📖”15-may — Xalqaro oila kuni” munosabati bilan ma’naviy-ma’rifiy tadbir tashkil etildi

“15-may — Xalqaro oila kuni” munosabati bilan Termiz shahridagi 12-sonli umumiy o‘rta ta’lim maktabida ma’naviy-ma’rifiy tadbir tashkil etildi.

Unda viloyat Maktabgacha va maktab ta’limi boshqarmasi vakillari, maktab pedagogik jamoasi, ota-onalar hamda keng jamoatchilik vakillari ishtirok etdi. Tadbir avvalida oila institutining jamiyat taraqqiyotidagi muhim o‘rni, farzand tarbiyasida ota-onaning mas’uliyati, sog‘lom ma’naviy muhitni shakllantirish hamda milliy qadriyatlarni avloddan-avlodga yetkazish borasida fikr-mulohazalar bildirildi.

Tadbir davomida o‘quvchilar tomonidan tayyorlangan badiiy-musiqiy chiqishlar, sahna ko‘rinishlari va she’riy kompozitsiyalar namoyish etildi. Ayniqsa, oiladagi mehr-oqibat, ota-onaga hurmat, farzand tarbiyasi va oilaviy qadriyatlarni tarannum etuvchi chiqishlar yig‘ilganlarda katta taassurot qoldirdi.

Bizni kuzatishda davom eting👇
https://t.me/RMMMTSH

#yangiruhiyat
#Abdurasul_Jumaqul_tavalludining_60_yilligi

Joriy yilning 15-may kuni Qiziriq tumani hokimligi binosida taniqli shoir va publitsist, “Hurriyat” gazetasi bosh muharriri Abdurasul Jumaqul tavalludining 60 yilligi munosabati bilan ijodiy-ma’naviy anjuman bo‘lib o‘tdi.

Tadbirda Qiziriq tumani hokimi Sherxon Allamurotov, Respublika Ma’naviyat va ma’rifat markazi Surxondaryo viloyat bo‘limi rahbari Nargiza Rahmatullayeva, taniqli shoir va yozuvchilar, jurnalistlar, baxshilar, olimlar, yosh ijodkorlar hamda keng jamoatchilik vakillari ishtirok etdilar.

Darhaqiqat, xalqning ruhiyati, armon-u quvonchi, yurak dardi va orzu-intilishlari eng avvalo adabiyot va matbuotda o‘z aksini topadi. Ana shu sharafli yo‘lda umrini ijod va xalq xizmatiga bag‘ishlagan ijodkorlardan biri — Abdurasul Jumaquldir.Uning she’rlari, publitsistik maqolalari va teran mushohadalari kitobxon qalbidan chuqur joy olgan.

✅Bizni kuzatishda davom eting!
https://t.me/Janub_javohiri

💬Mahallalar va qabristonlarda obodonlashtirish ishlari davom etmoqda

📍Surxondaryo viloyatida aholi uchun munosib va obod muhit yaratish, mahallalar hamda jamoat joylarini yanada ko‘rkamlashtirish borasida keng ko‘lamli ishlar amalga oshirilmoqda.

Xususan, Termiz shahri hududlaridagi qabristonlarda obodonlashtirish ishlari uyushqoqlik bilan olib borilmoqda. Hasharlar davomida hududlar chiqindilardan tozalanib, daraxt va gul ko‘chatlari parvarish qilinmoqda, yo‘laklar tartibga keltirilib, qabr atroflari ozodalikka keltirilmoqda.

Bu kabi ezgu ishlar yurtdoshlarimiz orasida hurmat va qadriyatlarga ehtirom tuyg‘usini yanada mustahkamlashga xizmat qilmoqda.

Bizni kuzatishda davom eting👇
https://t.me/RMMMTSH