"جبار رشيد"
اجيتك ردت اگلك شوف
ردنا نعوف كلشي وما گدرنا نعوف.

"سمير صبيح"
الفرحة طير بغصن
سهام الملامة وهلي
واعداي والمستحه،معقولة ما تنكتل؟

"أحمد عاشور"
شحصلت منكم؟
مختنگ، و من يمته ما ضاحك صدگ.

"حسين المطوري"
محد شافني يدليني وين انه؟
العمر ضل بي عمر، لو كافي لهنانه.

"حسين رشيد"
الليلة مو مثل الليالي
هواي خايف ضمني بيك ..

"سمير صبيح"
گتلك عيونك حچلي
گالوا ايامك گصار،
گتلي ميصير التگوله
وكل شي صار ..

"السيد رفعت الصافي"
أميزك،
لو تصير
براس
نورس شيب.

"زيد السومري"
انا انغشيت بيك عيونك كبار
بس عيوبك اكبر ما شفتها.

"حمزة الحسناوي"
ثاري العُمر مو زين لو طال
والموت مو للمات للضال.

"كاظم اسماعيل الكاطع"
رحت بكل مكان وسيفك گبالي
اروح لوين؟
الا اشلع جذر گلبي بشراينه
واجمع نار واحرگ كل شي
من بالي!.

"علي مهدي"
بعدك ولا جاي اعرف اهوى
انه وفي مو أنت تسوى.

"ايهاب المالكي"
يالبيك لهاني العمر ماركزت بي من مر.

"نهاد الخيكاني"
مو مشتاگلك عطشان!
سير يا هوى الله صويحبك غرگان.

"حسين العجيلي"
بَالي يمك، داري رُوحك
دَفي إيدك، الدَنيا بُردت
يا تَرف
خايف عَليك .

"عريان يگول"
الطعنة التوجعك..
مو من بشر مكروه
من ذاك العزيز الروحك تريده.

_

مُذ كُنت طفلاً
شربت الحزن مُلئ فمي
حتى أفقت، وموج الضيم يرتطمُ.
صفاء السراي.

"مقتدى الحديدي"
سألوني ياهو الأعزّ
روحك بوكت الحرب
لو ماي وكت العطش؟
گلت الهم عيونك.

"حيدر هواد"
بعد ما عاتبك تندل عناويني
من أمس واصلني كونك موش ناسيني.

"محمد الركابي"
الحچي البينه إذا ينگال
ما يبقى ولا بستان لونه اخضر.