رواية (( أحداث حياتنا ))
بقلم :- ✍إيثار إيهاب

الجزء الخامس

سامية : أشكرك ياااارب😍
أمجد : الحمدلله❤️


(رجعو البيت❤️ أمجد مدلع سامية آخر دلع... ماف شغل بس راحة❤️😍 ... سامية تمت تلاتة شهور❤️و خديجة بقى عمرها سنة و تلاتة شهور❤️...خديجة بقت تتكلم انجليزي😂❤️المشكلة انها بتتكلم بالإنجليزي بس☹️❤️حتى لو اتكلمو معاها بالعربي بترد بالانجليزي😍😂❤️(عسل❤️)

في يوم من الأيام😻👇

سامية : يا خديجة🤔
خديجة : Yup mum do you spending with me?
سامية : أيوة تعالي😌
خديجة : ok mum😌❤️
(خديجة جات لسامية)
خديجة : Yes mum
سامية : تعالي احكي ليك قصة❤️
خديجة : Yeeeeeeees mum i love stories😻😻😻😻😻😻😻😻😻😻😻😻
(بدأت سامية في قول القصة👇)
سامية : كان يا مكان في قديم الزمان .... كانت في أميرة جميلة جدا اسمها كارمن😍
خديجة : wow ... continue mum
سامية : و كان عندها خمس سنين بس😍و كان عندها شعر طويييييل جدا❤️
خديجة : look like me😻
سامية : هههههههههه أيوة
خديجة : coooooooool
سامية : و كانت بتحب كل الناس و كل الناس بحبوها😍
خديجة : How sweet!
سامية : في يوم من الأيام و هي جاية من المدرسة في سيارتها الخاصة لقت ليها مرأة عجوز شايلة ليها حاجات كتييييرة و تعبانة😰قامت نادتها و قالت ليها اركبي في العربية و انا بوصلك😍❤️قامت المرأة العجوز ركبت معاها... و كانت فرحانة شديييد عشان حتساعدها😃.... و العجوز فرحانة برضو عشان لقت ليها زول يساعدها😍❤️و مضت الأيام و حب الاميرة للناس ما اتغير و كانت كل الدولة بتعرفها و بتحبها و بتتمنى ليها الخير .... النهاية😊❤️
خديجة : mum?
سامية : نعم!
خديجة : لي حكيتي لي القصة دي why mammy?
سامية : عشان تقتدي بالاميرة دي حبيبتي😊
خديجة : ok
(خديجة بتتكلم بس كلامها بطئ جدا😂❤️)
سامية : تعالي عشان تنومي😐
خديجة : بس ااانا ماا عااايزة☹️انا دايرة اتوف التلفيديون(أشوف التلفزيون)!
سامية : طيب أمشي😂
مالك(جاء داخل عليهم و هو ماسك ليهو صحن للكلب حقو😮) ماما؟
سامية : نعم!
مالك : وين بوبي☹️💔؟
سامية : أسأل أمجد لمن يجي!
مالك : بوبي دا احلى كلب❤️
سامية : خلاص خلاص😏
مالك : طيب وين الببغاء حقتي☹️
سامية : الحاجات دي كلها عند ابوك😅
مالك : كيف يعني؟
سامية : عند " جون " صاحبو!
مالك : قولي والله😍❤️
سامية : ههههههههههه
مالك : شكرا ليك يا ماما😊❤️
سامية : عفوا يا ابني الغالي❤️
مالك : يا ماما؟
سامية : عيووووون ماما😐
مالك : انتي حتجيبي لي ولد صاااااح😍
سامية : امممممممممممم ان شاء الله😊❤️
(مالك نزل تحت لعب بالبلاي ستيشن❤️و منية كانت بتسرح في شعرها😍و خديجة بتتابع في برنامجها المفضل (اكييييييييد في اسبيستون😂❤️لنا أيام في اسبيستون😂❤️)جاء الليل و أمجد جاء من الشغل❤️و كلهم اجتمعو على الصفرة❤️و كان فيها كل ما لذ و طاب😋❤️

#حصـريا_ولأولِ_مــره😍❤️
#الروايـــ❤️ــه_الجـديده
#مدافــــن_الألـــم😔💔
فقــط علــي قنــاة
#زولـــه_مـرحه
للمتــابعه😍:-
╔▧▧▧▧▧╗
ادخــل هنـــا↯↯↯🔥🔥
@zooolamarihaa

رواية (( أحداث حياتنا ))
بقلم :- ✍🏻إيثار إيهاب
الجزء السادس

أمجد : تسلم يدك يا سوسو❤
سامية : 😏
مالك : الله يعطيك العافية يا احلى أم في الدنيا (انا بعد مرات بقول لأمي انتي احلى أم في الدنيا بس مرة تعبرني و مرة لا ... لي كدا يا نبع الحنان😂💔)
سامية : 😍😍😍
منية : مامي😍❤
سامية : عيووووووون مااامي❤😍
منية : تسلمي لي و يسلم لي اخوي و أختي القادمين😍❤(البت دي عمرها خمس سنين بس فصيحة😂❤)
سامية : هههههههههههه الله يسلمك❤يلا أبدو عشان الأكل ما يبرد☺(و بدأو في الأكل ... ضررررب صاااح😂و لكن ما عزموني😕💔هههههههههه)


(خديجة وقفت عشان تلم الصفرة😊قام أمجد و الاولاد لموها😂و هي بقت واقفة تقول ليهم👇🏻)

سامية : بلمها انا😮طيب انتظرو أساعدكم يا جماعة اسمعوني☹يا أمجد😕
أمجد : عايزة حاجة😏
سامية : عايزة أساعدكم😊
أمجد : ارتاحي حبيبتي😘
سامية : طيب😍(و مشت غرفتها ... خديجة كانت عايزة تمشي معاها خديجة بس أمجد شاالها😂❤)


(سامية رقدت في سريرها و فتحت التلفزيون و بقت تقلب في القنوات😍لحدي ما لقت ليها برنامج تغذية و كانت الحلقة مخصصة للحوامل❤(تحية لكل حامل بتقرأ في الراوية😂❤)بقت مستمعة ليها و كانت من ضمن الحلقة👇🏻

مقدمة البرنامج : السلام عليكم أعزائي اليوم حلقتنا عن الحوامل و عن تغذيتهم كونو متابعين معايا😊❤(جابو ليهم عديد من الأكلات المفيدة للحامل و كدا)
سامية طلعت من غرفتها و نزلت تحت لقت أمجد و الاولاد مافيشين😳بقت تنادي فيهم واحد واحد برضو ماف رد! ... بقت تفتش في الغرف ... دخلت غرفة منية لقتهم كلهم هناك و منية و مالك راقدين حول أبوهم و خديجة فوقو😂❤... هي بقت تعاين ليهم بنظرة فرح و أمل و هم مستغربين فيها ... قام أمجد واصل كلامو مع اولادو❤و سامية قعدت في السرير المقابل للسرير ألهم راقدين فيهو❤ و بقت تستمع لكلام أمجد😍👇🏻

أمجد : انتو عارفين معنى الكرم؟
مالك :ايوة يا بابا معناهو إنك ما تبخل بالحاجة العندك❤
منية : معناهو إذا سألك زول من حاجة تديها ليهو😌
خديجة : ummmm(...😂...)
امجد : كلامكم صااح❤بس انا عندي إضافات على كلامكم... الكرم ما إلا في القروش ممكن يكون بالكلمة الطيبة😍انك ما تبخل على زول بالكلمة الطيبة❤
سامية : 😻😻بالضبط كدا😻😻
أمجد : طيب الحب دا معناهو شنو؟
سامية : معناهو إنك تفضل زول على الف زول ... و تكون دايما سعيد بوجودو و جنبو و معاهو☺❤
أمجد : و يكون الزول دا ممكن يسد مكان الجميع في قلبك❤
مالك : و تكون بتعتني بالزول دا😌... بس انتو اسي ما بتعرفو فيهو!
أمجد :طيب الحب دا شعور ما ممكن نتحكم فيهو! مكانو القلب...❤...
مالك : اوووووووووووه😉❤
أمجد : ههههههههههههه😉❤
منية : ❤
أمجد : يلا يا اولاد امشو نومو😌
منية : انا امشي وين يا بابا دي غرفتي؟!؟
أمجد : هههههههه اااي صااح ... طيب طالعين😕
مالك : تصبحو على خير (و مشى دخل غرفتو و لعب شوية على التاب حقة و بعدها نام)

(سامية و أمجد طلعو من غرفة منية بعد ما قصو ليها قصة ... رجعت سامية تاني لانها نست خديجة😂❤خديجة نايمة❤😍❤)

أمجد : سامية👀
سامية : نعم😊
أمجد : الحمل متعبك؟!
سامية : شوية بس😐
أمجد : الله يقومك بالسلامة يا عمري❤😍

رواية (( أحداث حياتنا ))
بقلم :- ✍🏻إيثار إيهاب
الجزء السابع و الأخير

بعد سبعة شهور😊👇🏻
في غرفة العمليات😍👇🏻

سامية : (بتصرخ و بتتألم و كانت الولادة عسيرة بس ولدت بالسلامة😍❤و جابت ليها ولد و بنت❤و كانو البيبيهات حلوووووووووووووووووووين شديد❤😍و سموهم مازن و مزنة❤و كانت خديجة أكبر منهم بسنتين بس❤بس كانت بتحبهم شدييييييييييد😌❤)


(مرت الأيام و مرت السنين و خديجة اسي عندها 18 سنة .... بنت زي الملاك جميييييييل جمال ما طبيعي😉❤و كل الناس في لندن بحبوها و في يوم سألت خديجة سامية عن أمها و أبوها الحقيقين😮👇🏻)

خديجة : ماما ممكن تكلميني عن أمي و أبوي😃
سامية : طيب حبيبة ... أمك و ابوك كانو بحبو بعض شدييييييد❤و كانو بحبوك شدييييد❤لأنك انتي فرحتهم في الحياة😊
خديجة : 😭😭😭❤و انا كمان بحبهم
سامية : تعالي حبيبتي...❤... (خديجة حضنت سامية) ما تبكي حبيبتي انتي ما وحيدة كلنا معاك❤انتي لمن دخلتي حياتنا ... حياتنا بقت حلووووة❤دخلتي لينا الفرحة في نفوسنا❤😍بحبك يا جوجو(طبعا دلعها جوجو😂❤)
خديجة (مسحت دموعها) : أنا كمان بحبكم يا ماما😍❤
مازن : لي قاعدة تبكي يا جوجو؟
خديجة : ماف حاجة يا حبيبي❤😍تعال (حضنتو و قالت ليهو بحبك يا احلى اخ❤)
مازن : و انا بعشقك يا عمري😍
(جات مزنة داخلة عليهم)
مزنة : يا جماعة احضنوني معاكم😕
خديجة و مازن : تعالي😊❤(حضنوها معاهم❤)
مزنة : يلا يا جماعة منية ولادتها بعد تلاتة أسابيع😍❤و ما مصدقة حأبقى خالة❤
مازن : زوجة مالك ولادتها بعد اسبوعين❤😍
(منية اتزوجت قبل عشرة شهور و مالك أتزوج قبل سنتين عندو ولد اسمو محمد و زوجتو حامل❤)

بعد مرور أسبوعين كانت كل العائلة مجتمعة في المستشفى و الحمدلله هاجر" زوجة مالك " جابت بنت❤بنتها بتشبه سامية😍و حلوووووة حل اى مبااااالغة❤ سموها ملاذ❤ و بعد أسبوع من ولادة هاجر.... جاء دور منية❤منية جابت ولد سمتو منذر (زوج منية اسمو " John " هههههه خواجة😂❤)
العائلة كلها مجتمعة في يوم ... (بعد مرور شهرين من ولادة منية❤)
هاجر : يا جماعة انا عايزة اقول ليكم حاجة
أمجد : اتفضلي
مالك : اتفضلي❤
هاجر : محمد اخوي عايز خديجة😊
خديجة : بس يا هاااااجر😳
هاجر : رأيكم شنو؟!
أمجد : خديجة رأيك شنو؟!
(بقت كل العائلة تعاين لخديجة😂)
خديجة : بس أنا ما خلصت الجامعة😐
هاجر : بتكمليها معاهو😍
(خديجة خجلت و سكتت🙈)
هاجر : السكوت علامة الرضى❤😍
(اتملئ البيت بالزغاريد😍❤)
هاجر : قال حيجي الأسبوع الجاي عشان يخطب❤
أمجد : شرفنا❤
سامية : الف مبرووووووووك يا خديجة❤(( و بدأت التبريكات ))

بعد أسبوع👇🏻
(جاء العريس محمد و كانت معاهو اسرتو و تمت الخطوبة ...محمد عجبتو خديجة شدييييييييد...❤... تم تحديد موعد الزواج بعد تلاتة شهور ... و تم الزواج و كان حلووو شدييييد❤😍و كانو كل الناس فرحانين ... محمد طااااااااير من الفرح و خديجة فرحانة بس ما شديييد😕)
محمد : مالك حبيبتي؟!
خديجة : كنت بتمنى أمي و أبوي يحضرو يوم زواجي😭
محمد : انا بعوضك حبيبتي❤
خديجة : بتسد مكان أمي و أبوي؟
محمد : اكييييييييد لا .... بس قدر ما أقدر بحاول😊
خديجة : تسلم لي يا محمد🙈
محمد : يسلمك الله لقلبي❤
خديجة : 😍❤
(تم الزفاف و خديجة كملت جامعتها و بعد عام👇🏻)
رزقت خديجة ببنت❤و سموها سمية😍و كانت نسخة من أمها❤و كانت خديجة دايما سعيدة بأسرتها و اسرتها سعيدة بيها😍❤

(العبرة :- لمن تعمل معروف لزول تأكد انو ما حينساهو❤)

((😍❤النهااااية😍❤))

اتمنى تعجبكم أحبتي و ماتنسو توروني رأيكم فيها و دمتم سالمين و ربنا يعطيكم العافية مع تحياتي إيثار إيهاب😍❤

أعطيني أسماء روايات تريد مني أن انزلها لكم في القناة ... الطلب من هنا @Ethora

😻أعزائي أرحب بكم على قناتكم😻👇
📚روايات📚
💋واتمنى لكم متابعة شييييييقة و ممتعة💋
هذا هو فهرس القناة😻👇
#سندي
#حلالي
#رواية_أميرتي
#البت_العملاقة
#خلقت_من_ضلعهه
#القطة_السوداء
#عيادة_الدكتور
#رواية_خلود
#البت_العملاقة
#أحداث_حياتنا
#إني_مغلوب
قريبا😻😻😻😻💋👇🏻
#الوتين_الحلال

سوف يتم نشر أول جزء من رواية الوتين الحلال😊❤️

الوتين الحلال ❤

#الوتين_الحلال_1
نزلنا للسمستر الجديد .. انا وصحباتي فاطمة و ريان و اميرة ..
اميرة : سندس تعالي .. ماشين نفطر نحنا جعانين شديد 😡 ماوقت حوامتك هسي .. تعالي ياخ😡
انا: دقيقه .. بس ماشه المكتب .. دايره اشوف المهندسين الجداد جابو مشاريعهم .. خلوني اكشف ياخ للبيوت الصغار😡
اميرة: ياخ انقلعي حنفوووتك بس
انا:مشيت ولما وصلت لقيت المكتب مقفول ..
عاينت بالشباك لقيت المهندسين مجتمعين مع رئيس القسم ..
وكان في مهندس تقنية معلومات 😍 واقف بشرح للباقين ..
اتلبدت براحه عشان اقدر اشوف من الشباك فوق😆 .. زول وسيم وملامحو فتانه واسمر وكحيل وطويل❤❤❤ وجسمو رياضي .. وشيك شدييييد 😍😍 .. وصوتو حلو كمان😍😍
قعدت اعاين ليهو وهو بشرح ونسيت نفسي ونسيت الفطور زاتو😆 وقام رئيس القسم قاطعو .. قال ليهو:
عمر بخطتك دي محتاجين اجهزة كتيرة .. الشركة بتقدر توفرها للطلاب ؟
انا : اسمو عمر😍😍❤❤❤
عمر رد ليهو اي بنقدر نوفرها اذا الله اراد 😃..
وواصل شرحو .. وانا يدي بدت تلين واتزلقت من الشباك 😏
وعملت صوت .. الليله خلاااص سجمممي حيقتولني لو شافوني😔
عميد الجامعه .. دي شنو الجوطه البره دي ؟
عمر لمحني من الشباك واقعه وماقدرت اقوم💔
قال للعميد: لالا مافي حاجه .. نحنا زاتنا خلصنا شرح باقي التنفيذ بس
وطلعو كلهم من المكتب .. وانا قبل ما يطلعو جريت واتدسيت ورا الحيطه ..
ولما مشو .. جيت راجعه 😆
لقيت عمر في وشي😍😍 .. قلبي لما وقف❤💘..
قلت في سري لازم امشي سرييع والا حيسألني الجابك شنو وكنتي بتعملي في شنو؟!
وكل ما اجي ماشه هو بمشي في نفس اتجاهي 😳
قلت ليهو: لو سمحت ممكن تزح لي عشان امر من هنا 😒
قال لي: بعد اعرف كنتي بتعملي في شنو ؟
قلت ليهو: ما كنت بعمل في شي .. اصلا كنت ماره من هنا ووقفت بس شويه وانت عاينت لي .. قايلني بعاين ليكم كنت😆
عمر ضحك وابتسم لي 😄 وفتح الشارع عشان امر ... وانا جيت ماره ..
قال لي : لوسمحتي
انا قلت "قال لوسمحتي😍😍 ديل بيجو من وييين 😍😍.. خلقه واخلاق 😍❤،،
قبلت عليهو وعامله فيها متغايظه منو😼 وببرود قلت ليهو نعم
قال لي: بالمناسبه التراب بتاع الحيطه فوق في طرحتك .. عشان كنتي واقفه كتير في الشباك😉
انا 😳😳 احححي ياسندس .. في داعي للكذب اها اتفضحتي👊 مبسوطه هسي يعني ياهبله ياعبيطه 👊
وبقيت بتكلم تحت تحت .. انا عبيطه انا هبله 👊
عمر كان منزل راسو عشان يسمعني بقول في شنو 😳
رفعت راسي لقيتو بسمع فيني بشاكل في روحي😤 . قال لي : هههههههههههههههههه
انا اتغظت من ضحكتو وقلت ليهو ماااالك بتضحك فيني😒
وفجأة قاطعتنا بت سمممحه شديد ومعتنيه بي روحها وانيقه ..
قالت ليهو : عمررر ياخ ما بتتصل وتقول اكلم اسراء اني جيت الجامعه
عمر : معليش ياسرو والله اتلخمت وماقايلك شغاله الليله
انا لقيت فرصتي وزغت طواااالي
عمر كورك لي سريع وبنادي يابت يا بت ..
اسراء:عمر دي منو
عمر :ضحك شويه و قال ليها ...

الله أكبر الله أكبر الله اكبر لا إله إلا الله و الله أكبر الله أكبر ولله الحمد😻
كل عام و أنتم بخير و دمتم سالمين و ربنا يحقق الأماني😍❤️
#Ethora

السلام عليكم ... سوف يتم تنزيل الجزء الثاني من رواية الوتين الحلال ترقبووها

#الوتين_الحلال_2
عمر قال لي اسراء دي بت مجنونه ياخ ضحكتني 😂😂 شكلها شقيه وشليقه شديد 😂 .. اسراء قاطعت عمر : ماعلينا خلينا منها .. ممكن اشوف المشروع ..
عمر:طبعا سرو اتفضلي 😄 .. وبقى بعاين للطريق المشيت فيهو انا وانا وقتها اختفيت ...
مر اسبوع والشركة بتاعت ناس عمر اسمها القيصر للإستيراد والتصدير وكانت لازم تجي للجامعه وتنزل الاجهزة للطلاب الجداد ..
انا كنت قاعده مع صحباتي وجاتني اميره من بعيد سندس سندس ..
عندي ليك شمااار عجيييب 😉 بتديني كم ..
انا : اميره ياخ زحي من وشي هسي براي زهجانه من الحر ده😏 ماناقصاك كمان ..
في واحد كسااار سالني منك هسسي قال عجبتيهو 😍
انا قمت قاطعتها بزعل كده .. ياخ ما يسألني ولا اي حاجه انا .. خليني مع عمر الراح ده وما لاقياهو😪
وكلهم اتلمو في راسي اميره وزينب وفاطمة .. عمر منووو احكي سريييع😍😍😍 ..
قلت ليهم : شمشارات من يومكم وقعدت احكي ليهم الحصل اليوم داك ..
بعد خلصت الحكايه.. سمعت صوت زول قرييب لي عمر .. بقول ليهم نزلو الاجهزة براحه عشان ماتخسر ولاتتكسر.. اتلفت عشان اشوف منو البتكلم 😳😳😳 لقيتو عمر 😳😳..
شههههههههقت شهههقه كبيييره ( هييييييق 😳) الليله حيكون سمعني .. . صحباتي اتخلعو قالو لي مالك .. اشرت ليهم على عمر .. عاينو ليهو واتكسرو فيهو كمان😍😍 .. عمر اتلفت وهو بتكلم بالتلفون لقاني خاته يدي في خشمي .. ومخلوعه .. بقى بعاين لي شدييييد كده عشان يقدر يعرفني .. قمت اتلفت سريييع وجريييت .. طلعو وركبو الاجهزة .. وتاني اتشااالقت ومشيت جنب عربيتو عشان اعرف اسم الشركة بتاعتو .. لقيتها القيصر 😍😍 الاسم البحبو .. بقيت المس في العربيه واهبش الاسم وارسل ليهو بوسه في الهواء للعربيه 😘 واتصور براي مع العربيه .. كنت قايله المكان فاضي لانهم مشو يركبو الاجهزة ... بس ظهر لي عمر فجأة وانا كنت بتصور مع اسم الشركه 😂..
شههههقت طوااالي (هييييق😳) انت جيت بتين
قال لي : من لما كنتي بتتصوري مع الاسم وبتعملي في حاجات غريبه ..
بعدين انتي اصلا كده بتحبي تتكلمي براك ولا كيف😂..
قلت ليهو : معليش مامفروض اعمل كده انا اسفه .. وجريت طوالي لاني اتحرجت ...
وتاني ناداني يابت اقيفي .. يابت .. بس انا ما وقفت ..
جا اليوم التاني وطردوني من المحاضره عشان مامسجله 😏 .. طلعت وقعدت في الارض تحت شجره في الجامعه والمكان كان فاااضي ..
وشغلت اغنيه ياااي سحر عيونو ونظرااتو 😍😍 وبالجد كنت بتخيل في عمر لانو سحرني من اول مره ... وطبعا اندفعت ورا الغنيه وبقيت العلع بصووتي ونشاااذ شديييد اقسم بالله 😂 ..
وانا مندمجه جا عمر وقعد في الارض جنبي وبقى بعاين لي .. وانا ده كلو ما منتبهه ليهو لاني كنت مركبه السماعات ومغمضه عيوني ..
بس فتحتها القى عمر قاعد وبضحك فيني ..
انا اتخلعت شدييييد 😳😳 .. قبل ما اتكلم قال لي
غريبة الاطواار مالك قاعده براك ؟
انا كنت دايره اقوم سريع بس وقفني وقال لي ماحتقومي والليله مت حتهربي مني ..
اسمك منو انتي؟
انا قلت في سري(سندس باعبيطه اوووعك تتهابلي وقولي ليهو اسمك واتعرفي ماحتخسري شي)
قلت ليهو: اسمي سندس
مد لي يدو قال لي انا عمر
سلمت عليهو وكانت اول مره اسلم فيها حسيت بشعور غريب اتجاهو رغم اني مابعرفو..
قال لي :مالك زهجانه شكلك
قلت ليهوو: طردوني وهسي قاعده براي كنت قبل ماتجي انت😒
قال لي : قاعده براااك .. ولا كنتي بتتمرني على صووتك يافناانه😜
انا شميتو شديييد .. وقلت ليهو ما عندك دخل انت قاعد معاي ليه اصلا
قا لي : ع فكره انا شفتك لما طلعتي من القاعه زهجانه ومشيت اشتريت ليك سنيكرز عشان ما تصري تاني .. بس فتشت الجامعه كلها ما تخيلتك قاعده في الشجره دي
وطلع الشوكلاته واداني ليها
انا: شكرا ليك .. بس مابقدر اشيلها..كنت عامله تقيله .. ونفسي دخلت فيها 😔 بس قلت ما اتخافف ..
قام عمر ختاها لي فوق شنطتي وقام على حيلو وقال لي .. اتشرفنا سندوووسه 😉 لي قدام 😉..وسلام .. ومشى طوالي
بعد مشى .. قمت سريييع شلت الشوكلاته واكلتها .. وجيت اقوم ..
لقيت تحتها في ورقه مكتوب عليها .. ابتسامتك حلوووة شديد ..
الأصليه لكن ما المجامله 😉 ..
انا اتبسمت برااي وقعدت اضحك واتبسطت شديييد من حركتو دي ويمكن قلبي قال شححح❤..
عدى يومين وتاني ماشفتو .. ولسه محتفظه بالورقه وورقة الشوكلاته زاتها😂 كل دقيقه اطلعها واتبسم برااي وادخلها تاني ..
لحدي ما جا يوم الخميس .. كان دكتور محمد مرسلني للمعمل بتاعنا جوه الجامعه .. وانا ماشه للمعمل لمحت عمر متكل على البنش ومغمض عيونو ..
اتشااالقت تاااني ومشيت وقربت منو ولما وصلتو .. قعدت اتنح في عيونو وفي ملامحو واقول سبحاااان الله 😍
سمممح كده ليييه الزول ده 😍😍 .. واتخيلت طبعا اني عرستو وجبنا اولاد شبهو 😂 دا كلو وانا واقفه بعاين ليهو.. ما اتوقعت في يوم خيالي ده يبقى واقع ❤
ونسيت انو الدكتور مرسلني .. وجريت ليك الكرسي وقعدت ابحلق 😍😍 .. فجأة فتح عيونو ..😳😳
وانا جيت اقوم من الكرسي سرييع كنت

دايره اقع ..
سبتني بي يدو ووقفني .. وانا ساكته ما عارفه اقول شنو 😳
ابتسم لي .. قال لي كيفك ؟
انا استغربت انو ماسألني انا كنت بعمل في شنو وقلت ليهو: الحمد لله ..
قال لي : وانا كويس الحمد لله
قلت ليهو عن اذنك انا مرسلني ولازم امشي سريييع
جيت امشي .. جا وقف قدامي
قال لي : انا جيت الجامعه عشان اشوفك .. وهسي كنت بسمع في غنيتك
انا اتخلعت شديد😳😳😳..
تشوفني ليييه !؟
قال لي: اسمعينيي ياسندس...

اعملي لي متابعه لي حسابي عشان تصلك باقي القصة وكل منشوراتي
ونتقابل 😘😘

#الوتين_الحلال_3
وقفت وعاينت ليهو .. قال لي: انا داير اتعرف عليك اكتر.. طوالي باستعجال رديت ليهو: مابقدر اديك رقمي والله .. لاني كنت خااايفه شدييد .. زول كده ماشاء الله سمح وود ناس ووضعو فوق شديد وصاحب اكبر شركة ... اكيد داير يتسلى بي بس😔 .. احسن تختصري الموضوع ياسندس .. وبقيت اقول تحت تحت كده ..(لااا لااا لااا اوووعك ياسندس لااا ) عمر كان منزل راسو وبسمع فيني وبضحك .. رفعت راسي قلت ليهو مابقدر اديك رقمي ..
شال تلفوني من يدي وكتب رقمو وقال لي لو احتجتي لي اي حاجه انا موجود ... ومشى ..
جا االيل .. وانا اتحااااوم من سرير لي سرير ومن ركن لي ركن .. ادق ولا ما ادق ادق ولا ماادق .. والشفقه قاتلااااني شدييييد ..
خلاص ياسندس بسم الله قولي ودقي .. دقيت على رقمو ومارد ..
جيت انوم خلاص ... التلفون رن .. عمررررر😍😍😍 ..
بقيت انطط واتراقص براااي وادور بالتلفون 😂 عمررر عمرر عمررر عمررر ...
لحدي ما عمر قفل انا ما كنت فاضيه من الرقيص😒..
مشيت تاني يوم الجامعه في المحاضره التانيه قالو ناس الجامعه حيودونا لي شركه القيصر عشان نشوف نظام الشركه كيف ونربط كيف الاجهزة في المعامل ...
انا من سمعت اسم القيصر وشي بقى بضحك براهو وخلااااص يا الفرحه جاااات 💃
ركبنا الباص ووصلنا الشركه .. كانت كبيره شديييييد وحلوة والموظفين راقيييين وكلهم كساريين بالله
اميرة جات : سندس بالله عمر ده شكلو حابس المزز في الشغل هنا 😍 ماقاعدين نشوف زي ديل مالنا نحنا..
وبصوت واحد انا وهي ::: اااااااخ ياقلبي😍😍
وفاجأنا عمر بي ورا : سلامة قلبك سندس😄
اتلفتنا انا واميره مخلوعين شديد😳 .. قال لي نورتونا 😉
اميره سلمت عليهو واتخارجت وانا بقيت احمر ليها عشان ماتمشي بس مشت سريع 😏
عمر قرب مني شويه .. قال لي : امبارح ليه مارديتي
انا:اتخلعت انو عرفني كييف .. واتلخبطت طوالي .. ما انا الضربت ليك
عاااين لي جوه عيوني وهو مبتسم
وانا خلاص الوقت داك قلبي وقف ولما زول يعاين لي بتوتر ..
بقيت اقول ليهو : ما انا الضربت. انا ماضربت .. وهو لسه بعاين في عيوني .. وانا شغاله : اضربت انا .. ماضربت انت .. اضربت الحيطه
وعمر :😂😂😂😂😂😂😂😂😂 يابت مااالك
انا : ماعارفه زاتي كنت بسوي في شنو ... قلت ليهو ماتعاين لي كده لو سمحت تاني ..
وجيت امشي .. مسك يد الشنطه وقال لي تعالي معاي
انا :😳😳😳 اجي معاك وييين
عمر: عايز اوريك حاجه وبدوووون اسأله
ومشيت معاهو وانا متطمنه رغم اني ما بعرفو
طلعنا لي مكتبو فوق ومنو الواحد ممكن يشوف الشركة كلهاااا ...
وبقيت اعاين للشركه من فوق .. قلت ليهو حلوة ماشاء الله .. بس القيصر ده اسم منو
قال لي : اسم ابوي .. وقبل مايتم قاطعتو
قلت ليهو : محظوووظ ابوك يااخ 😍😍 شركتو رهيييبه .. انا لو عندي زيها .. كنت مشيت فرنسا ولندن وروسيا بقروشها ... واشتريت عربيه وفتحت دار للأيتام ولميتهم .. ونسيت نفسي وبقيت اتكلم كانها شركتي واقول في احلامي ...
قبلت لقيتو مبتسم بعاين لي وانا بتكلم قال لي: معناها حأتسوقيني انا اول واحد معاك ...
قلت ليهو : مافهمتك !؟
قام من كرسيهو وجا وقف جنبي في الشباك .. قال لي:
ابوي للأسف ما عايش عشان يسافر روسيا وفرنسا ولندن .. وامي برضو ...انا يتيم ياسندس .. اهلي اتوفو بعد التخريج بتاعي قبل ٥ سنين في حادث .. ومسكنا الشركة دي انا واخوي محمد وانحنا اتنين بس .. ومحمد مات قبل سنتين بسرطان في الدم ...
يعني ممكن تقولي عايش براي مافي الشركه بس .. في الدنيا كلها ... وابتسم لي
انا هنا حسيت اني غبيه شديد لاني اتكلمت بدون ما افكر .. وبدون ما اشعر دموعي جرت وزعلت شديد عليهو💔
وبالجد مابتقدر تعرف حزن الناس الجواها الا اذا قربت منها وشوفت الجزء الخفي من حياتها💔
قال لي: مالك بتبكي يابت ... انا عايش لسه مامت
انا ضحكت شويه فيهو وقلت ليهو:
انا اسفه والله ماكنت عارفه
قال لي :ماتتأسفي .. انا زاتي ماعارف الخلاني جبتك وحكيت ليك شنو
انا : ابتسمت بس وسكت
عمر:بصراحة والله ياسندس انا ارتحت ليك .. وماعارف السبب شنو
وعارف انك بتخافي مني وبرضو ما عارف السبب شنو ..
هنا اميرة دقت لي .قالت لي وينك انتي نحنا ماشين
قلت ليهو لازم امشي انا وسريييع عشان الباص مايفوتني
شال ورقه من مكتبو وكتب عليها : غريبة الاطوار البريئة شديييد ابتسامتك الحلوة لما تبكي بتضيع منك .. البت المجنونه ربنا يحفظك
ولفاها ومعاها حلاوه كانت في المكتب قال لي بعد تفتحيها تحت
اذا عاينتي لي فوق حاعتبر اننا بقينا اصحاب واذا ما عاينتي انا الخسرااان
سلمت عليهو في يدو وطلعت ... وانا نازله من السلم الشمار حرقني
وزوووت فتحت الورقه وقريتها .. قربت ادردق من السلم ..
لاقتني اميره ...كنتي وين انتي يابت
مديت ليها الورقه وعيوني كلها قلوب 😍.. بس اميره الكلبه شالت الحلاوة اول ودخلتها خشمها الكبير سريع سريع ...
لما وصانا الباب عاينت للمكتب فوق لقيتو واقف من الشباك بعاين لي :
ابتسمت ليهو وهو ابتسم لي ومن يومها

كانت بدايه الصداقه
.........
اسراء بتشتغل مع عمر وشافتنا بنوزع في البسمات .. بقت بتعاين لي من فوق لي تحت ونظرات كانها دايره توصل لي انتي ما مستواهو ...
نحنا طلعنا الباص ... واسراء دخلت مكتبها لي صحبتها هيام ..
رمت الورق بي زهج ..
هيام : اسراء مالك في شنو ؟
اسراء: هيام البت سندس دي ما مطمناني حاسه انو عمر بدا يرتاح ليها ..
اتخيلي المره الفاتت طلع من الشغل وقال لي احضري الاجتماعات عشان حضرتو مشى الجامعه وكان قاعد بعاين ليها طول اليوم ومراقب تصرفاتها ...
وجا حكى لي كمان .. انها بريئه وعفويه وبتضحكو بي حركاتها ..
قلت ليهو هي شافتك : قال لي : لا كنت بعاين ليها من بعيد كانت بتتونس مع صحباتها وبتحاكي في الممثلين
هيام البت دي انا مامرتاحه ليها نهاااااااائي خايفه عمر يحبها .. ماحصل عمل حركات زي دي قبل كده وماحصل قال لي وحده اديني رقمك وكل البنات جارين وراهو
هيام :ضحكت وقالت ليها وانتي اول واحده جاريه وراهو
اسراء ضربتها بالشنطه وقالت ليها : دا ماوقت سخافتك
هيام:يابت انتي جاده تخافي من بت اصغر منك 😂
وبعدين شكلها عبيطه بس .. عمر زاتو هاااااديء ومنطوي ومابحب الكلام الكتير ....
اسراء: اقول ليك عمر ضيع يوم كاااامل عشان يشوف العباطه البتقولي عنها دي .. عبيطين نحنا والله ... انا ماحاخليها تشيلو مني باي طريقه والله
هيام:بس يا اسراء عمر ما بحبك ومافكر فيك يوم ولا في بت زاتو وشكلو ماداير يعرس ... لانو اعمامو وخالتو كلهم حاولو يدوهو بناتهم بس هو ما كان بوافق
اسراء: لازم اشوف حل
هيام :طيب مس دايره تطفيشيها منو
اسمعيني كووووويس.....

اعملي لي متابعه لي حسابي انا عشان تصلك بأقي القصة وكل منشوراتي
#كل_الحب 😘
ونتقابل

الله أكبر

#الوتين_الحلال_4
هيام : اسمعيني يا اسراء انتي تحاولي تلعبي على الاتنين .. منها عمر يزهج من سندس وسندس حتمل من تصرفاتو .. اءا حاولتي توقعيهم الاتنين في بعض .. فهمتي كيف؟
اسراء: وقع لي اي .. خلي الباقي علي
....
مر اسبوع وانا وعمر بدينا نتكلم بالتلفونات ونتونس ونهظر مع بعض .. وبقينا نقرب شويه شويه لي بعض .. واتفقنا انو نكون صريحين مع بعض شديد واي حاجه نحكيها ..
كنت بحكي ليهو تفاصيل يومي كلووو .. وبدون تعب وهو كان بيخلي شغلو ويقعد يسمعني بدون مايمل .. وما حصل قفل فيني وقال مشغول ..
بس ما كنا بنتقابل كتير لانو الجامعه كانت ضاغطاتني وهو الشركه معذباهو ..
يوم كنت زهجانه شديد .. ونفسي اطلع وبحنس في ناس اميره وابو يطلعو معاي عشان الدنيا حر شديد كانت ..
قعدت تحت شجرتي الفي الجامعه وبقيت بتكلم مع عمر بالمسجات .. سألني .. مالك قلت ليهو : زهجانه بس ..
قال لي : يازولة ماعندك موضوع .. اها الشغالين زينا يقولو شنو..
قمت قلت ليهو : خليني في حالي .. غلطانه انا الشكيت ليك
وبقى برسل وبرسل وانا مابرد ...
قعدت زي نص ساعه كده براااي والشمس والحر زايد ..
وفجأة😳..
جا عمر وخلعني بي وراي ... البت المجنونه 😆 ..الزول البزعل ..لازم يقعد في الحر ..
انا':😳😳 جيت بتين انت 😳 .. بعدين انا كده لو زعلت بقعد براي هنا .. وعرفتني كيف انت
عمر : اول حاجه بقولو للزول اتفضل بعدين بسألوا
وبعدين انتي زعلانه بتاكلي في شيبس كيف ! .. وقعد جنبي في الارض واتربع زيي وشال الشيبس وبقى ياكل ..
انا اتخلعت من تصرفاتوو ومن تواضعو ومن تعاملو معاي وفي سري قلت
)عااااد انت نعمه من االسما .. تتتعلى ما تتدلى .. الله يكتر الزيك يااخ😍😍(
قلت ليهو: عمر ليه قعدت في الارض بتتوسخ كده ..
ضحك وعاين لي: انتي قاعده فيها .. كيف انا ما اقعد فيها
انا خجلت شدييييد وقلبي داير يطير من مكانو بكلامو الحلو ده ..
وابتسمت وسكت ..
طلع سمااعه واداني وحده وهو خته وحده وطلع تلفونو .. وشغل اغنيه كاظم .. ارضي خدودها 😍😍
الوضع كان مكيفني شديييد ونسبت الحر زاتو .. وقفت الغنيه
وسألتو : انت بتراضي فيني يعني ولا كيف؟!
قال لي: انتي سمووكي سندس تسأل 😏 بتسألي كتير مالك
قلت ليهو : يازول رد .. قال لي : ابيت
قال لي خلاص .. لو كملتي الشيبس قبليني بوريك جيت لييه ..
ولو كملتو انا .. تسكتي ونكمل الغنيه .. موافقه؟!
قلت ليهو: اي .. وطبعا ما اتوقعتو ياكل سريع ويفوتني .. لما اتخلعت فيهو😳
قال لي :خلاص يلا حتسكتي وحنسمع سوا
وكملنا الغنيه وكانت حلوة شديد.. بعد خلصت قلت لبهو:انت بتحب تسمع لي كاظم
قال لي : اي .. بس الحاجه البتعجبني يعني ماعندي زول معييين كده .. وعم السكوت وبقينا الاتنين بنرسم في الارض ..
عمر كتب : مستهبله خطها شييين شديييد❤
انا اتغظت: دي انا مش .. قلت خطي شين مش ..
عمر قعد يضحك فيني .. قال لي هسي انا ماسالتك .. وماقلت سندس .. مضايقه مالك ..
قلت ليهو ... يازول عرفتك بس وزعلت منك .. وماعافيه ليك زاتو
عمر اتكل على الشجره .. وبقى بعاين لي وانا صاره شديد 😡
قال لي : سندس .. ابيت ارد عليهو..
رسل لي في الوتساب .. فتحت الرساله وانا ماقايلاها منو..
" لما تضحكي الحزن من دارنا يبعد 😄،،
اتلفت عليهو😳 عمررر... قاطعني
قال لي: انا اتاخرت ولازم امشي .. مرت ساعتين وانا ماحاسي بالوقت معاك ..
يلا ياسكره 😉 وسلم علي وطلع
وانا بي وراهو 😍😍 اتكلت في الشجره وبقيت بعاين ليهو ماشي .. في حاجه بتتحرك في قلبي بس ماقادرة اعرف اسمها شنو ..
في حاجه شاداني ليهو شدييييد .. وكل حاجه بعملها بقيت تعجبني شديد .. يمكن صاحبي شديد.. يمكن حبيتو ؟؟
لالا ياسندس .. اوعك .. احتمال هو مابحبك تكوني اتورطتي ساي معاهو..
وقطعو تفكيري الحلو ده .. اميره وزينب ..
هوباااا 😍😍 سنسووونه 😍😍 ارح قلنا نطلع عشان الحر هدا شويه ..
انا : سرحاااااانه بعييد
اميره جات في وضي وبقت تحرك في يدها👋 وانتبهت ليها بعد فتره
بقت بتضحك هي وزينب .. عقلك ويييين يابت ..
قلت ليهم : مشى معاهو واشرت على طريق عمر
هم عاينو كده لقو مافي زول 😳
اميره: الليلع مش قلت ليك سندس جنت .. الشجره دي مسكونه وانتو ماصدقتوني
زينب : اي والله مسكونه شديييد شكلها .. سندس يابت انتي نصيحه؟
انا 😒😒😒 اقسم بالله اقوم ادقكم اوريكم جني ده هسي يا كلاب . زحووو مني وقكت ومشيت
هم بقو يعاينو لي😳😳 البت دي مالها😳😳 كانت بتتبسم براااها 😳😳
..
رجعت البيت فرحاااانه ومبسوووطه ..
ويافرحه ماتمت 😩
ضربت لي اسراء صحبه عمر ..
اسراء: الووو سندس معاي
انا:ايوا منو انتي
اسراء: انا اسراء خطيبة عمر
انا:😳😳😳
اسراء: ههههههههههه شكلو عمر ماقال ليك عن خطوبتو
انا مصدومه وماقادره ارد
اسراء : نحنا مخطوبين لينا سنتين😆
وعمر وانا من صغار بنعرف بعض ..
قبل شويه وصلني ع البيت واداني رقمك وقال لي اتصلي اتعرفي عليها ...
البت المجنونه دي لذيذه كده وضحكت اسراء
انا: اتصدمت وزعلت والعبره وقفت في حلقي بس ماقدرت ارد .

. وجرحتني كلمة مجنوه دي رغم انها كانت بتعجبني من عمر .. بس هسي حسيت بيها اهااانه كبيره
قلت ليها: معليش بس نتكلم وقت تاني
قفلت وبكيت طواااالي لانو الدموع كانت واقفه لي وقعدت اتكلم مع روحي ..
انا مش قلت ليك ماتنجرفي ورا مشارعك وانتي الجبتي لي روحك ..
وبقيت مابتكلم مع عمر ولا سألتو .. ومر اسبوع
وهو يتصل ويرسل وانا كل ما اشوف اسمو ببكي وبزعل اكتر
...
لحدي مايوم وكان ومن احلى الايام 😍
عرس صحبتي حبيييبتي😍 وئام .. حنست ناس البيت لانهم صعبين شدييييد عشان يخلوني امشي ...
وسمحو لي امشي بعد تحانيس وتعب ...
لبست فستان موف وفيهو ورود بالابيض صغااار زي زيك كده .. وشكل ساندريلا ...
والطرحه كانت ستان بالابيض ولافاها حجاب ظااابط وطلعت مزة اليوم داك .. لانو حبيت اتناسى الزعل
..
جو العرسان داخلين ووقفو للاسلو وانا بحبو طبعا ورقصو على اغنية all of me وجيت وقفت اتاوق للعرسان واشوف الرقصه
لقيت عمر واقف في نفس اتجاهي ..
لابس بنطلون اسود وقميص اسود وجزمة كلاسيك بيجي حلووووة كده وساعه ارمأني البحبها 😍
عاينا لي بعض في نفس اللحظه والاتنين كنا مندهشين .. وانا وقفت يديني تلجو ... حسيت بشوق وبي غضب وبي زعل جواااي وما قدرت اتحرك لحظه ..
عمر مشى خطوات وانا لسه واقفه ماقادره اتحرك
قطع الناس الواقفين للمشاهده ديل وانا كمان برضو متلجه واقفه وعلامات التوتر ظهرت من اصابعي
لحدي ما وصلني وقرب لي ونزل لي في اضاني
وقال لي ...

يلاتعبت من الكتابه 😂😂😂
اعملي متابعه لي حسابي عشان تصلك باقي القصه وكل منشوراتي
#كل_الحب 😘😘

#الوتين_الحلال_5
عمر قرب مني وقال لي : سبحاااان الخلقك 😍 ربنا يحفظ ليك جمالك ويحرسك 😍 .. انا خجلت وابتسمت وانا مدنقره بس ابيت ارفع راسي واعاين ليهو لاني زعلااانه شديد ... قال لي مالك ما بتردي علي الايام الفاتت .. سندس في شنو ؟!
في زول قال ليك حاجه عني ؟ ولا انا زعلتك بدون قصد ؟!
انا مارديت عليهو ومشيت طوالي .. هو وقف يعاين لي من بعيد مستغرب .. قربت الحفله تخلص .. رسل لي : اطلعي بره داير اتكلم معاك ...
برضو مارديت.. تاني رسل: اذا مافهمت الحاصل شنو ماحاخليك واذا ما طلعتي حاخطفك قدااام الناس ..
انا ضحكت وقايلاهو بهظر ... وبرضو طنشتو وكنت بصفق .. اختفى من قدامي ..
وفجأة حسيت زول مسكني من يدي وسحبني لي بره ..
عمر😳 ده شنو البتعمل فيهو ده .. فك يدي ..
وعمر ما كان شغال بي .. سايقني من يدي لحدي ما وصلنا لي مكان موقف عربيتو .. في شارع النيل بالليل .. العرس كان في مارينا ..
فك يدي .. وطوالي كوركت فيهو..انت قايل نفسك منو عشان تتصرف كده .. وانت واحد حيوان بس وما بتحترم الناس واحسن تحترم روحك وتخليني في حاالي😡
وعمر ساكت وبعاين لي وانا بهيج واكورك ومنفعله ..
قال لي : خلصتي ..
انا : 😳😳بكل برود بتقول لي خلصتي
قال لي: من الاخر انا ما حاسيبك الا تقولي لي مالك ..
قلت ليهو : ياخي انت مش خاطب ابعد من سكتي عشان ما اعمل مشاكل مع خطيبتك ..
قال لي: خاااااااطب😳😳.. ده منو القال ليك الكلام الفااارغ ده ..
قلت ليهو : خطيبتك اسراء قالت لي
عمر قعد يضحك .. قال لي بتكون بتهظر معاك .. جنها هظار
انا اتخلعت وقلت ليهو : انت ماخاطب يعني !؟
قال لي: اكيييد لا
طيييب عشان تتأكدي .. طلع تلفونو وضرب لي اسراء وفتح الخط..
سلم عليها وطوالي سألها .. اسراء انتي قلتي لي سندس انك خطيبتي؟!
اسراء طوالي حاولت تتملص من الموضوع وقالت ليهو .. كنت بهظر معاها ماقايلاها بتزعل .. كيف اقول كده ونحنا اخوان ..
انا كنت سامعه الكلام وقدرت افهم طوالي اسراء ياتو نوع من البنات .. وعرفت انها خسيييسه ..
عمر بعد قفل الخط .. قال لي: انتي مجنونه والله البت دي اختي ياخ وبت جيرانها واصحاب واشتغلنا مع بعض وعشره بس ما اكتر
طبعا انا مشيت عمر وابتسمت ليهو وقلت ليهو ايوااا ..
في قلبي اتبسطت من حركتو واتطمنت من خوفي .. 😍😍😍
قلت ليهو زح من وشي خليني ارجع للحفله عشان مايقولو مشيت وين ..
قال لي ابيت وومسك يدي وماحاخليك تمشي الا تقولي لي ..
زعلتي لليييه لما عرفتي انها خطيبتي .. مافي حاجه اعتقد بتزعل ..
انا(اها ياسندس البمرقك شنو الليله .. معاهو حق .. بس ما بقدر اقول ليهو اني غرت عليهو)
قال لي: منتظر ردك انا
وانا ساكته وقلت اصلي ماببدا واصارحو بالجواي ..
خليهو هو اليبدا ..
قلت ليهو : حارد بعد توريني انت بررت لي ليييه
وفك يدي دي😏
فكيت يدي وقعد يعاين لي جوا عيوني ..
وانا خلاص التوتر اشتغل تااااني 😪.. الليله والليله ياسندس .. قلت ليهو ( بس عشان انت خاطب.. انت خاطب عشان .. وانت تخطب عشان .. وبقيت اتمتم وهو لسه بعاين جووه عيوني )
قال لي : انا برييييدك❤
انا شهقت شهقه كبييييييره كده😳 .. وسكته .. قال لي: مابريدك بس .. برييييدك شدييييد .. ولسه بعاين جوا عيوني ..
انا من التوتر .. جريت ركبت العربيه وما قدام ورا العربيه ..وقلت ليهو وصلني الحفله سريع ..
عمر ضحك وجا ركب وساقني .. وسريع وصلنا وعاين لي بالمرايه قبل ما انزل ..
سندس انتي سمممحة شديييد الليله 😍 .. وانا الخجل قتلني خلاااص😆.. وماقادره افتح خشمي .. نزلت وماقادره اتحرك ومتلجه كلي .. ناداني تاني😍😍 شندس😍
اتلفت قلت ليهو شندس😂 قال لي اااي انا حاسميك شندس تاني ..
وماتسأليني لييه .. وانا حارجع طوالي للبيت ولما تصلي وريني ..
قلت ليهو طيب ..
دخلت الحفله ومن الفرحه جريت حضنت العروس وبقيت بقول ليها مبروووووك مبرووووووك ياااخ💃💃
وئام العروس استغربت مني 😳 لاني باركت ليها مليووون مره في. العرس ..
مشيت البيت وغيرت ورقدت .. وبقيت بفكر في كلامو ومبسووووطه شديد .. ونمت والفستان والطرحه بتاعت العرس جنبي في السرير😍😍 من الفرحه..
الصباح رسل لي : " البت الانيقه .. صباح الورد "
رديت عليهو : وقلت ما اتخافف . صباح النور بس ..
مشيت الجامعه .. ورسالتو وكلامو وحركاتو هي الشاغلاني اليوووم كلو بفكر فيهو وحسيت اني اشتقت ليهو شدييد رغم انو المسافه بسيطه وامبارح شفتو 😆😥😊...
ضرب لي فجأة: سندس .. عايني وراك ..
وانا كنت بصور في ورق .. اتلفت لقيتو ومعاهو كيس 😳
مشيت ليهو .. سلمت عليهو وقلت ليهو ده شنو ..
قال لي: ممكن اخطفك تاااني❤ ..
بسرعه رديت ليهو ااااي😍
هيي لااا اقصد لااا ..
هو بقى يضحك .. قال لي كلام الأول ما بتحول يازوله ..
قلت ليهو عندي كتابه لكن كتيره .،.
قال لي بخطك الشين ده بتنتهي بكره😂
ضربتو بالشيت في يدو.. وقلت ليهو ': انت ثقيل ياخ 😏
قال لي : عااارفك مابتطلعي معاي ولا بتركبي عربيه عشان نفطر بره ..
عشااان كده جبت فطور وارح شجرتنا😍
انا:شجرتنا😍

😍😍
قال لي : ايوووه الشجره البتحبيها ..
قلت ليهو طيب😆 ومشينا على كده .. وقعدنا في الارض وقعد معاي زي الاطفال .. ولا اتكبر ولا قال حيتوسخ ولا شاف نفسو ولا قال هو مدير شركه كبيره يفطر في الارض ..
طلع الفطور والعصير لي وبيبسي ليهو .. قلت ليهو انا مابحب العصاير..
قال لي ماعلى كيفك تشربي عشان انتي بتقري وبتتعبي ..
)ضحكت جواي وقلت اقسم بالله ماعارفني مقضياها ونسه بس مع ناس اميره )
بقينا بناكل سوا في سندوتشاتنا ونشرب .... واتونسنا شويه ..
وقال لي: طلعي لي الشيت .. قلت ليهو لي؟
قال لي بس طلعي .. طلعتو وشال القلم وبقى بكتب لي في البحث😍😍😍 ..
انا بقيت بعاين ليهو وهو بكتب ومبسوطه شديد .. وقلت جواي (عمر ده نعمتي)❤❤
وخطو حلووو .. شديييد .. والبحث كان كتير...
قلت ليهو حتتأخر كده ياعمر .. قال لي لغيت الاجتماعات الليله عشان عارف اني لو جيت اشوفك .. حتسرقيني من الوقت ومن الناس💙
وبعدين انا بكتب ليك وبالمقابل انتي تونسيني ..
انا قلبي من الفرحه داير يطييييير من محلو ويقعد في يدو ..
وبقى مستمر يكتب .. وانا بعاين ليهو وبحكي وارص .. وماهليت قصه وماحكيتها...
وهناك في الشركه ...
اسراء : هايجه وبتكورك في هيام .. انتي انا مش قلت ليك البت دي مااااهينه وانتي ماصدقتيني ..
اها شوووفيها عملت شنو😡😡
هيام: كدي استهدي بالله والمره دي لازم نفكر كووووويس
عشان نطلعها من حياتو ونخلص
اسراء: والله لو ماطلعت . انا بقتلها بقتلها وبرتاح 😡😡
هيام: اسراء .. البت دي مش زعلت لما قلتي انك خطيبتو
اسراء:اي ..اهااا
هيام: معناها هسي برضو هي بتغير منك
اسراء: وبعد داااك
هيام : حنطفشها وبأسهل الطرق لانو عرفنا نقطه ضعفعا شنو. وانها سميعه وبتصدق . اسمعيني كوووويس ...

يلا والله يدي وجعتني 😔 ماتزعلو بحاول انزل ليكم بس ماتضايقو عليكم الله ..
واعملو متابعه لي حسابي عشان تصلكم باقي الروايه وكل منشوراتي
#كل_الحب 😘

الحلقة السادسة من رواية #الوتين_الحلال

#الوتين_الحلال_6
اتفقو اسراء وهيام علي .. وبدت اعمال السنه بتاعت السمستر .. وانا لسه ما صارحت عمر بمشاعري اتجاهو.. وهو لسه في تعاملو الحلو معاي وفي اهتمامو الرهييب.. وانا بقيت بتعلق بيهو زياااده شدييييد ..
يوم اتصلت عليهو بعد الامتحان وما رد علي .. كانت اول مره ادق ليهو كتير ومايرد ..
قلقت شديييد .. واليوم كلو ماقادره افهم الحاصل شنو .. .جا تاني يوم وبرضو في نفس الحاله ..
فكرت امش ليهو الشركه .. بس تاني قلت لا .. مفروض يقول براهو حاصل شنو معاهو..
جا تالت يوم .. وهنا خلااااص القلق مسكني وركبني شدييييد... وكان اخر امتحان لي .. اتشجعت وقلت امشي .. الشركه اشوف حاصل ليهو شنو..
مشيت ودخلت وقلت دايره اقابل المدير .. قالو لي طلع .. وانا طالعه قابلتني اسراء :
سندس كيفك
انا:الحمد لله وانتي
اسراء:الحمد لله .. عمر ده خليتو نايم الصباح كان بتكلم معاي قال الليله ماجاي ..
انا: اتغظت شدييييد وقربت اخنقها قلت ليها عارفه برضو قال لي كده ..
اسراء: هههههههههه والله .. طيب جيتي هنا ليييه
انا: جيت عشان الجامعه ودايره استفسر حاجه
اسراء: 😏 يازوله بالله .. وعاينت لي من فوق وتحت ومشت
انا هنا خلاااص دايره انفجر .. من حركاتها .. ومتجهه على الباب كده
لاقاني واحد اسمو مصطفى صاحب عمر ..
قال لي :سندس!؟
انا:ايوه
مصطفى: مرحب بيك .. انا صاحب عمر قال لي الليله ما جايي انا .. بس في بنت اسمها سندس حتجي تسأل عني وصف ليها انا وين ..
انا:😳 وعرفتني كيف
مصطفى: عمر وراني ليك في الحفله .. بتاعت وئام وأحمد .. واشر عليك وقال لي البت دي وتيني الحلال ❤
انا: مستغربه ومندهشه شديييد .. قلت ليهو .. وتيني الحلال يعني شنو!؟ وهو حكى ليك عني؟!
مصطفى: هههههههه .. صحي كلام عمر سئاااله شدييد انتي ..
وتيني يعني شريان قلبي ❤ الحلال يعني انو دايرك مرتو ودايرك ليهو شريكة حياتو بالحلال .. وع فكره عمر ماحب بنت قبل كده .. ومامر بالحاله دي االا معاك .. الوتين الحلال . يعني شريان قلبي الخايف اخسرو وعايز اضمنو بالحلال.. انتي دخلتي حياتو وقلبو سريييع وبقى متمسك بيك شدييييد لدرجة بقول لي':
مصطفى سندس بقت اول اولوياتي .. بخاف عليها شديييد ومابحبها تزعل ولا تضايق .. بقت لي قرييييبه من قلبي عشان كده سميتها وتيني ... زوله لامة كل الصفات الحلوة.. طيبه وبريئة وعفويه وحبووبه وبتدخل القلب سريييع .. هي فرحتي في الدنيا العوضني ليها ربنا .. بقت لي كل اهلي ❤💙
انا بسمع في كلام مصطفى وعيوني دمعو ..
قلت ليهو طيب هو وين وليه ماسأل مني الايام الفاتت
قال لي : الجواب عندو .. امشي ليهو وحتعرفي
ومشيت ووصلت المكان عشان اقابل عمر فيهو .. لقيتو قاعد جنب البحر وبشرب في قهوة
جيت وقعدت جنبو .. قال لي حسيت بيك جايه
قلت ليهو: اتاكدت كيف !؟
قال لي: عشان عااارفك ماحتقدري تقعدي اكتر من تلاته ايام وماتخافي علي
سالتو: عملت كده لييه واختفيت فجأة ..
قال لي : عشان اعرف انا شنو بالنسبه ليك
قلت ليهو:عرفت خلاص
قال : داير اسمعها منك .. رديت عليهو بحنيييه شديد : انا بحبك ياعمر وبحبك شدييييد والله ..
اتلفت علي وعاين جووه عيوني نظرات كلها حنيه وشوووق 😍 وانا اتكركبت كالعاده .. وعشان ما افلت في الكلام .. ختيت يدي في خشمي
عمر:😂😂😂😂😂😂😂 ياخ انتي عسل والله
وضحكنا سوا .. وسكتنا شويه .. وقال لي: شندس .. كلمة بريدك مازي بحبك ..
قلت ليهو:كيييف!؟
قال لي:بريييدك .. نقيه كده وطاهره .. بحبك دي بقولها اي زووول
انا وقفت على حيلي .. وكنا قاعدين برانا وبقيت اكورك ليهو..
عمرررر انا برييييدك بريييييدك شديييييد
عمر:😂😂😂😂 يامجنونه اسكتي الناس بجونا هسي ..
طلعنا عشان يركبني امجاد توصلني للبيت لاني كنت مابركب معاهو عربيتو.. وانا في الامجاد بضحك وبتبسم براااي .. ومبسوووطه شدييييد ..
بتاع الامجاد: شكلو المهندس .. بخاف عليك شديد .. لما قال لي سوق براحه
انا:👋😒✊👊 ماشغلتك انت وصلني بس
بتاع الامجاد:😒😒 هسي دي وحده يخافو عليها بالله😏
... ..
بعد اسبوعين .. فكرت اعمل مفاجأة لي عمر ..
قمت جهزت كيكه من البيت وقلت ادق عليهو واقول ليهو .. نطلع نمشي نفس المكان القلت ليهو فيهو اني بحبو..
ضربت وضربت مافي رد ..
بعد شويه رسلت لي اسراء مسج من تلفونو ..
سندس معليش بس عمر مافاضي هسي انا وهو مشغولين شويه .. انا: 😳😥 تاااني ضربت وبرضو مافي اي رد ..
طلعت طواااالي من بيتنا .. ومشيت الشركة السكرتيره ابت تدخلني قالت لي السيد عمر عندو اجتماع ..
انا ماسمعتها ومشيت .. وبقت تكورك لي .. لو سمحتي . لو سمحتي اقيفي ..
بس فتحت الباب .. بتاع المكتب
واتصدمت😳😳 لقيت ......

تعبت حبيبااااتي😘😘😘
يلا نتقابل تاااني
#كل_الحب 😘😘😘
اعملي متابعه لي حسااابي عشان ماتفوتك الاجزاااء وطلب صداقه