صراحة ود خالتك ده شايف روحه قالت لي بالعكس والله ظريف بس لسه ما عرفتيه قلت ليها ولا دايرة أعرفه زاتو فجأه تلفوني ضرب ......يتبع

#قلبي_في_ورطة
حلقة 4
لقيت الرقم الضارب لي غريب وما بعرفه رديت قال لي الو مرام ازيك معاك دكتور سوار بلاي تقول ضربتني كهرباء😂😂😂 مرحب مرحب بيك دكتور كيف احوالك قال لي متاسف جدا اني ضربت في وقت زي ده بس والله انتبهت للزمن بعد ما دخل كم جرس وقلت احسن تردي واوريك والله متاسف قلت ليه ولا يهمك انا صاحيه والرقم غريب واستغربت عشان كده اصريت ارد😂😂😂 قال لي معليش بس اليوم فقدتك ما تكوني عيانة ولا كده قلت ليه ابدا والله بس سافرت امبارح كوستي عندنا مناسبة ونسيت اكلمك معليش بس لاني استاذنت من صبري عشان كده ما اتذكرت الموضوع قال لي ولايهمك وكان كده خلاص ربنا يرجعك بالسلامة إن شاء الله وتصبحي علي خير قلت ليه الله يسلمك بس جبت رقمي من وين قال لي شلته من بتاعت الاستقبال ايوااا تمام تسلم كتير علي السؤال ولو ما قال مع السلامة اظني كان سألته منو أكانت معاك دي😂😂😂 لكن تقلت شوية الحمدلله رؤي قالت لي انسي أنسي يختي😂 كنا مفكرين ننوم كانت الساعه 2 وشوية جا داخل رامي😏😏😏 قال لينا وانا اقول بيتنا مضلم مالو ما رديت ورؤى قالت ليه انت لاقي قال لي ازيك يا هناية قلت ليه هناااية؟ ؟ ؟ ؟ اسمي مرام بقي يضحك قال لي عليك الله بالجد اسمك مرام تشرفنا قلت لي رؤي اطفي النور ولا بقوم امشي قال لي انتي مالك يا بت حمقاء كده وقالها بنرفزة وانا نرفزته ضايقتني وقربت ابكي قلت ليه لو سمحت ما تتكلم معاي كده بأي صفه انت بتتكلم معاي بالأسلوب ده قال لي وانتي بياتو صفه بايته في بيتنا بقيت ابكي وطلعت من البيت و رؤي لحقتني وابيت ارجع ومشت واتشاكلت معاه وشاكلها وجاتني قالت لي يا ترجعي معاي يا ما بنوم قلت ليها كيف يعني ارجع بعد كلامه كده قالت لي ده مابيته ده بيت خالتي وكيتا ليه ارحكي وردي ليه ما تخليك عبيطة فعلا مشيت معاه وكنت جاهزة بالرد بعد دخلنا قال لي جيتي تاني قلت ليه ااي جيت وبجي وقت ما عايزة وانا جيت هنا بعد استاذنت من صاحب البيت ودخلت وهو بقي يضحك ونمنا والصباح مشينا اشتغلنا في بيت المناسبة شوية ولملمنا معاهم ولاقيت زفت رامي ده كم مرة ويتبسم كل مرة وانا ما فاضل إلا اضربو امي قالت لي بعد كده نرجع قلت ليها مش مفروض بكرة قالت لي ااي لكن أفضل نمشي الليله ورحمة وافقت وفعلا بالمساء رجعنا وصلنا زي 1 صباحا تقريبا تاني يوم الصباح القومه غلبتني وقلت اصلا انا مستاذنة يومين وكلمت نومي وصحيت مع وقت الفطور وفطرنا انا وأمي بعد الفطور جاتني رؤي عينها واقعة قالت لي تعبانه ياخ 😂 قلت ليها شكلك ما نمتي كويس قالت لي ااي صحيت بدري وما قدرت انوم تاني قالت لي رأيك شنو نمشي البحر العصر عايزة احكي ليك موضوع قلت ليها خير قالت لي نتمشي ونمشي مزن بيتش اتفقنا وفعلا العصر لبست ومشيت ليها وطلعنا وفي الطريق قالت لي في زول في الشغل متلحني ونا عارفة اعمل شنو وأنه هو زول كويس لكن مترددة قلت ليها هو كلامه شنو قالت لي قال لي لو اديتيني نور أخضر بس بتقدم ليك طوالي (طبعا رؤي يتيمه أب من صغيرة) ومفكرة اصارح امي قلت ليها كدي استخيري اول قالت لي عايزاك بكرة تلاقيه وتشوفيه عشان كده تعالي لي الشركة واتصرفي قلت ليها بحاول دخلنا مزن واشوف لي عربية سوار الماااابتغباني اجي ده شنو الجابو هنا واتاكدت من نمرة العربية طبعا زولتكم حتى النمرة حفظتها😂 بعد شوية اشوفو هو زاااااتو وشايل طفلة وفتح شال من العربية حاجة وشافني. ......يتبع

حرسلهااا كاااااملة ان شاء الله😻❤️عشااان خااااطركم😻لكن حنواااصل بعد الصلاااة ان شاء الله😻💋