МОХЛАРОЙИМ ГУЛИМ🌹🌹

🤲🏻 КЕЛИНГ ДУО ҚИЛАЙЛИК

Аллоҳ дуосида бардавом бўлганнинг орзусини насиб этади, асло таслим бўлманг.

«Йа Ҳаййу, Йа Қаййум, Йа Зал Жалали вал-Икром.
Эй улуғларнинг улуғи! Исминг ҳурматидан Сендан сўрайман. Менга ҳалол ризқ бер, Аллоҳим. Агар ризқим осмонда бўлса тушир; ерда бўлса чиқар. Узоқда бўлса яқинлаштир, яқин бўлса енгиллаштир. Оз бўлса кўпайтир, кўп бўлса баракали қил.

Эй оламларнинг илоҳи бўлган, иззат ва икром соҳиби Аллоҳим! Қалбимга кенглик бер. Қаршимга хайрли инсонларни чиқар. Мени Ўзинг суйган бандаларинг севгиси билан ризқлантир. Менга дунё ва охират неъматларининг энг гўзалларини бер.
Юзимни дунёда ҳам, охиратда ҳам ёруғ қил. Олдимда мени кутаётган бир ёмонлик ва мусибат бўлса, уни даф эт. Келажакда эришадиган бир неъматим бўлса, уни зиёда қил. Ризқимга, умримга, кунимга ва вақтимга барака бер. Мени ва севганларимни хаёлимга ҳам келмаган гўзалликларга эриштир.

Аллоҳим! Билинган, билинмаган; кўринган, кўринмаган; ақлга келган ва келмаган ҳар турли ёмонликдан; ёмон бўлиши мумкин бўлган ҳар бир шардан; давоси бор ва давосиз касалликдан, дарддан, офатдан, балодан; назардан, хоин нигоҳдан, ёмон кўздан, совуқ сўздан; турли сиқинтидан, баддуодан ва банда ҳақини олишдан мени, оиламни ва севганларимни Ўзинг асра.

Аллоҳим! Сендан ҳар бир қарорим учун хайр, ҳар бир қоронғилик учун ёруғлик, ҳар бир қийинчилик учун енгиллик сўрайман. Жаннатингнинг гўзалликлари қадар, ҳаётимнинг қолган қисмида ҳам менга гўзалликлар кўрсат. Сабрдан сўнг мени мукофотла, қайғудан сўнг мени шод эт. Қалбларимизни таскин топтирадиган, дардларимизни енгиллатадиган, қийинчиликларимизни осон қиладиган бир розилик бер.
Аллоҳим! Сен бизга жон томиримиздан ҳам яқинроқсан. Тил билан ифода эта олмаган туйғуларимни энг яхши Сен биласан. Мени оғир бир имтиҳонга солдинг ва ундан ўтишни насиб этдинг; ҳамд бўлсин. Аммо қалбимнинг бир четида бир қўрқув бор, Аллоҳим. Бу қўрқувни қалбимдан ол, Йа Раббий. Хайр ҳам, шар ҳам Сендандир. Менга ўз кучимни англаб етишни насиб айла.

Йа Раббим! Бугунгача айблаган/айбдор деб билган ҳар бир нарсам ва инсоним учун тавба қиламан, мени кечир. Агар айблаган нарсаларимни яшашим тақдиримда бўлса, уни ўчир, Йа Раббий. Ўрнига гўзалликлар ва хайрлар ёз. Уддалай олмайдиган имтиҳонларга судрайдиган сўзлардан ва хатти-ҳаракатлардан мени асра. Сенинг паноҳингга сиғинаман. Мутлақо Сен сиғиниш мумкин бўлган жойларнинг энг хайрлисисан.

Аллоҳим! Хайрли ишларни кечиктиришдан, хайрсиз ишларга мойил бўлишдан мени асра. Юкимни енгиллат, ишларимни осон қил. Олдимдаги ғовларни енгишимда менга ёрдам бер. Руҳимга кенглик, олаётган нафасимга ҳаловат бер. Эҳтиёжим бўлган нарсани менга енгиллик ва гўзаллик билан юбор.»

✨ Омин.

Аллоҳ дуоларингизни қабул қилсин, азиз диндошларим.
Бу ергача ўқиган бўлсангиз, изоҳга «Омин» деб ёзиб, яқинларингизга юбориш орқали янада кўпроқ инсонларнинг дуо қилишига васила бўлинг.

Аллоҳга омонат бўлинг!

Бизлардан узоқлашманг
Куз ойини биз билан ўтқазинг🍃🌹

Реакция босамиз ❤️

⬇️Линкни босиб каналга обуна бўлинг!
❤️СИЗ ҚИДИРГАН КАНАЛ
┄┅┅✿🍃❀🌺❀🍃✿┅┅┄
Мохларойим Гулим Канали
https://t.me/joinchat/AAAAAFTHOz5ReZeUiwwLMA

❤107🙏60👍11🥰11👏10🖕3😁1

20.5K views22:24