"سلوان عدنان"
ليش بس عينج أحبها
ليش ما اضحك للعيون التودني!

"فيصل عاشور"
والله حيره
تربي وادم تكبر بعينك ضفيره
وتالي تندم ..

"حسام باسم"
خوفي تعتگ
والجريده المال امس ما تنقري .

"طارق بريسم"
منو يحبني اعلى گد حزني
منو البيكم صدگ ويريد يندلني؟

"موسى الحمامي"
معنى الروح يبدي من الرحم ويروح
أكبر غلطة بالتاريخ
ما غرگت سفينة نوح.

"مصطفى الخزاعي"
ياهو إللي يعوضني خساراتي الدموع بيا سعر تنسام ..

"عقيل العرد"
شوكت امدد وانتچي ويصفالي بال
وبطرف ضحكاتي امشط حجايتي
خلگ ماعندي اكمل صفنتين
شوكت اموتن حتى اعيش براحتي.

"جبار رشيد"
اجيتك ردت اگلك شوف
ردنا نعوف كلشي وما گدرنا نعوف.

"سمير صبيح"
الفرحة طير بغصن
سهام الملامة وهلي
واعداي والمستحه،معقولة ما تنكتل؟

"أحمد عاشور"
شحصلت منكم؟
مختنگ، و من يمته ما ضاحك صدگ.

"حسين المطوري"
محد شافني يدليني وين انه؟
العمر ضل بي عمر، لو كافي لهنانه.

"حسين رشيد"
الليلة مو مثل الليالي
هواي خايف ضمني بيك ..

"سمير صبيح"
گتلك عيونك حچلي
گالوا ايامك گصار،
گتلي ميصير التگوله
وكل شي صار ..

"السيد رفعت الصافي"
أميزك،
لو تصير
براس
نورس شيب.

"زيد السومري"
انا انغشيت بيك عيونك كبار
بس عيوبك اكبر ما شفتها.

"حمزة الحسناوي"
ثاري العُمر مو زين لو طال
والموت مو للمات للضال.

"كاظم اسماعيل الكاطع"
رحت بكل مكان وسيفك گبالي
اروح لوين؟
الا اشلع جذر گلبي بشراينه
واجمع نار واحرگ كل شي
من بالي!.

"علي مهدي"
بعدك ولا جاي اعرف اهوى
انه وفي مو أنت تسوى.

"ايهاب المالكي"
يالبيك لهاني العمر ماركزت بي من مر.

"نهاد الخيكاني"
مو مشتاگلك عطشان!
سير يا هوى الله صويحبك غرگان.

"حسين العجيلي"
بَالي يمك، داري رُوحك
دَفي إيدك، الدَنيا بُردت
يا تَرف
خايف عَليك .