📚روايات📚

تنيك عند البئر

‌‎✭✭قلت بخوف : خذني له
مسكني من رقبتي وصار يدفعني ويسحبني حتى اوصلني للبئر لكن مااشوف احد حوله وهنا سمعت صوته وهو يقولي اقترب.. ماكنت اعرف اذا كان مصدره البئر اوالجبل او الهواء لكنه واضح.. تقدمت للبئر وانا اشوفهم حولي، هنا وهناك ويناظروني بعيونهم اللي كانت تنتظر بفارغ الصبر امر لأجل ينقضوا علي

‌‎✭✭قال بصوت تردد صداه بأذاني .. وعشان تعيش بهيئة احد فيهم، وعشان تكون شخص من اتباعي ، ارمي نفسك بالبئر

‌‎✭✭سكت ثواني بعدها قال : انتظرك بداخل البئر
كنت قادر اسمع اصوات من البئر بكاء وصراخ وماء يتدفق بعنف .. مر علي شريط حياتي بسرعة وكاني استعد للموت.. مات ابوي موتة كانوا يقولون عنها موتة بشعة والأن بيموت ولده مثل موتته.. مر شهر وماشفت امي فيه ماودعت جدي اللي كان يعاني من جيت لاجل ارتاح ببيئة ماتناسبني وتحمل المسؤولية تربية يتيم..ماصليت اخر فرض لهذا اليوم.. ياربي اسالك ان تسامحني تركت نفسي اسقط في هذا البئر الضخم.. بغمضة عين اشوف نفسي بمكان كبير وارضه وسقفه اسود اللون انا انتقلت لعالم اخر؟؟انا وين؟

‌‎✭✭سمعت صوته من خلفي وهو يقول: انت بعالمي
اشوفه يتقدم لي بهيئة رجل عادي لكنه كان يبتسم بخبث من خلفي وهو يقول مسك راسي وبدا يدفعه للخلف حتى نزل راسي لظهري !!مااحس باي الم بدأ يحرك يديني ورجليني ويشكلني وكاني لعبه لكني مااحس بشيء ابتعد عنب وصار يضحك ويقول : انت روح ثانيه وشخص اخر وهنا تداخل من اخر كلمه قالها صوت غريب
صوت منبه جوالي!! كان صوت قارى يتلو ايات الله .. ايه وراء ايه كانت تبعث في نفسي الطمأنينه لكن ليه اشوفه يصرخ ويحاول يهجم علي

‌‎✭✭وهنا قام وضربني على راسي وطاح جوالي وطاحت ساعتي اللي كانت بيدي بعيد عني وطحت انا.. وغمضت عيني

‌‎✭✭فتحت عيوني وانا ببيت جدي وعلى سريري بدايه قلت هذا حلم !!لكني اكتشفت عكس ذلك لمن تجمعوا علي اهل البيت وبدوا يسالوني ايش صار ؟وطبعا سالتهم عن اللي صارلي وجوابهم كان ان الشخص اللي شافنا لمن مشينا ومعنا السلاح قالهم وراحوا يبحثون عنا وبعد ياس وهم مارين بالوادي سمعو صوت كان صوت القران على الرغم من كبر الوادي الا انهم سمعوا الصوت لمن دخلو وتتبعوا الصوت وصلوا للبئر وهنا لقونا انا وعادل على المنحدر بس عادل كان ميت ومانت رجله مبتوره وانا كنت ملقي فوقه بحثو عن جوالي
ودقوا عليه لكن مافيه شبكه والغريب ان صوت القران ماتوقف الا بعد مااخرجونا من الوادي ارسلوا جثة عادل للتشريح الجنائي واما قصتنا هذة ف اشغلت المنطقة والقرى المحيطة وخاصة إني حكيت لهم اللي صارلنا بالتفصيل لكن جدي وعماني ماصدقوني !! كان فيه ناس واللي كانوا يؤمنوا بأساطير البئر هم اللي صدقوني وضلوا يحاولوا بجدي يشوف اذا مسني شيء.. صارت فيه حراسة ب الوادي وخاصة من الناس اللي ماتؤمن بإن الجن يسكونه وقالوا يمكن أن اللي صارلنا كله من الانقلابيين على البلد.. مرت الأيام وحالتي كانت سيئة وكل ماتذكرت اللي صار زادت حالتي سوء وخاصة إني اشوف ام وابو عادل وهم يتألمون لفقد ولدهم ويصبوا غضبهم علي لإن لي يد باللي صار لعادل !!

‌‎✭✭جاء تقرير التشريح واللي كان يفسر موت عادل بأنه اصابته حالة نفسيه بسبب الخوف من المكان وقام ببتر رجله واللي كان واضح عليها الضرب والتقطيع المتعمد غير الجرح والكسر اللي كان سببه السقوط ومات من شدة الخوف والنزيف المتواصل..كنت احاول اخليهم يصدقوني لكنهم كانوا يرفضون ويجيبون مليون تفسير وإن كل اللي شفته برضو بسبب الصدمة والخوف والتهيئ بسبب المكان المخيف المظلم وهنا بديت اقتنع فعلا، كل شيء له تفسير منطقي ويبدو إني فعلا مريض نفسي !!

‌‎✭✭اقتنعت بهذا الكلام الين جاء ذاك اليوم اللي سمعت فيه أمي باللي صار ومن خوفها علي ارسلت خالي لأجل اسافر معه للمحافظة اللي هم فيها واترك بيت جدي.. جاء خالي وسمع بالقصة كاملة وبنهاية اليوم اخذني وبطريقنا شفنا الوادي، توقف خالي وقال: هذا المكان اللي مات فيه ولد عمك ؟!

‌‎✭✭كنت اناظر للوادي والخوف يقتلني، على الرغم من اقتناعي بإنه كان مجرد وهم الا ان الخوف مازال بداخلي.. بدأ خالي يتقدم ويناظر للمكان.. وهنا شفتهم !! الأجنبي و الملك برهوت وخيوله واتباعه !!
وهنا قام ورمى احد اتباعه شيء علي، بعدت بسرعة وصرت اناظر للي رماه، هذة ساعتي !!

‌‎✭✭ناديت خالي وسألته اذا كان يشوف شيء بالوادي لكنه جاوب ب لا !!اشرت له على الساعة وسألته اذا يشوفها وهنا اجاب ب نعم !!
تمسكت بخالي وصرنا نبعد بسرعة، وكانت هذة اخر مرة لي باراضي المهرة.. استقريت بمحافظة الجوف واللي هي محافظة أمي وكنت ارفض فكرة زيارة جدي وعماني.. لإن اللي صارلي طلع حقيقة !! اللي صارلي واضافوه الناس للقصص الوهمية عن هذا البئر ماهو كذب !!
تسابقنا على اكتشاف اساطير هذا البئر واللي لقيناه ضياع وفقد.. الندم وأشد الندم ينتأبني.لكن مين يصدقني؟؟ ابشع لحظات مرت علي عشتها لحالي واقعا وذكرى..

انــــتــــهـــــت

‌‎
‌‎(انتظرونا قريبا في اح

958 views14:55