МОХЛАРОЙИМ ГУЛИМ🌹🌹

ТАЬҚИБ

МУАЛЛИФ ШАМСИНУР

330-қисм

Хабарни ўқирканман, лабларимга табассум югурди. Мана, мен кутган лаҳза келди. Санжик ўзини овчи, мени эса Самина ниқоби остидаги навбатдаги гўл ўлжа деб ўйлаяпти. Лекин у бу тунда қандай даҳшатли бўрон қаршисидан чиқишини хаёлига ҳам келтирмаган эди.
Шкафни очиб, ўша тўқ каштан рангидаги узун парик сочни бошимга жойладим. Самина учун қимматбаҳо, замонавий кийимларини кийдим . Чўнтагимга Имрон берган ЖПС (ГПС) ручкасини жойладим — у менинг энг ишончли нажот қалқоним, Имрон ва устозим Собировга йўл кўрсатувчи машъалим эди.
Ресторанга кириб келганимда, атрофда енгил мусиқа ва чироқлар жилоланарди. Чеккадаги шинамгина столда Санжик ўтирган эди. У мени кўриши билан кўзлари қувончдан порлаб, ўрнидан турди.
— Самина! Гўзалим, ниҳоят келдинг! — у қўлларимни маҳкам қисди, кўзлари эса дарҳол стол устига қўйган қимматбаҳо сумкамга тушди. — Сени соғиндим.
— Мен жуда қўрқдим, Санжар ака, — дедим овозимга қўрқув ва ҳаяжон тусини бериб, гўёки севгиси учун ҳамма нарсага тайёр содда қиз ролига кириб. — Қўрғонда аммам ва амакимнинг жанжалидан кейин ҳамма нарса остин-устун бўлиб кетди. Фақат нажоткорим сизсиз.
— Хавотир олма, жоним, мана мен ёнингдаман, — у овозини пасайтириб, столга яқинроқ сурилди. — Ўша сен айтган... Тўрахоновларнинг асл ички тармоқ кодлари ва захира картасини олиб чиқдингми?
— Ҳа, олиб чиқдим, — дедим сумкачамдан Аббосхоннинг компаниясига тегишли махсус транзакция картасини ва устига чалғитувчи сохта кодлар ёзилган қоғозни чиқариб, аммо уни дарҳол Санжикнинг қўлига тутқазмадим. — Лекин бир шартим бор. Мен буларни сизга шунчаки бериб қўёлмаймай. Бу пулларни ҳеч ким кузатолмайдиган хавфсиз крипто-ҳамёнларга қай тарзда ўтказишингизни ўз кўзим билан кўришим керак. Шаҳарни тарк этишдан олдин ҳаммаси жойида эканлигига ишончим комил бўлсин. Мени ўша ишни бажарадиган жойингизга олиб борасиз.
Санжик бир сонияга тўхтаб қолди. Кўзларини сузиб, қаршисидаги қизнинг “эҳтиёткорлигини“ ўлчаб кўрди. Аммо Тўрахоновлар сулоласининг асл ва энг йирик хазинасини бир лаҳзада қўлга киритиш нафси унинг эҳтиёткорлигини кўр қилиб қўйганди. Қаршисида атиги бир содда, бой ва севиб қолган қиз турганига у тўлиқ ишонарди.
— Жуда ақлли қизсан, Самина... Бу менга ёқади, — деди у карта ва қоғозни оҳиста чўнтагига жойлаб, ўрнидан тураркан. — Майли, айтганингдек бўла қолсин. Аммо бошқа кун олиб бораман. Бугун устозим келадилар. Чет элда дам олишда эдилар. У кишини кутиб олай. Эртага олиб бораман. Майли бу кодлар ўзингда тура турсин. Асли бизга керак эмас. Мени давлатим иккимизга ҳам етади.

ДАВОМИ БОР...

shamsinurijodi

Бизлардан узоқлашманг
Куз ойини биз билан ўтқазинг🍃🌹

Реакция босамиз ❤️

⬇️Линкни босиб каналга обуна бўлинг!
❤️СИЗ ҚИДИРГАН КАНАЛ
┄┅┅✿🍃❀🌺❀🍃✿┅┅┄
Мохларойим Гулим Канали
https://t.me/joinchat/AAAAAFTHOz5ReZeUiwwLMA

❤83👍32🔥5🥰1

7.76K views09:56